影片
營業時間
今日營業
07:30 - 22:00
星期一至日
07:30 - 22:00
以上資料只供參考, 請與餐廳確認詳情
周六下午茶時間，喺油麻地搵嘢食，見呢間茶餐廳評價正面就同屋企人嚟試下。下午茶餐由1500開始供應，午餐係1130-1800。1500嚟到，兩樣都試到。（午餐）日式滑蛋叉燒、蝦仁雙併飯：$64；單點一樣餸係$60/62，雙併加幾蚊；份量可以；叉燒唔係平日見開的橙紅色，佢係啡啡地，感覺原汁原味同健康啲；蝦仁幾大隻，但似雪藏貨；試咗滑蛋同佢的秘製甜豉油撈飯；蛋炒得滑，品質同一般cafe出品差唔多；甜豉油入口好易接受，令人不知不覺食多咗飯（下午茶餐）特濃蕃茄湯午餐肉粒通粉：$46，配鮮牛油多士同4.3牛奶炒日本滑蛋；蕃茄湯冇想像濃稠，颜色睇落唔似有加茄膏去煮，佢係鮮味，似純粹以新鮮蕃茄熬製，有住家菜的味道，比較健康、家常；午餐角切成立方體，炸/煎香，有5粒；通粉軟硬適中；牛油多士係半塊厚多士，正常（下午茶餐）奶醬豬仔包：$36，配薯條/通粉沙律；同侍應講想走牛油、煉奶，對方表示牛油一早搽好，走唔到，只可走煉奶，呢個資訊令我有啲意外同失望，以為佢豬仔包馳名，會係即點即烘，走牛油只係舉手之勞，但原來牛油一早搽定，甚至乎個包可能已提前烘好；侍應話改多士就可以幫我走牛油，即係多士係即烘，豬仔包就唔係？豬仔包上檯時唔暖，乾硬，四邊有少少鎅口；花生醬的味道非常普通；配菜揀咗通粉沙律，份量唔多，入面有火腿，俾咗屋企人食熱薑汁奶茶：跟餐+$4；呢間茶餐廳有提供特式飲品；奶同茶味平衡，入口順滑，薑汁可以再落多啲，令薑味更出凍檸蜜、凍檸水：各+$2以為咁多好評加上周六，呢間茶餐廳應該好多人，但事實唔係，嚟到時餐廳未滿座；呢度地方闊落，兩邊放檯椅，中間留咗好闊的通道，其中一邊係卡位，坐得舒服。環境上，要彈的係冷氣唔夠，而出入口的門係一塊硬身膠板，入餐廳時差啲撞爛。侍應服務唔錯，不過想要水就要主動提出，而佢哋亦好快回應；食物的品質同價錢方面，食物的質素算係幾好（除咗豬仔包餐），雖然有唔少人吹捧，但又未至於非試不可。價錢喺女人街嚟講未至於平，性價比尚可，唔會令人失望，又冇太大驚喜。
繼續閱讀
自家製叉燒日本滑蛋飯旺記冰室的自家製叉燒日本滑蛋飯。首先自製叉燒相當有誠意, 因為也是頗費工的一道菜。然後結果是很好的, 出乎意料之外的好。這道菜結合了香口﹑又嫩又腍的叉燒, 以及滑嫩有蛋汁的滑蛋的美味料理。吃起來既滿足, 又滋味。吃得出用的豬肉質素很高, 沒有豬羶味或臭味, 而且肉質很嫩, 如果不好吃的豬肉用來製作叉燒, 可以很嚡口, 結果會差天共地, 所以很佩服店家肯投資, 買好的材料給食客品嚐。上桌時熱騰騰的, 自家製叉燒熱食特別香口，滑蛋滑嫩，配合煮得剛好的白米，真心好吃。這有點像日式親子丼的概念, 又有港式叉燒風味, 果然一絕。
繼續閱讀
