旺記冰室 (惠芳閣)

營業中

休息中

見到好多人推薦，但次次見到勁多人排，所以無食到，今次食飯時間竟然都無乜人，一於去試下！，試左大熱推介既叉燒炒蛋飯，結果都冇乜驚喜。五十幾蚊個叉燒炒蛋飯，感覺有d唔值。蛋又簿，鼓油反而多到浸住啲飯🤢。/餐廳標榜自己係用日本雞蛋，無錯，的確幾滑，幾重蛋香 ，但感覺似蛋未熟透多d。對於我黎講甜豉油係滑蛋叉燒飯既靈魂之處，但呢個飯既豉油未免太多，多到湯飯咁，食完都怕腎虧。叉燒有小小偏瘦 ，燒得唔算入味，唔係好香。/店細但員工多，服務質素麻麻。好似驚你吾叫野食甘，有小小催人即刻落單的感覺，碟飯亦無令我想再回來吃既吸引力！加上平時排隊要排咁耐同埋咁既服務態度，我諗都係做遊客生意啦。😓

入面我覺得最好食都係印尼撈麵加炒蛋，其二就係蕃茄烏冬加野菜。 印尼撈麵加炒蛋嗰一個真係好好味，雖然菜真係得幾條又唔係好健康咁夜食嘅話一定會肥但係對於我好少食印尼撈麵來講真係覺得好正。  如果夜晚冇咁肚餓其實可以考慮吓食嗰個番茄椰菜烏冬嗰個又唔係好Heavy又有菜式加埋隻蛋其實都唔錯。價錢方面我就覺得都幾合理，上菜嘅時間都唔使好耐大概5至10分鐘就已經嚟到。 呢一間旺記冰室近排唔知做咩成日都要排隊已經係8:00去食但係都仲係要等😅

旺記開係公司附近，每次lunchtime經過見到人頭湧湧。大熱厭天時真係唔會想排隊。今次終於有機會食到叉燒滑蛋飯，果然名不虛傳甜豉油好好味，蛋夠滑，叉燒幾香，連平時唔特別鍾意食叉燒既我都覺得好味。怕排隊的話，建議外賣，等大約五分鐘就有。後記：有次經過尖沙咀分店，見到門口過半百人，唯有放棄

今日星期日個肚餓餓地，我都想食好啲，又唔係好想食勁貴野，咁我諗起我多年網友Benjuman，開嘅旺記冰室，當年開簡直係鰂魚涌一段清流！唔係講笑鰂魚涌好難搵到好食嘅嘢！除非比好連貴啦！我都醒目特登唔lunch去，Lunch去一定排到叫到救命，想不到我4:00去仍然要排隊！其實我唔係好鍾意排隊，唔緊要啦好食又抵係咁樣！但我今次去好似冇以前咁好，以前有Menu揀嘢食，宜家只剩下玻璃底幾個餐，講真㗎我食得好尖，香港翻版食神就係我，原來個最貴個飯都只係$59..係滑蛋叉燒蝦仁雙拼飯。咁我就叫啦，侍應話叉燒冇晒轉左牛肉或者午餐肉，我就話牛肉照去。落到枱就發現水準，無復當年勇！一望落去得三粒蝦仁🍤，唔緊要啦50幾蚊個飯係咁，一啖食落啲牛肉度，食到食粉味，好明顯呢個牛肉原本唔係準備做呢個菜式。事實都唔難食嘅，係我嘴刁姐！我就帶咗個薑汁奶茶，我如果特別囉！食物配襯方面就唔覺得好出眾！我記得上次你食嗰個飯係好好食！堅係好食但已經唔記得咗係乜嘢？總括來講嚟呢度都係冇錯嘅！因為佢附近全部都非常之不堪...我唔係講笑我煮仲好食過嗰啲人...所以行過都應該試吓！最後值得一讚，侍應生再咁忙碌環境下工作，仍然保持專業

