影片
尖沙咀韓國餐廳繁多，每次走到韓國街見到個個餐牌都咁吸引就有選擇困難症..今日就決定去食明洞屋，可以分別叫燒肉同普通韓食都得！一入到去同平時行過餐廳一樣有各式各樣的小菜，而我覺得明洞屋既都算好多款，我就幾中意佢既泡菜，味道偏酸，純碎個人喜好因爲每間韓國餐廳都有自己獨有既泡菜味道~烤肉我就揀左特級豬肋骨，每次我食韓燒都必點既豬肉，因爲肉質比較嫩滑，而且肉汁豐富至於仲腌得非常入味，再加上佢有別于其他已經切好既，係一大捲咁連骨成塊燒，大家記得要叫呢款豬肋骨呀！呢個海鮮煎餅餡料非常多，而且粉漿適中，食落去唔會好厚粉，再加埋個汁就最正啦 食完d熱辣辣既野梗係要試下佢d冷盤啦~ 之前都介紹過我好中意食韓式生牛肉所以點少得佢呢 明洞屋既同平時食既蛋拌生牛肉一樣，佢配上雪梨同青瓜絲拌匀一齊食，我覺得牛肉腌得好夠味，而且食材新鮮，非常好味。係香港做到呢個水準真係算唔錯 我地仲叫左個水冷麵，湯底醬汁甜甜酸酸，配上青瓜雪梨及鷄蛋，非常開胃，不過我覺得都係比較適合夏天食，一個人食曬一碗涼陣陣既水冷麵就非常爽啦 我覺得明洞屋味道算係中上，而且價錢合理，想感受一下韓國風味但又無時間到首爾一趟？去明洞屋食返餐都可以頂住檔先哈哈！
繼續閱讀
今晚小型老表飯局。原本去另一間韓食店開餐，不過在外看餐牌時, 先發現唔係烤肉店, 而且佢既必食1m長既串燒再看, 真係唔係好抵. 所以最後都即慶轉陣去隔離既呢間店舖食. 由於想食燒肉, 所以就揀左呢間. 職員好好, 我地未齊人都俾我地入座, 而且問左可以無限時交枱. 重點仲要係, 入面既前菜係任叫架, good! 所以就吸引左我地入去食喇!作為韓式烤肉店黎講, 呢度既食物價錢真係算大眾化喇. 由於實在太肚餓既關係, 我地先點左一個海鮮煎餅 ($78) 黎醫醫肚. 食物未黎前, 先叫職員俾前菜我地. 不久一黎就幾碟小碟, 份量唔多既, 不過味道唔錯喎, 幾乎全部都係冷盤, 菜類大部份都好爽口, 當然最受我地歡迎既係泡菜啦.海鮮餅份量大概一個普通size既pizza差不多, 當然呢個薄好多. 煎餅配上一碟似魚露既甜汁蘸煎餅. 味道適中, 入面混入一粒粒既魷魚, 蔥, 芽菜等材料, 餅邊香脆, 食落又唔覺得太過熱氣.齊人後, 再點三款鮮肉黎燒烤.無經醃製既牛肋骨五花腩同埋仲有一款唔記得左咩牛肉鮮肉配上生菜俾我地夾住食嘩, d肉靚到呢 (見到都流口水)等肉食熟期間, 又叫左前菜x N碟燒燒燒~~~食得!由於第一轉燒既時間未掌握, 所以熟左少少, 不過都好好味! 職員附上一碟辣醬同一碟海鹽, 將燒好既肉蘸上海鹽黎食, 嘩, 味道好好!!用生菜夾住牛肉黎食唔會覺得好漏. 牛肉既肉質好嫰滑, 好有有牛味!!!五花腩同樣唔輸蝕, 當中入面有少少軟骨, 其實輕易就剪開左, 肉質也是很嫰滑., 呢個蘸海鹽同樣好好食.呢卷牛, 好似一幅布, 攤開都好大塊, 入面卷左一舊大骨, 燒既時候都係逐段剪黎燒, 職員幫我地界好條紋. 所以燒起黎更加易熟.