旬彩火鍋

營業中

休息中

以百多元(加一前）的任食火鍋來說尚算不俗。食物品質可以，環境舒適寬敞。整體衛生環境理想。汽水，甜點，雪糕也有很多選擇。這個價錢來說，CP值非常高。特別係d蜆，非常鮮甜，值得推介。仲有壽司放題。小朋友來都可以有不同的選擇。湯底選擇也不小，鍾意佢哋個飛魚湯，好鮮味。主菜牛肉豬肉來講，算係正常發揮，話晒我哋都係試佢個入門級的set。不會奢望有手切本地肥牛呱。如果對肉類有要求的人就應該叫佢哋個高級版本，有黑毛和牛。

先說結論：冇誠意極之普通的火鍋，唔會再來先讚：理境坐位舒適（望落乾淨但有烏蠅），點餐上菜速度快。後插：價錢：星期日晚市選了最貴那一個C餐（268+20再加一），價錢唔算平湯底：柚子柱貝和豚骨湯（近乎冇味，差一個字代表成個湯）間店強調一人一鍋，個鍋細過大家樂個鍋，極之唔方便引致2件事，煮唔得多，煮肉出好多雜質、油等極快污染全鍋。服務：衰格，員工冇笑容又沒打招呼，最重要是（看圖）間店冇海鮮只能煮肉污染了個鍋想找人幫忙換一個，很基本的要求，我不是想要新湯底，職員叫我自己倒去垃圾容器鍋都唔比一個新的給我，咁熱要我做咁高難度的事，小小協助都沒。食物：（不是選擇小，近呼冇得選）最貴的plan用qr code有6款肉，其中的和牛好麻麻，牛板腱返而好過它，羊肉極騷全部食物都好普通，海鮮得兩種蜆和要加錢的青口（288食青口都要加錢蝦都沒一隻，太過分，肉已經唔靚，海鮮又沒，刺身又冇，完全唔知想點）仲有雲吞、壽司可叫（爭鮮質素），甜品只有2款dreyer's雪條和韓國雪條。出面自助得呱呱菜菜和丸，熱盤只有燒賣魚蛋，薯條麥樂雞，仲有糖水極之cheap，百福豆腐花。自助選擇比那些單點肉火鍋店還要差。飲品：只有道

🧭旬彩火鍋 • 九龍灣🍴九龍灣宏照道38號企業廣場5期MegaBox 10樓5號舖作為一個邊爐愛好者，見到有平價邊爐，當然要試一試佢！當日食左最平個set 每人只需$158，就有120分鐘。呢個價錢上已經贏咗。湯底🍅🍅佢都算有幾多款既湯底俾人選擇，而我地揀左一個豚骨湯，一個蕃茄湯。個人略微淡味左啲，有啲似溝左水既感覺。肥牛🥩但就一分錢一分貨，可以見到比較薄同都真係勁肥下，無乜肉食🤣壽司🍣佢呢個價錢居然有包8款壽司，雖然係最普通既款式。但賣相同食落去唔錯，呢個反而有驚喜。食物吧🍟🥬出面都有唔小既菜，丸 可以揀，都選擇多既。但出面既熟食就差啲，啲炸物全部都係凍哂😮‍💨唔知係咪我夜晚食既關係，所以成晚都係食菜同牛算。另外一提，佢係一人一鍋的。但佢個鍋都比較出面 再淺同細啲，每次都唔可以落大多野😅要有啲耐性 分幾次咁落🤭同埋啲員工都好好服務，每次一清完一盤肉，就即刻黎收走左👍🏻#hongkong #hongkongfood #foodstagram #foodie #hotpot #food #香港#覓食 #香港美食 #九龍 #九龍灣 #megabox #火鍋 #邊爐 #打邊爐 #牛肉 #美

整體體驗有些不盡人意。首先，肥牛的質素參差不齊，脂肪比例大約是七三比，吃起來油膩感很重，完全影響了整個用餐的感覺。前後叫了十幾碟肥牛，結果都是大致一樣，實在讓人難以享受打邊爐的樂趣。另外，店員的服務也有些奇怪。當我們向店員反映肥牛的問題時，店員的回應讓人感到不解，似乎對肥牛的質素並不在意，並說美國就是這樣肥。這樣的服務態度讓人感到不舒服，完全破壞了用餐的氛圍。希望餐廳能夠改善肥牛的質素，並加強店員的服務培訓，讓顧客能夠有更好的用餐體驗。

星期六黎呢到睇完傢俬去搵餐廳食晚飯，見到呢間餐廳$150+20（星期六日加$20）有肥牛任食火鍋，咁就即管試下。一黎上左幾碟肥牛，D 肥牛係肥到只有肥膏，基本上見唔到肉！即刻同店員講收走晒d 肥牛，加多每人$50 upgrade 做B餐，牛肉質素係好左少少既。點知食左只係15分鐘左右，一隻曱甴唔知係邊到跑左出黎，仲要係我個火鍋面前跑黎跑去！（見相）我即刻大叫！店員好快過黎想捉走佢，但隻曱甴走甩左，店員問我想換位定免單唔食離開，咁緊係免單唔食離開la!

