日本料理「和亭」 (已結業)

好抵食，款款都好好味！我們點的是二人套餐A，有幾款食物都可以自選，我地今次已經係第二次食佢呢個餐啦，一個月一次……都…唔係好過份啦！美味！三文魚刺身~~ 幾厚下架！薯仔年糕餅！是必食啊！好美味的呢！呢個係滑蛋豬扒鍋^^ D蛋好滑，好夠味架！再來的是牛肉火鍋~ 個湯底好好味，我地會飲D架，因為佢甜甜地^^今次我地選左麻醬冷麵，上次係食海鮮石頭窩飯的，今次想清淡D，就試下佢呢個冷麵啦，又好好味喎！當然，唔少得叫番杯最至的巨蜂提子疏打啦！記得當日我地有d食物未到，個waiter主動幫我地跟，call廚房出！謝謝！

難得平日多日假，梗係瞓到黃朝八晏！食完早餐，睇吓電視；跟住出去屯門市中心行吓，順便睇吓手袋。真係 Hea 呀！經過華都商場，見到<和亭>，睇吓 Menu，下午茶廿幾$有交易！反正附近餐廳，公眾假期都要加一，不如試吓呢間。一坐落，侍應通知我仲有 3 分鐘到下午茶時間，3:00 開始，俾咗下午茶 Menu 我睇住先！睇到Menu，下午茶餐令我花多眼亂！迷你拉麵 ( 配玉子壽司 ) + 熱柚子蜜 $26迷你拉麵 - Size 不太迷你，睇見個碗同埋拉麵，足夠做早餐份量！下午茶食多啲嘢都好正常呀！拉麵配料有爽甜大粒粟米、紅蘿蔔絲切得幼細、椰菜切段、蔥粒切得十分幼細，仲有芽菜；師傅將所有配料按次序放落拉麵上面，顯得好吸引！顏色奪目！亦充滿田園氣息！至於味道，好在唔會好似味X拉麵咁咸，係咸咸地嘅豬骨濃湯，湯超濃，像蘑菇湯咁杰。拉麵總算入味。不過，隻日式木匙實在太大，有點格格不入，厚成 1cm 有多，飲湯食麵都好唔方便！玉子壽司 - 以醋粉加入珍珠米一齊煮，珍珠飯軟硬適中！食起嚟好開胃！玉子即係甜蛋，煎得薄薄，然後卷起再切成片，形成螺旋紋！師傅將珍珠飯握得實一實，放上一塊甜蛋，加埋一

昨日R同一班舊同學來左呢間和亭食下午茶。一開始本來剩係諗住單叫咖哩飯($26),之後係朋友既遊說之下,我+$12,幫呢個飯加左「炸豬扒」個飯一來到,我就知道...「中伏!」38蚊未計加一,換來一碗淋左咖哩汁同埋有4件炸豬扒+5粒仔薯仔..嘩!如果我無加到炸豬扒咪好大鑊!?不過呢碗飯味道唔錯,個咖哩係日式既甜咖哩,有些少辣味。飯係珍珠米,不過我覺得溼左少少..叫左杯柚子蜜梳打..SO BAD~~簡直係NO GOOD添啦梳打唔夠氣,D柚子蜜就柚皮多過蜜..我係咁搞係咁搞,係咁整果D柚皮都無咩味..依家D柚子蜜都唔係好貴咋,可唔可以重手少少呀?但係整體來講都OK既..侍應幾有禮貌..成日問洗唔洗加茶如果可以係人地食完就收收碟會比較好..我地5個人..張桌都唔夠放5個餐既碟咁..太逼啦..都唔收碟-3-可以改善到就VERY GOOD.題外話..果個咖哩飯除左+$12就有「炸豬扒」,重可以+$6要「牛肉」..但抵唔抵就唔知啦=[而且呢到係要加一架!好似我咁..呢餐下午茶就要$41.8啦~

兩個人去食和亭晚餐,坐抵好快就有人行黎勁hard sell"去apply aeron信用卡拎優惠,見人就問,其實都幾煩下,我地要左個佢話既豪華晚餐,係兩個人食既D野食都黎得幾慢下... 個set既items都可以入漏 飲完既茶冇人理,應該係好耐先會你同樣地食完既野都好耐先會拎走,有時要自己叫人幫你拎走咯薯仔corns: 真係好普通既小食, 不過corns都算甜, 薯仔就偏少啦天婦羅火鍋真係唔得, 送又少,似係素菜鍋多d, 個壚食完都係冇人收架炸串燒帶子之前都有食過, 我覺得ok, 雖然佢次次都係偏黑啦, 都幾大粒 小食拼盤, 我冇食中間個d, 但朋友說可以的, 個人偏食關係, 呢個mama地不過佢地上野既次序怪怪地... 紅白次"身, 白既墨魚吧,好味...三文魚不太吧, 每人每樣兩三塊, 份量還可以@@ sushi 拼盤, 共有10件, 兩個人就每人5件, sushi就唔係幾好, 總係覺得唔夠新鮮同埋個料好少,特別係舊青瓜, 好幼仲有係勁短 算"香海解鍋飯, 其實已經飽飽地啦, 不過呢個好香口, 有飯焦我鐘意, 但個d送有d少啦, 呢個飯真係好多下, 我唸1個人要食兩碗,食完真係fu

