明星海鮮酒家 (已結業)

又要同一大班親戚食晚飯啦今次地點係荃灣既明星10個人左右一齊食啦都叫左幾多送既分別有紅燒雞絲翅,瑤柱雜菜煲,椒鹽鮮魷,鮑螺片,燒鵝,豉汁帶子蒸豆腐,黑椒牛仔骨煲平均味道唔錯 都幾好味但係都有唔好既地方最難食係燒鵝 一D都唔脆肉太硬 咬落去就覺得好伏有最難食 當然都有最好食既蒸豆腐唔錯 豆腐蒸得幾令同幾滑食得之餘又睇得 抵讚其他雖然無乜特色 但味道都係唔錯既唔會話特別入唔到口啦 總共食左大約1千蚊同一大班親戚食既價黎講叫算係咁啦都接受到既

是日 母親節飯 就揀左附近既一間茶樓搞餐聚會飯因為事先已經book 左位 所以一入就已經有得坐下 茶水供應 打下牌咁八點 齊人 正式上菜先係燒乳豬一隻 外皮脆卜卜加上可能係餓左陣既關係 好好味之後既係龍蝦伊麵 龍蝦好多肉 但啲麵未係好入味第三個係金銀蛋時蔬 不過不失啦 至於石班魚 啲肉幾滑蒸得唔錯到生菜冬菇燴鮑魚Um 略厭鮑魚比較少 係四五千一圍既晚飯上但味道係唔錯既炸大蝦 正 唔多粉 而且蝦肉都幾多下 啖啖肉 另外仲有西蘭花炒花枝 啲肉算幾好 但西蘭花可以再灼耐啲仲有既係海皇翅 煲得幾香 而且服務幾好的侍應負責分發而炸子雞就爭啲了 啲肉有啲老 所以食落有啲乾真真既感覺 最後黎左一個荷葉飯 一個伊麵荷葉飯好香 而且飯質都幾好但伊麵就麻麻地啦 冇乜味今次既甜品係壽包望落幾好 但蓮容少得可憐總括味到幾好 但價錢也不平

21-3-2015 (Sat)朝早,突然想飲茶,就同要返工o既男友陪爸爸一齊食,由於時間關係,我先叫爸爸幫我o地叫定山竹牛肉,潮州粉粿同雞紮.我同男友去到,見到有一碟爸爸o既香煎腐皮卷, 腐皮卷煎得好靚,我食吓先,腐皮脆口,內裡有蝦仁,呢個令的有驚喜. 而我o地o個三個點心都正正常常冇問題.之後男友話要再叫o野,我見爸爸只食腐皮卷同我俾佢o既雞,魚肚,應該都唔夠,於是都加.男友就加o左白腸粉同豬皮蘿蔔魚蛋,白腸粉會跟芝麻醬同甜醬,呢個都正常冇問題.之後我食豬皮蘿蔔魚蛋,食一啖豬皮,嘩!鹹到離晒譜>,<;蘿蔔冇乜渣亦唔苦;魚蛋唔會好彈牙,一般.而食得好鹹o既爸爸,一食豬皮都話好鹹,食唔到.呢part味道分只計腐皮卷同豬皮蘿蔔魚蛋,分數分別係5同1.93分.呢part又因為退o左豬皮蘿蔔魚蛋,所以價錢係$106.50.到尋日(29-3-2015 Sun),男友,我同大哥大嫂o係o度飲過茶後,再join爸爸一齊去拜媽媽,我o地叫o左:1. 叉燒酥叉燒餡唔多亦唔多夠甜,酥都算脆.2. 香煎腐皮卷上次我食話後介紹俾大哥佢o地,今次煎得好油,但仍脆口,大嫂佢o地都讚.3. 蝦餃都

家人相約尋晚(18-12-2014 Thur)做冬,爸爸唔想o係屋企煮,就話出街食,好的.我o地人齊,一共有8個人.叫個$1,488.00o既歡樂宴,包12仕罐汽水啤酒o既餐,有:1. 鴻運乳豬拼盤有海蜇,燒鴨,油雞,叉燒同乳豬海蜇粗身唔算好爽口,麻麻.乳豬同叉燒都好鹹,但叉燒口感好好.燒鴨冇脂肪,口感同油雞一樣正常.而成個拼盤o既燒味都只係暖暖地.2. 上湯焗蝦球伊麵蝦仁爽口,伊麵唔太腍,但成個味道都係淡,唔多夠味.3 . 翡翠花姿珊瑚食到珊瑚蚌有少少鯹味,口感唔算好爽;花姿片味道OK夠,口感正常,但成個菜o既味道都係’爭’啲,可能係調味唔掂.4. 沙律海鮮卷冇炸過龍但其實都炸唔夠,內裡有少少蟹柳同一隻蝦仁,重有啲芒果同少少桃.外層薄,唔會食到成口麵包,味道就一般般.5. 花膠竹笙燴生翅我好似食唔到呢啲o野花膠竹笙同翅都好少,我重食到一片圓形o既o野,我覺得係魚蛋,而且成碗都係一條條size似肉絲o既白色o既o野,唔出係咩o黎.成碗翅都只係個湯好飲.6. 金瑤扒雙蔬呢個有金菇,草菇同小棠菜.金菇本身已經係好幼o個隻,重要切到得2cm長,草菇就大把多下面o既小棠菜幾乎完全冇菜葉.,我只

