日日香鵝肉飯店 (威靈頓街)

營業中

休息中

中環辦事後，跟朋友選了這餐廳吃鹵水飯。我早前已經試過希慎美食廣場店，今次中環是地舖，地方光猛，座位闊落。精選燉湯是日燉湯是花旗參竹絲雞湯，湯清甜，真材實料，內裏有三件雞，飲下熱參湯感覺很舒服，滋補。特級滷水鵝皇飯貪心的有選擇困難症人最適合，有齊鵝片、鵝腎、鵝腸、鵝肝和鵝蛋。可惜當日店內沒鵝肝供應，不能試齊。所有材料都鹵入味，點上蒜頭白醋更好風味。鵝片肉質不硬，鵝腎爽而有咬口，鵝腸爽脆，鵝蛋鹵得彈牙，雖然不是一整隻，但還是看得出份量十足。特選滷味飯除了鵝，店內還有鹵水豬肉，這款飯有鹵水豬大腸、腩肉、紅腸、鹵雞蛋和豆腐卜。鹵水豬肉肥瘦分明，豬皮膠原十足，煙靭彈牙。豬大腸肥美，鹵得入味，沒有一點點怪味。另外不得不提的是兩款飯都有咸酸菜做配菜，這咸酸菜絕對是令這飯味道更上一層樓，不會死咸，酸度剛好，伴入鹵水汁撈飯很好吃。

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！食評開首，首先同follow我嘅讀者講聲抱歉，因為社會事件加上疫情關係，實在無心情寫飲飲食食嘅post，所以小弟出產少左好多，黎緊盡情寫番多d啦。我發覺搵好野食有兩種人，一種係完全唔介意服務環境，只要好食就得；另一種就係乜都唔好講，如果你環境污糟，幾好食都唔會去。小弟係前者，反而我未婚妻係後者。係香港要食好味嘅滷水同鵝肉好多時都係比較舊式嘅老鋪，環境衛生好多時都係一般，而今日呢間餐聽既可滿足我食好西嘅心態，又可以滿足我另一半對環境衛生嘅基本要求，因為今日食嘅呢間餐廳係連鎖經營，所有野都好有制度，店面光鮮亮麗，員工服務好，制服乾淨。其實呢間餐廳開左無耐，但就一口氣係幾個貴地段開鋪，係咪疫情關係租金平所以開咁多間？筆者唔知道，我只知道佢對自己嘅出品好有信心，

今日收工肚餓，係女朋友極力推薦下就去咗食日日香。呢次係我第一次食，但女朋友就成日lunch買外賣食，咁我對佢都十分期待！一入去先量度完體溫，我地就安排去坐二人枱，座位好寬闊而且燈光光猛，第一印象感覺乾淨舒服。蟲草烏雞湯：個湯好清甜，一飲就知無落味精。湯入面仲有幾條蟲草同兩舊烏雞，真材實料，健康之選👍🏻金牌滷水鵝片飯：鵝片好香，肉質嫰滑好入味！配上醬料架上面嘅鵝汁同醋一齊食，根本就係絕配！碗飯俾咗六塊鵝片，加上每碗飯都俾好多配料（花生、酸茶、菜甫等等）份量十足，必食之選！腩肉鵝腸飯：腩肉切得好厚，半肥瘦。雖然無鵝咁好食，但都十分滿意。鵝腸好入味，食落好爽口，咸咸地好好餸飯。對呢餐飯十分滿意，質素高而且唔算太貴，坐得好舒服，下次有機會一定再食過。

疫情緩和了，我也開始回復天天出外享受午餐，不用再叫外賣在公司食了。今日諗住去傭記食碟义燒飯，去到門口才知道內部裝修至7月中。見到旁邊開咗間新餐廳，透過玻璃睇到啲鹵水鵝及食物，都幾吸引。雖然要排隊，都想試吓，等咗大約10分鐘就有位。見到店員忙得團團轉，高朋滿座，好像回復了以往疫情前中環午飯的熱鬧氣氛。🥢 雙拼飯（$ 78），新張期內午飯時間送飲品，我點咗鹵水豬手拼鵝腎，飲熱檸茶。點知嚟咗碟鹵水豬手拼“鵝腸”？哈哈，唔緊要啦！😆一大碗飯上面鋪滿了餸及配菜，隻碗亦帶點潮州風格，食件鵝腸先，非常爽口，正！鹵水豬手味道也不錯，不過唔係好淋，如果可以炆淋啲就更好，仲有啲菜脯，送飯一流。$ 78蚊係中環食午飯，坐得亦舒適，以後又多一個不錯的選擇。

