明星海鮮酒家 (已結業)

15-10-2017 (Sun)晚,o係8號風球中,同爸爸,大哥,老公參與完四姨丈守夜儀式後,就返o黎食晚飯,由於我食之前食o左半個爸爸買o既椰檳,所以未肚餓,我只叫大哥叫多菜少肉.佢就叫o左個$238.00o既靚湯三寶餐,揀o左:3. 滑蛋炒蝦仁顏色好靚, 蝦仁大大隻,炒蛋嫩滑有蛋汁,又唔過鹹,好味.2. 明爐燒鴨半隻我只食一件,皮都仍有啲脆,都算驚喜.4. 另叫唔知幾錢o既蒜蓉白菜仔蒜蓉唔多唔少,味道o岩o岩好,唔錯.1. 是日煲湯大哥問今日係咩湯,侍應答雪耳椰子煲雞,咁就要呢個,睇吓湯渣,原來重有啲豬骨,啖湯好好味,唔似有味精.份量唔少,我o地每人飲o左3碗都未飲晒.爸爸佢o地一人一碗飯,我就冇要到.最後都有西瓜送.服務:由於8號風球關係,呢晚冇乜人,就連我o地只係4個人,都俾張6人枱我o地.叫餐時,o岩o岩冇人得閒,叫其中一個,佢答轉頭隨即叫另一個幫我o地落單,落完單後,o個個侍應主動follow問我o地落o左單未.價錢:唔知幾錢,因為爸爸搶住去埋單,返o黎話四百幾蚊.

朋友生日，想搵個坐得舒服既地方食小菜，去酒樓就最適合不過啦！七點鐘左右去到，都唔算多人，坐得好舒服。朋友鐘意食燒鴨，所以就叫左一隻試下，燒鴨好香，皮好脆，正菠蘿咕嚕肉，份量都幾多，酸酸甜甜，好開胃落單既時候，侍應推介龍躉兩味，一碟蒸，另一碟翠肉瓜炒。蒸果碟d魚下面有支竹，吸晒魚既鮮味，好食翠肉瓜炒都唔錯，但係d油多左少少，比較油膩。幾個人，叫幾碟餸，幾個白飯，幾枝啤酒，食足一晚，仲要任坐唔嬲，good!

今日(13-8-2017 Sun) 朝同老公食早餐,唔去荃灣喇,又想飲茶,於是走o黎,兩個人去到,唔會俾你坐一張冇人o既四人枱,一定要搭枱,搭好後開茶,香片澀,要係咁溝多啲水沖淡.我o地要o左:1. 炸芝麻煎堆(中點)三個大大個,亞姐會問我o地剪唔剪?我答剪,佢就一開四.呢個已經係凍晒,咁都好,冇咁熱氣.食落香口煙韌,唔算好甜,OK o既.味道: 3.5分2. 冰室紅豆糕(中點)呢個凍o既,我留到最尾至食,但裡面都雪到結冰.:味道唔甜,紅豆唔夠腍,白色o個邊應該係椰汁,但冇乜椰汁味.味道: 1.5分3. 手拉滑腸粉(中點)大大碟, 腸粉係滑但太腍.味道: 2分4. 沙律明蝦角(大點)一碟四個都幾大個,佢外面脆,內裡o既蝦仁都大大隻同爽口,唔錯.味道: 5分5. 眉豆鹹茶粿(中點)呢個好耐至到,4個唔大個,要趁熱食,因為好快凍.呢個一食落就充滿蝦米o既鹹香,眉豆夠粉,成個都算幾好食. :味道: 5分價錢係$136.50,中點$20.80,大點$24.80,我當茶錢每位$8.00,加埋一就$136.40,唔係四捨五入唔緊要,我o地唔介意俾4毫,但佢竟然計做5毫子.

不再是街坊生意的星期日下午茶長途跋涉加上港鐵又壞車, 用左成兩個鐘過到來, 已經係下午茶時段. 平時明星午膳時段就食得多. 叫左個菠蘿雞粒少飯($65), 分量足, 算入味, 夠熱, 不過飯粒太硬, 唔太適合老人家食. 雪山叉燒包, 同我響其他分店食開有D 唔同, 唔係菠蘿包面.炸兩腸, 算OK了. 仲叫左個金錢肚, 另外就係綠豆沙, 都算清甜夠分量. 最想講嘅, 係價錢已經唔係好街坊. 雖然唔係話好貴, 不過是日星期天, 下午三十幾度高溫, 眼見好多長者響酒樓, 不過唔係來飲下午茶, 只係坐哂響等位位置附近休息涼冷氣. 

