日本料理「和亭」 (已結業)

20/7(日) 7pm陪組長相親入屯門走一趟;黃昏時份各散東西,我倆走到西九龍內的"和亭"試菜.店內佈置不甚花巧,和式筒燈湊上常見的深木桌椅,坐得舒適便是了!菜牌上的菜色難免隱含著'"和民"的影子,只要是對胃口,莫須問出處.我倆點了軟殼蟹沙律$39,玉子壽司$12,麻醬拌麵$34,滑蛋豬扒鍋$34及麵豉湯跟白飯$10.軟殼蟹沙律--生菜,洋蔥絲,青瓜絲,紅蘿蔔絲,車厘茄,連同兩至三隻炸得香脆,肉汁充沛的軟殼蟹;混於加了藍芝士的蟹籽沙律醬,口感複雜,出色的前菜!玉子壽司--乍見有點皺紋的玉子入口嫩滑富蛋香,甜度適口;壽司米的酸實度也恰宜.麻醬拌麵--蟹柳,青瓜,蛋絲,生菜及韌度足的麵條上澆上麻醬,清新添胃口;麻醬的花生香著重點更為可口!滑蛋豬扒鍋--奉上石油氣鍋自行加蛋煮沸,有點細藝.塊塊橢圓形的小巧豬扒質地鬆化,原味滿重的!另點了珍珠米白飯,其醬汁混合洋蔥蛋絲,佐飯一流!別小看一群年青服務生,帶點含蓄的周到招呼,實屬有點意料之外!欲於此區尋覓有點質素的出品及環境,可一登"和亭"之門.

六月四日晚, 同個 fd 選擇咗去《和亭》試吓, 本來諗住平平哋食五十蚊左右, 但見到個「豪華雜綿魚生飯」($88) 好似好吸引咁喎!忍唔住叫咗個嚟試, 可能因為近期心機唔多好, 又啱啱出咗糧, 豪一次啦!個樣都似足 Menu 上既相喎~ 兩隻甘蝦特別大, 其他刺身都算合格, 未至到好新鮮, 但都有 75 分既! 同埋份量都好多呀! 不過就只得一個飯, 乜小食、配菜、麵豉湯或甜品都冇囉... 所以 $88 真係有啲肉赤... Winnie 唔食刺生, 所以叫咗個「牛肉石鍋飯」($38),個賣相都幾靚仔喎! 試咗一啖, 都幾好食丫~~~ 份量對女仕嚟講適中, 但男仕有機會唔夠飽... 整體上呢間嘢其實都幾普通, 雖然食物入得口, 唔太差, 但新鮮度同食物種類唔夠其他同價錢既食市比喎...雖則好過《和民》(姐妹餐廳), 但其實都好相似, 又係未到好好食但又收得幾貴, 同樣有食過就算既心理,完全吸引唔到我有第二次幫襯既感覺!Anyway, 未試過既朋友仍然可以親自去試一次既! 因為可能係我要求比較高啫!更詳細資料及圖片請看 : http://hk.myblog.yahoo.com/jo

之前人們說和亭和民同一間,媽媽說有VIP卡所以過了來吃東西一到去,環境不錯,有歌聽很舒服我和媽媽叫待應落單,她說服務不錯(哈哈哈!!!)環境十分清靜,一點聲音也沒有上菜,牛油焗帶子味道不差嫁抵吃的次數:85.5/100哈哈哈哈哈哈!!!!滿意的一餐

星期四同妹妹出西九，見到有日本野又唔係貴咪入去食lunch午餐好抵食呀~but 比較推薦食飯好d我地叫左叉燒拉麵(因為囡囡話要食麵喎)石鍋牛肉飯(唔辣個隻，呢個我叫的)豬軟骨拉麵(唔係好記得咩名，因為唔係我食，係同行的友人)拉麵會送2隻三文魚壽司個餐有沙律同埋drink我地就加錢叫果汁芒果益力多、芒果石榴汁、石榴汁d果汁好好味拉麵口感唔錯，但味道麻麻石鍋飯就好正，熱辣辣又好食下次帶媽咪去食先得，仲要記得帶相機

