旺記冰室 (惠芳閣)

營業中

休息中

疫情關係，少咗出街食飯。最近心血來潮，好想食旺角既炒滑蛋，於是外賣咗盒返屋食。旺記既炒蛋向來出名，除咗可以配叉燒外，仲可以揀蝦仁牛肉炒蛋。我今次就嗌咗蝦仁牛肉炒蛋飯，仲配咗其他茶記少有既薑汁奶茶，拎返屋企慢慢嘆。即使係外賣，旺記都保持到水準，大大隻蝦，而且爽口彈牙，又唔會過老，而牛肉片都好嫩。至於主角滑蛋，真係好滑，入口除咗試到有蛋香味外，仲有陣陣既奶味，入口好滑。不過飯就有啲乾，唔知係咪因為我有翻叮過盒飯既原因。而薑汁奶茶，其他地方都好少見，所以點都嗌杯試試。薑汁加奶茶都係少見既配搭，薑味加埋滑既香滑奶茶，值得一試。旺記仲有好多其他美食，下次再叫其他試試先。

公司附近呢度開咗唔少冰室今日仲要繼續做野 所以晚飯就去呢間未食過嘅冰室買咗蝦仁滑牛肉雙併蛋飯外賣 再埋杯冰檸茶等得唔算好耐 返到公司仲係熱辣辣份量都唔少 牛肉煮得啱啱好唔會太鞋 有一定嘅厚度有口感 唔係薄切切個種 對得住滑牛之名 個滑蛋雖然食唔出係咪日本蛋 但真係煮得都好嫩滑 可能因為佢加左牛奶 搭配埋彈牙蝦仁真係一流享受 個價錢比起附近冰室算較便宜 值得再黎滑蛋飯確實係好多餐廳都有但係呢間真係煮得幾出色 而家比佢餐牌個小確幸雞扒吸引左 好快又會再黎

最近都繼續食緊外賣🤭，今晚自己一個搵食就來到旺記冰室試試佢。叫左個 野菜蕃茄麵豉湯讚岐烏冬（$56），見餐牌寫住150g特多蔬菜，覺得好吸引。 怕唔夠飽，店員就建議我叫雙倍菜（+$10），非常健康。先講佢啲野菜，因為係雙倍菜，所以外賣盒著左三分之一全部塞滿菜。 入面有木耳絲、火腿絲、蘿蔔絲、超級多洋蔥、超級多椰菜同埋粟米粒粒。個人鐘意撈埋蕃茄湯來食，濕濕地好易入口。鮮蝦整得幾乾淨，爽同埋有蝦味。 滑蛋亦都好大塊，好好食，真係非常滑。最重點嘅讚岐烏冬塞滿左個外賣盒，拎到返屋企食都仲好彈牙，就算浸住湯都唔會變成一pat pat 🤣🤣。蕃茄麵豉湯幾好飲，唔知係咪因為加左麵豉醬，佢入口一啲都唔酸。 撈完野菜同烏冬，唔好嘥野，成盒拎起飲埋啲湯。跟餐有野飲，天口熱叫左杯凍檸茶（+2），碎冰、檸檬唔苦。Menu張相無呃秤，真係有咁多料。以一個女仔嘅份量來講，可以話係食到飽飽。出餐快，店員nice，會再回頭。

又嚟到太古呢頭行街, 因為仲未可以堂食就唯有叫take away啦! 咁我地就要左嗌旺記嘅, 見到大家都大推滑蛋就叫滑蛋啦! 呢間有滑牛, 同其他唔太同, 所以就叫左佢啦! 朋友想食蝦咁所以另一個叫左蝦的~ 有蝦嘅係可以併埋牛(58), 包埋野飲! 滑蛋真係炒得出色, 熟度剛好, 而蝦都幾彈牙, 唔會好hea咁炒. 加上佢D米飯係粒粒分明, 同以比D滑蛋好好包住~ 另外個個滑牛就有異曲同工之妙, 想食多D牛肉嘅都可以揀番! 牛肉就唔會太腍, 有咬口得嚟亦冇過硬~