等緊食期間, 又叫前菜 x N碟原本打算叫個辣海鮮煱, 不過大家都怕食唔晒 (可能因為食左唔少前菜…), 最後轉左豬肉拌飯.一個大石煱, 加入辣醬, 將入面所有既食材係咁撈~完成!! (呢個忘記影相)味道其實好似蔬菜絲+豬肉飯, 再加入韓式辣醬. 味道實屬基本穩陣啦今晚看似唔係叫左好多, 不過大家都覺得好夠食, 所以冇叫個煱都好, 唔洗浪費.*由於該店可以任添前菜, 所以我地食到, 連職員都忍唔住話 “下, 仲要呀?” 當然佢態度都可以既. 或者佢未見過D食客真係食到尾都仲要添前菜啦. 又調返轉頭講, 係因為D前菜都好食, 先添咁多啫, 否則鬼會係咁叫咩~
繼續閱讀
非常偶然次下黎到呢間餐廳食晚餐，6:15pm入座，仲係冇咩人。餐廳裝修簡陋，同附近其他餐廳較modern觀裝修有啲唔同。侍應姨姨講較不純正嘅廣東話，但服務不錯，落單，上茶加水等都好快手。今晚好想食鍋物，係眾多鍋之中選了食海鮮鍋，因為openrice較少食評，所以本身都有少少擔心好唔好食。一上枱!!! 嘩!!$258 有勁多海鮮，成隻八爪魚，兩隻大帶子，兩隻大蝦，青口，蟹，蜆，蝦仔，豆腐同勁多菜!!!!
大約十分鐘，海鮮漸漸煮熟，海鮮非常生鮮(冇雪味)，而且啖啖肉, 鍋內雖然有年糕，但我地都點了一碗飯來送湯，湯底充滿海鮮的鮮味，一路食落去，海鮮都未食完，但啲湯就差不多俾我地飲曬啦～份量好大，兩個人係KO唔到呢個鍋架!!
因為冇預到個鍋咁大，所以點左一份水冷麵，麵質煙un, 唔會一夾就斷，湯帶點酸，好開胃我地係餐廳食左接近兩個鐘，外面已有不少人在等位，侍應姨姨好有禮貌咁請我地幫忙，如果食飽就讓位俾等緊嘅人，因為真係好有禮貌，所以冇hard feeling，咁我地就好快乖乖地埋單走人啦～～
繼續閱讀
每二個月都會來韓國街“進貨”幾公斤泡菜,因為在香港吃韓國料理很不便宜,但是偶爾經過還是會看看...這間餐廳換了裝潢後,氣氛很好,重點有打折也就讓我們夫妻倆有想“奢侈”一下,所以就也列入我們的名單。朋友從韓國回來後,說很想念韓國飲食,我們就決定來這裡聚聚 四人六小碟，吃完可以要一次。泡菜很美味，並非我是泡菜鬼而偏心，連同行講究吃泡菜的朋友都說不太鹹，爽脆的酸辣非常開胃，難停口。牛肉湯(雪濃湯)有些失望，不是我們想念的雪濃湯，喝完很清醒,沒有神仙在飛或成仙般的好味道，但優點是調味恰當，不會太鹹。豬肩肉沒有很厚重的調味醃漬，肉質很厚卻不油膩，沒有豬肉腥味，很潤口開胃，像是幫接下來的料理熱身，烤久也不會老，點對了好菜。蛋拌生牛肉是我們懷念的美味，很驚訝這裡有得點。真的很好吃，肉質很新鮮，一點腥羶或雪藏味也沒有，牛肉切條的粗細也很完美，吃的到肉本身的滑嫩口感再搭配爽脆的黃瓜絲與梨絲，口感很豐富，沒試過的先生也讚不絕口。明洞秘製醬醃特級牛肋骨肉質很鮮美, 醬很入味, 很抱歉所知有限，入口有種香料味而且很細嫩，也謝謝服務姐姐烤得真好這次用餐皆大歡喜，打完折下來每人約100多~超划算第二次是跟老公來吃午餐，想說午餐有七折來放縱一下....一開始奉上的二人四小碟，這次服務姐姐說吃完可以無限添??? 