旮旯 (已結業)

👅旮旯 glock#🙈所有野由入去個刻都變得好浪漫 好温馨 菜式有新意#🤤冬陰功蜆肉炒意大利粉 $45(lunch)好香！外相好靚！意粉軟硬適中，蜆份量都算多，冬陰功味濃，會有汁係每一條意粉到，炒得好均混，係一款幾有特色嘅菜式，冬陰功炒西式意粉，意想不到嘅配搭，但係出奇地夾，適合中意食辣嘅人#🤤昆布湯(餐内包埋)似昆布浸水加少少鹽，水鹽好似分開左咁，有少少奇怪#🤤極光(+3可轉)店員拎上台個陣，杯野係藍黃色嘅，最特别嘅係店員會係你面前為杯野飲加檸檬汁，杯野就會慢慢變成紫黃色。味道方面酸酸甜甜，普通野飲，不過打卡就好靚啦。#🤤黃豆粉蕨餅(餐内包埋)店員會係你食完之後幫你加黑糖漿同煉奶，蕨餠好滑，入口唔太痴牙，又煙韌 JENG ~#🐨真係要讚下佢地嘅服務態度，因為冬陰功意粉帶辣，有店員見到客人食完後，會俾一杯水你，怕你辣到，好細心同貼心嘅舉動。 同埋店内支持環保，用嘅飲管餐具都係可洗再用，好欣賞。 建議大家揾一日冇野做，或者做野唔急去食，因為店内店員較少，製作野食需時#🏬店内環境 :🏬🏬🏬🏬🙆🏿服務態度 :🙆🏿🙆🏿🙆🏿🙆🏿🙆🏿🍽食物味道 :🍽🍽🍽🍽💰性價比方面 :💰💰💰💰🍩推荐指數：🍩

食完晚餐直落食甜品，今次去左呢間旮旯食甜品！朋友問我知唔知旮旯點讀，嗯，我好似無見過呢兩個字，哈。朋友就話讀"卡la"，山"卡la"個"卡la"但店就係標"哥囉"，Google都係類似讀音朋友都無自信話係讀"卡la，哈。anyway, 旮旯係解角落，但確，店如其名係元朗近舊B仔既一間小小既店舖，一個角落。入到去好睇得出店舖有用心咁放好多擺設。旮旯仲有dinner set，睇到隔離枱既set好靚好多野食，睇返menu都幾貴下，不過會有興趣食下，獎勵下自己！第時出糧要黎食！講返正題，今次食既所有野食送到黎係一 片 綠！好靚！我地係瘋狂咁影D甜品！我地叫左抹茶麥糍 ＄32 ，抹茶蕨餅 $28同抹茶紅豆卷蛋$35雖然睇到好綠，但每樣甜品既抹茶味唔夠濃。蕨餅同麥糍表面既抹茶粉唔知點解係帶苦，但又唔係茶味既苦。蕨餅係配黑糖煉奶醬，點左會好食D。而卷蛋入邊既抹茶醬都係唔夠濃，所以就少咁D味道層次咁。最特別係麥糍，有粒麥提莎係入面，糯米就唔夠煙韌。甜品滿足唔到抹茶控既我地，但店舖係幾靚幾岩打卡。

