明記咖啡糖水小食 (已結業)

抵食之選, 二幾蚊大大碗食到飽, 環境較舊, 感覺上其實唔算好衛生, 但好好味, 唯獨如果渣車去既話, 泊車比較麻煩, 如果人多可以坐係上層, 好在唔會趕你走, 慢慢坐當日叫左二個甜品, 一個係榴槤冰, 一個係鮮果西米露榴槤冰:唔似家下個d冰品店個種冰, 我自己比較中意現時流行個種冰品店既冰, 旁邊好多唔同既點子之類既野, 但其實味就同個榴槤唔係太夾既, 但都ok可以一試啦鮮果西米露:有時去食佢會加d冰係個糖水度, 其實我個人口味唔太中意既, 但好在今次無, d鮮果今次都好新鮮, 係之前3x度既氣溫下轉入黎食左半碗後, 已經覺得個人冰曬, 無咁熱順帶一提, 中意食榴槤既朋友, 可以去試下佢d榴槤甜品, 因為帶過d中意食榴槤既朋友去, 佢地點榴槤甜品, 個個都係讚架, 因為本身我唔太算中意食, 所以自己就無試過, 呢個只係我d 榴槤fans朋友比我既意見

總店始終是總店，這裏的姨姨招待始於是特別友善和有人情味。 點了： 榴槤甘露 ($27)：榴槤非常之香，友人吃得津津有味，甘露有很多金柚和椰奶香，很美味！店員姨姨仲幫我哋拎多隻碗和匙，非常之好！以後有時間會再訪明記！

專誠到西灣河一嘗明記雪花冰，大約下午 4 - 5 時到，店舖只有幾枱客，不算太多人！ 益力多雪花冰：聽聞這裏的益力多味口碑不錯，這裏賣 35 蚊一客，點了一個兩個人 share；店員送到枱上... 益力多雪花冰有點奇怪， 好像沒有 Openrice 食評圖片那麼多配料，這個小丸子也算很多，但就沒有士多啤梨... 好像有點出入... 幸好雪花冰味道很濃，很香的益力多味，雪花冰也不會很快溶，而且份量很多很大，很不錯！同場看到另一枱客 order 了榴槤食品，榴槤香味飄到埋嚟，超掂！ 店員 / 店主伯伯很有禮貌很好人！值得一讚！

Dinner前仲有時間便專程來食一食.1. 芝麻糊$15 ~ 老板強調逢糊都係自家磨的,入口OK,但始終唔夠芝麻香,而且甜了點.2. 桑寄生蓮子蛋茶$16 ~ 一上枱已見顏色有點怪,比平時食慣的淺色很多,味都亦很淡,蓮子又只得3小粒,唯雞蛋浸的時間很足夠,上足色.

親人還住太古時,來這吃過一次今晚吃完京城後,老弟說要吃糖水,毫坐叮叮來了還未病好,點了碗熱喳咋($14)老弟和好友點了雜果西米(@$23)味道?不算是一試難忘,但就有那份似層相識的味道堆頭也很大,大大的一碗,真的很滿足見到不少榴槤的product(見到他們整榴槤甘露)可惜個人不喜歡,不過那味道確實十分濃列,應該是落了不少榴槤吧

話說前幾日都34度高溫~行經西灣河時同朋友異口同聲話不如去食糖水消暑~之前都去過明記~一向既印象都係大件夾抵食 呵呵今次見到有新產品~當然試下啦~我試o左個芒果味既棉花冰~嘩~真係好似雪糕咁滑~哈哈哈~而且唔係好甜又香~不過呢~點解明明見到係雜果既圖~出黎就係一d"啫哩"豆???不過唔緊要啦~我都可以收受~因為實在好味~就係大碗o左d~食到最後個口會冰到無知覺 呵呵 正呀