前幾日去完沙灘出黎搵野食,太肚餓所以入左黎食野..叫左個雜菜拉麵($29)其實都ok我問可唔可以加辣個staff話唔可以,, 只能俾碟辣椒醬過我d 麵都ok 彈牙,而且d 菜都ok 新鮮朋友要左個牛肉煱飯45)無咩味道, 得個辣字同個熱字仲要左個半生熟牛肉sushi,無咩咁特別, d牛肉仲幾難咬斷tim如果唔你做15蚊推廣價都唔會試,,咁細隻sushi只夠人"zip牙喇"咋~! 哈哈overall 下次就當然唔會再黎啦試過一次就夠lu

好曰都唔食,一食就出事,當晚叫左一個泡菜牛肉石頭飯,都未食過D石頭飯好似食緊小朋友D胡仔粥甘,超濕,仲有三文魚,帶子刺身超級無敵勁唔新鮮,仲有景然D炸物到左食埋D刺身都未到,夜晚九點幾無咩客,要等甘耐,耐都唔緊要係唔新鮮先大獲.........各位唔淨止屯門差黃大仙都係一樣,服務都一般,我都唔會再食第二次......................錯晒!!!!!!!!

不嬲都有去和民食飯,覺得都算係好味...但量少...唔抵食..探佢環境OK,坐得舒服原來佢改左名變左做和亭...自己都唔知咁岩行街見到間日本野就去試試....原來和亭係和民前身....唔知係咪呢間屯門分店做得麻麻定係間間都係咁...不過我都係第一次黎屯門食,所以無得同之前比較硬係覺得好似差過以前好多...食物: 除左特盛壽司盛合值得推介之外....其他麻麻地...(咁岩佢璋紅魚無貨,想換鮭魚比我地,比我地爭取到換哂帶子,正!!):環境: 咁岩坐正射燈底,冷氣又細...食到滴汗...服務: 總算提佢會做,好過叫佢都唔去做丫~~上菜速度:比想像中還要慢...佢地話壽司係慢D...整體:一般,一試無訪,但唔會再試屯門呢間分店既和亭!!

同一位置, 由和民變左做和亭, 但其實無論裝修, 間隔, 水準以至服務質素都係大同小異早排見和亭開左之後都未去食過, 又心思思想轉個地方食日本野, 咁就去食下啦! 都唔明白點解可以咁 "好彩", 次次都係坐最最入面嗰d台, 記得最初仲係和民時第一次黎就已經諗, 點解呢間野d座位設計要咁九曲十三彎, anyway, 間隔唔多好都唔係問題, 最重要係你要記得埋邊有客先得ga.......... 次次都係叫十世都冇人理你........ 出街食飯最討厭就係咁....Anyway, 有東亞信用卡係和亭食野都ok, 因為都真係算平, 不過平, 唔等如抵, 因為我最鍾意食ge 三文魚刺身一d都唔新鮮...... 作為一間日本料理.... 都真係幾令人失望....... 係佢改善之前....... 應該都唔會再去.......

午市定食配餐飲, 面豉湯, 日式沙律泡菜牛肉石鍋飯 $39, 朋友話 d 泡菜好 spicy wor..味噌牛肉石鍋飯 $34, 味道岩岩好, 唔會太咸, 好味.. 有 d 飯焦.. 不過食到底都幾多油..面豉湯.. 好咸.. 皇果陣都幾好飲.. 凍左就唔好飲喇set lunch 價錢都算抵架.. 廿幾 - 四十幾有一個

約咗舊同學星期五晚飯聚舊，係屯門市廣場呢 d 咁人流旺既地方，要搵間唔使等位又可以坐得耐 d 既餐廳選擇唔多，所以就揀咗和亭喇。當晚大約七點半左右去到，完全唔使等位，咁啱仲有得坐係全餐廳最入面既兩座位，比較靜，環境完全適合老朋友敍舊暢談一整晚﹗因為好耐無見，想爭取時間傾偈，就隨便點咗個滿足二人套餐 $178。 三文魚刺身： 有六片都算新鮮既。 炸雞軟骨： 唔熱既，不過一邊傾偈，一邊慢慢食，都幾好。 滑蛋豬扒鍋： 味道算唔錯，不過 d 豬扒用梳打粉醃得淋得滯，又無咩豬味咁啦，但係墊底既蛋就好味喇。 小鍋牛肉火鍋： 呢個鍋上既時候會連埋一個細既 gas 爐一齊上，另外仲有一隻生雞蛋，個侍應話可以就咁生食同煮熟黎食。生食既意思係，將鍋入面既料點生蛋漿食；熟食呢，就係將隻蛋攪勻，放入個鍋入面煮熟。我地揀咗熟食， 鍋入面既料有金菇、豆腐、肥牛片(四、五片)、蘿白、鮮冬菇同菜。呢個鍋個湯底好清甜、好好味，結果我地清晒呀，連 d 湯都差唔多飲晒…哈哈哈 麻醬冷麵： 個麻醬味道一般，個人唔太鍾意呢個麵。本來跟餐有飲品，但係我地掛住傾偈，d 侍應又無提我地，結果到佢地要埋單準備收舖，所以就無飲

