明記甜品 (已結業)

今日好熱36度，吾想排聰嫂就去左明記入到去d店員都不是好態度，可能忙la咁就叫左個芒果河粉，d河粉好厚，不好食以經熱嫁la，個糖水系暖嫁，小小冷都冇，我熱到死左，個糖水系成碗都系暖既花奶，d芒果又硬又吾甜，以後吾會再去，大家可以排反隊食反聰嫂，好味好多

聰嫂排長龍，預計之內。意料之外的是，這夜特別睏，很想回家。在平衡想吃甜品，想回家之後，決定轉戰對面不用等位的明記。選擇很多，有中式有西式。芒果蛋白曾經何時，許留山是我和哥的最愛。每星期都總會去一次。沒去許留山後，很久沒吃芒果甜品了。見到一整碟的芒果甜品，忍不住要點一個。蛋白不似預期。實實的，沒有絲毫蛋白味，又不甜，其實完全無味。滑溜，但質地比布甸實得多，似是下了過多魚膠粉的奶凍，不過當然沒有奶味。幸好，芒果粒清甜，芒果汁都可以，甜得夠真。大粒爆珠有糖水爆出，細粒的珠珠則爽口，口感不錯。生磨蛋白杏仁茶杏仁茶不算稀，亦不厚稠，但味道算濃。不太甜，都幾香，味道算是不錯。蛋白煮得太熟，偏實，而且下得不多。勉強滿足了飯後吃甜品的慾望。

今個星期六，同女朋友係時代睇完戲，三點鐘於是黎到附近<<明記甜品>>食下午茶。 以前學生時代成日都會幫襯西灣河的分店，所以就被吸引過去。 雖然細細間鋪頭仔，但以白色為主，感覺清新冰涼。 餐牌圖文並茂，方便搵食。 因為我係芒果控，所以叫了<<香芒小丸子>>。 芒果入口夠甜，芒味十足，芒果味雪糕有D似雪芭口感，有咬口，涼透心，正因為係咁，冇咁易溶。丸子的份量不小，如果可以再煙韌些會更好。 女友揀左一份<<抹茶窩夫>> ，窩夫外層香脆，內層鬆軟有抹茶香味，配上抹茶雪糕、紅豆蓉及抹茶啫喱，仲有兩個雪糕筒。我最欣賞是雪糕有D似雪芭口感，而且抹茶味濃而不甘。 將雪糕筒反轉食又得。

見到有團購，所以買左D現金券試下。見到「餐牌版」抹茶窩夫覺得幾吸引，於是叫左半份（好彩只係叫左半份）。「真實版乾到燶」抹茶窩夫($48)！店員一送到來我心想：E~咩我叫左朱古力窩夫咩？啡色既？睇真D，原來係綠底，只不過焗過頭變到又黑又硬。店員真「好人」！擺明焗到過哂龍，乾到又黑又硬，都照送俾客人食。我又唔敢退，驚店員一陣加料，惟有硬食。T^T根本已經唔係窩夫，一D都唔軟，硬到脆，仲有少少苦，真係貼錢買難受。請勿在此店吃烘焙類甜品！勁中伏！擺明燶哂都照俾客！榴槤小丸子($52)，不過不失，個榴槤糖水稀左D，要將D榴槤蓉搞均勻哂先好食。個球唔似係雪糕，勁硬唔知係唔係雪芭。

位於銅鑼灣耀華街的明記，主打各樣甜品糖水。店鋪選用簡約白色設計，感覺舒適。這條街是不少甜品店的聚集之處。點了一客抹茶窩夫(Matcha Waffle)和朱古力梳乎厘(Chocolate Souffle)。Menu上的抹茶窩夫為半份的份量，因為會和朋友分享，所以點了一整份的份量。上桌時賣相十分吸引，有四大片窩夫和兩球抹茶雪糕，配上粒粒紅豆茸和綠茶啫喱。綠茶雪糕味道濃郁，而且味道不會太甜，這雪糕的食用方法為用叉子把雪糕球輕輕推到雪糕筒裡，再慢慢把雪糕筒反轉。這店的窩夫也製作得頗有心思，即點即製所以是熱騰騰脆卜卜的，咬一口，充滿綠茶的味道，邊咀嚼邊感覺到口腔內充滿綠茶的香氣，愛好綠茶的人也會愛上這甜品，如果紅豆能煮得稍為更軟便好了。