今日放左學,男友話佢呀哥介紹呢間野..之後就帶左我黎呢度喇一入到去..唔係太多人 我就係睇下有咩食啦普通一間糖水鋪~~一碗都要成廿幾蚊?真係要試試咩料先得芒果西米露個賣相麻麻,西米就少d..但係d椰汁都幾好味都幾香..想食多碗添=]芒果糯米糍佢好大粒芒果係入面包住芒果入面都有椰絲雖然我唔係太鐘意食椰絲但都係第1次見入面都會包埋芒果班戟佢塊皮好薄入面仲有3層既芒果..如果d芒果再新鮮d就好lu佢都幾大舊既..不過都要$22貴左少少..綿綿冰我地叫左個士多啤梨綿綿冰好快就溶,同埋我覺得佢好甜再加d生果,有西瓜、士多啤梨仲有小丸子添呀..可能食得許留山d小丸子多..都係覺得許留山好食d炸雞翼我男友知我鐘意食雞翼特登叫左碟俾我..呢碟野都等左好耐下黎到見到佢用發泡膠盒裝住,真係想問下佢咩事佢炸得好乾呀,同埋佢類似既燒汁好鹹食到條利..怪怪地,佢應該分開d汁等我地要點就點...因為真係好鹹整體上都ok既..我男友話佢d料其實好普通..點解可以咁出名我地加加埋埋食左$120 一次過食晒想食既野先因為都唔會特登黎..哈哈有機會會再黎試試

上回講到我同一眾朋友都未食飽. 所以去食糖水就係最好既選擇朋友說到糖百府新開業. 去到.. 仲要排隊. 之後朋友又話轉個彎就係明記.明記都冇台. 入面都坐滿人. 我地唔想等所以叫佢地開張台我地坐出面可以了.但都唔知佢哩個地方原來特別多蚊. 我d fd 都中招了.街邊食野最差既地方就係周地都有香口膠漬, 唉, 見到都食慾大減.自己哩數個月要慳荷包. 對住張menu 諗左勁耐, 最後決定要碗綠豆沙. 當清下熱都好既不到2分鐘就送到了哩碗綠豆沙非常杰同凍令我懷疑佢第一:煲過龍, 第二:雪超過一晚夜我個人就喜歡d 豆同水較分明既綠豆沙. 哩d"綠豆溶" 唔太岩我. d 豆煲到爛晒都食唔到一粒完整但係有時食到d 海帶又帶份清香湧上鼻度.同埋真係好大碗, 咁都係$12. 今次真係食到飽了.

同 bf係 wan chai 睇完周大福個 concert, 之後專誠去左明記食糖水~我地2 個人點左:芒果班戟: 好多 cream, 都 ok~番石榴綿綿冰 $35: 淡淡 ge 番石榴味, 濃 d 會仲好味~ 同埋 only 配生果, 有 d 單調~可能明記都係出名食一般 ge 糖水, 綿綿冰始終都係糖百府掂 d~

好耐無梨過西灣河,,,上次試完糖百府,,今次食番D傳統野,,,對上一次食幾間野都有幾年啦,,,咩叫做甜品,,係令一餐飯錦上添花不可缺少既野,,,依間野D甜品就完全做到啦,,,MENU上由簡單既水果冰到木槺餅都有,,,仲跟住潮流整埋綿綿冰,,,但梨依度梗係要食D傳統野啦,,,芒果涼粉見佢係門口個幾個桶度'筆'下'筆'下,,,過程5重要,,有幾多人入過食店D廚房體驗過?大大碗夠凍,,甜度岩岩好,,涼粉大大粒口感正,,,面上加上芒果汁同埋椰奶,,完美既配搭呀,,,$20蚊老實講好食過B仔OR滿記,,,椰奶珍珠西米撈咩都有D,,但因為我無食到評5到分,,,入面有芋頭,,比較有趣,,,楊支金露要讚既係佢D柚肉,,粒粒分明無渣,,,OK,,但可以更加香,,,食完行去搭車見到勁多人排隊買車仔面,,,哦,,原來係呀蘇介紹果間,,因為認得佢個D鐵桶,,,下次有機會一定要試下,,正所謂食飯5洗等,,多數好惡哽