成日都聽旺記有幾正 但次次都見咁多人 想食都難呀所以一直都未食過~難得今日老細唔係到 又見今日星期五 可以輕鬆D 所以個lunch我就同同事大膽推薦去食旺記  大家梗係話好啦等得耐都唔怕啦 原來真係要等好耐 花兒也謝了企係門口睇下食咩先~等左大概30分鐘啦 個人都就快溶了終於可以入到去食眼見大家都係order同一個 我都唔例外自家製叉燒日本滑蛋飯 配旺記秘製甜豉油 ($55)一上碟就已經食指大動 呢碟飯的重點有2項 :1. 蛋 - 呢到用可生吃的日本蛋加入牛奶炒至7成熟 ，口感嫩滑之餘蛋味濃 2. 豉油汁 - 以蔬菜湯加入日本豉油製成，有一股獨特的清甜味淪為配角的叉燒也不錯 肉質均等 每片都有小小肥膏其實碟野原先係有蔥既 不過我唔食 就走左唔知 對於愛食蔥既朋友 會更加想食呢份量其實不少 如果你要少飯或多飯可以預先同侍應講很多時冰室的侍應質素和態度都好參差但呢間D人都不錯 唔會兇你 已經好好有機會好想黎試下呢到既下午茶唔知幾時會再黎呢 

本人對滑蛋飯不嬲情有獨鍾，呢日同個frd係鰂魚涌搵食，搵到呢間旺記冰室，就即管試下。我地係午飯時間去食既，所以都等左接近廿分鐘左右先有位。不過，等咁耐係絕對値得既。因為佢既『滑蛋蝦仁叉燒飯』的確係超頂級。滑蛋唔太生唔太熟唔在講，蝦仁都係生熟度適中，叉燒更加唔會乾爭爭。一啖飯，配上豉油、滑蛋、蝦仁同叉燒，一次過係口入面咀嚼，真係說不出既享受。咁口味既飯，唔夠十分鐘已經食完。老實講，其實係唔會食得厭！

假日中午，在英皇道旺記門外大排長龍，心想，這餐廳應有過人之處，否則又怎會吸引那麼多人在炎炎夏日下排隊呢！看到餐牌，基本上款式不多，好像要告訴你他貴精不貴多，有兩三款更標榜著自家製，跟街外的冰室是有分別似的。我點了自家製叉燒 日本滑蛋飯，加凍奶茶。畢竟也是冰室，很想一嚐他們的水吧的功力。喝第一口奶茶，覺得跟一般的沒有太大分別，沒有奶香，茶味又不夠濃。然後滑蛋飯很快便來了。他們沒有吝嗇醬油，滑蛋面上鋪滿醬油，質地不是稠稠的那種。說真的，雖然説有很多醬油，但吃下去不會太鹹，配上滑蛋是簡單美味的配搭。但如果他們標榜日本滑蛋，我就覺得它只是做到滑，但不夠香。整體來說，已比很多冰室好了。

今日男朋友想做瑜珈堂前食茶餐廳 咁就捨命陪君子啦好彩依間旺記係好味既排左一陣 拎左個籌 好快都到我地 大約十分鐘到為求一坐低就有得食 侍應哥哥都會要求你落單先我叫左叉燒蝦仁炒蛋 佢就淨叉燒炒蛋 我地仲叫左凍檸水同凍檸茶個個叉燒炒蛋 配佢自家製既甜豉油 真係絕配好快三兩下就會食哂⋯ 因為太惹味⋯ 係好滑同香既 我簡左小飯相對比我男友個個 佢又真係細d平時我都唔好飯既 但係依個配搭 令我一粒飯都無食淨！埋單118$ 希望下次男朋友可以早少少起身同我試埋早餐啦！