銅鑼灣要淨食糖水的地方唔多，聰嫂又長年累月咁多人😂😂所以唯有去呢間專門食芒果同榴連的甜品鋪啦🍧！就咁睇以為無咩特別，但芒果同榴連味都非常濃厚✨，最特別係撈珠入面嘅爆珠係益力多珠黎～一咬開益力多味即時滿瀉出黎，雖然隊長B就覺得同榴連味唔算太夾🤔⋯不過淨係計店員會出黎friendly 介紹特色黎講係抵讚嘅👍🏼👍🏼～好味指數😋：7/10翻啅指數🙆🏻：6.5/10人均消費💰：10-99服務態度👨🏼‍🍳：7/10乾淨指數🌝：6.5/10

短短一條耀華街。有三間甜品舖。未試過「明記甜品」。為食妹👧🏻同埋三個朋友仔試下新嘢先。哈哈。甜品的確係第二個胃。中式糖水。西式甜品樣樣齊抹茶心太軟～一🔪有大量抹茶漿湧出。掛住食唔得影。抹茶控必Like 。味道唔太甜。榴槤小丸子～未上枱已經聞到榴槤香。呆E思。榴槤撈珠～一碗糖水有齊西米。大西米。珍珠。黑珍珠。榴槤肉。啱曬多心嘅你鮮什果盤～款式都幾多。有西瓜。芒果。火龍果。藍莓。哈蜜瓜。蜜瓜。新鮮多汁

話說有一日同班同事收咗工，想去食聰嫂點知條隊多人到呢⋯⋯咁我哋為求方便走咗個對面的明記⋯之後惡夢就開始啦心太軟-個外皮係鬆好似未熟咁樣，之後朱古力流心係有流到，但完全完全唔好食完全諗唔到原來平時喺糖水舖最基本所嘅心太軟，竟然可以有咁樣嘅質素，十分之失望然之後諗住楊枝甘露芒果西米露呢啲最最最基本嘅嘢，係唔會有失敗之作（喺糖水舖入邊），點知⋯直情係係屋企都唔會做到呢一種失敗之作，十分之唔明白究竟點解佢哋可以收人錢開鋪如果大家對一個朋友好憎恨嘅話可以帶佢去食呢間糖水因為呢一個係個懲罰

與寶寶晚飯後還意猶未盡，心思思想吃甜品。在附近找了間價錢不太貴的甜品店，星期三晚也有點靜。選擇也不少，有中式和西式，最後當然是我發板喇～我們點了半份朱古力窩夫 ($48)，全份是 $68。有窩夫筒放在雪呢拿雪糕球上，而窩夫旁是香蕉片。賣相十分吸引，但味道卻失望。窩夫焗得不夠脆，切下時已覺得很稔。朱古力味也不濃郁。而窩夫筒也不夠脆，好像而放了很久似的。唯一好吃的便是雪呢拿雪糕。另外點了抹茶心太軟配雪糕 ($60)，免費轉了抹茶雪糕。心太軟的外面好像焗過火了，幸好還有流心效果，而且抹茶味也很濃郁。抹茶雪糕也香滑，與心太軟一起吃，一冷一熱很好吃。我不喜歡吃紅豆，所以連窩夫筒一起給了寶寶。甜品的款式有很多呢～

聞說「明記甜品」在西灣河經營近14年， 深受不少明星歡迎， 知道「明記甜品」最近落户在銅鑼灣的耀華街， 所以在銅鑼灣吃完晚飯後，便順道來一試。 這裡的甜品傳統至芝麻糊， 新式至烤棉花糖焦糖燉蛋都有， 我和朋友都是新式糖水派人， 所以便點了一份芒果班戟（$32）和榴槤甘露（$46）。 榴槤甘露（$46） 英文叫Durian soup with grapefruit， 小編預想中的「榴槤湯」應該是比較濃調的口感，應該充滿榴槤的味道， 但一上枱目測已經覺得好稀， 食落更感覺「榴槤湯」只是虛無， 只有普通的西米露， 一點兒榴槤味也沒有。😟 說好的grapefruit只有圖中的十餘粒西柚肉，有點兒吝嗇！👎🏻 唯一不錯的是有不少的榴槤肉， 算是補返不少分數～ 但索價$46真的有點兒不值！ 芒果班戟（$32） 平時食開的芒果班戟都是一份兩件， 但「明記甜品」是一大份切開四件， 本來覺得店家幾貼心， 可惜食物質素卻差遠了！ 芒果份量都算多，但不夠甜， 忌廉味道一般， 最大問題是班戟皮厚又硬到一個點， 好難食！😵 試過今次後， 小編絕對不會再光顧！ 因為完全係一個伏點！😩

榴連迷一定要試榴連撈珠店家沒有在慳皮，大大 pat榴連肉加上爆珠,珍珠西米等，撈埋一齊食！一啖一滿足！好豐富！芒果凍餅雜果涼粉大大碗仲有珍珠整體感覺 大碗好滿足！但店內太細，人貼人食得有點辛苦感覺真係好逼

