旺泰特食

營業中

休息中

本來諗住入西貢釣墨魚，但自己遲咗搞到放工時間入去仲有啲塞車，入到碼頭都差唔多7點，見住d船一隻隻咁駛出大海已經知道趕唔切，唯有喺西貢搵晚飯食，入西貢多數人都係食海鮮中餐，但我哋行多陣睇下有乜其他嘢揀，行到去市中心喺車仔麵附近，見到有間泰餐排哂隊，當然抱住唔執輸嘅心態一齊去排，等左大約廿分鐘終於有位坐，喺平日嚟講佢都算忙，坐低叫左菠蘿炒飯，海南雞河粉，生菜肉鬆，脆豬肉，炒椰菜苗同埋泰式炒貴刁，脆豬肉炸得香口乾身，十分好惹味，生菜肉鬆充滿香茅同青檸既味道，夾住生菜亦十分好食，但至於菠蘿炒飯海南雞河粉就比較遜色味道一般，好似自己屋企都整到，泰式炒貴刁就更加唔好食，冇泰式既味道，好似煮完撈d橙紅色既嘢咁，真係搞唔掂好難頂，排咁耐隊真係有啲覺得名過於實

每次喺西貢行完山，搭返小巴出到西貢市中心都會來到這條巷子裡吃這家泰國餐廳事關覺得它很地道，看到餐廳裡掛上了泰王的照片，便猜想店主應該是真的泰國人🇹🇭-我們首先點了個泰式青木瓜沙律🥗青木瓜平日比較難買到每次都要靠在泰國餐廳吃青木瓜沙律才吃得到這個沙律配上了香茅、芽菜和花生好refreshing好開胃-接下來我們點了個冬蔭公湯其實好有趣，佢冬陰功湯底嘅河粉反而比淨冬蔭公湯還要便宜但偏偏我怕冬陰功湯底的河粉會溝淡了冬陰功湯的味道所以還是點了這個近$100的冬蔭公湯但吃的時候就有點小失望因為相比我在其他地方吃過的冬陰功湯，這個確實沒什麼特別，味道略顯不夠濃郁和綿密可能因為我喜歡有椰奶的冬陰功湯吧！-最後我們還叫了椰青水Balance了冬陰功湯濃烈的味道為這次西貢之遊畫上完美句號

趁住星期日咁好天氣應該要出街行下。唯一要多謝疫症就係俾倖存者發掘到西貢呢個好地方! 之前人山人海嘅西貢充斥住滿滿嘅行山人仕，登山熱潮過後，橫街窄巷又回復寧靜平和。西貢除咗睇住海境飲酒之外，係巴士總站有間出名地好食，大家都識得點去嘅泰國餐廳 - 旺泰特食。 天氣熱到一個點，泰國野食絕對係開胃解暑之選！Pad Thai一上枱，酸甜香味迎冷氣風撲面。碟上所有材料被澄黃色嘅pad thai醬全方位均勻塗抹。pat thai粉食落不膩。粉嘅份量比餸更少，相對足料。豬頸肉倖存者只能說酸辣醬將成道肉嘅層次提升。不過食唔到辣嘅朋友唔好貪心，事關倖存者一次過沾太多醬，辣到癲咗。由於呢道好味到唔識形容，建議大家自行到站品嚐串燒(雞牛）食泰國野唔食串燒完全浪費咗泰國食物嘅精髓！雞串鬆軟多汁，經過炭爐燒烤帶有炭香嘅外皮，封鎖雞肉鮮甜肉汁，配合埋旺泰秘製粗粒花生沙嗲醬，同步滿足嗅覺味覺嘅要求。

今日，同個朋友係西貢出完海，曬咗全日，返到岸邊餓餓地，就諗住求其搵間餐廳醫肚，結果就發掘到新驚喜！🤩間餐廳好旺，不過等左10分鐘之後就有位，都算快。講吓佢啲食物：沙嗲串燒 👍🏼👍🏼👍🏼👍🏼👍🏼雞牛豬，每樣分別叫左一串，個人認為雞同豬係最好食。另外見到佢即場燒，好香口，肉質夠柔嫩。最緊要個沙嗲汁好香濃，不過入邊有花生🥜。招牌海南雞飯 👍🏼👍🏼👍🏼👍🏼隻雞都好滑，不過不失，但最驚喜係佢個冬瓜湯，完全冇味精，好好飲，完美地勝過其他海南雞飯店。泰式生蝦 👍🏼👍🏼👍🏼👍🏼呢個係佢哋Menu無寫的，要自己同佢嗌。隻蝦好新鮮，爽口彈牙，配埋佢個醬汁，簡直一流，酸酸甜甜，辣辣地，好啱食飯之前開一開胃。服務：呢間泰國餐廳負責嘅人都係泰國人，食落去就更加正宗，佢哋都好Nice，雖然好忙，但冇黑口黑面

