旬彩火鍋

營業中

休息中

唔講唔知，九龍灣有間日式涮涮鍋店❝旬彩火鍋❞。店內有多個半獨立的間隔，具privacy 之外，環境仲好寬敞，裝潢更富有日本風格，岩晒家庭、朋友來聚餐。 餐廳有多款匠人湯底🍲（壽喜、旨辛、昆布、飛魚、豚骨、豆乳、番茄、柚子貝柱），今次揀了昆布湯、飛魚湯，兩款湯底清澈鮮味四溢，個人覺得用這兩個湯底更突顯食物的鮮味。 ⦁美國肥牛肉🥩脂肪分佈均勻，肉質鮮嫩多汁⦁美國牛板腱🥩肉質較為緊實，富含肌肉纖維，口感獨特且富有嚼勁。⦁美國SRF極黑牛🥩肉質滑嫩，油花分佈均勻，煮熟後的口感極其豐富。⦁美國精選牛肉🥩有著濃郁的肉香，每一口都有齒頰留香的感覺。⦁西班牙栗豬🍖豬肉的脂肪與肉質比例恰到好處，煮熟後的肉質鮮嫩多汁。 ⦁自助沙冰🍧除了美味的火鍋食材，店內還提供自製沙冰，這是一大亮點！根據各人口味自行調配沙冰，口感清新自然。每杯自製沙冰不僅能為火鍋餐後帶來清新的甜品選擇，還能增添用餐的樂趣和滿足感。  

等咗咁耐，終於天氣開始凍，冬天來臨啦💙而冬天最啱做咩，當然係打邊爐啦。不嬲都知道MegaBox好多嘢行，而平日去MegaBox就行得好舒服，人唔算好多，但係食店就有好多選擇見到今日溜冰場有好多唔同嘅活動，而隔離原來有一間日式火鍋店。火鍋店嘅裝修係行木系簡約風，面積好大，而且坐得好舒服。我同朋友都叫咗Level C，因為見到佢牛肉嘅選擇比較多，有牛版見、黑牛、精選牛肉、肥牛等等，滿足晒想試唔同肉質嘅我。整體嚟講，佢嘅肉都好新鮮，而且都好夠牛味而食物選擇方面，遠慮嘅選擇較多，菜類都唔少，但係海鮮就幾乎得貝殼，其他海蝦等等就需要加錢。而最多選擇嘅我認為係飲品，有罐裝、橙汁、茶類都有，而且仲要有少量熟食同蘑菇飯可以選擇，滿足晒想咩都試嘅心態。😽

🍲 套餐C 120分鐘放題（$238）🍲 鍋底方面分兩大種類，日本名物湯底同香港限定湯底，今次我同朋友揀咗壽喜同出面好少見嘅柚子貝柱湯，柚子貝柱湯帶少少柚子嘅酸味，整體湯底味道唔會好濃，唔會搶左肉嘅味道🥩 肉類方面有美國肥牛、美國精選牛肉、美國牛板腱，美國SRF極黑牛同西班牙栗豚；牛肉雪花均勻，而且切得比較薄身，淥一淥好快就食得，個人推薦美國SRF極黑牛，大大塊之餘牛味非常香濃🍣 除左肉之外，套餐仲包括壽司放題，壽司都有成10款選擇，有火炙三文魚、鱈場蟹棒、鰻魚，熟帆立貝等等🥬 自助吧方面有各式各樣嘅丸類，菜類同麵食，而且非常乾淨整齊，職員亦會不時refill；仲可以透過QR Code落單點蜆，虎蝦同青口，蜆好鮮甜，蜆係套餐包埋，至於需要虎蝦同青口則需要加錢🧃 飲品方面有唔同種類嘅罐裝汽水同果味茶，亦有自家製嘅茶飲，例如酸梅湯，竹蔗矛根等等🍧 甜品方面有一個小甜品櫃放咗乳酪杯，小蛋糕等等，旁邊有兩個雪櫃各自放有唔同配料嘅自製刨冰同雪糕雪條，仲可以透過QR Code 點特色嘅日韓雪糕雪條，朋友仲好驚喜呢度可以食到佢想食嘅西瓜雪條整體來講呢度座位闊落，坐得舒服，選擇都頗多，呢個價錢嚟性價比

星期日下午嚟到，唔係好多人，即時有位餐廳環境幾乾淨，坐得幾舒服自助bar 食物種類唔係好多，比較特別係有爆谷，好受小朋友歡迎肉類亦唔算好突出，中規中矩，湯底味道正常