屋企附近嘅take away都食左好多次啦, 今日就去遠小小食啦! 嚟到旺記唔少得係食佢嘅滑蛋飯, 太古呢間居然有滑蛋牛肉飯, 咁當然要食下啦! 侍應哥哥好有禮, 仲好貼心咁唔將D豉油倒落飯, 用個盒仔裝住, 就唔怕D飯濕哂了! 🥰🥰滑蛋食落熟度剛好, 加上甜豉油撈就更正了. 而D牛肉都幾多件, 食落腍得嚟係有texture的, 唔會over左! 🙉. 另一個就叫左滑蛋牛肉併蝦飯~ 蝦都幾彈牙! 加上滑滑蛋食係更rich嘅😻😻

行經鰂魚涌，下午茶口痕痕，又有少少肚餓，見到OpenRice嘅食評咁高分，即刻忍唔住就入去試吓！張相感受到炸雞髀嘅香味嗎？🤣邪惡-南乳炸雞髀 🍗 $38啱啱炸出嚟嘅時候，外脆內軟，雞髀又滑又Juice，仲有鹹鹹地嘅南乳香味！一啖咬落去嘅時候，脆卜卜，簡直不得了～一隻雞髀份量啱啱好！以下午茶來講，質素同埋抵食度，性價比都十足！薯條係好食嘅，有薯味嘅薯條！！朝得到嘅薯仔，而唔係普通麵粉～餐廳入邊都比較多畫色，擺設，富有香港特色👍🏼呢間餐廳會再回頭的

旺記叉燒滑蛋飯係呢度附近比較好食既，正常普通午餐價錢，50幾蚊一餐。食過佢既豬潤通都唔錯，豬潤易入口。薑汁奶茶就唔太啱本人口味，叫返其他野飲okkk。呢間係可以返兜之選～

今日口痕想食西多士就睇下公司附近有冇咩餐廳有啦就見到旺記有wo 就買黎試下佢係切好哂一份份一口size啱晒我外賣返office食 唔洗煩直接啪味道唔錯 好多煉奶花生醬正

經過這間旺記冰室，被一招使用日本雞蛋壓制！然後再被餐牌上的「旺記三文治四重奏」擊敗！實在，少見餐廳使用麥包。還配鮮牛肉，再配雞蛋，再配生菜，還要加花生醬！問你怕未！雖然，「使用日本雞蛋」聽起來很不愛國，但是當我將三文治塞進口中第一瞬間，已立刻收聲了！鮮牛已不錯，雞蛋味更香！不過生菜沒有太出彩的地方，而花生醬，亦看不到吃不出！是否忘記放了啊？最後點了個現磨咖啡，有點淡。又一鐵規則，冰室不要喝現磨。不過離開前看到牌子：湯底使用鮮雞，多厲害的marketing，一句話提高回購率！下次再來試試。

收工攰攰地唔想煮飯 番到屋企樓下睇下有咩餐廳好食. 經過旺記冰室，比佢既招牌差燒滑蛋飯吸引左過去. 之前都有好多朋友講依間野既野食唔錯，一於試試佢.依度好多款野食，樣樣睇落去都好似幾正，一時三刻絕對係揀唔到的，好彩我目標明確，不過最後揀左個滑牛日本滑蛋飯.番到屋企打開盒飯，簡直就係色香味俱全，蛋好滑，好牛好彈牙，再加上蔥花吊味，簡值令我食到停唔到口，有一點可惜既就係份量有啲少，如果女仔食就岩岩夠.去冰室食野，緊係唔少得標凍檸茶.一個外賣加野飲$60算係抵食，值得推薦👍🏼👍🏼👍🏼

Overall experience is alright. This is a place for some local fast meal. Simple meal and price range is okay.The macaroni in tomato soup set with scramble egg and toast is simple and filling. This place is always super crowded and busy. Need to line up for tickets every-time. Not a good place to chat or chill because people talk super loud and the place is very packed.  

