日日香鵝肉飯店 (威靈頓街)

營業中

休息中

抗疫期間多了時間在家，不擅長煮飯的我算是一大考驗。好彩還有外賣加餸，要不然就天天即食麵了。今日專程繞過威靈頓街，佳因有間滷水鵝專門店是我喜歡吃的。買了一盒鵝五拼。鵝五拼有鵝肉，鵝掌，鵝翼，鵝肝和鵝頭。鵝肉必食，肉質軟滑細膩，皮下脂肪不多，香口惹味。鵝掌和鵝翼是佐酒最好的拍檔，忍不住也來一杯。越食越有嚼口，滷水調味恰到好處，停不了口。鵝肝綿綿的口感，甘香可口。鵝頭是我第一次吃，固不到又滑又多肉，好味！

今日係中環附近食午餐，行過見到呢間餐廳名好特別，叫【日日香鵝肉飯店】，所以走入去食餐飯先。等緊入去，原來呢到好多人食，要排隊，等咗大約十幾分鐘，仲要入到去好快就滿座。地方大，環境又好，又乾淨，吸引我入黎。雙拼飯 $78鵝肉拼豬手：正宗口味既滷水鵝，一定要點黎食，鵝味口感突出，仲要勁入味，鵝皮仲要好香，厚度切得好適中，又嫩又軟；滷水豬手真係好正呀，爽口嫩肉又夠入味，仲有菜脯、豆腐卜、蛋送飯，真係好豐富呀包餐飲：熱檸茶

印象中一月初經過中環，已經見到這間小店正在裝修，之後多次開完會都想去幫襯食晏，但每次都失望而回，估計因為新型冠狀病毒疫情關係，餐廳刻意延遲開張日期。去到四月，工作上的會議暫停，就更加少機會去中環。今日因為私務去中環，原來餐廳已經開張了！終於可以一試「日日香」！雖然已經是中午1:30，門外仍然有幾個人排隊等候安排入座。門頂大大個餐牌推介各種美食，全部清一色潮州滷水；口味單一專門，但滷水食材的選擇就非常豐富。餐牌又大大隻字寫明「試業時間 免收加一」，另一個外賣餐牌就推廣「同心抗疫 共渡患難 外賣大優惠」。金牌滷水鵝片飯原價 $95，試業堂食推廣價 $85；外買飯盒價只收 $75，仲要送贈熱餐飲！滷水檔當然設在店舖門口，以吸引路人注目；這個也是典型港式燒臘檔、傳統粥粉麵店及潮州滷水小店的格局。透過大大塊玻璃見到了一隻隻巨型潮州獅頭滷水鵝，砧板枱面上又擺滿了一碟碟滷水美食，自然引人垂涎三尺，超大隻滷水鵝翼最為吸引。小店主打潮州滷水鵝，滷水膽最為重要。一間新開小店當然不能聲稱擁有一個幾十年的陳年滷水膽，所以「日日香」就用了另一個宣傳方法。滷水廚房並非在店內深處，而是布置在滷水檔

香港有好多滷水鵝專賣店，但係大部分都係外賣店，好少有得坐喺度食，所以見到中環準備開依間店，我都期待咗好耐。皇牌飯，招牌就緊係咩都有，一次過滿足哂所有願望。鵝片嫩滑，皮有油香；鵝腸爽嫩，而且夠入味；蛋彈牙又香濃；鵝肝最好味，入面即化。我中意佢會加埋鹹酸菜比你，夠哂開胃。另外再點咗少少小食，墨魚非常彈牙，唔會稔，配上醬汁，一片一片咁食。大腸清得夠乾淨，冇異味又滷得入味，唔會太肥太膩，而且有口感。同一般嘅滷水店一樣，有額外嘅汁可以加，仲有醋可以點，滷汁香醇。以中環嚟講個價錢都叫合理，味道又唔差，經開個頭食飯一流。

中環出咗名難搵食，當年我喺中環做暑期工，老闆搵到錢經常請我哋食燒鵝外賣，今日重遊故地諗住懷念一下，點知內部裝修進行中。行過隔離見到最近好Hit的潮汕滷水鵝，日日香鵝肉飯店，裝修潔淨明亮，座位又寬闊，一於坐低食個馳名中外的鵝肉飯。精選燉湯 天天不同會轉款式的，燉湯入口清香味十足，對女生來講有養生功效，湯汁清澈，味道鮮甜，喝了以後可以下火，滋潤無比。金牌滷水鵝片飯 日日香名氣十足，正宗口味，以滷水鵝成名，師傅滷水鵝手藝一流，店裡差不多清一色只賣鵝，鵝頸、鵝肝、鵝肉、鵝翼等一應俱全，夠晒霸氣。果然是金牌，滷水鵝片飯 賣相十分豐富，金黃亮澤的鵝片加上其他配菜，滷水蛋、豆卜、鹹酸菜，味道更加突出有層次，鵝片非常入味， 鵝皮甘香不油膩，配埋秘製蒜泥辣椒醋， 酸甜開胃。墨魚 想食得再豐富啲叫咗一個小食，食潮州打冷我就最鍾意叫墨魚，墨魚跟滷水鵝片是最佳拍檔，橙色墨魚好爽口，正！呢度嘅凍鴛鴦都好好飲，有質素！想品嚐全鵝宴的滷水鵝迷有興趣一定要來試吓。

