旺記冰室 (惠芳閣)

營業中

休息中

No! 依個唔是普通早餐火腿通依個係 ($39)！//入門口前已經見到佢有標榜所有清湯底同忌廉湯底都用鮮雞製作 🤔結果一入到口 個雞味真係幾清甜 😲味道上係有少少似Pizza Hut果隻忌廉雞湯但Texture上係完全唔會稠唔會話飲左個湯幾啖就已經膩左圖三有證據㗎 我仲飲曬成個湯試問邊有火腿通個湯底咁好飲 又冇味精味 😋另外火腿絲同鮑魚絲都好多 幾滿意//跟餐嘅多士都有啲心思 係用麥包而且牛油仲搽好比你不過我個包邊就燶左少少 🤏🏻隻蛋都夠滑有蛋香//分數: 9.5/10✨個忌廉雞湯真係好好飲🥹🥹不過據知平時午市就好多人排隊排隊就扣0.5分了午市未試過 不過啲滑蛋飯望落都吸引 😜伏味: 1/10💩果日冇其他位揀我坐嘅枱底有好大灘水冇人清理行入去跣左少跣 😕//📌 旺記冰室 Mon Kee Cafe鰂魚涌英皇道955-957號惠芳閣地下A號舖--分店: 灣仔 尖沙咀 油塘//#港島 #鰂魚涌 #鰂魚涌美食 #太古 #太古美食#茶餐廳 #早餐 #雞湯 #火腿通粉 #HKFoodie #Foodie_Server_鰂魚涌 #旺記冰室#HKIG #HKFood #HKFoodBlogger #H

講起旺記相信大家食得最多就係佢嘅滑蛋叉燒飯、滑蛋蝦仁飯，其實佢嘅下午茶都非常出色。👍 麥包奶醬一口西多士厚麥包多士入面搽上厚厚花生醬，沾上蛋漿去炸，面頭再淋上煉奶，好新鮮食熱辣辣。雖然卡路里爆棚，不過滿足感都爆曬棚。👍 旺記烘麥包三文治四重奏（午餐肉x雞蛋× 花生醬×生菜）其實佢有四款肉可以揀，包括鹹牛肉、免治牛肉、五香肉丁、午餐肉，我哋今次就揀咗午餐肉。午餐肉同厚厚嘅滑蛋炒埋一齊，再加上生菜，口感豐富。配花生醬亦係一個少見嘅配搭，有驚喜。如果唔鍾意食花生醬，可以轉做咖央㗎 ！👍 熱奶茶偏重奶味，不過不失。

呢間自家製叉燒日本滑蛋飯出名好食，可惜我地遲左黎，叉燒已經賣曬，唯有叫蝦仁滑牛肉雙拼日本滑蛋飯，可以一次試曬蝦仁同滑牛肉，日本滑蛋加上香蔥炒過，好香滑，再配上秘製甜豉油，送飯一流！

🌃 食肆環境為典型茶餐廳格局， 有 四人卡位及二人座位。.👨‍👩‍👧‍👧以下為2人份參考（💲人均$5x) (午餐).🍛 自家製叉燒日本滑蛋飯💲 55👉 餐廳嘅招牌叉燒滑蛋飯， 自家製叉燒肥瘦均勻， 日本滑蛋好香滑同Creamy， 仲加上香蔥炒， 配上秘製甜豉油撈白飯。.🍛 日本滑蛋 叉燒 蝦仁 雙拼飯💲 59👉 呢個除咗叉燒 仲可以試埋爽口嘅蝦仁 ， 由於雙拼關係， 兩款各款份量會比較少，不過可以試齊。.🍹 凍奶茶，凍檸茶💲 跟餐凍飲加兩蚊👉凍飲屬於正常水平.🤠 通粉 foodie 食評總結 :👉 招牌叉燒滑蛋飯配上日本雞蛋， 這個價錢尚算抵食， 就算較遠地區專誠到訪也唔會失望， 不過留意部分時間，餐廳比較繁忙， 不要逗留太久。.🕍旺記冰室 (惠芳閣)鰂魚涌英皇道955-957號惠芳閣地下A號舖.此價格只供參考及以當時為準，實際價格或會與本文章有所差異。-