一路喺商場行緊諗緊食咩OpenRice搵到佢，嚟到門口姐姐好有耐性好有禮貌，我唔知道揀邊個餐，佢都細心解釋俾我聽，最後我哋揀咗第二位貴嘅打邊爐，原來仲有壽司食，不過壽司真心一般啦，有菜類，丸類都多嘅，仲有好味貢丸，蝦餅，包心丸都有，喺MegaBox講都算係OK啦，去到甜品位有刨冰，雪糕雪條汽水可樂任飲，埋單$747，一家三口嚟講，算唔錯啦！放題任食普通價位唔錯，個場大到好空虛，星期日都坐唔滿！香港真係難搞🥺

旬彩火鍋午市火鍋不錯既選擇最右邊係美國SRF極黑牛 比較肥美嫩身 中間係西班牙栗豚 比較瘦同柴 最右係美國肥牛 雖然冇SRF咁好食 但多脂肪都唔錯! 任食既蔬菜選擇都唔少 而且係有keep住refill既!附近番工既話 Lunch可以一試!

一坐低第一次送嚟嘅牛肉係ok嘅 仲諗呢個價錢有咁嘅質素真係唔錯 到追加嘅2碟 一碟啲肉變咩色 一碟肥牛完全唔可以叫肥牛 可以叫佢係肥肉一碟 每碟食左2片已經唔敢再食 唯有另外俾錢叫2碟 最後埋單差不多500元 講真500元2個人 食啲咁嘅嘢我去邊度都冇咁差最後係飽嘅 因為食左2個烏冬另外佢有煲蘑菇飯 我冇食 唔知好冇食 因為打開見到佢個樣已經唔想食 好似廚餘咁呢間嘢即使有人請我 唔使我俾錢我都唔會再嚟佢都有好處就係收碟都快 同埋地方大 唔會好迫

話說上一次來吃的時候，所有感覺都很新鮮，包括牛肉蔬菜都感覺上經常轉換，而且牛肉非常有味道！但最近再來一次吃，感覺上牛肉沒有以前擺得這麼漂亮，而且質素比之前更加差，好像所有牛肉換過第二款感覺一樣，而且牛肉擺法和之前的感覺上完全兩回事，好像更換了師傅一樣，一次比一次差‼️我都係鍾意返之前2024年那個師傅，擺法漂亮，厚薄到剛剛好，現在完全不了，沒有下一次‼️而且蔬菜類選擇減少了很多，而且非常不新鮮，員工也沒有之前那麼熱情，所以這間舖頭感覺上也很快完結了‼️

本身2個family 一齊去食，大家叫嘅set唔同，同店員講完後佢就話「你哋識得但叫嘅set唔同，唔可以坐隔離喎」我聽完O晒咀，兩家人識嘅都係想一路食一路傾吓計，依家你以呢個原因專登分開我哋坐，咁如果我入到去先發覺隔離枱係識但叫嘅set唔同咁又要再安排座位？兩枱人叫嘅set唔同，你驚貴嗰枱幫平嗰枱叫啲肉黎食，你係要諗辦法杜絕，但你就用呢個咁無知嘅辦法，咁做法點樣叫人再幫襯你？bad list 以後都唔會再幫襯

天氣轉凍 最啱打邊爐🍲最近去左一間新開嘅日本過江龍火鍋店，主打日式一人火鍋，有四個唔同價位嘅放題套餐。最平只需$158就食到120分鐘放題，湯底同牛肉嘅質素好高，真係超抵食呀！火鍋放題套餐C $238/位呢度嘅湯底選擇一共有八款，包括有壽喜、旨辛、昆布、飛魚湯同埋四款香港限定嘅湯底，分別係豚骨、豆乳、蕃茄同埋柚子貝柱湯。我哋就揀咗飛魚湯同豆乳湯，飛魚湯鮮味十足，豆乳湯嘅豆味亦好香濃，兩款都好高質。呢個套餐可以任食五款肉類，分別係美國肥牛、美國精選牛肉、西班牙栗豚、美國牛板腱同埋美國SRF極黑牛。全部牛肉嘅質素都好高，色澤亦都好亮麗，其中美國SRF極黑牛嘅油脂分布平均，食落口感好juicy，牛味香濃，絕對係必食之選。除咗五款牛同豚類之外，自助區仲有多款丸類、蔬菜同埋粉麵等等任君選擇。唔夠嘅仲可以scan QR Code order壽司、海鮮同其他熟食。飲料區嘅選擇亦都好多，想飲汽水或果汁都無問題，仲有自助沙冰機俾客人自己製作沙冰，有得玩又有得食，真係好過癮。