前排係九龍灣收工要搵晚飯食都離不開去Megabox, 好在都搵到間正野坐底慢慢食😙餐廳裝修充滿日本風🇯🇵，燈光燒猛，坐位都夠哂闊落又舒服😆火鍋採用半自助，一般配料、飲品都係自助區，而肉類就要由app order 📱配料簡直多到選擇唔到呀，樣樣都新鮮🥰，飲品都有成6-7款選擇。係等待火鍋料嘅同時，出面有勁多熟食選擇，有壽司🍣，小食🥟湯底 🍲匠人湯底，分別揀左日本限定嘅飛魚湯🐟同香港限定嘅豚肉湯🐽，湯底味道濃淡適中，有淡淡魚香味去襯托肉類鮮甜味，豚肉湯亦無羶味，唔會蓋過肉味👏🏽火鍋料牛肉豚肉勁正勁新鮮，脂肪紋勁均勻😆，肉類包括美國精選牛肉、美國牛板腱、美國SRF極黑牛、美國肥牛、西班牙豚🐖，肉類任點任食，比你食足120分鐘🤣最正都係SRF 極黑牛 SRF 指Snake River Farm，專門出產頂級牛肉🥰，SRF牛指具備日本和牛的油花口感、以及美國安格斯牛的香濃肉味，入口鬆軟之又食到牛肉的濃厚香氣，係混種牛中的極品。所以呢款牛我地瘋狂落單🤣甜品都有好多選擇，雪糕🍧，蛋糕🍰總有一樣啱你口味！呢間火鍋CP值好高，由熟食到甜品都有好多選擇又高質，可以再食多幾次😂

今次黎到Megabox揾食，見有間裝修富和風特色，座位又好寬敞舒服嘅日式火鍋放題🇯🇵❤︎ 【火鍋放題套餐C】🍲匠人湯底有比較傳統嘅日本湯鍋選擇，亦有香港限定嘅湯底，我就揀左豆乳同飛魚湯🐮🥩套餐賣點係可以任食美國SRF極黑牛同牛板腱，當然套餐A-B嘅肉類都包含在內SRF極黑牛大大一片，肉感實在又柔軟而我就最中意牛板腱啦，肉味明顯之餘仲有條牛筋仔嚼下，幾香架西班牙粟豚都好吾錯，脂肪分佈均勻，肉質軟嫩甜香👍🏻套餐仲包幾款壽司任食，有炙燒三文魚、玉子、蟹柳棒、帆立貝等等︎🥬🍡蔬菜丸子們嘅質素都吾錯，最推薦係芝士竹輪同麻吉燒，拉絲嘅物體我最愛🤣另外蜆肉都好新鮮，上枱都仲識郁，所以食落好鮮甜💦🧃🍦飲品方面有多款汽水同果茶，甜品提供豆腐花、小蛋糕、日韓雪糕、乳酪杯等等仲有得自製刨冰添🍧可以自己加爆配料🤣

經過店面望一望就入左去試下, 反正未試過.肉- 我地叫左最平的任食, 質素可以. 但感覺職員唔會話你知, 要注意D咩, 亦唔會理下你有無咩問題.我地漏左兩次單, 淨係見到職員係咁執檯, 想佢行過黎都幾難.我地見有其他檯有壽司食, 出面又無得拎, 就問職員開頭佢地話係晚市先有, 後來又話個D係下午茶.但佢地無寫咩係下午茶...莫非係60分鐘的就係下午茶?其實60分鍾食一個邊爐, 我諗係香港人先做到 XD點解話應該無下次呢?差唔多食完時, 我地見到不遠處有台客應該係夠鐘但佢地檯上仲有兩排肉, 職員同佢地講夠鐘.聽到客人話佢地知, 佢地唔會拎任何野食同野飲, 但佢地唔想浪費食物.我諗意思係需要多D時間清埋D食物. 聽到職員好似話咩, 係夠鐘架喇, 咁樣佢好難做.客人問佢係咪寧願浪費食物, 職員無答.重點來, 最後職員走去個檯, 我見客人未食晒的肉, 俾佢拎走左.所以....1. 其實佢都serve了的肉, 都唔要得架啦, 何不俾客食埋佢? 全場得幾檯客, 佢地執檯都執唔切喇.2. 拎番入去, 等客無得再食, 係就可以令佢地離開, 但D肉會去邊呢? 萬一係留俾新客食, 咁就唔衛生啦....都係