今天下午剛好有事要到太古城, 之後專誠搭電車到西灣河明記食糖水..最後郤失望而回.因為看到食評說"芒果旦白"好食..所以雖然價錢貴了點($30), 但還是要一試..媽媽則點了椰果喳咋, 榴槤糯米糍1. 芒果蛋白芒果粒是酸的, 魔豆內藏的糖漿則一股藥水味, 布甸算是不錯但略嫌普通. 看待應在門前的雪櫃拿出用料, 混在一起便完成了..製作過程相當簡單...$30真的不值得..2. 喳咋味道不錯, 用料亦不少.可惜是椰果頗硬而且無味..一大敗筆...還要收$17...3. 榴槤糯米糍皮太厚, 但榴槤餡味道不錯..但要約$4粒..試一次已足夠吃糖水也吃了$72..總括而言, 水準教人失望...吃糖水還是喜歡松記..~~

一班人係太古城食完晚餐意猶未盡~順道落西灣河食糖水成張檯個個都食mango系列我試左$22楊枝甘露同$15車仔面朋友手癢想試佢d面喎個車仔面d料要左牛腩同金錢肚都幾入味幾淋但係d面呢........係碎到可以用匙食整體都叫幾大碗~~~楊枝甘露冇咩咁特別份量比一般糖水舖大而且d mango都幾甜還可以吧不過要食好既楊枝甘露我都係想去發記因為d mango係大大舊唔係細細粒~~~

芒果蛋白 - 有芒果汁, 芒果, 好似魚子咁一咬就 bid d 汁出黎既魔豆 (好似係 lychee 味?), 貌似西米但唔係西米既脆卜卜物體, 同滑溜溜蛋白布甸估唔到咁好味, 好味到停唔到口 芒果糯米慈 - 可能因為唔係即刻食, 有少少出水, 但味道仍不錯

係吉之島飲完杯沙冰後~行路落西灣河,,去明記食留碗糖水先!明記糖水係西灣河出哂命,,係西灣河有兩間~~我就選左老店(比較細小)見鮮雜果咋渣黑糯米$23咁平,,因為好多糖水店呢d甜品大大碗都要接近$30,,所以我估應該鮮雜果咋渣黑糯米好細碗肚子不太餓,,所以係以為好細碗情況底下要了鮮雜果咋渣黑糯米(走椰汁花奶)~甜品一到,,哇哇哇!!超大碗囉!!面頭有好多生果同埋一d珍珠~D生果有香蕉,芒果,,西瓜,,哈蜜瓜,,蜜瓜同士多啤梨,,生果樣樣都好甜好食,,,D珍珠都ok,但冇旺角老友記的好食~咋渣黑糯米都好多料,,,有好多豆,,但味道就甜左D,,如果加埋椰汁花奶食可能會過甜,,好材冇加到^V^一個人食哂成碗超滿足!唔怪之得明記咁出名啦!原來係因為又平又抵又好食!!

今晚同屋企人食完飯, 見唔係好夜, 就走去找糖水食下, 見咁耐無去, 博下佢d水準會好返d, (因為好耐唔去的原因, 就係佢d野差左好多, 計下數都有半年無去囉) 去到都唔係期望高, 只望食得過就算, 今晚叫左個幾平常的糖水 - 熱的銀杏薏米腐竹雞蛋糖水 - 碗糖水一到, 我同屋企人都叫左一聲, 因為見到有好多銀杏啡色的"依"浮面, 個樣已經唔得啦, 呢樣都算啦, 我地當佢係特色, 但我覺得最差的是, 好似飲緊奶水咁, 即係質地係好稀好稀, 好少腐竹味, d料又少, 都唔知佢想點!!!呢款已經係最簡單的糖水, 都攪成咁, 我唔能夠想像其他果d會係點, 都唔明點解仲有咁多人去食?? 佢仲可以開咁多分店 ??仲有, 佢d衛生環境真係麻麻, d野食打開哂, 一桶桶放係度, 去過嘅人一定見到, d涼粉, 生果, 全部無遮無掩, 依家係天氣仲凍凍地都好d, 遲d回暖, 到左夏天, 佢d野食咁放法, 咁唔衛生, 我都唔敢諗啦........