明珠海景

營業中

休息中

為咗物色外婆生日壽宴酒席, 一個月前特意喺呢度晚飯試菜; 由於附近都是比較難搵地方泊車, 而我地一家合共有3部車, 所以訂位時特別同經理討論泊車安排, 當時嗰位經理斬釘截鐵話只要提供車牌號碼, 佢必定可以安排到全日免費泊車, 結果我們訂咗最貴嘅酒席, 甚至訂埋位飲茶, 然後留喺酒樓打牌直到晚飯.....到咗晚宴當日, 嗰位經理竟然反口話安排唔到咁多泊車優惠, 頂多安排到免費2-3個鐘甚至唔係每部車都可以安排到... 當時即刻同嗰位經理對質, 問佢點解訂位嘅時候唔係咁講？佢支吾以對, 然後佢話佢只可以儘量安排, 但無論如何, 架車每3粒鐘都要出一出車場再泊返入去, 但出咗車場有無位再泊返入去又唔肯定... 結果, 我哋3架車都唔敢搏, 只係"享用"咗3小時泊車優惠, 其餘嘅5-6小時都係自費~其實你一早講話每架車只可以提供3小時泊車優惠嘅話, 我哋係無問題; 只係當時真係覺得好嬲, 點解要咁樣講大話去呃我哋呢? 理論嘅時候態度仲要極差, 完全唔覺得自己有問題 (不過整體而言, 成間野嘅d人嘅服務態度都好差)...最後結論係, 雖然環境唔錯、食物質素都OK, 但服務態度極差+誠信有問題,

慶祝生日飯，多人出席（約12人）未齊人，部長不斷催問幾點到齊❗為了多做生意，叫我們（12人 ）轉枱去8-9人一張枱坐，好似沙甸魚迫埋一齊坐，O 晒嘴，立即拒絕😡（繼續分2張檯）Order 完嘢食，啲嘢好似趕收工噤，一次過嚟曬，同職員表示所有餸分二張枱上！部長話 D餸會放曬一張枱，叫我地自己分！😵我問，真係噤樣既服務，你哋啲服務員企曬係度睇住我哋自己分❓之後，佢啲餸嚟晒，好勉為其難仲懶叻咁講，做到我要求既嘢，得閒既時候會做到分餸，如果滿座就無辦法自己分❗全店職員上至下服務態度超差，真心唔明白呢間公司老闆點解可以縱容員工如此，毫無服務可言，返回1950年時代，如想試試劣質服務，可一試👍

明珠海景位置很好，近窗的位置可以看到大片藍天和海景，落地大玻璃透光度十足，整間食店光光亮亮。一行四人去食晏，看看餐牌食品價格不便宜，散叫幾個點心已幾佰元，還是叫套餐劃算。四人套餐平日價598，今天是星期六，要加100元。有湯、燒味、點心、飯或麵和小食。每項都有指定菜式供選擇。湯：平時少煲老火湯所以要了老火湯。湯來了，沒有湯料在湯內，微黃的湯嚐一口有雞腳味，向待應查詢是什麼湯，第一次答是木瓜湯，後來更正答是青紅蘿蔔湯。不過飲不到青紅蘿蔔湯那股味道，湯味很淡，如果是足料不應如此清淡，這碗湯我是沒有喝完，放在一邊算了。燒味：脆皮燒雞﹝半隻﹞，雞皮很脆，雞肉嫩滑，雞的味道不過鹹，半隻份量不多，醮上燒雞醬油很好吃。點心：鮮蝦餃皇，大大隻，啖啖蝦肉，爽口好味。鮮竹牛肉球，牛肉有黏性，飽滿脹實，口感佳。沙律海皇春卷，新鮮炸起熱辣辣，春卷皮很脆，內層全是蝦肉，混和沙律醬酸甜可口。小食:八味豆腐粒：豆腐外層香脆焦黃，內層滑可口，用上八味粉增添食慾。青瓜海哲：青瓜口感清爽，調配的汁液帶微辣，而海哲味道有點過鹹。麵飯：雪菜火鴨絲窩米，夏天胃口不佳，不想吃飯，一個帶湯的食材是不錯選擇。窩米混合了粉絲和米粉，條

員工態度超衰，食咗背脊骨落訂咗枱有冇記錄，呼喝完之後又話俾你知有枱十問九唔應冇人沖水事事三催四請唯一好處就係環境寛落，聽唔到隔離枱講嘢冷氣夠凍廁所乾淨換咗啲樓面，應該係一個唔錯嘅選擇