大前日(9-4-2017 Sun)全家去拜媽媽前飲茶,我o地叫o左:1. 薄餅雖然有蔥粒,但味道唔太濃,蛋味都係,而口感正常.2. 叉燒腸叉燒切成粒,味道清,冇乜甜味.3-5. 正常冇問題:白灼生菜,咸水角, 蝦餃6.釀魚肚一碟有四件,魚肚唔係腍晒,仍有啲口應,但我都係覺得好似棉花雞o既魚肚口感會好好多.7.蘿蔔糕比較軟腍啲,只有蘿蔔.8.奶黃千層糕三籠唔太甜,口感都鬆軟.9.叉燒酥唔太甜,但外層都唔算好脆.10-14. 我冇食到o既炒米,鳳爪,排骨,叉燒包,芋頭糕環境:換過晒啲凳,好舒服.價錢:大哥俾錢,佢話$200.00, 咁平咩?

今次因爲要就下老人家黎陪佢食晚飯，一行人7大2小1B就黎食飯，叫左6個餸6個飯埋單9百幾....先講個乳豬仔：成270 蚊但隻乳豬仔就係超迷你，個碟就大，想食多一件都唔夠咁....皮唔夠脆仲要凍凍地....十分唔抵。啫啫通菜爽：呢個就味道唔錯 入面除左有通菜仲有少少蝦乾係入面，係全晚我覺得已經最好嘅一味菜。辣醬爆炒墨魚花： 我都唔知呢個餸做咩...上面個2條菜芯好似係因為唔夠四季豆用所以夾硬放上去咁...條菜芯係烚熟嘅仲要好老...墨魚得幾件...因為佢切得好薄做到好似好大件咁....味道又唔覺好味....薑蔥魚雲煲：魚雲加埋我諗有4件，成個煲都係比薑蔥塞滿，同好腥。蝦汁海皇煮豆腐：食唔出係蝦汁.....成碟好似冇落過調味咁...蒸沙巴龍躉：條魚係算滑嘅但發現原來未蒸得熟仲有血流.....明明每樣餸唔係太貴，但6個飯連茶芥要收二百幾？真係感覺比人搵笨，因為老人家比錢時比得快冇睇到，所以覺得有點呃老人家嘅感覺.....好失望對呢間野，如果唔係近老人家都唔會黎....

同老人家去飲茶，聽佢講嘢多過飲茶，不過都唔緊要因為真係俾個機會你睇宣洩一下仲要揀最抵食嘅嘢10幾蚊一個鳳爪排骨飯，再加臘味糯米飯，夠晒抵食又飽肚味道都唔差臘味糯米飯更加係適合冬天食，自己真係好難整好食。

家人約o左前(11-12-2016 Sun)晚做冬,咁我book好位先,除o左大哥大嫂未到外,我o地7個人準時攞位先,睇見已經full晒,好彩book o左位咋.睇睇menu,套餐有三個,只得其中一個叫晚飯超值全包宴有半席嗌,一席要$3,788,半席要$1,898.00,就要呢個再另叫啲菜,落完單,等大哥大嫂到埋就叫起菜.1. 套餐中o既黃金吉列大蝦睇見個個都驚,炸得過火啦,而且我都熱氣,我同老公share一隻食啦,吉列外層脆,蝦肉爽,OK o既.味道: 4分2. 散叫$68.00o既香芋南瓜煲一睇就有芝士,個個又眼突突,因為冇諗過用芝士做,不過我又覺得OK夾,芝士質地唔係好杰身亦唔太鹹,個個都讚芋頭靚,南瓜有渣.我又唔覺南瓜咁差喎,不過份量唔多就真.味道: 4分3. 套餐中o既翡翠花姿珊瑚翡翠係西芹,呢個凍晒,味道就清清淡淡.味道: 3分4. 套餐中o既鴻運乳豬皮脆多肉冇脂肪,但食到少少臊味.味道: 3分5. 散叫$68.00o既蒜蓉炒菜心同樣份量唔多,菜心大大棵,炒得清甜.味道: 4.5分6. 套餐中o既上湯焗加拿大龍蝦伊麵估唔到呢個大大份,俾o左好多肉我o地,伊麵夠腍但唔算好惹味