今日難得放假，見天氣好好，就同朋友走入西貢行下，西貢既泰國菜好出名，難得黎到，就揾間黎去試試啦。一落車就見倒好多人係度排隊食呢間，咁我同朋友就走去試試。唔洗點等就有得入去食，餐牌上有好多款野食揀，我地因為唔係幾肚餓，就只係揀左三樣野食。揀左4串串燒，泰式鳳爪，炒金邊炒。串燒個醬整得好夠味，又野味。你會想係咁用串串燒點個醬黎食，串燒燒得岩岩好，唔會燒到太乾。泰式鳳爪，鳳爪有好多好多隻，夠酸夠辣，食落去會不斷想再食。炒金邊粉都夠鍋氣，酸甜度適中。👍👍

行完山勁肚餓 同行友人帶咗我嚟食呢間泰國菜。對佢期望不大 餐廳環境都好逼 唔太好坐 衛生情況好一般 而且好似唔夠人咁想苦單都叫咗好耐先有人應。我地一行四人嗌咗 看似普通 但味道出乎意料嘅好拼盤有4款小食，然後叫咗木瓜沙律 友人都話好辣好辣！餸就嗌咗馬拉盞炒通菜 味道好足唔會死鹹 同埋個胡椒豬肉 個人覺得胡椒味可以再重啲 但豬肉完全唔韌同埋成碟都係香蒜好正 主食泰式炒金邊粉個味道酸甜均食完一啖又一啖 同菠蘿炒飯都好fresh 正體嚟講都好好食但所有嘢份量都算細 樂觀啲諗就係可以試多幾款最後不得不提佢個椰青真係好清甜好好飲 必試!!! 仲刮到個椰殼勁乾淨 佢連啲椰肉都好嫩好甜

一入去鋪頭已經要排隊大約排左10分鐘，坐底之後又要揾人黎幫我地落order 個到又等左5分鐘，唔明點解得一個人負責落order,間鋪又忙到癲🤮之後我地等左45分鐘之後先食到第一個豬頸肉飯，我地total 叫左三度菜，分別係炒通菜同泰式炒金邊粉，結果成餐食左起碼一個鐘 so crazy!!!🙄本身已經好肚餓先黎食，再要等白白等多45分鐘先有野食，食到一d 癮都冇🥺第一次食飯食到咁炆🙄同場食客有d都等到想走🙄

肺炎肆虐😷好多人都選擇去郊外「吸收新鮮空氣」有山有水既西貢就係其中一個滿滿都是人的郊遊熱點🌤🏞 去到西貢食咩好？除左飲茶、西餐廳、cafe之外 其實呢間又平又正既泰國野都好值得推介---------------------------海南雞拼脆肉飯 $53油飯唔油膩且粒粒分明 最怕食到啲濕到毫無質感既飯😾雞肉全部都係嫩滑既部分 雞皮偏薄無肥膏😼略嫌脆肉外皮唔夠鬆化 有點乾硬 肉質是可以的 碟泰式辣醬夠酸夠辣 點雞同送飯都好好食😚😚個飯仲配有碗芫茜蘿蔔湯 蘿蔔頗清甜 湯既咸味足夠 唔似落好多味精值得一讚既係 即使忙到無停手 啲店員姐姐既服務態度都好好 仲會同食客搞下笑🤣不過上菜速度就慢左啲

Delicious Thai food in Sai Kung☺️不過次次去西貢都會食旺泰特別🤣 老闆娘係泰國人 賣正宗泰國菜 特別推介炸蝦餅青咖喱同金邊粉👍🏻👍🏻👍🏻 嘢飲方面椰青好正仲好抵😍😍😍一個人食到飽都只係百二蚊 絕對係抵食嘅👍🏻👍🏻 不過生意太好個個都好忙服務態度就麻麻哋啦😒😒 坐都唔係坐得特別舒服 個位好窄好迫🙈🙈🙈 不過次次去西貢都食已經變咗個情意結 始終嘢食係幾好食既😂😂

其實佢親西貢都唔係一定要食海鮮嘅！仲有其他嘅選擇我去親西貢如果一個人嘅時候都會去嘅餐廳！雖然佢個地方比較地踎啲！衛生環境有一般， 不過呢啲就係風味嗎！ 我次次都會叫佢哋嘅海南雞飯加燒肉飯， 海南雞肉質好嫩滑，而且佢哋嘅燒肉炸得好脆 ，點解佢哋嘅醬汁配搭得好好！ 佢哋嘅海南雞飯 即係黃油飯， 味道好香濃， 真係想食多碗飯， 推介畀大家一定要食！ 呢間餐廳嘅金邊粉我就覺得普普通通！我係一個好鍾意食柚子沙律嘅人嚟嘅 ！我每去到一間泰國餐廳 都會叫呢個有字沙律嚟試下！ 呢一間嘅泰國餐廳柚子沙律味道唔錯， 同出面嘅有啲唔同 ，佢哋有好多配料 同埋香料帶椰子絲同埋香茅， 不過價錢有啲貴！ 都係嗌一個飯抵好多！