明星有多分店，不過各分店的質素參差不齊我最喜歡就是來石圍角這間的明星我們一行七至八人，就點左佢半席的共聚歡稻宴另加兩個小菜佢地半席宴真係一D都唔少野，而且碟碟都好足份量。我精選我喜歡的菜式來介紹。乳豬不過不失香芒軟脆蝦，脆脆地，好好食，芒果和蝦好夾。明明大家是點中菜，突然來一碟沙律正當大家奇怪之際，問一問部長，原來這碟是松露意式汁元貝(完全聯想唔到)不過這個沙律出場時間真的很好，因為中菜一般都好油膩，來個沙律比來個油菜更消"制"雖然我未食過松露，不清楚有係松露味，但我好喜歡佢個汁似千島醬的味，而蔬菜都好新鮮桂花魚露吊燒雞，初時以為桂花魚露連雞一齊燒，想不到是分開上，個醬吸引，好靚，有桂花香味，甜甜地，幾好食，雞都燒得好好，皮好脆。這間明星比例隔涉，人不算太多，但地方好大，很適合大夥兒去食。

16-9-2014 (Tue)中秋後o既颱風海鷗來襲,掛起八號風球,爸爸仍如常出去飲茶,佢亦問我食唔食點心?買返o黎食.我答要雞紥,點知佢引導我問我重有呢?O:重有?重有咩o野?佢問我唔係好鍾意食潮州粉粿咩?我答唔啦,最後佢都係買o左呢兩樣.好耐,好耐,佢至返o黎,我問佢做咩咁耐?佢答人o地要蒸.打開兩碟點心, 潮州粉粿唔大件,粉皮正常呈半透明,內裡o既饀料唔充足,更加冇沙葛,已經唔係潮州粉粿.至於雞紥,打開睇被佢嚇親,大大舊,件冬菇都好大舊,拆開o黎睇,唔止冬菇,連火腿魚肚都大舊,點解咁正?睇睇張單,原來呢個係特點,賣$21.80,咁潮州粉粿又賣幾錢?$12.80,係小點,唔怪得啦.冬菇香味仍有,魚肚真係魚肚唔係豬皮,雞肉都滑,而且呢個幾夠味.呢次連$1.00外賣盒共$35.60到今日(20-9-2014 Sat)朝,同爸爸去大酒店送堂伯前,先同爸爸飲個茶.佢自己叫o左$11.80 o既鳳爪排骨飯,然後問我要咩?我答唔到,佢問腸粉好冇?我答好,佢叫叉燒腸,然後繼續encore呢個$21.80o既雞紥.鳳爪排骨飯到o黎,飯o既軟硬度適中,排骨肥瘦都叫均勻而且夠腍,鳳爪我就冇食到.然後叉

今(30-4-2014 Wed)朝有人o黎裝電視,我就請半日假o係o度幫手,咁就叫o黎飲茶o既爸爸幫我買燒賣同奶黃包各一籠,買到返o黎喇,睇睇張單,蟹籽燒賣皇$15.80大點,流沙奶黃包$12.80中點,加外賣盒$1.00.打開睇,兩樣o野o既size都細o左啲,影好相食得,燒賣有啲乾o左身,同8成係豬肉,食到豬肉腥味,而且有啲位好襟o趙,原來係肥o既部份.而蝦呢?原來得o個個一小節,面上o既係魚膠,咁就叫做蟹籽燒賣皇賣,好搵笨囉.味道: 0.6分而流沙奶黃包呢,食到餡時,食到濃濃o既鹹蛋黃味,亦有流沙o既,但同時都有鹹蛋黃粒,我覺得對口感有啲影響,因我期望o既係滑流沙餡而唔係有咁大粒o既鹹蛋黃.味道: 1分食完後要狂飲水解渴.