【思思賢美食推介】灣仔茶記 hidden gem！滑蛋叉燒飯入口即溶！#全自費食評灣仔區嘅茶記最鍾意係旺記冰室，早排成日去灣仔開會，難得同老公夾到時間，就決定去旺記冰室食個晏。雖然係late lunch，但餐廳都仲係好多人，好彩等咗一陣就有位。一坐低就叫咗兩個我哋至愛嘅茶記經典：招牌叉燒滑蛋飯同特濃蕃茄湯午餐肉粒通粉，再加兩杯嘢飲，一杯茶走，一杯凍奶茶。招牌叉燒滑蛋飯 ($60)：一上枱，賣相的確冇乜特別，簡單到一個點，白飯上面鋪滿叉燒，再淋上滑蛋，望落有啲hea。但係，估唔到一食落口，真係有驚喜！個滑蛋真係名副其實「滑」，入口即溶，蛋香十足，完全冇過老嘅感覺。叉燒都燒得幾好，唔會太乾，帶少少焦香，肥瘦適中。重點係佢哋個秘製甜豉油，甜甜哋咁，撈埋滑蛋同叉燒一齊食，真係一流！完全將成個飯提升咗一個層次！抵讚！✨特濃蕃茄湯午餐肉粒通粉 ($56)：呢個蕃茄湯底真係冇得輸！夠晒濃郁，酸酸甜甜咁，好開胃！午餐肉粒炸過，所以外脆內軟，口感一流！通粉份量都好多，食完好飽肚。跟餐仲有多士同炒蛋，多士烘得脆卜卜，炒蛋都炒得幾滑，整體嚟講真係好抵食！💯 忍唔住連蕃茄湯都飲埋！茶走同凍奶茶都保持到水準，茶味夠濃，奶味香滑，甜度適中，冇得彈！👍🏻唯一缺點：就係座位真係比較逼，lunch peak hour去食真係會覺得有啲迫，食得有啲急。如果可以改善下座位安排就更好啦！總括嚟講，旺記冰室嘅食物質素真係唔錯，價錢又合理，係灣仔區一個唔錯嘅茶記選擇。下次lunch唔知食咩好，旺記冰室一定係我嘅top pick之一！😋#旺記冰室 #WongKeeCafe #灣仔美食 #灣仔茶餐廳 #香港美食 #hkfoodie #hkfood #causewaybayfood #茶餐廳 #港式茶餐廳 #叉燒滑蛋飯 #蕃茄湯通粉 #滑蛋 #炒蛋 #茶走 #凍奶茶 #香港奶茶 #hkstylecafe #午餐 #lunch #下午茶 #teatime #撐枱腳 #comfortfood #地道美食 #localfood #香港味道
繼續閱讀
網唔網紅餐廳我就唔知，我淨係知啲野食好咸，忌廉烏冬完全無忌廉味，得個咸字！星期日餐廳晚飯時間唔滿座，更莫講話要排隊，有空位情況下，侍應阿姨都係強迫你一定要搭枱，你話full house要搭我理解，坐坐下突然客多要搭我都理解，但係係唔滿而又有空既卡位情況下，點解要逼人搭枱？轉頭有個客一位又可以坐張4人卡位既？
繼續閱讀
旺記冰室呢間店，真係犀利到爆燈！每到飯點，旺記冰室門口就大排長龍，場面極之墟冚。如果係得兩個人去食，揀二人小枱會快好多。好似我今次，大約排咗兩枱嘅時間就有位啦。但如果同行人數太多，就真係唔建議嘞，等位時間可能好長，而且人多坐二人小枱唔舒服，坐大枱又唔一定咁快有位。終於輪到我哋入去坐低開餐，一試之下，即刻覺得排呢輪隊太值得啦！首先，一定要大讚佢哋個滑蛋，做得無懈可擊。蛋滑潺潺嘅，口感軟嫩細膩，入口即化，味道鮮香四溢，每啖都令人陶醉其中。叉燒，同樣精彩絕倫。叉燒色澤紅亮誘人，肥瘦比例剛剛好，咬落去，肉質軟嫩多汁，甜中帶咸嘅滋味喺口腔中散發開嚟，真係食到停唔到口。雖然要排隊，但就憑住呢出色嘅滑蛋同叉燒，已經值得我哋一而再、再而三去幫襯啦！
繼續閱讀
您可能會有興趣的...