喺社交平台 見到有個海鮮極品佛跳牆套餐好抵食，$498一位(兩位起)有好多豐富野食，有龍蝦丶又有佛跳牆⋯⋯所以就訂位黎試吓，呢度環境都幾好，裝修幾靚，仲有個大露台比人出去欣賞海景。服務態度好好丶好有禮貌。呢個套餐有明珠叉燒皇，除左叉燒仲有海蜇。極品佛跳牆，材料十足，有海參丶花膠丶鮑魚丶魚翅丶瑤柱、花菇⋯⋯好味。金銀蒜開邊本地龍蝦，比較細隻。香煎銀鱈魚，整得幾好味。蟹肉海皇炒飯，加左黑松露丶蝦肉丶蟹肉，唔錯。甜品轉左做芒果布甸，芒果好甜。食咗咁多款好滿足。

景觀簡直一流，望到維港，全落地玻璃，服務員態度ok，食品都唔錯，價錢相當唔平椒鹽銀魚仔，非常趣，完全冇魚味，連椒鹽味都冇竹笙金魚飯，上湯浸住蝦餃，未到OK，蝦好爽牛肉腸粉，味道一般，粉漿都唔算硬牛肝菌腐皮卷，出色，雖然冇乜牛肝菌味，不過蝦非常爽，腐皮非常趣，可惜啲喼汁，好寡魚翅灌湯餃，真係唔錯，啲湯頭好甜，仲有魚翅BB喺裏面，竹笙爽口，整隻灌湯餃餡料十足完個椰皇燉鮮奶桃膠，桃膠都算多，有椰皇香味，燉奶亂滑

可以放寬到4人一枱，初八就同屋企人朋友訂位6人13:30分兩枱飲茶！去到好快有枱！室内環境光線充足，非常開揚全海景。。坐位寬敞。。。舒服！食物方便，點了以下點心！上素餃。。這款點心做得相當好。。皮薄餡足，内有馬蹄，紅蘿蔔，冬菇等素材。。讚很奇怪吧。。最普通不過hi排骨都要讚😏？！係。。排骨咬落好有質感，入味。。沒有加鬆肉粉等醃製，有肉味。。值得一讚！天鵝芋角。。外型別緻！對蜂巢芋角有點情意結啊！這個皮做得夠酥，内軟芋泥比例剛好不太厚沒有太膩感覺，餡有蝦，紅蘿蔔蓉等！叉燒酥皮夠鬆化，叉燒餡的叉燒粒切同醬汁配合剛好！不失為一個心水之選煎糯米雞。。外脆内軟。。現在比較小酒樓會做的鵝肝蝦餃。。内裡有兩粒小小鵝肝。。食到鵝肝騷香同蝦鮮味，此配搭有新意！但始終覺得傳統筍尖蝦餃味道較夾沙律醬海鮮春卷！新鮮炸起。。無食😆怕熱氣。。家姐們食後話ok!至於牛肉跟腸粉無驚喜點心質數算中上。。而已價錢都係中上，服務中規中矩，可能當日有很多公司食開年飯吧！整體上不錯！

限聚及疫情下，除了在家晚飯之外，突然想吃一頓舒適好味嘅晚餐! 記起之前黎過飲茶，不如試下晚飯.因即興，所以無預約情況下walk in, 好彩有位! 地方舒適，枱與枱距離適中，沒有壓迫感! 有D似酒店中菜廳feel, 更有落地玻璃海景view, 好正! Menu 有幾款combo，片皮鴨二食+叉燒，另外一個餐又有龍蝦伊麵+ 蒸魚，只係大约498 同698，至緊要係用餐環境舒適，地方骨子寧靜，沒有大酒樓嗰種喧鬧嘈雜，但出品就是大酒樓的水準，没有誇張！慢慢的靜靜的享受着美食，望下海景，簡直一樂也! 下次應該要自備紅酒chill 下! 別浪費如此美景，美食! 值得推介💕🍷

12月喺到擺左酒疫情之下 限制多蘿蘿 好多野都好趕好彩呢到既wedding planner Bonnie勁幫得手好多野我未有頭緒既時候 佢已經度定幾個方案比我揀 服務無得彈 到當日 兩位經理Micheal 同Ben招乎周到 有求必應佢地經驗老到  仲幫我做埋time keep全靠佢地果日所有都on schedule 好smooth 野食方面 味道好好 份量大大份海參好似手掌咁大條 荔茸釀帶子 外脆內香 帶子鮮甜賓客都話正 Overall 好高質 值得推介