家人約尋日(20-4-2014 Sun)去拜媽媽,除o左二嫂要開工,爸爸晨早飲o左茶唔o黎外,其他人都可以,大哥約o左o係呢o度飲茶,我o地6個人叫o左:1. 叉燒腸內裡有芫茜,瘦叉燒算鬆,腸粉幾滑.2. 叉燒包兩籠我冇食到.3. 潮州粉果唔太隻,我只加o左少少辣椒油就辣到食唔到佢o既味.4. 雞包仔味道正常,令我回憶返同媽媽飲酒o既情景.5. 鳳爪夠腍,味道正常.6. 春卷普通冇問題.7. 糯米卷糯米軟糯入味,好食. 8. 煎蘿蔔糕已經係輕輕力都一夾即散,過份.而味道,冇乜特別,餡料亦少.後加o既:9. 鮮蝦菜苗餃菜苗多,但只食到菜葉味.10. 雞絲粉卷豬肉餡多,味道口感正常.11. 山竹牛肉同樣味道口感正常.12. 白灼西生菜冇問題13. $28.00o既白灼鮮魷離譜,得三件魷魚,幾件牛百菜,大半碟係灼西生菜,超呃錢. 呢啲唔會點出事啦.14. 奶黃千層糕奶黃味好夠同香,口感都鬆軟.15. 再o黎糯米卷服務:落單混亂,我去埋單時,收銀又話對唔到,俾張單我睇,問我係咪重有兩樣未計.

大前日(23-3-2014 Sun)同男友又跟爸爸回鄉玩,由於今次集合時間遲一個鐘,明星6:30am都開門,我o地可以o係o度飲茶喇.爸爸先到,佢剔o左:1. 鳳爪排骨飯排骨屬半肥瘦,口感鬆軟,鳳爪亦煮到夠腍,飯o既口感適中.2. 鹹魚肉餅飯呢個係爸爸一個人食,不過因為我之前整親隻牙,所以都夾啲肉餅o黎食,呢個食到鹹魚o既鹹,唔知係鹹魚本身太鹹定肉餅太鬆,所以入晒味.3. 潮州粉果每個都唔大件,味道口感都屬於正常,不過餡就少啲.4. 我同男友後加o既燒賣呢個口感同味道都係正常,冇問題.唔知呢餐幾錢,因為爸爸搶先去埋單.

14-1-2014 (Tue)朝起身返工,由於爸爸都晏o左起身,而且我又耐冇飲茶,就同佢一齊食,點心就由佢剔,佢剔o左:1. $12.80o既順德煎魚餅(中點)一碟三件,每件剪成兩件,一面煎得金黃,一面過o左啲火,食落,鯪魚味濃,外面o既薄蛋漿夠脆,算唔錯,不過如過有喼汁點會好啲.味道: 4.7分2. $12.80o既香芋粉果(中點)睇佢扁pat pat,夾個o黎食先,但黐住晒,夾到都爛蓉蓉 ,澄麵皮軟腍腍,內裡o既芋頭粒亦都好腍,味道略淡,係比較清淡o既點心.味道: 3分3. $10.80o既鳳爪排骨飯睇見又係餸少飯多,鳳爪同半肥瘦排骨同樣夠腍夠味,飯亦正常軟熟.味道: 3.2分價錢:茶錢每位$6.00,連加一即係$53.20其他係睇menu搵價錢時,竟被我發現京式小龍包列入甜品類,真奇.

前日(8-9-2013 Sun)朝同男友起身後食早餐,想去飲茶,而且唔使去荃灣,於是我o地o黎呢o度食,睇吓點心紙,成4張之多,我o地揀o左:'1. $18.00o既紅燒BB鴿上枱時連好少o既喼汁同淮鹽,BB鴿真係好細隻,唔蘸喼汁同淮鹽食,味道已經夠鹹,甚至係過鹹,BB鴿亦唔係熱,肉質唔算好o鞋,不過我食下半部時,食到羶味. 5. $13.80 o既豆沙角呢個同樣唔熱,皮係一貫o既厚同煙韌,內裡o既豆沙唔算少,佢起o左沙同唔太甜,幾好味.2. $24.00o既鳳爪排骨三色米飯點樣三色飯?明顯有白米同紅米,第三種係乜米?係相中帶微黃色o既o個隻,我o地舀o黎食喇,飯略嫌稍硬,鳳爪排骨夠腍,OK.3. $14.80o既春蛋燒賣點解乾爭爭冇汁o既?亞姐擺低後即走人想叫佢畀喼汁都叫唔切 .我唯有加蘸BB鴿,僅有o既喼汁落去,呢個熱騰騰,燒賣內o既蝦肉彈牙.4. $17.80o既米網海鮮卷食完晒所有o野都未見呢o黎,等o左好耐,決定問人,問o左部長,佢即幫我o地跟,我o地再等.佢經過時問重未到?我o地答係.再等,又等o左好耐都未到,唔要啦,走人.價錢:出到去埋單,男友同收銀講米網海鮮卷冇o黎