呢間冰室我自己勁鍾意😍😍佢啲set menu我基本上每一款都試過😂😂佢選擇唔係好多 但係款款都幾好食 尤其我超欣賞佢個奶油脆豬 時不時都掛住🤤·特濃蕃茄湯午餐肉粒通粉$45呢一個勁好食 佢個蕃茄湯都幾濃 拍得住個啲蕃茄湯專門店🍅而且佢啲午餐肉係煎到超脆 我自己就鍾意食晒啲麵包啊雞蛋個啲先 等個通粉再索多啲汁先食🤤·+$5 轉奶油大脆豬我每次食都一定會加錢轉 因為我真係超鍾意食佢🤤呢度個奶油脆豬係真係嗌完佢先整俾你 所以係熱辣辣脆啵啵嘅 而且我覺得佢上邊嘅煉奶份量都恰到好處 個麵包脆得黎又唔會太乾身 我自己幾鍾意佢個口感😎·鮮忌廉雞湯鮑魚火腿絲通粉$38呢一個湯底我男朋友幾鍾意 佢話個忌廉雞湯好好飲 不過佢係襯麵多啲既 麵可以掛到多啲湯😌但係大家留意公仔麵係要加錢轉架 仲要同出前一丁一樣價錢🙊所以大家鍾意嘅可以直接轉出前一丁😂😂之後佢個鮑魚絲同火腿絲口感都唔錯 唔會一pat嘢咁樣·📍鰂魚涌英皇道955-957號惠芳閣地下A號舖📍灣仔謝斐道142號建利大廈地舖📍尖沙咀亞士厘道29-39號九龍中心大廈地舖📍油塘高超道38號大本型3樓308-312號舖大食代

喺鰂魚涌地鐵站一出對面就有一間旺記冰室呢間係一間以日本眼做主題嘅茶餐廳第一次見茶餐廳會寫明自己用日本蛋由於今日趕時間所以就買外賣餐牌選擇唔多但就簡而精啱晒啲有選擇困難症嘅人所有套餐仲會賠返私密奶茶或者忌廉即磨咖啡添一於試吓佢舖頭主打嘅日本蛋飯已外賣來講賣相尚算唔錯蝦同牛肉嘅比例都幾多蛋亦都唔會煎得全熟仲有液體嘅狀態蝦仁大隻爽口，同蛋非常之夾牛肉亦都做到好滑身由於加咗4.3日本鮮奶落隻蛋度所以隻蛋都好滑身成個飯調味啱啱好唔會過鹹分量來講亦都啱啱好唔會太少白飯就會配上啲汁，撈勻之後成個飯都叫有汁唔會太乾，由於蛋唔係煎得全熟嘅關係亦都有蛋汁可以攞嚟撈飯整體上來講品質禮計$60個外賣都算合理，值得一試

自從武漢肺炎後已經好耐冇同朋友聚餐，連假期都係係附近買外賣番屋企食就算😪好彩屋企附近都算多選擇，今次就揀黎"旺記冰室"，之前試過佢個蝦仁滑蛋牛肉飯相當不錯。點左個店長推介既«海鮮XO醬豬肉眼扒飯»仲加多$10加配日本炒滑蛋，由落單到離開，全程只需十分鐘👍🏼豬肉眼扒有點像豬柳，非常鬆軟但又很彈牙滑蛋是此店名物，加上用上日本蛋，比一般雞蛋厚實，配上海鮮XO醬更是一絕米也是選用了日本米，一點也不馬虎

最近都是潮流興吃外帶回家吃，所以就在屋企樓下吃了這間旺記冰室，記得還有兩三間分店，都要大排長龍，難得時間尚早，不是太多人。餐牌主打牛肉滑蛋飯，因是用了正宗日本雞蛋，餐廳內都見到很多箱日本雞蛋，用料成本高，價錢又不算太貴，我當然也一定要試試滑牛肉蝦仁滑蛋飯$59，配凍飲只加$2，再另加了一杯凍檸樂走甜。滑牛肉蝦仁滑蛋飯 - 餐牌註明是旺記秘製甜豉油，果然味道不錯，醬汁甜帶差香，牛肉嫩滑，滑蛋鮮嫩，外賣回家都保持水準，滿分💯。