喺鰂魚涌返工返咗幾年，日日都見呢間餐廳一到Lunch time就有堆人喺度排隊，有時多人都會塞住條路🤣➼ 滑蛋牛肉蝦仁飯（晚餐）呢度岀名嘅就係個滑蛋，名符其實個蛋真係滑嘅👍🏻蝦仁都大粒，牛肉都嫩口，加埋甜豉油令成個飯昇華咗🤣剩係講食物質素嘅話，其實都唔錯㗎😝➺ 小分享：呢度有用餐時間限制，佢哋限制由上菜起計30分鐘內要埋單還枱，我都明白呢個限制係想啲人快啲食完就走，始終Peak Hour多客。有次應該真係好多人排隊，剩返5分鐘已經嚟提我哋差唔多時間，咁我哋又衰，幾個女仔食嘢又慢，得返5分鐘都仲有幾啖飯同半杯嘢飲未飲。到真係夠鐘，我哋幾個夾緊錢準備岀去埋單，真係起咗身要行岀去嗰隻，都仲要催我哋！老實講，自此之後我哋都冇堂食過，就算買都買外賣，費事食得慢比人催。所以如果大家想輕輕鬆鬆食個Lunch，十分唔建議堂食，寧願你買外賣開心啲。

🇭🇰旺記冰室·呢間冰室我自己勁鍾意😍😍佢啲set menu我基本上每一款都試過 佢選擇唔算好多 但係款款都幾好食😎尤其我超欣賞佢個奶油脆豬 我次次都會加錢轉😈😈·自家製叉燒日本滑蛋飯$60佢呢度個滑蛋飯真係超大兜 我呢度係已經扣咗底 都係食到好飽🤤佢個叉燒係真係完美嘅半肥瘦 雖然薄身少少但係份量好多🐷之後佢呢度既滑蛋真係炒到好滑 而且佢唔係落超多奶嗰種嚟嘅 我自己好鍾意 配埋佢個甜豉油勁開胃😋😋·鮮忌廉雞湯鮑魚火腿絲公仔麵$48轉奶油大脆豬+$5之後佢個忌廉雞湯都好濃雞味 飲落好舒服 唔會好膩🐤不過我地就覺得佢呢個襯公仔麵多啲 因為可以掛到多啲湯 之後佢個鮑魚絲同火腿絲份量都好多😈最後推介大家+$5轉呢個奶油脆豬 佢係真係即嗌即整 所以上檯既時候仲係暖暖地既 之後佢個外皮係焗脆左 但係中間仲係鬆軟既 唔會乾曬 配埋上面既煉奶恰到好處😋😋·#rbyeat#rby港式#rby鰂魚涌 #rby灣仔 #rby尖沙咀 #rby油塘

.鰂魚涌旺記冰室 🐵💫特濃番茄湯🍅午餐肉粒🐖通粉名不虛傳😆🍅番茄味真係特濃!!我連湯飲埋😂😂一滴不留午餐肉粒煎得好香口😍係即叫即煎👍🏻好新鮮💫奶油豬🐷香脆而且暖暖地😍💫牛奶炒蛋……….味道：🐷🐷🐷🐷🐷5/5服務：🐷🐷🐷🐷🐷5/5衛生：🐷🐷🐷🐷🐷5/5性價比：🐷🐷🐷3/5(冰室早餐黎講🤔略貴左小小，但係味道絕對👍🏻👍🏻😍)如果係附近返工一定日日早起身為食佢嘅早餐😂😂

之前都有食過、食物質素係ok嘅。話說今日中午再去食飯，繁忙時間要排隊取飛，十分正常同理解，取飛後便一直等。我倆位等咗十分鐘，其間有啲一位入先（飛號碼在我之後）都明白、之後竟然在我後面號碼嘅六位，個服務員竟然叫佢哋其中兩位入先、之後又再比其餘兩位入坐，我同佢理論、佢竟然講大話、話他們在我排隊之前。（我明明見到佢哋六位遲過我、不過看似熟客就放佢哋入先）但如果係咁樣嘅服務態度、我想我都不會有機會幫襯這食店。