真係幾罕有，去了石圍角飲茶。吃的大多是香口野，包括有BB鴿。要了兩隻，並不是熱辣辣的出來，外皮稱不上脆口，還好肉質依然嫩，只賣$18/ 隻，唔好太挑剔了。點心也是香口居多，如咸水角，不很脆，餡料也少，味道普普通通。米網海鮮卷要好一些，至少是脆，蝦肉亦多，不過醬汁奇奇怪怪，仲加入了粟米粒，不沾更為穩陣。另有一款蒸既點心，鮮蝦菜苗餃。香上去幾油，皮是偏厚，還幸餡料不少。明星，勝在夠便宜。

尋日(1﹣6﹣2013 Sat)男友早起身返工，而爸爸又晏o左起身飲茶，見好耐冇同佢飲茶，咁就一齊啦，爸爸先搵位同剔定o野食，我o地稍後到。去到已經有啲o野食，就係：普通正常o既有：1.鹹雞粥2.鹹魚肉餅飯肉餅依然係薄，鹹魚鹹香，但飯唔夠軟。3.迷你點心拼盤有燒賣，潮州粉果，雞包仔同唔記得咩o野。雞包仔同記得咩o野由爸爸食o左。4﹣5.後加o既燒賣同蝦餃6.而男後大讚白腸粉，佢語豉油好味，腸粉有啲香味同滑滑地。環境：冷氣開得唔多夠。價錢：呢餐堆單$122.00服務：大致上冇乜問題，只係收銀o既態度真係一後般。

今(24-1-2013 Thur)日請病假,男友同我睇完醫生後去食o野,佢有時間,就飲茶啦.我o地o黎到,剔o左:2. 炸釀蓮藕餅(中點$11.80)男友見到呢個懷疑唔係蓮藕餅,因為冇一整片o既蓮藕,我食落,係有蓮藕,只係切o左粒撈埋o係鯪魚肉入面.男友話咁都得?我話咁樣做可以慳o左唔少蓮藕.不過o衣o家睇返個名,話明係釀蓮藕餅,就唔應該咁.而呢個就鯪魚肉比例有好多,而個餅唔係厚,蓮藕味唔係好食得出,一般吧.3. 千絲蘿蔔酥(大點$14.80)由於兜o左個大圈(詳情請睇服務欄)至到,所以呢個凍晒,內裡o既蘿蔔絲係有好多,不過唔甜,酥皮唔厚唔漏,OK.1. 鮑汁金錢鵝掌(大點$14.80)嘩!好大碟啊,但當我夾o黎食時,原來只有兩隻斬開o既鵝掌,下面墊o左椂柚皮.鵝掌夠腍,椂柚皮都係亦冇渣好入味,不過我唔鍾意食椂柚皮,所以只食o左細細件o既.5. 馬蹄牛肉腸(大點$14.80)(張相影衰o左)呢個都係大點,有冇攪錯?食落,味道都係正常,不過冇馬蹄粒喎,食完後男友話果然係香茜牛肉腸,好有芫茜味.我話呢個唔係香茜牛肉腸喎,咁就真係好失敗啦.4.$9.80o既時菜鯪魚球呢個係我o地10點左右落

今(30-12-2012 Sun)朝同男友起身食早餐,由於佢起得早有時間,而且今日好凍,我就提議o黎呢o度飲茶,我o地剔o左:1.酸甜炸雲吞(中點)呢個端上o黎時,睇到三年有兩件係炸過龍,深色o左,味道屬正常.4. 魚肉釀茄子(中點)一碟四件, 茄子唔係粗身所以厚切,上面加o左鯪魚肉,呢個冇乜問題.6. 香煎蘿蔔糕 (中點)呢個一夾即散,明顯粉唔夠多,男友話咁就好,少粉多蘿蔔.但唔係,蘿蔔汁多o左吧,都唔見有蘿蔔絲,我見到有啲啲臘味粒,而且好似冇煎過,唔香口惹味.5. 明星流沙包(中點)奶皇流沙餡唔係好多,我食第一個覺得唔夠流沙,半凝固o既餡比較多,奶皇唔太甜亦唔係好好滑.但到食最後一個,我掰開一半同男友share時,呢個就流沙得多,真係一個個唔同.3.蟹籽燒賣皇(大點)燒賣唔係大粒,呢個正常冇問題.2.鮮竹牛肉球 (中點)都唔係好大個,亦都冇乜問題.值得一提o既係所有o野食都熱騰騰.環境:上面提及過今日好凍,上到o黎未坐低已經覺得熱,因為冇乜開冷氣,甚至我懷疑開o左暖氣,一路食熱o野一路焗得好辛苦.而我o地坐o個張枱被兩張枱圍住,其實唔應該係6人枱,因為咁樣係好迫.服務:我o地攞o左