又食海南雞飯啦，今次係西貢！呢條街食海南雞都有幾間，比較出名嗰幾間通常好早就賣晒，今次誤打誤撞就入咗呢間試吓。海南雞中規中矩，無骨啖啖肉，略嫌個雞飯唔夠香，但係個醬汁就好惹味，幾出色！另外，個冬瓜湯都好好飲，夠熱又清甜，老闆仲話唔夠可以再加！👍🏻👍🏻👍🏻 服務唔錯，有誠意🙂另外叫咗個燒肉雞絲河粉🤩🤩🤩有驚喜呀！ 燒肉非常之香脆可口，浸左湯都唔會稔，好香好好吃！食海南雞之外嘅一大推介，一定要試！

旺泰特食 #西貢特登入到黎西貢想行吓山食吓好嘢，一落到車就見到呢間泰國菜🇹🇭有好多人，仲有好多名人嚟過食🤩！ 泰式酸辣爽滑粉絲海鮮沙律🥙$98成碟都係粉絲，等於食咗成個面落肚🤣味道十分之濃，好重嘅酸辣魚露，好開胃，不過略嫌有少少鹹。另外仲有啲魷魚、蝦、同埋青口，其實都算幾足料！味道: 4.3/5性價比: 4.1/5泰式串燒🍢分別有六種選擇，除咗燒全雞翼之外，其他每樣要咗一串:雞肉🐔$12雞腎🐓$12 牛肉🐮$12豬頸肉🐷$12特色泰東北酸醃腩肉腸🌭$15全部啲調味都類似，以沙嗲味為主，都夠香濃。所有肉質都幾淋，特別驚嘆佢嘅雞腎，口感較一般嘅爽口。另外佢嘅腩肉腸都好特別，同平時食開嘅腸仔好唔同，似係圓柱體嘅肉餅，都係一次嶄新嘅體驗。味道: 4.2/5性價比: 4.2/5餐廳入面嘅都係泰國人，感覺正宗，而且今次就咁食啲小食都覺得唔錯，有機會會再嚟食佢嘅主食，建議大家嚟到有肚嘅話都可以食呢一間！

西貢小巴站旁的一條小巷，有數間泰菜小店。其中一間特別人多，忍不住要試下。環境方面，其實麻麻。有部分桌椅放在走道，較危險，易被撞倒。🔸️柚子沙律朋友的一句:果然好到位。既有柚子清新的香氣，又有羅勒的香味。成件事好有層次。🔸️泰式拼盤因為想試吃串燒，所以點拼盤，大家可以分享。串燒沒令我失望，雞肉滑嫩，沙嗲汁微甜而且惹味非常。推介。其他的魚餅、蝦餅等也不錯。🔸️脆肉炒椰菜苗脆肉不脆，像過了氣的燒肉。麻麻。🔸️炒金邊粉失望，太濕，炒得太立。而且金邊粉的用料不好，有旱味。🔸️海鮮冬陰功好香濃。有蝦、青口等海鮮，份量都幾多。🔸️黃咖喱雞果然，師傅運用香料的技巧是一流的，令人一吃想再吃。羅勒葉香味慢慢從口腔迸發，征服了我的味蕾。🔸️青檸梳打🔸️三色冰🔸️炒大蜆大蜆size夠大，啖啖肉。冇沙，新鮮冇腥味。個汁係絕配，非常惹味，絕對要多點一碗白飯來配搭。

去到西貢梗係要食泰國菜啦😋😋 旺泰已經係我食過番尋味再去食既，果然keep到水準，冇令我失望😎😎👍🏼鋪頭好近巴士總站， 平時都好多人食，上一次去食係同樣都係假期但七八點食，要得成一個鐘先有位🙈🙈今次我地兩個人五點幾就去食晚餐，唔駛等就有得食😋推薦呢度既串燒，即燒熱辣辣香噴噴，個皮邊咬落有少少脆😋😋配埋啲沙嗲醫真係好好食😋👍🏼通菜係用左泰國既窄身通菜，炒得夠青綠👍🏼，爽得黎又索晒啲味😍😍👍🏼期待下次再黎食過😝👍🏼

平時喺西貢玩完水都會過嚟食碗海南雞飯， $45有一碟飯同一碗湯飲，咁嘅價錢相當唔錯！海南雞個油飯仲可以轉做白飯，十分之適合想健康啲嘅我鋪頭入邊嘅人全部都唔係香港人，所以格外有依個泰國風味！講下個海南雞飯先啦，雞肉唔會話好鞋身，肉嘅份量亦都足夠。最大嘅賣點係個醬汁！我都唔知點形容佢個醬汁，有啲辣、又有少少酸甜，加埋啲海南雞食，真係好夾！每次食都會到晒成個醬汁落啲飯同雞到！另外講埋碗湯，雖然唔係乜嘢老火湯，有少少似味精湯，但係飲落去之後會繼續想飲，又唔會越飲越口渴會繼續幫襯！