難得好友有空閒黎元朗，當然要帶佢去啲特色小店。呢間小店旮旯，之前既星期六日都只係得甜品供應，但而家竟然有午餐食，當然要試試佢啦！［蝦醬腩肉意粉］朋友揀既蝦醬腩肉意粉，帶有少許蝦醬味，腩肉有咬口無肉腥味但偏淡味，如果咸返少少就更好，意粉好有蒜香又彈牙。［冬陰功意粉］非常特別既一款意粉，有齊冬陰功既酸香辣味，好岩我呢啲食開重口味既人。而且用料幾豐富，淨係蜆肉都十幾粒，食到最後都仲有蜆肉。不過舊豆卜太硬同乾，如果切開再煮，入返啲味就更加好啦。［凍泰式奶茶］真係好彩叫左呢杯泰式奶茶，又夠凍又夠甜，岩岩好解左上面冬陰功意粉既辣。但因為奶茶本身超甜，所以等啲冰融融地個下就岩岩好。［紫薯卷蛋］最後食埋呢間小店招牌甜品之一既卷蛋，流心既紫薯餡夠香，食落仲帶啲紫薯微粒，叉開蛋糕仲可以沾滿啲醬再食。不過蛋糕表面有啲微黃同少少裂開左，打卡就無咁靚啦。最後，侍應妹妹好細心，隨午餐附既葛餅要係食之前先淋上黑糖醬同煉奶，就黎食完主食個陣就已經好細心咁主動幫我地加左，好貼心呀！

夜晚8點𡃁黎到 最想食既卷蛋已經賣哂可惜可惜不過Mochi同蕨餅都好食黑糖煉奶係畫龍點睛仲有芝士黑松露焗薯角個醬夠哂creamy 要比like呀下次早少少黎 試到卷蛋就最好啦

男朋友比500蚊紙 個女店員話「食78蚊嘢比500蚊紙」我又唔係比1000蚊紙 500蚊紙依家係好常見嘅嘢 唔明點解會有呢d心態仲有都唔會係個客面前大聲咁講 我諗食個甜品冇必要受你氣囉

中午12:40到，猶豫可否進入，因為看見：靜修中，如共修，請內進。 有點莫名其妙！ 是祈禱？ 唸彿經？ 原來是準備中。.店員說他們要吃午飯才開始，充滿著善意招呼客人內進坐。 等待中，他們的飯餸香噴噴，相信他們的廚藝有一定水準。.點了「三色他他他他醬魚柳片意大利麵」加配前菜 玉子燒 和 cappuccino..先上了很細碗的清湯，清到像清水！ 但出奇地有味道（似昆布味），還不錯。 意大利麵軟硬適中，醬汁好清新，店員說加了檸檬汁，一點也不膩。 魚柳比想像中入味，份量也算多。 我給玉子燒有80分。 吃完後才加奶和糖醬在.喜歡到小店是有一份人情味，店中員工有一種親切感，有機會互動，感覺良好。 有心思和簡單的佈置，環境寧靜舒適。.

由九龍搬入元朗既過江龍有它-旮旯，的確，吾係人人識讀，所以好多人行過都會上網搜尋一番，了解下字面同讀音，聽講旮旯係九龍區已有點名氣，帶點日風既日式甜點舖，已有lunch 和dinner ，不過主打幾款甜點係好多慕名而來嘅人首選，老實說我也幫襯過不下十次以上，初初會覺得很普通，吃上去又不怎樣，但就是有種感覺要久不久去一次，可能係元朗區真的不太多像這種形式既小店，所以想休閒一下，也會想到旮旯，二來，當我試過岀面所謂既葛餅，卷蛋，仲要寫住日本人做的有多難吃時，我反倒覺得旮旯不錯，葛餅軟身不黏口，卷蛋好有自家制的感覺，對，就是家既感覺，不過旮旯也很有個性，甜點要下午三點後才有，晚市甜點要外賣，因為要做晚市，六日好像只供甜點，賣完就收舖，所以想試既朋友記得要查清楚銷情才去，不然吃閉門羹喔😂😂

喺元朗舊B仔附近，鋪頭門口細細好容易錯過。入到去都唔係好多位置，叫咗一份抹茶同埋番薯蛋卷。我自己覺得蛋糕部份略嫌太硬但中間忌廉部份係好食嘅。抹茶亦有少少回甘。反而番薯蛋捲會好味啲因為佢面頭好似用焦糖燒過，口感特別。而好多人推薦嘅麥糍，我就覺得一般啦冇太大特別易唔使再試。