呢間冰室嘅滑蛋叉燒飯都幾出名，近排去嗰頭做嘢終於都有機會試吓呢間冰室😍一入餐廳就被滑牛肉蝦仁雙併日本滑蛋飯（$59）吸引咗！牛肉真係幾滑又唔韌，蝦仁好爽口，而D滑蛋份量啱啱好，令到每一啖飯都食到蛋同葱花，（算唔算係港式蛋包飯🤣）雞蛋係日本直送咖，難怪咁滑~不過最出色係個甜豉油！由於唔太鹹，所以令豆味更突出，撈飯食真係停唔到口～-特濃蕃茄湯午餐肉粒通粉配多士炒蛋（$50）個湯底好濃好正，我飲咗幾啖湯🤣厚切午餐肉粒煎過比較香脆乾身，我中意呢種質感多過平時茶記好多油嗰款~-熱薑汁奶茶（+$4）明明依家夏天，但我真係好中意飲奶茶，所以忍唔住試吓呢個特飲。都幾有薑味，呢杯就相對上奶味會減低咗，無咁甜，不過味道都幾match幾特別，值得一試，如果冬天飲應該更加驅寒～-愛爾蘭咖啡（+$4）（無影相🙈)同事叫咗呢杯係茶記非常少見嘅愛爾蘭咖啡，其實係加咗愛爾蘭威士忌落去調製，同事們都話幾有啡味幾特別。以茶記黎講跟餐加$4就有Irish coffee真係性價比好高，打工仔記得試下！-下次我一定要試埋滑蛋叉燒飯💪🏻

通常星期六lunch 我會選擇東區, 因為自己主東區之餘。 去北角就唔會塞車。 今日再來幫襯旺記, 側魚涌嘅較灣仔好! 因為小人排隊 😍. 12點到。 即刻有位。 其實食過好多次, 最欣賞都係 1 同 5 號餐。 叉蛋飯同番茄餐肉通(唔改奶油豬)。 但緊記要多飯多蔥 (多蔥啱啱先識). 叉蛋有蔥加d 改良過嘅豉油 真係好掂。 之前食過蝦 但個人都係較喜歡叉蛋。 餐肉番茄通, 湯底掂 加上餐肉鹹香亦無得輸。 仲有多士炒蛋。 mix 埋真係好滿足。 其實奶油豬唔錯 只係女友唔鍾意太甜。 如果你都正常胃口嘅就緊記 多飯多蔥。

唔知點解呢個甜豉油有總魔力，令人耐不耐就會想食，好似上左癮咁 特別係配埋蔥花 滑蛋 一個咁簡單既配搭但個種香口感覺 真係令人唔覺意會食多幾啖飯雖然下午茶時間冇咩人唔洗等位 ，但可能想食既已經賣哂，好似我咁估唔到都五點鐘到，叉燒已經賣完唯有轉牛肉，但始終都係覺得叉燒好食啲。希望下次食到另外都叫左個咸牛肉三文治，雖然都好好食，餡多 皮脆，但有一點真係要扣分，就係咸牛肉冇咸味 花生醬既味道完全 cover哂咸牛既味道，不過呢份三文治質素已經係水準之上

三，文，治，一款常見的茶餐廳料理。一般茶餐廳都是單款或雙拼的餡料，為控制成本，份量都較單薄。旺記的三文治，遠近馳名，熱爆茶餐廳/冰室界。旺記烘麥包三文治四重奏，特別之處便是爆餡了。四重奏，顧名思義，夾上四款餡料。以雞蛋、生菜絲、花生醬為底，能選配咸牛肉、午餐肉、肉丁、免治牛。咸牛蛋治，來杯凍奶茶，最搭配了。按以往經驗，吃這三文治都非常狼狽。即點即製，熱騰騰的餡料夾在多士中，在生菜絲與花生醬的濕潤下，麵包很快軟下來，醬汁、蛋汁不經意的滴下。溫馨提示，吃前需先預備紙巾。比臉皮還厚的蛋角裹著咸牛肉跟生菜，美食當前，櫻桃小嘴都變大口了。每口都是滿足的感覺。