真係未試過食飯咁受氣，叫個外賣排隊 都排左勁耐，人地食完飯就收錢，叫外賣就叫你等 好聲好氣問都串你，等唔到就去第二度食啦，唔稀罕做你生意咁，其他樓面行行企企都唔幫手，平日去就真係預左受氣食

早排經開中環工作，順便搵下有咩好嘢食，見到呢間專食潮汕滷水，要太耐無打冷喇，食住呢啲頂住檔先餐廳環境都好大，唔會坐得好迫，樓面都好乾淨我叫咗滷水雙拼飯，鵝肉併鵝腸正啊，鵝肉滷到外皮油香帶令身，肉嫩甘鵝香而鵝腸爽身有咬口，入面仲有扎肉，雞蛋，鹹酸菜同花生，都好足料。小食就叫了鵝肝，鵝肝滷到甘香美味，食落齒頰留香，真係唔錯，底下仲豆卜小食喔。精選燉湯當日係蟲草花燉烏雞，好鮮甜清潤，湯身夠哂熱辣辣正啊。

疫情關係，日日喺屋企食飯今天試試日日香鵝肉嘅外賣返屋企加餸睇睇餐牌決定試了1/4隻燒鵝點餐果時收銀員，問我要上裝還是下裝其實最初我是想要下庄但收銀員就話上庄，鵝胸肉多會起鵝片無骨相反下裝有鵝脾，相對多骨所以毫不考慮改變初衷，上庄pls~回家路程比較遠回到家滷鵝都凍晒但叮返熱就已經聞到陣陣鵝油香雖然係鵝胸，但肉質比想像中淋唔會鞋口，亦唔痴牙，好味！！另外又加左滷雞蛋雖然收銀員介紹左滷鵝蛋因為比較貴，所以都係要滷雞蛋味道都相當不錯，夠入味！值得一試！

成日覺得食鵝好貴，所以唔會成日食鵝。。但今日係中環發現格價唔太貴ge鵝😍二話不說 即刻試試！😍叫左個滷水鵝脾飯 $128大大隻鵝脾😍 我都未試過甘食法 (幸福感Up🥰)鵝皮薄又唔多碎骨👍味道方面 唔係死鹹滷水 食得出鵝肉味道再加上有菜蒲，豆卜，花生，蛋，滷汁等 將成個飯升華，食落一d都唔寡！(跟餐加飲品半價) 我另外叫加$38蚊叫左個燉湯今日燉湯係花旗蔘竹絲雞🤤首先係個湯先 好清甜 但又唔係淡係用心ge燉湯 湯面冇油 又，冇味精👍 正啊😍

今日黎到中環晚餐想食得簡單一點同朋友經過威靈頓街見到日日香鵝肉飯店既門面非常光鮮亮麗透明玻璃橱窗望入去見到幾多人幫襯就拉朋友入去試一試睇店名都知係食鵝既專家同朋友被安排坐卡位好寬闊舒服我地分別 叫左兩個飯特級滷水鵝皇飯入面有鵝片 鵝腎 鵝肝 鵝腸 鵝蛋另外叫左特選滷水飯有豬大腸 腩肉 紅腸 滷雞蛋 豆腐先講特級滷水鵝皇飯果真係皇牌多款食材都有滿足鐘意食鵝既朋友我個人最鐘意食鵝腸非常爽口鵝片肉好香嫩飯既份量好足碗飯足夠兩個人分享特選滷水飯配料好入味另外一讚係佢地既鹹酸菜配埋白飯食係非常惹味

經過威靈頓街，見到新開了間專食鵝既飯店，名為日日香鵝肉飯店！見到裝修企理！環境企理！蟲草花竹絲雞湯，湯頭足料！味道感覺滋潤！好潤喉！原盅熱辣辣！超正呢。點了雙拼飯，當然要食鵝肉啦，再拼墨魚！鵝肉基本上全部起哂骨，所以入口全部都係肉，啖啖肉先食出真正既感受！ 鹵水味香濃，肉質夠哂嫩，而且份量亦不少！整體鵝肉都幾香又夠滑，值得一讚！而墨魚都幾質感都爽彈，味道不錯！ 伴碟配料由鹵水蛋，炸菜，花生，豆腐！夠哂滿足呢。店內還有好多款鵝唔同部位提供！正呀。