分離就是準備再聚的日子來臨，一星期在港的遊玩享樂美食過去，就要明晚離開香港，返回澳洲！在此祝世姪生活愉快及工作順利，當然今晚要為他戰行在一間集團的明星酒家一起食餐美味富足的晚宴！世姪比較喜歡吃粵菜！我們都要找一間經濟實惠，菜式繁多而又衛生清潔，最重要當然是帶來華而又實，味道可口，份量足夠的美味菜式！今晚都能使我們有八分滿意，菜式又底食又好食，名副其實是平價平食食堂，又一餐使我們流味忘返，值得再來，大家都心滿意足！在此希望下年再聚情源，一起歡樂享受美食！波蘿咕嚕肉 : 嫩口野味的一道普通家常吃的菜式！但要廚功出色，才能做出酸味突出而脆化汁味！感覺有順滑肉溜的味道，值得再食！京式片皮鴨: 好似份量少，而不夠一隻鴨肉片，而薄餅不夠軟糯又涼透，價錢都算適中，味道濃郁而都夠味夠喉，都能保持水準！冬瓜意米煲唐排骨湯: 料足熱濃，是又經濟又美味的湯水！是不錯的選擇！每位都能夠喝三碗份量的熱湯，夠飽夠滿！清蒸大沙巴龍躉: 有2斤左右，夠量夠味，魚肉嫩滑，質感味美的一條養魚，價廉物美，是不二之選，可口新鮮而又滿足舌頭！底食之菜式！

尋日晏晝開始,終於有返啲胃口,今(13-7-2016 Wed)朝可以食點心做早餐lu o卦?於是趁爸爸晨早去飲茶,又請佢飲完順便買蝦腸同鮮竹卷返o黎. 佢買o左喇,由於我未起身同重要做啲家務,所以打開時已經攤凍o左,睇見蝦腸幾靚,但我先食鮮竹卷,因為好耐冇食,而且對佢滿心期待.食落,冇乜味,淡淡o既?內裡豬肉餡脹卜卜,有啲木耳,唔鹹亦唔香,自己加一,兩滴喼汁就o岩o岩好.味道: 2分而蝦腸呢?見腸粉唔係好薄身,加啲甜豉油先,食落,大大隻蝦仁好爽口同彈牙,腸粉都廷身同有啲彈,亦食到啲米香味,好好食. 而最尾o個條明顯有翠玉瓜,不過翠玉瓜生o既,我就覺得麻麻.味道: 5分抵食係2.5分其他:其實唔使用兩個盒,將腸粉放o係鮮竹卷面已經可以,因為佢o地將甜豉油分開.我好耐冇食o既點心何止呢兩樣?重有雞絲粉卷,雞包仔,鴨腳紥呀!

7-6-2016(Tue)晚,全家o黎呢o度食端午節飯,爸爸,我同我老公先攞位同叫定o野,我o地叫o左兩個餐,一個係$318.00o既龍躉蟹肉餐,另一個係$538.00o既龍蝦三寶餐.龍躉蟹肉餐定o左有金蒜蒸龍躉頭腩,翡翠炒龍躉球同鮮蟹肉煎芙蓉蛋;龍蝦三寶餐就定o左有約一斤o既芝士焗龍蝦伊麵.兩個餐,各再自選一同兩個菜.我同老公揀o左明爐脆燒鴨半隻,魚湯鮮竹浸菜苗同是日煲湯.但見TTL7個餸,唔好意頭,於是叫多個$68.00o既海哲燻蹄.1. 是日煲湯原來係冬瓜湯,料好多,味道淡就算,但有啲怪.味道: 2.8分3. 海哲燻蹄份量恰當,海哲爽,充滿麻油香;燻蹄都爽口,冇羶味.味道: 2.8分2. 明爐脆燒鴨半隻好大隻,好多肉,皮唔多脆o架喇,不過味道o岩o岩好.味道: 3.5分4. 鮮蟹肉煎芙蓉蛋端上o黎嗅到好香蛋味,好期待,夾起o黎食,蟹肉少到近乎冇,裡面多數係芽菜仔同蔥,味道唔太鹹.味道: 3分5. 翡翠炒龍躉球感覺鑊氣唔多夠,魚肉仍滑,不過唔多惹味.味道: 2.8分6. 魚湯鮮竹浸菜苗菜苗係白菜仔,呢個我食得好少,可能食得慢 ,白菜好似有少少苦.味道: 2.8分7. 芝士焗龍蝦伊

17-5-2016 (Tue)朝早起身肚餓,call仍o係茶樓o既爸爸買o野返o黎俾我食,我要o左排骨飯同潮州粉粿.佢買o左返o黎我就食得.打開睇,排骨飯o既排骨少到痺,加豉油就開餐.排骨同鳳爪都夠腍,味道o岩o岩好,唔太濃又唔太淡,飯o既軟硬度亦同樣適中.而潮州粉粿呢,size正常大啦,味道同口感亦算正常啦.睇返張單,排骨飯要$13.80,潮州粉粿要$10.80,加個$1.00o既外賣盒,盛惠$25.60.抵食係2.5分