位於九龍灣Mega Box ,有間日式涮涮鍋～旬彩火鍋，呢度地方佔地好大，樓底又夠高，坐位寛敞舒適，牆上嘅壁畫好搶眼，非常卡哇吚🥰Menu 上有多款放題套餐，今晚同好友就楝左「旬彩春夏限定 」$398/位 放題晚市火鍋：首先，揀左湯底先（有8 款），一人一鍋，我地揀咗飛魚湯及柚子貝柱湯，（我仲揀左新鮮蜆，加入做湯底，增添鮮味😊）之後店員好快會奉上以下五款牛肉及一款豚肉，試啱邊隻好食就可以透過QR code揀選自己鍾意食嘅款式，另外有些食品及飲品需要另外付費的。好友話食涮涮鍋一定要飲啤酒，所以先嚟杯冰凍黑啤先（$58）😉✔️美國肥牛✔️美國精選牛肉✔️美國牛板腱✔️美國SRF極黑牛✔️日本黑毛和牛✔️西班牙栗豚✔️多款壽司任食基本上所有牛的肉質都唔錯，即叫即切的，尤其黑毛和牛，輕輕淥一淥已經好好食🤤，細緻嘅油花，軟嫩適中，肉香在口腔中徘徊👍另一款極力推介係美國SRF極黑牛，係日本和牛與安格斯牛混種，大大塊，有著和牛嘅細緻油花但又保留著美國安格斯牛嘅濃厚肉味，淨係食呢兩款牛已回本😜⛩️自助火鍋配料區：好多火鍋配料選擇，我最鍾意食金菇、鮮冬菇、牛丸、芝士腸、生菜、蜂巢冰豆腐、鮮枝竹及好特別的菇菌等等，我仲見

早在「旬彩バイキング」試業時曾經光顧, 當時有出現送出肉類時間較長和漏單的情況, 不過當時是試業, 所以可以理解.這天中午再來看看情況是否有改善.我仍然主打西班牙栗豬, 肉類保持水準, 1碟4片, 切的極薄可透光, 下鍋很快就能吃, 味濃易入口.至於丸類和其他蔬菜的選擇和之前一樣, 清潔但選擇性不多, 那天其中2款菜是芥蘭和羽衣甘蘭.QR Code下單仍然是每次只能選4件東西(不論種類).這次肉沒有出現漏單, 出肉時間算正常.全場繼續顧客不多, 店員基本不出現(除了送肉), 碟和肉盆有埋積的情況.至於店員熱情度不足, 希望注意.

呢日收工好早喺MegaBox搵餐廳食晚餐，原來10樓開咗日本過江龍嘅涮涮鍋放題，就決定食呢間。餐廳裏面非常大，座位闊落舒適，卡位比較多，木系和風裝修好雅致。我哋揀咗春夏限定 $398/位 放題晚市火鍋（包括美國精選牛肉、美國牛板腱、美國SRF極黑牛、日本黑毛和牛、西班牙栗豚及多款壽司任食）匠人湯底有8種：・壽喜・旨辛・昆布・飛魚湯・豚骨・豆乳・番茄・柚子貝柱湯湯鍋係一人一鍋，每人選一款湯底，我哋揀咗比較特別嘅旨辛同飛魚湯，旨辛有辛味，是日式的小辣程度，喜歡辣啲可以出去自選醬料區選擇辣醬調味。點餐後，職員會好快上火鍋，每款牛肉都上齊，最香最重牛味係美國牛板腱、美國SRF極黑牛，最有牛脂香味係日本黑毛和牛。自助區仲有好多新鮮蔬菜、丸類，熟食、小食、糖水，飲品、雪糕雪條等等。

我睇官方fb 同呢度既資料營業時間寫就寫到4 點 …不過我兩點20分去到就封閘冇得食…擺到明唔想做生意咁款…其實有時…飲食業寒冬係有原因既…自己唔做好自己…邊個會幫你?

落單幾次都漏，肥牛超肥，美牛叫10疊先來二疊，豬肉好少少，落壽司🍣都係漏單，落5次都只會來一次，驚客食不如做定食，唔好搞無限供應，生菜連最外嘅葉都唔捨得丟，丸的款式都少，飲品種類都還可以，有百福豆腐花，優格和雪糕，要掃code落單的預咗唔會齊，有收費嘅就會好快到，冇下次，唔會再幫襯。其他都冇特別，真係中伏。咁多人都提咗漏單的事，但餐廳完全可以裝聾作啞，老細想必都係孤寒識計，除了剛坐下送來的肉還算可以，之後的都唔係好掂相都費事影，曬氣