早幾日同友人黎MEGA BOX 買開野, 順便DINNER~天氣凍, 就不如打邊爐啦, 呢間餐廳係來自日本東海地區嘅火鍋店開首間海外分店, 可以一人一鍋, 又幾好WOR~除咗供應日本店三款日式湯底，"壽喜燒湯、旨辛湯同昆布湯"之外，仲有香港限定既"豚骨湯、豆乳湯同番茄湯"。我地點左C 餐, $238(120分鐘 - 五款肉), 揀左壽喜燒+昆布湯。一點餐, 就一次過可以試左五款肉先, 包括美國肥牛、美國精選牛肉、西班牙栗豚、美國牛板腱和美國SRF極黑牛。試完中意邊款先再ENCORE~~我自己就偏好牛板腱, 油花均勻, 肉味濃郁; 而友人就中意SRF極黑牛，又香又嫩.呢度仲有壽司放題、自助吧、仲有蜆任點~~自助吧款式都幾多, 我就中意揀丸同菜~甜品都唔錯ar, 杯裝雪糕、韓國雪條都係自己隨便拎。overall 光猛, 坐得舒服. 價錢都合理. 

呢幾日天氣又轉凍⛄️最岩梗系打個靚邊爐🫕黎開九龍灣呢頭 就試下呢間位於megabox既旬彩火鍋！聽聞系日本過江龍黎.晚市120分鐘火鍋放題分左4個級別套餐 最平既餐每位只需要$158🤩而我地揀既C餐都只系需要$238💰性價比都幾高.湯底有8款可以揀⬇️日本名物：壽喜•旨辛•昆布•飛魚湯香港限定：豚骨•豆乳•蕃茄•柚子貝柱最愛壽喜燒湯底 甜甜地👍🏻𖤘 火鍋放題套餐C | ᴴᴷᴰ𝟸𝟹𝟾 / 人ᯤ美國肥牛ᯤ美國精選牛肉ᯤ西班牙栗豚ᯤ美國牛板腱ᯤ美國SRF極黑牛以上五款肉類都系任食😍肉類質素都幾吾錯！必須要無限encore美國SRF極黑牛🐮肉味濃郁 肉質滑嫩😍西班牙栗豚🐷亦有驚喜平時我吾太中意食豬但呢個豬肉片肉質好嫩 好易入口.掃QR Code可以落單叫肉/壽司/配料/雪條蜆肉好鮮甜；雲吞皮薄餡多 必點！圖中呢隻朱古力軟心雪條幾好食朱古力味超濃😍最估唔到系竟然連壽司都有得食😂真系吾驚吾飽啦😂另外出面都有自助配料區、飲品區、甜品區選擇都幾豐富我地仲拎d飲品黎mix and match添😂呢隻清熱檸檬飲溝梳打水，簡直係Fresh到爆炸😂最特別系有得自己整刨冰添！有得食又有得玩😚

HKD 238 的火鍋放題吃 120 分鐘，哪有什麼可以吃呢？旬彩火鍋是一間日本過江龍火鍋店，有一人一鍋亦能一個大鍋鴛鴦湯底。我們吃的第3個級別價錢有豚肉也有牛肉，一共五款肉。湯底選了聞起來很香的柚子貝柱湯底，而且這個是香港限定來喔。另外一個則選了飛魚湯，像日本高湯那種，配蔬菜來吃夠鮮味。喜歡餐廳夠闊落，有不少梳化位，用餐舒適度不錯。會先送上五款肉，吃完可以再用 QR Code 下單。五款包括美國肥牛、美國精選牛肉、西班牙栗豚、美國牛板腱和美國SRF極黑牛。私心推薦質感香軟的栗豚和肉質柔軟的牛板腱。如果喜歡吃肉味濃的那就選美國SRF極黑牛吧，而且很大一片。其他的火鍋配料可以在自助吧自己拿﹐款式都算幾多。有不同的丸類，不過沒標示名字要猜是什麼來。有個像魚蛋加櫻花蝦的好吃。另外還有菇類和蔬菜，因為要配合一人一鍋，所以蔬菜不會切得很大片。自助吧亦有熟食，擔心不夠飽可以食炊飯。或者用 QR Code 都可以點壽司，有火炙三文魚、鰻魚之類。我選的放題級別有三款海鮮，個人覺得蜆夠鮮甜。沒想到還會有鮮蝦小雲吞，不喜歡別飯亦有烏冬，滲了湯的烏冬很滋味。飲品方面，主要是罐裝飲品﹐但都有些銀菊露、花旗蔘蜜

對比開業初期, 見近期食評有改善, 就嚟試一試。一人一鍋, 湯底幾好, 食到最後都仲有味。可能係我唔好彩, 食唔到其他食評所講嘅靚和牛。我哋嘅和牛就好似圖中嘅質素。反而SRF極黑牛就似返啲樣(絕對冇搞錯圖片)。先講價錢, 三個人食最貴嘅D set, 假日另加HKD 20/人, 連埋加一, 一個人要HKD 460。呢個價錢唔係全部食物都任食, 部份海鮮要另外加錢, 部份雪糕/雪條都要另外加錢, 我哋就冇叫呢啲要加錢嘅項目。抵唔抵食相信大家心中有數。