旺記冰室最出名一定係佢地既招牌叉燒滑蛋飯，用左日本雞蛋同牛乳去炒，蛋味濃又炒得夠滑，仲有半肥瘦叉燒同秘製豉油汁，每日午餐時間都吸引左好多客人前往.今日想試下佢地既下午茶，款式都幾多，有通粉、三文治、豬仔包、西多士、撈麵等，但下午茶當然要食d邪惡野，所以叫左炸南乳雞脾配薯皇炸南乳雞脾配薯皇 $38外賣盒蓋有一邊切開左三角形，比炸物疏氣，都幾貼心，不過因為外賣關係，其實炸物脆度都大打折扣，特別係薯條，完全係腍哂🙁比油浸住一樣，雞脾南乳味幾香，皮仲有點脆，調味唔會過重，炸得都算合格，大隻之餘，唔會overcook，墊底仲有沙律菜，不過都係比油浸住就冇食

呢間真係打工仔放lunch嘅恩物，喺太古鰂魚涌呢啲地方返工 想食好少少閑閑哋都$70起跳 尤其是當你變做日本人《長期良美》呢間真係大件夾好抵食！滑蛋叉燒飯，選用日本雞蛋加上牛乳炒的滑蛋，配用自家製叉燒及甜豉油。真的完全唔似食緊茶記而似食日本餐多d。唯一唔好就係地方比較細同逼，就算食唔夠一個鐘，店員見你食完，就算杯嘢飲未飲晒就會提你夠鐘枱。

今日book咗晏少少去做瑜珈🧘‍♀️，所以9:30左右起身就即刻落去屋企附近食飽佢！早餐對我嚟講真係好緊要！冇食嘢真係頭暈兼冇力！我哋食咗早餐B 同 D! 即係鮑魚絲火腿通粉同沙嗲牛肉公仔麵，配炒蛋多士，飲咗熱檸茶同鴛鴦！通粉未熟透，而且一嚟到已經冇乜湯，而且炒蛋比較老，多士亦略為未見香脆！至於沙嗲牛肉公仔麵呢！勁重蒜頭味，冇咗平日沙嗲醬嘅花生香味！我老公話食到口都臭埋🤦🏻‍♀️🤦🏻‍♀️！我其實之前已經食過旺記好幾次，不過我覺得佢真係退步咗！有啲失望😮‍💨

同事話旺記冰室D 叉燒滑蛋飯好出名，lunch就黎試試係咪真係咁好食!我地各自點左一個，加杯奶茶，個份量好似唔夠，我地好快就食哂成個飯，味道是正常水準既，可惜有少許名過於實，滑蛋不算好滑，叉燒有D瘦，岩哂唔中意食肥叉燒既上班一族/街坊

容許我講，第一啖食滑滑嘅蛋，配大大隻嘅蝦仁，真係好有幸福感！不過如果揀雙拼（叉燒蝦仁炒蛋飯），蝦仁只係有三隻，所以下次都係食返淨蝦仁感覺抵啲！唔知點解上次叫外賣嘅時候，嗰杯忌廉咖啡係好飲啲，堂食呢杯好似冇咁好味！無論如何，屋企附近有旺記，真係好開心

睇標題都知要食咩啦大家好好食好好食好好食.本身係花生醬控又係麵包控雖然肉丁比較邪惡但呢個配搭唔食會後悔另外鮮牛我都推介👍🏻好嫩滑用上麥方包又好似健康返小小不過美味最緊要❤️大大份正呀！

得罪講句 香港第一奶油豬就係旺記個包外層夠脆 但包入面又有返應該既鬆軟煉奶同牛油都落得夠唔會一忽有另一忽又無雖然跟餐轉要加5蚊但唔轉既話不如食返炒蛋飯局長次次去旺記都要食佢佢跟餐仲有個蕃茄餐肉麵其實都幾好的 主要係佢個湯好濃不過局長唔太喜歡炸餐肉上次食過忌廉火腿通比較夾仲有個炒蛋都不錯半生熟剛剛好中午食真係排哂長龍咁多人特別係附近多寫字樓好彩局長食得早12點都未到就去左食所以完全唔洗排lunch有咁既質素五十零蚊 ok good