山長水遠由港島入到元朗，已經睇咗openrice, 旮旯係必試嘅甜品小店。小店下午三時再開，剛剛好三點去到已經見門口有幾個人排隊等入座，我同友人即刻行快兩步，因為怕無位又要等。店內位置不超過二十個，甜品選擇唔多，相信我已經試唒😆🍰卷蛋當日有抹茶味及黑芝麻味，卷蛋蛋糕做得鬆軟，入面各夾住流心feel嘅抹茶味cream及黑芝麻味cream, 夠味道及夠fresh👍☕️Latte, 個拉花好靚，用個日式杯，賣相吸引，味道不錯👍🍡葛餅叫咗原味及抹茶味，原味外層有黃豆粉，而抹茶味外層當然用抹茶粉。拌入錬奶黑糖醬，勁好食，勁鈡意。😋🍡麥提莎糯米糍，可能之前我已經試過其他麥提莎糯米糍，所以尼個對我來講無咩特別驚喜。

抹茶紅豆卷蛋抹茶用左小山圓抹茶🍵，小山圓抹茶加上紅豆永遠都係最好嘅配搭，卷蛋非常軟綿綿🍥，一咬落去抹茶漿就爆哂出來😵，抹茶非常香濃🍵，整體非常有質感🤤！•抹茶味/黃豆粉葛餅🍮抹茶味道香濃，但黃豆粉就沒有太大味道，葛餅有點淋身☺，略嫌有點不夠口感，配上黑糖及煉奶🍯，個人覺得只配黑糖就夠，不會太甜，整體而言只是尚可😌。•😸另外我叫了一杯玫瑰咖啡🌹☕，不知是不是吃了甜點才喝的關係，味道有點偏酸😗。•旮旯兩個字讀音原來係山卡拉嘅‘卡拉’，名字跟裝修也非常有文青的感覺👩🏻‍🎨，非常適合和朋友星期六來小聚，很輕鬆的感覺💖💕

✏️抹茶卷蛋 ($30)之前喺佢仲喺深水埗嘅時候去過1次 但好sad摸門釘☹️☹️所以今次check晒時間先去一定要食到🤪🤪抹茶卷蛋咁啱俾我買埋最後一個 好彩😻抹茶忌廉好滿 一切落去有爆漿嘅效果喔不過其實抹茶味對作為抹茶控嘅我黎講未算好濃 而且冇回甘 呢個係有啲失望嘅 因為我都抱好大期望黎試🤣但好想讚佢個蛋糕體做得好好 軟綿綿兼有好適中嘅濕潤到😻😻!!抹茶味係未到我預期 反而另外一個味好有驚喜 下回分解😌😌-✏️黑芝麻卷蛋 ($30)雖然我黎呢度最主要係想試佢嘅抹茶甜品 不過原來最驚喜嘅係呢個黑芝麻卷蛋😻蛋糕依然係做得好好 而最突出嘅係佢嘅忌廉味道🤭🤭卷蛋包住嘅黑芝麻忌廉同樣係一切落去爆晒出黎 質地好滑 重點係好香濃嘅黑芝麻味!!!淨係個cream已經好出色 點知再食發覺原來內裏仲有好濃郁嘅黑芝麻醬🖤!成件事好滿足 大推呢個👅-✏️抹茶鮮奶 ($32)鮮奶抹茶 茶味係俾奶味重 不過抹茶控覺得都係唔夠濃🤣 而且後來放耐左俾啲溶左嘅冰搞到水晒淡晒味😣😣不過幾欣賞佢地枝環保飲管 而且末端係有個好似茶隔咁嘅洞洞設計 確保你飲用佢地嘅茶飲時唔會吸到啲茶葉/碎冰等等🙃-✏️葛餅 (抹茶+黃豆粉) ($28)葛