都有一段時間冇溜冰，呢日就揀咗嚟九龍灣呢個溜冰場玩吓😎 做完運動咁攰，特別想食餐超豐富，所以就嚟咗同層嘅呢間火鍋放題，放題最平$158就食到，貪食嘅我就叫咗最高級嘅D餐，可以食到嘅肉類就當然會多好多啦🤩湯底套餐係一人一鍋，我同友人就分別揀咗壽喜湯底同豆乳湯底，個人認為壽喜就比較夾牛肉，而豆乳就比較襯蔬菜 🍲肉類D餐包嘅牛有好多款，有美國肥牛、美國精選牛肉、美國牛板腱、日本黑毛和牛、美國SRF極黑牛，另外都有西班牙栗豚揀🐷 我就最鍾意佢嘅日本黑毛和牛，牛味非常濃🐮 落單嘅食物仲有鮮蝦小雲吞，呢個小雲吞嘅蝦肉餡都幾好食㗎 🥟壽司除咗火鍋配料同肉類係任食之外，壽司都有得任食㗎🍣 我就叫咗鰻魚、火炙三文魚、鱈場蟹棒同北寄貝壽司。不過任食火鍋當然唔食咁多較快飽肚嘅食物啦，仲有好多高質素牛肉等緊我呀🤣 自助吧外面嘅自助吧選擇幾多同埋幾整潔。♦️蔬菜基本嘅蔬菜類都有齊，粟米、油麥菜、生菜、娃娃菜都係我喜愛嘅蔬菜🥬 不過呢度嘅蔬菜切得比較細塊，因為一人一鍋嘅鍋size唔算好大，所以餐廳呢一個設計好貼心。♦️丸類墨汁墨魚丸、芝士丸、芝士腸、海膽丸、台灣腸、豆卜等都有供應，餐廳仲會不時refill食物。♦️小食

今晚放工和同事一行四人到九龍灣吃涮涮鍋。這間日式涮涮鍋地方寬敞，裝修也很有日本風格，以木係傢俬裝潢。自助吧有多款丸類和蔬菜供應。如墨汁墨魚丸、芝士丸、龍蝦丸、海膽丸等比較有特色的丸類。蔬菜方面，有生菜、羽衣甘藍、油麥菜、番茄、蘿蔔、萵荀、菇菌等。個人尤其喜歡萵荀，放在湯內，盡吸湯底精華，爽口入味。小食吧有魚肉燒賣、墨魚卷、咖喱魚蛋和炸雞等，但我們太飽，已經沒有吃了。最值得一提的是飲品吧，除了一般凍櫃內的罐裝飲品外，飲品桌上還有一些特別的飲品如：解茶、解綠茶、川貝枇杷蜜、竹蔗茅根等。我們選了「旬彩春夏限定」套餐。 $398位放題晚市火鍋。包括美國精選牛肉、美國牛板腱、美國SRF極黑牛、日本黑毛和牛、西班牙栗豚及多款壽司任食。美國精選牛肉美國精選牛肉的油花分佈均勻，肉質鬆軟，入口即化。 美國牛板腱美國牛板腱的口感則更具嚼勁，肉質結實卻不失柔軟。美國SRF極黑牛SRF極黑牛的味道極為濃郁，肉質鮮嫩，油脂分佈更是令人讚嘆。日本黑毛和牛日本黑毛和牛肉質柔軟，入口即化。西班牙栗豚個人認為最好味。西班牙栗豚口感香軟，肥美的肉質放在口中立即融化。套餐有多款湯底供選擇。分別為：日本名物湯底：野菜・旨辛・

朋友介紹Megabox有間一人一鍋的放題，質素不俗。今晚放工一於和同事一行四人去大塊朵頤。餐廳空間感大，座位舒適。難得這裡的放題有日本黑毛和牛供客人選擇，我們決定點選旬彩春夏限定$398一位的火鍋放題(包括美國精選牛肉、美國牛板腱、美國SRF極黑牛、日本黑毛和牛、雲吞、蜆，西班牙栗豚及多款壽司任食)。由於是120分鐘限時任食，於入座前，服務員會先讓我們選擇湯底，以加快上鍋速度。我選擇了🫕飛魚湯底，湯勝在夠清。肉類的質素果然不俗，個人尤其喜歡牛板腱，日本黑毛和牛及西班牙栗豚。前兩者牛味濃郁，雪花分布均勻。後者則肉嫩味鮮，味道可口。吃了這麼多肉類，當然要有些蔬菜平衡一下。自助放題區有多種火鍋料供客人選擇：萵笋、芋頭、冬瓜、番茄、各種丸類、韮菜花，辛辣麵及出前一丁等。甜品和飲品亦款式繁多：包括雪糕、雪條、川貝枇杷蜜、竹蔗芧根及酸梅湯等。人均四百幾便可任吃以上不同種類的食物，飲品，加上一人一鍋(大家可各自挑選自己喜愛的火鍋配料，又可一起圍爐暢聚)，絕對是性價比高的火鍋放題之選。