旮旯茶餐廳 (已結業)

哩日lunch 黎左哩間. 等位等左半個鐘. 有冇咁勁呀...哩間野食車仔麵咋喎我地排緊隊o個陣已經落單, 睇到張車仔麵紙, 真係嘩仲出黎, $30 兩餸麵+1杯野飲? 我冇眼花呀嘛? 地域既優勢真係大晒.所以我都係揀返d 套餐, 要左毎香蒜雞扒飯 $34坐低之後隔左5min 左右先送到. 反而d 車仔麵仲耐過d 飯.我仲以為佢成$30 一個頹麵, 一個$34既香蒜雞扒飯都只不過係橙色既蒜蓉汁再加一塊預先整好既燒雞扒o個d 茶餐廳貨色, 點知又唔係喎個飯睇落個賣相幾ok, 可能本身自己冇乜期望, 見到o個時都覺得好似正左好多咁塊雞扒係炸架, 好香脆, 雞皮連炸粉有點厚身, 但都可以. 雞唔太鞋.炸蒜蓉都好香. o係底d 菜係熱既, 所以可以放心食甜豉油當然用來撈飯!奶茶味道極似大家樂o個d. 但未夠滑.個綠豆沙真係好沙下, 溶到好似豬油糕咁. 睇個樣好似打左個獻咁.食落就正正常常, 好沙, 仲有朕中藥味. 同埋好甜. 食左一啖就放棄, 敵不過佢.飯真係幾ok, $34 過得去啦! 反而唔係好明周圍d 人點解個個都係食粉麵, 都有點好奇. d 汁有冇筷子記o個d 秘製之類既東西黎supp

朋友带我来到这里试试他们的车仔面，幸好今天天气还可以，不太热，否则要从中环走斜路到这里也挺辛苦。坐下看看menu 原来这店除了车仔面以外也有daily lunch set, 而且每天都不一样的，不错呀！点了粗面加四个菜：红肠，鱼蛋，时菜，和齋。（＄32还包一杯冻饮）价钱ok wor, 食物方面都不错，汤底味道一般，没什么特别，份量够。杯冻柠茶就淡了一些。下一次可以试试lunch set. 我和我朋友坐楼上，有大概六个桌子，但可能冷气不够，吃面有点热。过了1pm後人就很多所以最好还是十二点半到就一定有位置。

六月廿三‧晴勝香園還未開，就去左右隔離食住早餐先，是日來了這裡。一入來，發現前後檯的都是朝朝在勝香園見慣的客人，大家也要為那邊放假而轉場。比較起那邊，這裡有空調，有電視看，環境是好好多的。記得這裡的丁麵不錯，不過是日就要了個叉燒米及腿蛋。叉燒米淡淡的，看樣子已經很一般，吃起來亦然，真箇淡出鳥來。叉燒也是實賁的，不過話說回來，晨早流流的叉燒，當然是隔夜的；另一邊箱，蛋煎得全熟，已經講完。杯咖啡還不錯，也是環境較優勝的關係，慢慢睇埋份免費報紙才動身也可以。埋單18蚊，下周可以回勝香園了。

今日嘗嘗這一家麵店, 肚餓, 不想食麵, 見其A - D飯餐都不錯. 繼續排隊, 再被安排坐樓上.A飯叫參巴牛肉飯, 為何叫參巴而不是森巴就不得而知了, 辣辣地, 個汁味道很特別. C飯叫福建炒飯, 用料十足, 有蝦仔, 有火腿, 有菜. 這裡飯食比較多菜. 需要健康飲食的我們, 啱哂.另外B飯是葡國雞, 看落不錯, 隔離檯三男全叫雞.地方小小, 有樓上, 環境一般啦, 是值得在中午Recall的一家小店

原來幾位相熟食友也批「喊面」，是日來吃早餐，又覺得不錯。勝香園又休息，想喝杯咖啡，又自然要周圍去找，是日來了這裡。幾張餐檯一字排開，對著正在播早晨新聞的LCD電視，大家邊看新聞邊討論，氣氛也不錯的。要了腿絲丁麵及蘑菇奄列，加熱咖啡一杯。先來奄列，煎得一點不馬虎，幾夠香又乾身，意料之外的不錯；腿絲丁麵做得忠於原著，只需落足味粉及麻油再煮過，已經很不錯~~不過易做又不等如會度度都做得好，事實上很多店子也做得很求其的。熱咖啡不錯，當然以我來說，還是勝香園的合胃口。埋單22蚊，也算是滿意的。

星期三和同事食飯, 到歌賦街一間餐廳也沒有位.只好行過來結志街試下此店.此店分上下兩層, 下層一邊隔左做廚房, 行過都幾逼, 上面就闊落一點.午餐有咖喱牛腩, 雞, 車仔麵等, 我要了海南雞飯.一睇賣相有點奇怪, 隻碟奇大, 一隻脾+ 一碗飯+ 醬汁/配菜都還有大把位.果碗飯不是雞油飯, 雞汁飯夾硬過骨都可以叫係, 但是吃落勁淡.雞脾係就係多肉, 但同切脾飯冇分別, 又唔香又唔"盛".d 蔥油唔係好貨色, 變左青青地色...最慘係下午茶時間勁口喝, 大佬駛唔駛咁多MSG 呀?你給我味精, $38, 我給你喊面.p.s.唯一可取應該是凍飲唔駛加兩蚊...

