旮旯 (已結業)

收工後, 思前想後去邊區開飯🤔回家既根萌生, 都係番去元朗開飯🏡 係西菁街附近幸運地搵到個泊位🚙 就醒起之前拜訪過既旮旯💝 夜晚7點零番到, 渠邊既舖頭外燈牌依舊耀眼💡幾個月無黎, 室內陳設裝修依舊, 小許既裝飾點綴番環境🎐 今次夠早到, 終於可以多番啲選擇, 上次食唔到既終可一試😋 飲品先黎, 又係IG-able 既極光🌈 今次無將狩獵笛抽出, 直接當飲管用, 紫橙色既塗層係攪拌下飛舞, 酸同甜斛籌交錯, 通過金屬管係口腔入面震盪舌頭, 冰冷既飲料將悶熱降溫, 好似山間既清風吹送🌬️ 油甘魚先到, 小米藜麥同湯係分開上🍙🍲 開始時不停用木羮盛湯再去一啖啖食🥄去到後期忍唔住成碗湯倒晒落去直接變泡飯🍚清湯入面既魚香同單純既鹽鹹同短身既米飯加藜麥溝埋一齊, 極易入口, 為討人厭既藜麥一雪前恥🤣 另外油甘魚火喉掌握得好靚🐟熱度保持之餘亦可以將魚既嫩滑發揮, 更正既係塾底既配菜有住柚子同檸檬既清新; 同幾度前菜一脈相承🌿 今次既清湯意大利麵終於唔駛自己倒起沉重既湯碗😑上黎已經將麵盛係碗內; (Baby face)店員提醒, 可以要求用番素食用湯底黎跟呢個菇🍄 大啡菇竟然係跟埋隻菇腳一齊黎? 本來

果次食完晚飯之後回程路上見到呢一間小店，見到有甜點食，我哋諗左幾秒就入咗去！我特別鐘意食 • 葛餅 $28 (右)• 呢類classy/傳統味/冇乜花臣，我就最like啦。佢有黃豆粉同抹茶味，2種味前後咁食特別滿足。用既抹茶粉有濃濃既茶香，加上甜度好低(機乎零)，要黎點蜜糖水個味道好夾！我地仲試左 • 麥糍(抹茶味) $32 (左) • 雖然我鍾意食傳統味嘅甜品，但係呢個加左麥提莎既抹茶糯米糍，真係好特別，甜味係由朱古力帶出黎，簡單來講感覺好似食緊抹茶朱古力mochi，有種莫名幸福感🥰中間就係• 茶餅 $28 (中)，係紅豆沙餡嘅，唔甜而濃濃嘅紅豆香。不過我就鐘意其餘2款多d😗

因為一啲原因，星期六1:40pm左臨時有時間係元朗high個靚tea，餐廳裝修係日式小店風，簡約有品味，有張二人bar枱面向街。因為已經食左正餐，所以我只叫左甜品同咖啡，隔離哪左午餐，我見佢都食得津津有味，下次有時間去試下正餐。我係抹茶甜品控，就係中意抹茶帶有一啲苦味，令個甜品唔會太甜。===蛋卷===蛋糕卷有伯爵茶，抹茶，抹茶紅豆三個味，因為心情唔太好，揀左靠甜的抹茶紅豆，蛋糕口感比較厚實，配抹茶紅豆忌廉，甜度啱啱好，唔中意食咁甜可以試下抹茶味。===茶餅===本身諗住食葛餅，但佢得原味，唯有下次先，見到好多人叫茶餅，我又叫來試下，有芝麻同抹茶味，可以揀紅豆餡或者無餡。叫左抹茶味紅豆餡，哥哥仔話要等一陣先有，我懷疑佢係即整，味道果然冇令人失望，口感好煙韌，外面沾左好多抹茶粉，甜度啱啱好。===roes latte===杯rose latte 都唔錯，冇我唔中意果陣奶臭味，飲左差唔多兩個鐘，個拉花都仲好公整🥰

來到元朗店名好特殊，唸作「哥囉」是角落的意思😈，大概是因為店面的位置就在一個角落吧，小小的門口很容易不小心經過下午一點開門立刻滿座🤩很多人在開門前就站在店門口排隊了，店裡面小小的位子不多，一個人吃要搭檯，不過有種溫馨感，店員之間的氣氛也很好之前就聽說抹茶甜品很出名，不過下午三點半開始有甜點，中午則是販售午間套餐，價格很貼地，餐點做的很用心，來元朗不可錯過-冷冷薯—撈撈 58一整份套餐原本有餐湯和甜點，（+12前菜和玉子燒，+15特飲咖啡）夏天很適合吃這款長通粉沙律，冰冰涼涼的，味道又溫和，中午不想吃太多可選擇這個沙拉上方有一大球秘製薯泥，馬鈴薯綿密，吃到一點黑椒粒味道，下面的沙律葉新鮮配上長通粉沙拉很搭，前菜是胡麻醬小黃瓜，小黃瓜一絲絲的很好入口現做的玉子燒多汁鬆軟，帶椰奶的香味很特別泰式奶茶偏甜一點，店員有事先告知，味道上蠻正宗的，使用環保吸管！甜品是抹茶蕨餅，吃之前店員會來加上黑糖蜜和煉奶，吃起來滑嫩又Q彈，微苦的抹茶粉加上黑糖蜜和煉奶的甜味，非常好吃