今天約一點四到和亭，等了十至十五刀鐘便入座。點了什市套餐，豬軟骨拉麵（＄３４）、沙律、兩件三文魚壽司、熱柚子蜜。先上沙律，味道ｏｋ。之後飲品，同凍飲一樣咁大杯，不過得好少柚子蜜醬同埋沖得太多水，好淡味。再來的是壽司，ｓｉｚｅ普通啦，飯團很不規則，三文魚片厚度適中，唔太肥，不錯。最後是拉麵，湯是豬骨湯，不過無乜味。豬軟骨夠腍，但唔夠入味。本來以為有和民作後盾，質素應該幾高。不過，我覺得好普通。希望只係這些平價套餐係咁啦。不過，三十幾蚊一個餐，又食得過，幾抵既。環境比較暗。另外，服務員會不時留意枱上有沒空碟收起。有一個後生的男侍應把聲好好聽，哈。

星期六/日食野都唔洗等位d野食都唔係貴友人食石鍋牛肉飯''我食和亭拉麵佢果個就幾好食又香既~但本人比較鍾意食拉麵''覺得個拉麵平平無奇無乜特別湯底又唔係特別好飲~而且食品選擇都比較少,,可能開張無耐掛不過值得一提``d waiter態度唔錯呀

家人們各有各忙,上班難得有時間一聚,就選擇了這家食店一行五人,發覺沒有套餐,散叫東吃一點西吃一點也是樂趣最後點滿了一桌子的食物,侍應見再也找不到空間放上食物便有禮貌地告訴我們把食物先放左旁邊的桌子石頭鍋飯很出色,有點點的結焦卻不難入口再加上一點七味粉,味道一流。三文魚刺身是我的最愛,切得每件大小均勻厚度適中,令我吃完只想再吃另外不得不提的是那些巨型的炸蝦賣相很吸引,而且看上去也不覺油膩食落真係"啖啖肉"侍應也很有服務精神,不時過來收碟,倒茶價錢也可以接受,物有所值大家在進餐之餘談談近況,真的不亦樂乎。

去開深水埗, 諗起有呢間野... 所以來食..星期六既中午, 唔洗等位就入得去... 環境都算可以..叫左..特盛壽司盛合 - 我覺得去高級少少既超市買都好食過佢一個燒三文魚壽司 - 還過得去軟殼蟹沙拉 - 全部野食完佢先來... 賣相差過和民串燒combo - 唔好食....滑蛋豬扒飯 - 還可以...冇下次... 埋單 245$. 已經用咗和民信用咭.. 有discount..用呢個價錢我覺得唔洗食呢D野囉...

偶爾過哩鴨寮街，咁就順便行埋西九龍中心，見到有間和亭食日本嘢，望入去感覺都好似熟口熟面，再晌門口睇清楚D，啊，原來又係和民嘅另一品牌，即管試試啦！坐落睇睇餐牌，見有午市定食，都幾抵吓，一般都係三十幾到四十幾，又包埋麵豉湯、沙律同飲品，點知想叫嘅時候望真D細字，原本只做星期一至五，星期六、日唔供應，唯有散叫，都無所謂啦，係食得貴D，唔怪之得隔離檔$41.9嘅任食壽司就排晒長龍要等位，和亭就稍為「靜蠅蠅」啦！唔理得咁多，醫肚最實際！叫咗個石鍋蒜香牛肉飯（$39），餐牌標明係新嘢，所以諗住試吓，另外加杯柚子蜜梳打（$10），炎炎夏日梗係整杯冰凍嘅飲品醒醒神！個石鍋飯嚟到，賣相好似吉野家牛肉飯咁，好彩佢夠晒熱力逼人，仲聽到滋滋聲咁響，新鮮製作嘅表現，食落口飯粒分明，又充滿蒜香味，但係D牛肉始終無乜特別，我覺得同吉野家嘅牛肉無乜分別！至於杯柚子蜜梳打就仲失望，原因好簡單，叫柚子蜜但係無乜柚子味，杯底一撮柚子皮又好硬，頂多佢只可以叫做一杯冰凍嘅梳打水！加埋一成五十幾，夠去兩次吉野家啦。