喺公司附近 搵間 可以坐得舒服，享受食物及環境既酒樓，我推薦 呢間。首先係地方有大大 落地 玻璃 讓自然光盡入，感覺好悠閑；食物方面，每次嚟都會嘗試唔同點心，呢度點心 款式多而且創新，味道我會比滿分💯👍

午餐@北角明珠海景依據朋友推薦中餐，趁著今日過海一試。限聚令下三人點了點心、小菜、炒飯。要數最特別是竹笙金魚餃：湯汁清潤，金魚餃飽滿多汁；蒜香脆片牛柳粒也值得一試，外脆內軟，入口牛香濃郁，上枱温熱剛好。用餐環境面對海景，其他食物均有不錯質素。

最鍾意捉埋阿爸阿媽去飲茶, 今次走去北角試下, 之前睇過食評, 賣相幾吸引, 一於前來品嚐一下早前巳先訂位, 唔使等仲坐近靠窗位置; 4人入座俾左張6人枱, 坐得夠舒服! 因為夠開揚又鄰近北角碼頭, 光線非常充足, 即使當日係雨天, 看著窗外的海景都依然能增進食慾!其實點心一點也不便宜, 例牌菜不少得既蝦餃皇$56, 叉燒腸$48, 煎蘿蔔糕$45, 再來試試另類點心竹笙金魚餃$58, 紅菜頭帶子餃$58, 還有女兒至愛吃的八味豆腐粒$72和老人家喜歡的蜂巢芋角$45, 再加每位茶錢$20........老實說, 點心一點也不出眾; 食環境, 巳試過了便足夠!

與友人相聚，點了個抗疫二人套餐。此酒樓面對紅磡啟德海旁，環境開揚。我們請待應幫忙拍照留念，服務態度也很友善真誠。衛生方面也做足防疫，入坐後待應端來一小窩熱水以供客人自己再清洗碗筷，也備有消毒紙巾給客人抹手。🍲海皇豆腐羹：豆腐粒、芥蘭粒、蘿蔔粒、蝦肉魚肉粒等，豆腐吃來滑溜，個人覺得可增加豆腐份量的比例，這個羹亦帶甜加點鹽會較好。🐓貴妃雞：喜歡吃雞皮的朋友會吃過飽，雞肉也淋滑。🦐鮮蝦菜苗餃：餃皮做得厚了些吧。🦀蟹子燒賣皇：燒賣彈口加埋蟹子吃有豐富口感。🐖𤐶皇叉燒包：包皮做得軟熟不㕸口，叉燒餡料也足夠，要熱吃。🥬上湯浸油菜：加入雲腿絲的清炒小白菜鮮甜爽口。🥢迷你金菇瑤柱炆伊麵：似乾燒伊麵，配以蘿蔔條、冬菇絲、銀芽，整體來說爽滑味道適中。這個抗疫二人套餐$238，另加$20一位茶，再加一服務費，埋單二人$300+。

因政府規定一張枱兩個人，我哋3個人就需分開兩張枱。其中一個家人先去攞了近門口的兩張枱，我們去到見窗邊有有兩張枱，想問可唔可以換枱，但高大女待應表示已開了單不可以換，我話只是開左1張枱，咁換另一張便可，我哋亦不需坐近。上得黎梗係坐窗邊望海景，明明有兩張枱比較近海邊，但那位高大西裝女侍應就話入咗單唔轉得，講講下仲發脾氣走開！換咗個男經理過嚟，但態度都係唉.…一個字差！講真，食物麻麻，主要係味精。呢個價錢又係酒店都咁嘅服務，無乜特別唔會再黎。

限聚令以後第一次教會聚會17人、我第一次去北角匯、由商場入邊上去5樓一入到去酒樓全院滿座。我哋都叫咗好多食物好似報復式食飯咁、大部份嘅食物都唔錯、但係價錢屬於中上、相回應返佢環境同裝修嘅質素。有一點要注意、我致電訂枱嘅時候嗰位接線生服務態度十分之冇禮貌及不專業。 當我第二次致加人數嘅時候、另一位接線生服務態度非常之好及有善。可能此酒樓生意非常之好、唯獨這一點需要注意一下但其他人服務都唔錯尚算殷勤。食物方面：點心類嘅大部份都唔錯，有個避風塘粟米都出色。但係炸物就比較差，鹹水角嘅糯米炸唔熟，當然我哋冇作出投訴。全部點心都比較油膩所以如果三五知己嚟就嗌點心會比較穩陣啲。總括來講：呢度飲茶一是無妨，始終係新地方又有個海景露台、可以出去打卡。