站在門口感受一下你會覺得自己置身在一條日式的小街巷中。餐廳的裝飾沒有哇眾取寵的元素，全部都是以自然和素色為主，令人有一種寧靜的感覺。他們的主打小吃是卷蛋和葛餅。 難得有機會食到不是經常供應的綠茶紫薯卷蛋， 蛋糕質地輕身，濕度亦都足夠。可以食得到紫薯餡取用真材實料，甜到亦都剛剛好。葛餅分別是綠茶和黃豆粉味， 喜歡食甜一點的朋友可以點上煉奶黑糖漿，倍添風味。另外也點了一杯「極光」，其實是凍檸檬水配蝶豆花糖漿。紫色的糖漿加在檸檬水內， 外觀十分迷人。 這裏有一種簡單而治癒的魔力，令到我很想就這樣坐著一整天。

呢家有吾少食店都會由原本既地方搬去另一個地方，而存在既因素當然系可以有好多，可能因為被逼遷、另一個地方租金更便宜或人流較旺等等，而呢間食店就係有深水埗嘅西九龍中心搬到元朗。兩個位置確實有一定嘅差別，一個係九龍區人流都OK多嘅商場入面，一個系新界區一條小街中，但其實去嗰日嘅人流都比我想像中多如果吾系上網search都吾知店舖既名系讀「卡啦」，做左廿幾年人都好耐未試過要查中文字點讀，漢字確實博大精深。星期日下午時間去到，系我前面有人等緊位，但都好快就可以入座，不過詳情最後先講。正以為食店搬左黎元朗會少左好多人之際，一入到去真系頗為驚訝🙀估吾到滿座！睇黎有吾少人就算知道系深水埗搬過黎元朗都專程黎試，人氣並冇因為店舖位置變得偏遠而減少。雖然話吾洗等位就可以入座，但坐既系靠窗既高櫈而吾系平時戈d枱。但其實系人多既環境入面，相比平時d枱，其實我更中意坐窗口位，因為不論影相定系同人傾計都比較自在。卷蛋 $30/ 件旮旯主要有麥糍 (麥提莎糯米糍)、蕨餅同埋卷蛋。首先想講講卷蛋，卷蛋有分為抹茶味同埋蕃薯味，呢度既主打系抹茶味既產品，咁我緊系揀抹茶味。卷蛋幾軟身，但內裡的抹茶忌廉實在欠缺，令口感不夠濕潤

沒有再差，只有更差。🍵抹茶紅豆卷（$30)之前已經食過佢呢間喺西九龍中心時期既糯米糍，已經係幾差下(可能係我唔識欣賞姐)，諗住佢搬左舖之後會唔會好少少，結果仲伏過之前。呢個抹茶紅豆卷，size 真身其實都幾細件，蛋糕質感係較實心，唔係濕潤鬆軟果種，而入面既抹茶忌廉食落似醬，份量比起蛋糕亦都太少，抹茶味唔夠亦都唔洗講有無回甘果啲，喺紅豆蓉相比下更加蓋過左所謂既抹茶味，差。另外當日仲有泰式奶茶味，奶茶忌廉其實係滑既，但可惜奶茶味係非常薄弱，做唔出應有水準。總結，呢間舖頭係唔需要特登過黎試，如果唔係會好失望，講完。温馨提示：甜品下午3點15分先開始供應，睇住時間切勿摸門釘。

入元朗做野，順便周圍行下揾下野食。search到呢間有抹茶甜品既小店，作為抹茶控的我就一於去試下。我同男友叫咗抹茶鮮奶，蜂蜜綠茶同葛餅。抹茶鮮奶可選牛奶或豆奶，照顧到對牛奶有敏感的人仕味道太甜但抹茶味吾夠濃，而且奶泡打得吾夠熱，所以有啲失色。蜂蜜綠茶味道無咩特別，細細杯但好多冰，所以幾啖飲晒葛餅一份6粒可選原味同抹茶味各一半，口感有啲似中式糖甩，因為抹茶味吾濃，所以兩隻味無咩分別，只食到甜味。店子細細幾有日本風味，好似去咗日本街頭的小店，不過食物飲品質素可再進步一下就好。