本唸住食粥, 但無位, 轉場到這裏. 雖然門口已有數個單位等緊, 但呢度有兩層, 兩個人好快有位.見是日午餐唔太對口胃, 另點炸菜豬肉雲吞米線, 友人要了手撕雞米線. 豬肉餡完全無口感, 更有未熟透之嫌, 炸菜粒亦唔多, 用上廣東雲吞, 完全唔好食!! 反而友人的手撕雞還仲算食得下. 唯一可讚的係d米線淥得剛好. 但見旁邊的食客點的車仔麵又唔係太差, 唔通係我唔識揀????**喊面係俾我碗米線的**

今日係中環開完會未到12點諗住食埋晏先返工司，起初想去九記，但去到門口先知開12點半。勝香園又唔知點解好多差人圍住，所以就行左出結志街搵野食。見呢到好似唔錯，所以就坐低，不過全程都係無人理我。叫左個海南雞飯，包飲品，菜，飯可以要白飯或油飯，$38，唔係貴。雞係用雞脾，都幾"林"，我要左個油飯，唔香但有用香茅味，而且d飯幾爛下，見唔到完整既一粒粒飯。d醬油只有葱油同辣椒蒜，無黑醬油。葱油只有油味，辣椒蒜就偏酸。唯一覺得唔錯係個凍0茶，都幾有紅茶味。不過，以$38食一餐都唔貴，不過真係唔知點解"口甘"就叫海南雞飯，唔係有雞同加有d雞味既飯就叫海南雞飯，最多都係叫切雞飯。

成日聽到d 同事話呢到的香辣好正，今日食lunch就決定黎呢到..環境: 我1點9先到,樓上旮仔仲有位~ 又有個大電視可以睇, 不過可能無開冷氣關係，又有人食煙.感覺有d 焗.. 都算幾乾淨食物:我同d 同事都係叫左車仔面,咁我食米粉, 叫左菜肉雲吞，牛腩同雞翼.. 菜肉雲吞唔太好味.. 感覺好粉.. 牛腩都幾入味，都幾多牛筋. 雞翼都唔差.. 另外，食得辣的朋友，可以揀香辣.. d 香辣好好食..正同事話，佢食D 魚蛋好似佢細個食個D~.. 我無試,唔係好唔好味..服務: 唔知係唔係一次過整幾個車仔面,有d慢,等左差不多十幾分鐘先上.. 同埋~有個亞姐招呼唔錯,不過我同事話佢都會鬧客.. 我諗如果佢鬧我,我會鬧返佢轉頭~哈哈我會再去試~ 嘻嘻~

中午飯廿幾蚊個套餐。碟頭量少、食送差、味道一般，只吃到d 醬汁既味道多個食物味道。簡單d 講，冇左汁就乜都冇。包一杯飲料及一杯Jelly.------------------------海南雞飯、不吃也吧。像一碟多油切雞味精飯...------------------------咖哩牛腩、只係咖哩...------------------------至於車仔麵，只係中規中矩。味道一般。最好既地方...就係閣樓有個大plasma 電視。同埋勁大既冷氣。對於冇乜要求，求其食一餐中午既。絕對OK.

今日睇完生果日報，去左。又話咩老闆本來是五星級酒店西廚，又話咩廚房工具、味料都用上酒店級數，佢真老點呀。我眼見只係一間老茶餐廳既用料，冇咩特別播。重有後門前有四五盤未洗既碟。酒店級數？簡評如下：地方：普通(我好客氣架喇)人手：比較少野食：以廿幾蚊一個四送車仔麵，佢係d羅白好食之外，其他用料都好平，d豬肉丸又有骨(佢媽媽)。管理：低能，明知今日見報，實比平時多d人黎，好心買多d料喇。下午三點油麵又冇，河粉又冇，牛腩都冇，豬紅又冇，紅豆冰都冇！重話好生意過頭提早收舖..... 新客都唔接。真有guts。我用同樣既錢過九記食好好多喇(不過九記星期日唔開)，總之，去邊都唔再去呢度食。

就唯有來左轉個角的呢度食。要的也是奶油多加杯鴛鴦走糖，又係俾勝香園縱慣了，這裡的多士真不像樣：烘得不夠火侯，無厘火氣的；奶及油不均，來自己揭開多士搽過；咖啡又不太夠香；吃著吃著，究竟勝香園幾時開番門？不過呢度也有好處，就係坐得夠舒服，又有大plasma電視擺正中間播三色台新聞，一路食一路睇，都好寫意。又公平一點，左右隔離都是叫早餐ABC的，也沒有人像我淨吃多士的，可能也是不太好吃的原因之一。其實整厚點塊多士，搽均一點奶油，就係好的奶油多，點解做到的茶檔唔多？埋單16蚊，仲比勝香園貴三蚊，我當俾左落D檯椅同個電視度。