4月12日晚上約左朋友嚟呢度食晚飯,東亞信用咭做緊推廣,套餐及其它小食都好抵,但唔用東亞信用咭都有些套餐好抵食的,我們兩個人叫左一個二人套餐:牛肉火鍋-有牛肉,金菇,冬菇,豆腐及生雞蛋打落去煮嚟食,味道都幾好及用火煮著嚟食,熱辣辣香蔥豚肉石頭鍋飯-一般啦,唔太多料及味道普普通通三文魚刺身-有六件,都算新鮮及鮮甜的雞軟骨-呢個凍冰冰既,但仕應放低時仲叫我地小心個鐵籃熱,跟住隔離枱話根本係凍叫佢地換,我地先覺得又係喎,但就冇叫佢換囉,因為都食左啦.炸蝦天婦羅-這個都好味,不過其實都唔算好熱,有三隻大蝦飲品但都算抵食呀,只需176元.同埋我地坐左係度好耐傾計,環境都算清靜,可能平日夜晚及我地坐得好入,所以唔算多人及嘈呀.服務都ok呀.

初初都唔想講前兩日有朋友再去...真係講晒粗口~真係唔講唔得~話說當日男朋友心思思想食壽司~咁岩經開就試下喇~點知咁就出事喇~~眼見人唔多~但等位等左半個鐘~唉~算喇~入到去點左個2人餐有個烏冬鍋燒~三文魚壽司~燒雞.等等~其他食物都冇乜問題..問題在於杯野飲,壽司同個鳥冬同d侍應簡直不知所謂!!首先兩杯凍既"金吉蜜" 淡到咩味都冇...個侍應我食緊野一杯野飲就係你面前車埋黎...差d隊落我隻眼到...跟住個三文魚壽司~d飯散晒不突止..個塊三文魚唔知點解有d怪味~( 不太識食壽司既我都覺得完全唔掂)食左半塊掉抵左....跟住到個烏冬鍋燒個鍋~我一邊食野佢係格黎成個爐就隊埋黎!不突止!!仲即時開爐!!大佬!!我反應慢小小我d頭髮就係咁先!!!!到時真係唔洗去電髮都解決喇!!!跟住就黎手同我放抵個烏冬同個開左既爐係到!!但係個鍋就等左半粒鐘都未有!吹左兩次個鍋先黎~個鳥冬d湯咸到我平時食開咸野都定唔順(何況男友偏向淡味食品?)好喇~問個侍應拎杯水比我地溝淡d~又等左半粒鐘都未有!!後尾再同另一個侍應要求水一杯~佢就好好禮貌同極快速咁拎左比我~( 同男朋友估計佢應該係新人~因為成日見有人點

之前係和民就食過一次,,非常感動,,,今次就試下佢既姊妹店 - 和亭,,,2間野既風格非常相似,,唯獨係和亭比較平民D,,,平民D當然最大好處係價錢會大眾化D啦,,,食之前都驚水準會5會一樣大眾化D呢?7折2人餐 $210 + 10% 沙拉什錦火煱炸帶子麻醬冷面鮭魚盛合蕃薯南瓜天婦羅玉子燒2杯指定杯品沙拉一般,無和民咁新鮮,,醬汁野味但蟹柳處理得太馬虎什錦火煱有豚肉有雞足料湯頭夠甜炸帶子2串共4粒味道5錯有咬勁麻醬冷面面質優良彈牙但一樣蟹柳處理得好馬虎鮭魚盛合香港人最愛三文魚,有4件剌身,2件正常2件火灸,,好睇但味道一般蕃薯南瓜天婦羅反而最驚喜之作,,皮炸得咁脆口,,5正宗但好食玉子燒1碟4件好甜好鬆軟但如果蛋香一點就更好加左個$20帶子剌身,,新鮮度5夠,,但$20還可以餐牌寫明話簽帳總金額夠$250就有得送COUPON,,,但個侍應又話5係,,要+10%前要夠$250,,都5知邊個岩,,,=[

慶祝生日, 本諗住去華都中心吃和民, 但原來轉左簱下較大眾化的和亭日本料理.我們兩個都愛吃壽司, 所以叫左好多壽司, 味道還算不錯! 軟殼蟹卷有點搵笨, 得一件有較大舊的蟹, 其他兩件都無乜,得d菜!麻醬冷麵不好吃, 因麻醬的味道有點怪怪地, 跟平常的不同, 蝦天婦羅烏冬比想像中更好妹, 蝦炸得很好, 扁烏冬也彈牙!當晚8時多還要排半粒鐘, 屯門的日本料理間間都咁鬼爆!

去睇阿凡達前第一次去這一間食，環境都唔錯，唔會好迫，點了:-石窩鰻魚飯 - 都ok，如果飯硬番d會好d...豬軟骨拉麵，豬軟骨好"唸"，拉麵湯底夠濃..幾好味跟餐加2杯飲品只是貴了一點點...