食完呢餐飯得一個感覺 跟標題一樣乜都咋咋臨 呢間旺記冰廳 星期一至五中午時間 門口 真係多人到冇位企 等入座嘅客人絡繹不絕 但係我建議你哋唔好對呢間冰廳有太大期望 雖然食物質素 物有所值 但係 餐廳內座位非常逼夾 加上 午餐時間太多人 根本冇足夠嘅時間畀你享受美食講返餐點 當日我叫咗一個滑蛋叉燒飯加凍鴛鴦 食物質素中上水平 滑蛋叉燒飯最出色並不是叉燒,滑蛋 or 飯 而係配角甜豉油 用量恰到好處 不會令到整個白飯變成豉油撈飯 配合住 七八成熟嘅炒滑蛋 令到整個碟頭飯非常濕潤 易入口凍鴛鴦奶茶咖啡比例拿捏得十分準確 既有奶茶的滑又有咖啡的香, 美中不足的是 冰塊並不是一般茶餐廳用的碎冰,而是採用大冰塊和碎冰混合,在炎熱的夏天略嫌不夠冰凍。整體感覺不錯,食物飽肚高質但環境卻不敢恭維。

幸好工作彈性的午飯時間，讓我可以四周尋找美食！自從吃過大圍的一家滑蛋叉燒飯之後，就一直很想再找到一家同樣好吃的餐廳！經過一番上網搜尋之後，便找到這家在公司附近的餐廳，他們主打的是滑蛋叉燒飯！一坐下便決定要試他們的皇牌：日本滑蛋 叉燒 蝦仁飯但是一家主打自家制叉燒的餐廳，竟然說叉燒賣完了？我就心想可能真的太好吃太多人吃吧最終他們說可以把叉燒轉午餐肉，便接受這個安排日本滑蛋 午餐肉 蝦仁飯 $59 / 好食指數：●●●●○滑蛋：因為是日本雞蛋的關係，口感順滑入口，蛋味濃郁午餐肉：不過不失，但煎得很好，胞邊但肉質不老！蝦仁：吃得出是新鮮蝦仁，蝦味濃和肉質有彈性/整體：三者也很出色，很好吃。很喜歡加入蔥花一起炒滑蛋，更加惹味！整結來說，我覺得不錯，理應一個好吃的食評，但是對於主打叉燒的餐廳，卻在中午時間便賣光的問題（因為心想那晚市怎麼辦？），只能給一個OK的食評！

今日放Lunch.唸唔到食咩好，就轆左下open rice。見到旺記點評好似好正咁。於是就同一班同事去試下。鋪頭不算大，因為我地都係2點後先到，所以客人並不多。提提:下午茶3點後先開始。所以我地食既係Lunch.MEUN有齊晒BREAKFAST、LUNCH、TEA SET可以見到其實選擇並不多。但相望落都幾吸引。見到個餐廳環境以及餐具兜都感覺衛生狀況良好。同事們點左自家製叉燒日本滑蛋飯、爽口蝦仁日本滑蛋飯、日本滑蛋叉燒蝦仁雙拼飯。一上臺，望落個份量都唔少，而且賣相唔錯。不過同事話蝦仁雖然大大隻，但無味，所以爭D.我點左個鮮薑汁豬潤鮮雞湯通粉，跟埋個牛油麥包多士同牛奶炒滑蛋。通粉先上臺，可能先見住d飯先上臺，有對比，所以覺得通粉份量並不算多。但加埋個麥包多士與滑蛋都食到飽得撐一撐。先講講個湯，雞湯我就食唔太出。但都重薑味，但不會太辣。豬潤都岩岩好唔會太老。滑蛋真係唔錯。非常滑。but有反d鹽會再好d.多士牛油少左D.飲品叫左杯薑汁奶茶。嗯。第一啖，濃濃個薑汁味。奶茶味偏淡。無糖。總d黎說都ok.