香噴噴的滷水鵝，賣相另人唾涎三尺。中環擺花街呢間滷水鵝店，相信中環的白領，藍領人士無人不知，我也曾經幫襯過，回味無窮。今日再次回來。滷水鵝脾飯非常貴氣，大大隻脾，皮薄，皮下脂肪少，肉質嫩滑，坊間少有如此滑溜，肉香滿溢，啖啖肉，口感一流。配菜有豆腐卜，咸菜，雞蛋和紅腸。今天的燉湯是花旗蔘燉烏雞。湯底清徹可見，陣陣花旗蔘香氣，清甜夠火喉，絕無味精，以三十多元來説，抵飲又有營養。最後一杯又香又滑奶茶，味道濃郁順喉。

潮汕滷水鵝一向名氣十足，在內地開業十多年的網紅店日日香鵝肉飯店最近登陸香港前陣子已有希慎美食廣場試過它們的午餐，今天特意到中環店試試晚餐店內座位舒適，半開放式的廚房光潔亮麗金牌鹵水鵝片飯的鵝片很入味，切得厚薄適中，又軟又嫩！配菜有鹵水蛋，豆卜及甜酸菜不想獨沽一味的話可選鹵水雙拼飯！有十款配料供選擇！鵝肉結實並有濃濃的滷水味！墨魚滷水色澤深，味道香濃彈牙惠顧飯類可以優惠價$38加配燉湯！今天有花旗參燉竹絲雞！湯底用雞腳熬煮，帶回甘味道

同朋友係中環行街，發現左日日香鵝肉飯店，都幾多人下，餓喇我，見到d鵝掛係度幾吸引下，所以試一試！我叫左大特級滷水鵝皇飯，貪佢咩都有d，唔洗諗咁多！😛😛有鵝片，鵝肝，鵝腎，鵝腸同鵝蛋！鵝蛋好特別，平時比較少見，比雞蛋鴨旦大隻，蛋味都比較香濃👍🏼👍🏼成個飯好豐富！滷水黎講唔太鹹，味道恰到好處，食到食物原味道☺️☺️另外同行友人叫左滷水鵝脾飯個賣相好吸引😍😍 成隻脾俾晒你，大滿足啊！而且睇落幾juicy，如果有機會，下次要試下！佢仲滷水拼盤，可惜今次行兩丁友，友人唔太好內臟。。唯有下次約多d人一齊叫拼盤Share食！

星期日，同朋友係中環行街，發現疫情過後好多餐廳已經捱唔住 結業了😔 我同朋友經過「日日香鵝肉飯店」，見到餐廳門面乾淨，門口既玻璃窗有好多隻大大隻既燒鵝掛左係度，見到都流哂口水，而且價錢實惠抵食，友人二話不說就衝左入去 😋我地叫左兩個滷水雙拼飯 $78-鵝腎拼鵝肉- 鵝腸拼豬脷雙拼飯真係好抵食，有埋半隻滷水蛋、豆卜同埋其他配菜 😋👍🏻 佢地既鵝肉真係好厚肉，鵝味好重，而且滷水汁真係好正，配埋個鵝腎好好味鵝腸超級爽同埋豬脷都勁正 ～ 另外，我地仲加左個小食墨魚$48 雖然餐牌寫係單人份量，但原來份量都好多，我同朋友兩個食都差d食唔哂，而且個墨魚好好咬口，點埋滷水汁食勁正 雙拼飯仲要送埋熱飲/ +$3配凍飲仲可以加$38叫一盅燉湯真係好抵食

好耐無打冷，最近潮流興食滷水鵝嗎？滷水鵝店竟然開到來中環。 有別於一般潮州打冷店，這裏有明亮的裝修，乾淨的環境。由店舖外面看到滷水鵝整齊排列，非常吸引。我們叫了一個滷水鵝片飯鵝片比一般滷水鵝肉瘦，肉質比較結實但不會乾，滷水味很濃。旁邊有豆卜、滷水蛋、酸菜、菜甫，還有好像扎肉的肉。上以上配料撈白飯，非常夾。雙拼鵝肉拼豬腩肉飯我個人比較鍾情雙拼，可以試兩款不同肉類。滷水鵝肉質夠嫩，油分較多，感覺好比鵝片好吃。豬腩肉肥瘦比例剛剛好，完全不覺得肥膩。加錢換了是日燉湯：花旗參燉竹絲雞味道不錯，淡淡的花旗參味，不苦澀。入面還有一些竹絲雞。