天氣持續炎熱，與朋友們在附近餐廳吃過正餐後，發現這甜品店新裝修算企理，又有我們愛吃的口味，便進去吃點甜品消消暑。 抹茶窩夫(一份)，如果一個人食也可選半份，十分貼心。窩夫外層烘得微暖香脆，內層質感鬆軟富微香抹茶味，配搭濃郁的抹茶雪糕/ 顆粒紅豆/抹茶啫喱，冷熱交融，口感豐富，味道襯絕~烤棉花糖燉蛋，面層的棉花糖帶黏稠軟綿的口感，香甜微焦，底層的燉蛋質感猶如芝士蛋糕般挺實，嚐到濃郁的蛋香味外，還滲出陣陣的香蕉味，滿口香甜滋味，令人回味~榴槤河粉西米露，榴槤飄香，河粉由椰汁糕做成，加上西米露，口感豐富，甜而不膩~款款皆份量十足，甜美可口，個人尤其欣賞烤棉花糖燉蛋，風味獨到，首次品嚐到混合香蕉味的燉蛋，是用心製作的小店~

係銅鑼灣食甜品真係唔多選擇🙊平時係耀華街都係得  可以揀，但係條隊成日真係長到嚇窒人😂😂今次轉戰過左對面新開冇耐嘅明記試下，支持下新野嘛😎招牌芒果脆餅 ($44)個芒果脆餅幾得意，新鮮打嘅芒果醬幾Fresh下下面個脆餅食落有D似雪硬左木槺布甸，味道都幾👌👌呀哥叫左個法式焦糖燉蛋，食落去表面好香脆下，而入面燉蛋的味道比較重香蕉油的味道，唔知呢個係咪特色啦！如果鍾意食香蕉糕的朋友，個味道應該都會幾岩你食。

晚飯時間就喺銅鑼灣搵食甜品， 見到有間新開嘅甜品舖， 二話不說就入左去試。 可能因為而仲係晚飯時間，所以都冇咩人。 舖頭座位不多， menu上甜品款式都唔算多， 喺其他一般嘅甜品鋪頭都會搵到， 而我同友人就點選咗兩款， 分別係抹茶窩夫同埋朱古力 梳乎厘。先嚟嘅係抹茶窩夫，店員都有特別交代話窩夫會係即叫即整。 首先， 我相信呢款甜品係店舖嘅gimmick ， 但坦白講 ，我覺得甜品賣相一般， 唯一比較特別嘅係中間倒轉嘅抹茶雪糕筒， 下邊 有一pat綠茶醬我就覺得嚴重影響咗個賣相， 感覺上好似擺咗好耐而又溶曬咁。 其他配料都係蕨餅同埋紅豆，無咩特別。 味道方面， 兩件綠茶窩夫 味道還可以， 我都相信佢係即叫即整，所以食落都仲有微溫。 嗰隻綠茶醬 綠茶味都好濃， 所以我就 配上綠茶窩夫一齊食。 其他缺餅同埋紅豆都係正常 味道。 中間嘅綠茶雪糕反而冇咩綠茶味，有少少失望。仲有個朱古力梳乎厘，但係我仲未影相朋友已經開始食咗…… 所以影唔切。 朱古力梳乎厘 反而有驚喜， 朱古力味香濃， 唔會過甜， 有少少黑朱古力嘅感覺， 相比起兩款甜品， 我會比較推介食朱古力梳乎厘。作為一間新興甜品店， 一個si

今日氣溫達到32.5度，發出本年度第一個酷熱警告，我們都受不了，要來點冰涼的。平日吃慣聰嫂的我們看見附近新開業的明記甜品 好像也不錯，反正聰嫂吃得多，就轉換口味試試吧。對榴槤非常瘋狂的朋友們各自點了不同的榴槤甜品，其中一位朋友選了榴槤小丸子，她說榴槤雪糕超級無敵香濃的美味，回到家裡還是牽腸掛肚。煙韌的小丸子遇上香甜的榴槤，讓人沒辦法慢慢享用，大口大口吞食它的濃郁滋味，朋友說不吃這真對不起愛吃榴槤的自己。榴槤河粉西米露裡那超大塊的榴槤，鬆鬆綿綿的，味道同樣濃烈，西米露吃起來不會太甜，吃完相當清爽，也很不錯。以椰汁所做的河粉非常滑溜，放進嘴裡立刻滑過喉嚨裡。我則愛香芒小丸子，芒果雪糕很純很綿，感覺不容易溶化。芒果份量超多，而且新鮮甜香很不錯，淋上芒果汁後相對甜度也會增加，小丸子混合一起吃剛好。朋友說我的小丸子與芒果比較有看頭，滿足視覺上的觀感。