尋日(29-4-2016 Fri)晏晝同老公,大嫂o係荃灣執屋,執完等埋大哥放工返o黎一齊食晚飯,加埋爸爸o既朋友一共六人,落樓下食啦.我o地去到,可能時間尚早,都重有幾位,坐低後睇,套餐得兩個,我同大嫂決定要$688.00o既精選套餐,再加$538.00o既金盞銀杏五色蔬同$68.00o既甘草話梅豬手粒.order完好快就有:6. 當紅脆皮燒雞半隻我冇食到,睇個樣好靚,問返老公,佢話皮係脆,但隻雞冇味,因為係雪雞,但肉滑多汁.敗筆就係雪雞出事呢.味道: 1.5分1. 上湯焗蝦球伊麵一份蝦球我冇食到,老公話蝦球爽口,但有少少鯹;伊麵味道好淡而且過腍.味道: 蝦球: 1.5分, 伊麵:1分4. 蜜桃沙拉骨賣相一般,沙律醬唔太酸,個骨好入味同微脆香口,大嫂同老公都讚.味道: 4分3. 蠔皇鮑螺片玉掌賣相砌得幾靚,鵝掌夠腍同入味,而鮑螺片,其實係咪就係螺片?呢個口感正常,生菜都正常啦.味道: 5分5. 果皮蒸鮮鮑魚口感正常冇乜特別啦,不過果皮苦.味道: 3分7. $58.00o既金盞銀杏五色蔬有白果,沙葛,西芹,木耳,南瓜粒同蜜豆,睇到南瓜粒唔多,食落,冇話邊款味道突出啲,近乎冇味,只係食到

約埋屋企人出街食飯, 最鍾意黎明星, 貪佢有片皮鴨, 而且又平又大碟.由於星期六晚, 所以之前訂定位, 7點半黎到都7-8成坐滿.片皮鴨(第1食)$68由以前$38食到而家$68, 片數比以前少左, 不過皮依然薄, 呢度片連埋肉, 咁食會飽D. 肉質幾有口感, 食落無起渣.片皮鴨既皮, 夠熱夠薄.片皮鴨(第2食)加$10茄子炆鴨, 茄子夠腍入晒味, 第2食既鴨肉都仲有好多, 不過就炆到老左少少.燒腩仔個皮得少少脆, 可能凍左變UN, 肉質幾好, 不過有D比較咸.荷葉蒸飯好大籠, 不過D飯蒸得淋左D, 同埋無咩荷葉味. 配料都算多, 有蝦有菇.話梅豬手煲話梅少少酸, 豬手炆得幾入味, 幾腍, 好膠口.XO醬翠玉瓜炒雞球XO醬炒到好香, 雞球都幾多, 肉質夠腍, 翠玉瓜幾爽口.清蒸大海班條魚好大, 蒸得剛剛夠熟, 夠鮮味.浸蔬菜(唔記得係咩菜)菜幾新鮮, D湯浸住唔算太咸.最後有生果盤(西瓜), 好甜, 不過食完無咁濟.埋單8百幾, 一般晚飯黎講有8個餸, 茶芥加一算係咁.

家人決定o係(11-6-2015 Thur)晚食端午節飯,我,book好位,o個晚o左大哥大嫂同我男友唔準時外,我o地5人都坐o係o度等,我o地決定要$1,288.00o既晚飯超值全包宴半席,係龍躉鮑魚全包宴同特價$68.00o既片皮鴨.好耐,大哥大嫂至到,我男友就突然要OT o黎唔到.我就邊食邊幫佢夾起拎走啦.好,開餐喇:1. 鴻運乳豬併盤有叉燒,乳豬,海蜇,雞同燒鴨.海蜇有少少辣,口感爭小小;叉燒係半肥瘦,甜甜地唔太鹹,又幾好食; 而乳豬呢,邊係乳豬?咁多肉,皮都仍脆o既.雞同燒鴨都不過不失啦.2. $68.00o既片皮鴨上枱時已經片好晒,味道正常冇問題.3. 上湯焗海蝦伊麵二哥一夾,全部係碎o既,有冇攪錯?我o地唔係o黎食餸頭餸尾o架?伊麵我覺得夠鹹,好似食到小小芝士味.海蝦size唔大,蝦穀又軟,真係可以食埋.9. 當紅脆皮燒雞半隻等o左幾耐吓,上o既竟然係最尾o既呢個餸,咁不如上壽包先吖.雞o既鹹度夠,肉質o岩o岩好,唔’o鞋’.4. 翡翠珊瑚蚌片翡翠係西蘭花,切到大大舊, 呢個餸唔係唔好食,只係味道好似爭小小.6. 紅燒海皇燴翅我o個碗唔係有好多海鮮,翅針亦唔多.當最後知道