見到這間叫和亭的，一度誤會是和花亭…以為是 under 和民集團，應該是好o野，但是真的很失望。可能就是因為夾著和民集團旗下的名字，我們九時半入席都要等位。 和亭拉麵 ( $ 39 ) - 連不喜歡食味千的哥哥仔都說早知去隔離食味千算了，根本不是拉麵來的，而且有些配菜居然是凍的! 而且湯底不好味，好鹹! 這一刻覺得味千拉麵原來真的蠻不錯! 雞翼串 ( $19 ) - 一上碟有點失望，咁細隻…我們選了鹽燒的，幸好味道不過不失! 蝦天婦羅飯 ( $49 ) - 蝦都 OK，不過什麼醬油都冇得點? 有點乾! 什錦火鍋 ( $49 ) - 大大份都幾抵食，有蝦有蟹…味道呢? 不過不失啦!這裡的食物，不可說是好差，但是服務簡直就有問題。先不說這裡沒有和民侍應般會蹲下來幫人客落單，這裡是填紙仔的! 入座的時候，帶位那個侍應已經說十時 last order，十時半埋單!不過，九點四十五分就問有沒有其他食物想叫。椅子都未坐暖，食物都未來，我怎知道夠不夠吃呢?到十時零八分，我跟哥哥仔一邊在談天一邊吃…侍應突然從後遞上單要我們先結帳! 我不是介意要提早結帳，我只是覺得侍應沒有禮貌，對這突然無聲無色的騷擾有

這一餐晚飯時為今年的勞動節。媽媽說她和同事很喜歡來這裡午飯,說賣相味道十分不錯;於是我們一家就特意來這裡晚飯。我照例叫了一個照燒雞飯;爸媽叫了牛油燒帶子、魚生飯、泡菜牛肉煱飯、蝦天婦羅和串燒拼盤。那照燒雞飯,沒有汁的,很失望。爸媽說那些串燒味道不錯,但下次會叫鹽燒,因為汁燒的味道很普通。媽媽最喜歡那魚生飯。爸爸則覺得那些燒帶子味道很香。可是,爸爸說這餐廳很一般,不如媽媽說的吸引;媽媽也說晚飯好像失色了一點...不過,我還是覺得那些侍應服務很好。至少,我另叫了一些照燒汁,他們也很快的給了我。

今次已經係第三次去食喇...我覺得三次都好好味喎！第一次係啱啱新開張時去試，食咗：石鍋牛肉飯、帶子串、炸軟殼蟹、清酒煮蜆、捧餃子......好似係咁多喇，埋單$198/2人，約 $99@人。印象最深係清酒煮蜆，甜甜地、好好味，一啲都唔覺有酒味，睇住佢地一隻隻開哂好得意。雖然啲蜆唔大隻，但係三十幾蚊差唔多啦~ 石鍋牛肉飯就辡咗啲，因為我唔食得辡，所以想食多啲都唔得。不過第二次去時服務員話原來可以將啲泡茶分開上的，食時隨個人喜歡落幾多都得！帶子串一碟有3串，每串有3粒。捧餃子都幾抵食，幾大隻下架，每碟有4隻，兩樣都好味。第二次去因為同屋企人去，多人啲所以可以試多咗嘢食，以上食物再加：牛肉火鍋、魚生沙律、牛油焗帶子、燒鰻魚飯......有啲唔記得咗，埋單 $35x/4人，約 $90@人。牛肉火鍋好甜，食哂啲牛肉後，我試過啲湯勁好味喎。用嚟撈飯仲正，不過空口飲會有啲咸。牛油焗帶子初初我以為係用錫紙包住焗的，原來唔係，個樣有啲似炸帶子，都係覺得帶子串燒好食啲！魚生沙律都幾新鮮，燒鰻魚飯啲鰻魚幾好味，不過就普通咗啲囉！第三次帶了一個friend去試，今次試咗：炸軟殼蟹沙律、海鮮火鍋、(new)蒜香