香港極少有食蕨餅o既地方，重要平民價錢，主食方面都好高質，意粉更出奇地好食 (連我果個淨係鍾意食飯o既老公都念念不忘) 所以已經食過幾次不過今次真係要突登讚一讚佢地，我今次去大住個肚(9個幾月唔洗太戒口)去食午餐，一心諗住黎食蕨餅，點菜o既時候，店員主動提醒我冬陰公意粉比較辣，又問我飲品方面有無咩要注意，到最後上菜時，更主張幫我將跟餐o既蕨餅換成<芋蓉夾層蛋糕＞，佢地話蕨餅驚太寒 (連抹茶味都擔心埋一份)，果份心意唔洗講，因為真係世間少有 ! 一個幾十蚊o既午餐，食緊係千金都買唔到既細心! 最後個芋蓉又係101分，我老公問可唔可以order多個之餘，連隔離枱都問有無，店員話可惜存貨唔夠，有主動推薦卷蛋最後，祝旮旯可以快啲愈開愈大，最好多幾間分店，因為我地好想帶埋BB黎食啊 ^^

日式甜點向來大受歡迎星期六日到訪旮旯只有甜點小食及飲品供應而且只營業到六點喔！.今次4點左右去同朋友食tea每樣甜點小食既份量都唔大，非常適合叫多幾款一齊share 食叫左兩款甜點同一款小食.葛餅 ($28) 有黃豆粉同綠茶兩款 可以選擇雙拼一碟六舊 配上焦糖煉奶醬但略嫌口味太軟 .卷蛋 ($35) 有綠茶紅豆味同伯爵茶味兩款伯爵茶味茶味唔係太出 .小食叫左黑松露芝士薯角薯角無乜味 而且落單時已經講明要等30分鐘.極光 ($30)其實係蝶豆花綠茶 好細杯.南非紅樹茶 ($28) 無咖啡因茶 只有熱的。Rose Latte ($38).整體食物都偏微甜感覺上會較健康

從網上得知這人氣小店最出名的就是「葛餅」，這是一款口感軟綿，卻煙靭清爽的日式傳統甜品。難得來到元朗，定必一試其吸引力！店內面積不大，只有十多個座位，自問葛餅控的我，當然要一試名物！葛餅本身是沒有味道，變相是食黃豆粉和抹茶粉的味道，質感帶彈性，雪過夜的涼浸浸口感，以黑糖漿和煉奶拌勻吃，甜度另有一番味道！

以前這家店在西九龍中心，可以時常去食，不過搬咗入去元朗之後，就好耐無食啦。難得我人在元朗，怎可以不拜訪一下呢？麥糍 (HK$32)我點晒2款口味：黑芝麻和抹茶。外層的麻糬有煙韌的口感，同時有濃醇的小山圓抹茶的甘香味道，裡面粒麥提莎甜度比較高，2隻味道就這樣中和了😃。黑芝麻麻糬也有濃濃的芝麻味道，不過味道就是比較平凡一啲。葛餅 (HK$28)我點晒2款口味：黃豆粉和抹茶。齋食唔點醬，原汁原味，葛餅好爽滑呀。把葛餅點上一些黑糖煉奶醬，多了一種甜味，豐富了其味道😋

元朗一向有很多值得欣賞的小店，這週末與朋友一起去元朗嚐新，店舖很好找，在舊B仔涼粉附近，但佢的話要注意營業時間，下午1:00至2:30，之後下午茶由3:30到晚上，午餐時候只有set lunch及少量甜品供應，如果想食甜品的話要3:30後才有供應。一心想吃卷蛋的我感到有些失望😞，唯有留待下次吧！店舖環境座位少，開門不久便坐滿了。因為午餐時間只能選擇set lunch（可加錢跟沙律菜及玉子🥗） ，飲品（加錢）選擇了Hot Rose latte，食物味道很好，份量適合女士，如果男士可能會嫌略為少吧！但Rose latte太甜了，對咖啡有要求的就...想清楚吧😅選其他會更好。