中環食Lunch系中環反工食lunch 食到都5知食乜好同事話trytry呢間新開，甘就試下la店外有一位店員給我們量度體溫，之後才進入店內。誰不知入到店內見一位女職員沒有帶口罩😷佢仲不停講野，這位女職員看似是主管。她不停在指指點點其他員工工作。態度差，她一直在店內，還走去送餐送餐期間沒有帶口罩及不停說話😨我和同事點了餐。我點了鹵水鵝拼豬大腸味道不錯👍🏽幸好我們點的食物不是那位女職員遞過來。不過心情沒了，這位女職員在我們整餐飯都沒有帶口罩及不停說話我們食完想走的時候還看見這位女職員入去廚房內，她還是冇帶口罩😷。說真的在這個時候！大家應該做多一步！飯店真不應該不帶口罩😷

上星期和朋友到中環逛街，走到附近看到這一間新開的滷水店，朋友提議來一個潮式晚飯，對潮州菜有情意結的我當然不會拒絕餐廳主打滷水菜式，並沒有提供其他潮州小食，相信對他們的滷水相當有信心點了一客鵝肉飯，先說滷水味道，香料味層次感十足，不會過鹹，鵝肉滑得就像經過慢煮處理，非常驚喜，配上他們其他特製的配菜，將這一碗飯的層次感推至高峰，非常滿足另外加配一盒精選燉湯，非常足料，藥材味道香濃醇厚，烏雞香味十足，這個價錢絕對值得

週六到中環辦點事情，辦完過後看看附近有什麼可以填一填胃，看到這一間之前未看過，上網查找過後相信是新開的餐廳，剛好很久沒有吃過潮州滷水，於是便過去一試和普通潮州滷水店一樣，店舖主打滷水，以鵝做主角聽從店員建議來了一個鵝五併，很喜歡這個組合，雖然所有材料都來自鵝，但每一個部位都能夠做到不同的口感，鵝掌膠質重，鵝腎彈牙，鵝肉實淨嫩滑，另外滷水底味濃厚有層次，難怪此店有信心在鏞記旁邊大展鴻圖另外點了一個滷水豬手飯，同樣滿意，豬手肉彈牙皮爽口，配上滷水醃製，再加上一口白飯，完美

透明廚房 ，可以見到廚房所有嘅運作， 已經值得一讚！服務員態度良好、友善； 食物質素 ，性價比高。鹵水鵝肉，去骨才上碟，非常細心。鹵水汁膽，看得出充滿傳統風味，食潮州菜多年，味道沒有偏咸，剛剛好。我點了金牌鹵水鵝片飯，上菜快靚正，值得一讚！朋友點了鵝肉墨魚雙拼飯，鹅肉有口感， 墨魚片普通，不過不失，不用再試。反而 最期待他們的肥豬肉, 豬手, 鵝肝。賣相一流， 睇得出下過功夫烹調。下次都會買一隻鹵水鵝，外帶回家和家人品嚐！

不能出埠旅行，惟有與太座多些去行山，早上從東區上山經過金督馳馬徑，畢拉山道，大坑道入寶雲道落中環，已是中午時份，要補充一下。見到有新食肆在疫市開業，會多瞄一眼，赫然是賣滷水鵝，看著廚窗內翻騰的滷水汁和鵝，不禁垂涎三尺，皆因對家禽的各部位都鍾愛有加，在門外看過價目牌，也可捧場。太座想吃個燉湯、而是日燉湯是蟲草花燉竹絲雞，湯色清澈，有幾件竹絲雞，蟲草花，味道不錯，喝得舒服，最重要是打後幾小時都沒有口渴，也是沒有味精的肆虐。我無飯不歡，點了滷水鵝肉飯，碗中除了鵝肉外，還有滷水蛋，豆腐卜，豬肉腸，花生和酸菜。鵝肉味道滷得剛好，肉質軟嫩，連皮也很入味，帶些少肥膏的一件更滲出鵝油的脂香，豬肉腸切得薄薄，質感似扎肉，而花生和酸菜是平衡口感和味蕾的好幫手，飯沾了滷水鵝汁，份外美味。太座也點了滷水鵝翼和滷水墨魚，滷水鵝翼滷得「夠身」，皮與骨便容易褪開，愛吮骨的人才懂得吃翼的樂趣，舌頭從骨縫間探索，吮得開心，墊底有豆腐卜，惟吸索了滷水汁，感覺稍鹹，但滷水汁配飯吃則很好。滷水墨魚新鮮爽彈，肉色潔白，太座樂此不疲，惟個人較鍾愛滷水鵝，不與她爭吃了！