潮汕滷水鵝非常出名，其中日日香滷水鵝係當地係一間非常老字號嘅店，上年去潮州旅行時，食過一次，念念不忘。而家唔需要去到咁遠，隨時隨地喺香港都可以有得食！除咗紅磡，銅鑼灣，最近中環都開咗間新嘅分店。滷水鵝片飯 $85獅頭鵝出名肥美肉嫩，呢度嘅鵝片當然非常有水準，簡直可以媲美潮汕嘅味道，每片鵝肉切得厚薄適中，已經去好骨，啖啖肉，鵝味十足而且非常嫩滑，滷水嘅味道層次十足，帶有少少甜味同花椒八角嘅味道。 滷水亦能滲透到肉中，非常入味。鵝飯更伴有滷水蛋，酸菜，和豆腐干，充滿潮州嘅味道！鵝肉飯 $68友人就比較鍾意食鵝皮，所以另一個就點左鵝肉飯，鵝肉飯同鵝片飯兩者最大分別嘅係呢個鵝肉係連皮帶骨，鵝皮唔會太厚太肥膩，反而連埋鵝肉一齊食會多左一陣油香嘅味道。再加埋少少白醋一齊食，唔會覺得油膩， 反而非常惹味！滷水鵝翼 $50另外，我哋意猶未盡，另外點了一份滷水鵝翼， 鵝翼的皮非常爽口彈牙，份量亦唔少。Lunch 時間12pm- 3pm 更會送熱飲，中環食飯又多個好選擇！

趁閒日放假往中環，行人不算很多，挺舒服的。途經位於威靈街嘅日日香鵝肉飯店，品嚐潮式滷水鵝。滷水雙拚飯選了鹅肉拚豬手飯，滷水鹅肉很爽滑，很有嚼勁，非常juicy，難得滷水入味而不太濃，完全突顯鵝肉美味。豬手同樣出色，切片上碟，像熏蹄般爽脆，回味無窮。店員清楚解釋今晚沒有鵝肝，以其他足料代替。今晚滷水五拚包括鵝脾，鵝腎，鵝掌，鹅翼和鵝頭。鹅脾固然肉滑鲜甜，鵝頭更是驚喜，完全吸收滷水精華，肉質嫩滑，甘香美味。鵝翼煙靱脆滑，鹅掌肉厚膠滑，鵝腎甘香爽脆，嚐鵝完全是一件樂事。

今日在ifc行街購物，轉眼又到晚飯時間，附近有間滷鵝飯店日日香，一於來個滷鵝晚餐。剛巧有卡位，店員安排就坐。金牌滷水鵝片飯香噴噴鵝片鋪滿飯面，滷水鹹度適中，鵝片相當嫩滑，入口充滿鵝肉清香，香飯夾雜滷水鵝香，完全唔會肥滞油腻，非常好吃。鵝五拚呢個招牌菜颇受歡迎，由於今晚没有鵝肝，以鵝肶替代，其他有鵝掌，鵝翼，鵝腎和鹅頭，份量十足。鹅肶好大隻，切片鋪排，肉汁豐富，入口嫩滑清香。鵝掌更是我嘅喜好，掌肉肥厚，膠原豐富，幼滑爽脆，一般鵝掌冇得比，厨司處理得恰到好處，堪稱滷鵝專家。

中環竟然開咗新中菜(潮洲), 裝修同格局都好新式，無上一代嘅果陣味，好stylish一入到去，好香滷水嘅花椒八角香餐廳入面寫住唔用千年(老)滷水，係每日新鮮好犀利！今晚就食咗一個招牌滷水鵝肉飯，滷水雙拼鵝腸同手飯，再加個豆卜一人食一碗夠飽，每碗都有半隻滷水蛋同柞菜鵝肉好入味，但唔會搶晒肉本身嘅味道，夠淋都唔會太肥豆卜就好油，本身係炸嘅加上滷水過，吸咗d精華同油份送飯好夠味鵝腸好爽脆，平時好少食湖洲打冷，覺得全部凍冰冰無乜好食呢次有d改觀

中環雖然好多野食，但係對於我地呢d星斗市民黎講lunch選擇真係唔多，但係最近有一間食鵝肉飯既餐廳開左，見佢價錢唔太貴，所以咪試下。格局就普通餐廳一間，但係座位都算闊落，係中環黎講真係好好架啦，寸金尺土呀。我同朋友一人叫左一個飯，我食鵝皇飯，佢就鵝脾飯，再加左一個鵝腸。鵝皇飯：size 適中，我一個男仔食都夠飽既，鵝肉幼嫩，上盛貨色，鹵水汁香濃，鵝雜爽口，無雪味，正，可惜今日無鵝肝，無得試埋😭最後要讚既係佢既鹹酸菜，加埋d飯一齊食，好惹味，有錦上添花既感覺而鵝腸又係出色既，因為鵝腸最緊要係夠肥，佢完全做到，非常香口，無得彈呀！如果唔係怕膽固醇過高真係想叫多碟。我朋友既鵝脾飯我就無試，不過佢都話好好食。埋單都係100蚊位左右，我諗我搵到我既中環新飯堂啦！