算了，吃完再說吧~ 味道上無可挑剔，依舊。(就不再累附相片啦)午餐有牛肉海帶湯，其實我本身不太愛海帶湯，因為喝過太多加一堆鹽胡椒，但老公一直說好喝....一開始小小試一口...後來整個乾碗! 真的很好喝，沒有我害怕的重重味精味、鹽巴或胡椒，海帶根牛肉片好多，很有誠意地為我們開啟美好的午餐~~什錦拌飯不是石鍋喔~是像韓劇裡韓國人在家隨意吃的拌飯，味道尚可，份量十足，很可惜...蛋是全熟的鮮魷魚這是一個誤會...由於第一次吃完要離開時，見到後面有桌點了一隻大魷魚，來不及看是怎麼「處理」的，但是我跟老公就心想:下次一定也要來隻大魷魚...結果，這不是大魷魚、這不是大魷魚...問了一下才知道那是一種鍋很普通的新鮮，說不上好或不好，我都喜歡他們醃的醬料很美味，不會死鹹煎蛋捲吃得出層次很豐富，微甜的蛋汁調味也很美味，可惜我們真的很不喜歡加工調味番茄醬，覺得沒有番茄醬會比較好吃~豬肋骨非常好吃!! 微甜的醬料滲入嫩嫩的豬肉裡，斷筋處理得很徹底，烤久也不老，是整個午餐的最大亮點!!一整個貪心點太多的我們，還是都吃光光了，吃一餐飽二餐算划算啦~
繼續閱讀
今日收工約左個老友食飯，佢suggest去TST食韓國野，我冇意見，於是就去左TST。係TST沿住金巴利道行，老友本身suggest去喜來稀肉食既，點知排到人山人海，結果退而求其次去左呢間。見呢間冇乜人排隊，問下門口帶位既要等幾耐，佢話好快，於是就係出面門口等下啦。等左成45分鐘，帶位帶我地入去，再叫我地坐下等下。嘩，你入面原來有位坐住等你頭先又唔叫我入黎等要我地係出面等？八月份天時暑熱熱到成身裡裡外外都濕鬼晒，係未你幫我抹番乾淨呀？坐左陣，本身有張細台for到2個人既，有個著紫色shirt既中年女人就direct左一班遲過我地黎既人去坐，之後佢就極速行開左，之後我地截住佢問，佢又話問左我地係唔係黎先，見我地冇反應所以就direct左班遲過我地既人去坐。嘩，你隔咁遠問又咁細聲我點知你係同緊我講野？同埋我地冇反應就代表答左你唔係黎先？咁請問你呢位中年女人，萬一你飲醉左暈倒係TST後巷，我問你。。唔。。得，你醉到不醒人事冇俾回應，我又係唔係可以。。你呀小姐（雖然我。。唔落）？你做錯野都算，你仲將咁blame擺落我地兩人身上，又冇say sorry SA LUM，算咩服務態度，之後有張大少少既台空左，佢又insist呢張係大台俾唔到我地2人要俾遲過我地黎個班人，咁即係算點？做錯野又冇認錯又冇嘗試補救。待客態度0分。其實呢篇唔係食評因為我地冇機會食到佢地既野（或者呢間鋪狗眼看人低唔想做我地生意啦），純粹想俾其他食客知道下呢間野既服務水平同態度。如果你地有機會黎呢間野食，而你睇完呢篇野都仲想去食，我想借呢個機會俾個advice大家，要金睛火眼睇晒個帶位（特別係著紫色shirt既中年女人）點樣安排入座，見到遲黎先上岸既就要第一第一第一時間出聲，唔係你地又會share相同既bad experience。完，多謝收睇。
繼續閱讀