平民恩物店鋪雖然好細，只能容納8台雙人嘅位置，但十分欣賞廚師對食物嘅要求，無論係主菜還是配菜同樣好美味，d配菜真係比左個驚喜我，原本以為只係羅黎放喺底襯托下條魚，點知多手夾黎食下原來係經過認真嘅烹調👍值得欣賞嘅係即使平民價都可以做到咁仔細。呢間甜品都係超好食，唔少人會特意黎食甜品，同埋佢主食有意粉同小米藜麥。小藜麥好啱減肥人士。燒鰻魚配小米藜麥三文魚配意大利麵伯爵茶味蛋卷（限量貨應，賣哂就無嫁la)

兩點半前到達，竟然見到鋪入面都係滿滿既人海，淨返最後兩個位，坐低先，講真，滿座的話D位好迫，怕迫既話唔建議週末既午飯時間黎牙！睇睇菜單，唔係話好多選擇，揀左一個蕃茄菇芝士長通粉(55蚊)一個海鮮東陰功意大利面(78蚊)先上湯，係鰹魚昆布湯，咸淡味岩岩好，本身望落以為會好啖冇味添，飲落係有驚喜，唔錯的。海鮮東陰功，哇，淨係睇個樣都吸引啦，多料，東陰功味好香，不過唔食得辣既話會覺得有D辣得濟，本身仲以為好細碟會食唔飽添，隨機送既甜品係綠茶葛餅，正牙😍我最想要呢個甜品，真係隨機有😘😘芝士菇蕃茄意粉，即是濃濃芝士味，芝士焗到溶哂可以拉到絲，蕃茄方面除咗用蕃茄醬，仲見到好多新鮮蕃茄系入面，正牙，隨機送左個黑芝麻唔知咩，食落好似糯米糍既質感，同埋係凍既，淋左D牛奶，食落冰涼而且有陣陣既黑芝麻香味😍跟餐送冰茶或者草本熱茶，冰茶係茉莉綠茶，冰冰涼涼夏天飲正好，熱茶揀左伯爵茶，伯爵茶好香。講真除左唔好坐之外，野食好好食，而且服務好好。

知道lee間度很久了，但因為搬家了，所以很少來元朗，鋪頭細細，都幾骨子，好有日子小店既感覺。抹茶紅豆卷蛋都唔算細件，抹茶同紅豆係好夾既食物，同埋食起上黎唔係好甜。餡料都好重手，有滿滿的紅豆同抹茶忌廉，有爆醬效果，卷蛋感覺濕潤，仲要抹茶味好濃郁，帶少少回甘味添。好吸晴！抹茶控必試！真係又靚又好味～～～而柸蜜玫瑰紅茶，淡淡的玫瑰花味，有疏肝解鬱、潤肺通便作用，又可以令人心情舒暢，夏天飲最好，越飲越靚😆😆😆

如果要係元朗食brunch 我一定㨂依間坐就一般啦 但野食係好好食最初係外賣佢既麥磁即係麥提莎糯米磁黑芝麻果皮好食到不得了點知鹹食都咁出色叫左冬蔭公炒意粉好多海鮮 味道好好 夠香 冬蔭公味都好出 好大碟 仲有日式小食同小甜品 好滿足～～

吃過了下午茶，自然需要一點甜點滋潤一下喉嚨。一直聽說過這間網店，可是一直沒有機會嘗試，這次終於來到元朗支持一下實體店了😚🍽 葛餅選擇了我和媽媽👩最愛的葛餅，除了因為卡路里比較低可以少一點罪惡感，而且我們都很喜歡黃豆粉的味道。因為第一次試所以我們選擇了雙拼。黃豆粉味道香濃，葛餅本身口感也爽爽的，果然吃了會有透心涼的感覺。抹茶粉選用了日本宇治抹茶粉，入口甘香，可是我和媽媽本身不太喜歡抹茶，所以會對黃豆粉更鍾情🙈一定要站上旁邊的煉奶和黑糖，會令味道更好吃！🍽 麥糍山長水遠來到當然不能不試招牌菜麥糍！同樣選擇了雙拼口味。這個更加得我這個煙韌控歡心。糯米皮不會太厚，而且搓得非常煙韌，包著一顆小小的麥提莎可以中和它的甜度。我也是比較喜歡黃豆粉的味道，但是整體來說是一道不錯的小茶點。

星期五晚上外賣自取，幾乎即點即有叫左一份抹茶葛餅，口感ok，如果淨加黑糖味道有d淡，加埋練奶就岩岩好，整體都算好食，但卷蛋太出色，一拍埋就失色。卷蛋叫左抹茶紅豆味，抹茶同紅豆本來就好夾，甜度岩岩好，蛋糕好濕潤，中間pat cream好有抹茶味，最後仲有少少回甘