打著和民集團的旗號，心想一試，原來就不抱期望。跟友人點了：雜錦魚生沙律泡菜海鮮火鍋雜錦魚生飯結果是：魚生飯的醋飯還可以，至少還是珍珠米=.=，魚生卻一點也不鮮，幾近無味。泡菜海鮮火鍋的湯底塔當不俗，麵豉加辣泡菜味出奇的和合，不辣。鍋料有蝦、豆腐、金菇、鮮冬菇、小蜆兩只、大葱、白菜、火箭菜、泡菜。蜆及蝦不鮮仍屬意料之內，蝦肉竟然呈"梅"，蜆肉更是無味。最為經典要數魚生沙律。魚生不鮮，顯得腥，而蔬菜更開始爛，久放了的菜锈都出來了。如果單單是將貨就價，海鮮不鮮還是可以接受。然而，沙律的疏菜也不鮮，就顯然沒有誠意及心思料理食物，實有被呃錢之感。再也不會去。

星期天駕車於西九逛街, 在場內逛了40分鐘決定離開此地,但最無奈到繳費處時才發現最少泊2hrs的計算...(=.=) @HKD19/HR X 2 HRS = HKD38 泊40分鐘! 所以決定留多過零鐘消費晚膳(皆因要在此場食肆惠顧滿HKD200才有2小時免費優惠)記得個零月前曾在此店- 和亭享用下午茶,當時散叫熟食, 印象OK....心想個零鐘內應該可以在此消費享有泊車優惠.... 等了10分鐘後有枱... 好招呼! 值得一讚!兩人O既食物ORDERED咗:什錦魚生共6款HKD89軟殼蟹沙律AROUND HKD34-39海鮮什錦天婦羅AROUND HKD34-39饅魚飯HKD39排名先後,有請出場O既...饅魚飯不過不失, 饅魚汁浸入D飯都幾好味...後繼有什錦魚生共6款....分別有三文魚3件;帶子應該唔清楚半件定係一件?因切到分開咗6件;吞拿魚3片;墨魚3片;北寄貝3片;劍魚3片;呢個價錢嚟講算抵食, 但係三文魚無三文魚味....吞拿魚無吞拿魚味....帶子無帶子味....北寄貝, 墨魚同劍魚都係一般啦!食到咩都無味, 突然送上軟殼蟹沙律...軟殼蟹D炸O既生粉超多, 配上白色沙

和亭是和民集團的，心想有一點水準。這次只叫了和亭沙律及梅酒。和亭沙律($34)：本人一向都是沙律怪，無沙律不歡。加上看了食評，聽聞不錯的，便試一試。配料非常豐富，有雞蛋，有蟹柳，又有非常多蔬菜(露荀、栗米、青瓜等等)，又有照燒雞等等。對日本料理店，34元有一碟這麼多食材可算是又抵又平。吃完一碟，已覺得飽肚了。不過，沙律的醬料太多，太濃，太鹹;吃後覺得很口渴。吃時「點」得太多醬料，不會覺得在吃沙律，像在吃豉油。如果只是點小許醬料，味道配合得非常好！醬料濃烈，配料清淡，口感確是不錯！梅酒($19)：未嘗過梅酒，一嘗以後都不再喝。個人不太喜歡，第一口喝下去，甘甘的，都ok，不知為何愈喝愈難飲！個人喜好而已~~~結論：各位可以一試。