日日香鵝肉飯店 (威靈頓街)

營業中

休息中

氣溫忽然急跌，特別想食滷水，之前在銅鑼灣見過這家，但一直未吃過，今晚走著走著，發現原來中環都有分店。滷水鵝脾飯鵝皮好薄，還附有濃縮的滷水汁，夠香，而鵝脾位置走動多，肉較扎實，味道柔和 易入口，配上沒煮爛的米飯，吃起來沒那麼飽濟。例湯竟然是老火湯，價錢好平，材料有鵝骨桂圓肉南北杏等，味清甜，質地不稀，大為驚喜。滷水包仔豆腐最喜歡豆類產品的我，當然不錯過豆腐啦，濃香滲出，而且不漏，入口凍凍地甚冰涼，豆腐很滑，有微微豆腐香，像是一道清爽涼菜。豆卜最最最難會難吃的豆卜，量不少，出面脆，入面軟，更加飽足，索盡汁料，食味芳香。紅腸小時第一次接觸，是媽咪在街市買來的。近年懷愐興起，也好像變成我的新歡。薄腸衣爽脆，腸肉軟熟，口味佳，同平時的不一樣，有些臘腸的油香。食後感：地方寬敞，冷氣充足好舒服。鵝肉飯及小食整體亦不俗，賣相來得精緻可口。

中環都有日日香鵝肉飯店，廚窗掛滿鵝肉滷水食物，每次行過都想入去食 餐廳整潔又光線充足😊夠晒空間感 滷水雙拼都好多選擇，有鵝肉、雞腎、鵝腸、鵝頭、鵝頸、豬大腸、豬腩肉、豬手、豬耳、墨魚、紅腸 滷水雙拼 $82鵝肉及豬耳 滷水雙拼 $82鵝肉及豬大腸 鵝肉肉質嫩滑，滷水味好滋味，而且有滷水汁可以添加，豬耳爽口，豬大腸做得好乾淨，味道唔錯雙併套餐除左自選兩款外，仲有滷水蛋半隻、豬肉條、豆斗、甜酸菜及時菜，加一杯飲品🧋，或者加$9 轉鵝骨湯，加碟芥蘭油菜$24

平時返工雖然都係喺中環 但都好少會經過呢邊反而今日放假行過見到呢間食燒鵝嘅好似唔錯 就一於入左去試試🙈雖然係食燒鵝 但喺得中環開應該有冇咁上下質素嘅😏而裝修又點會求其🙈呢到都有幾款套餐揀 仲可以有唔同鵝嘅部位拼添！叫左冇幾耐就有野食啦🙈•金牌滷水鵝肉(例)🦢•-呢碟雖然只係例牌 但份量都好足夠兩人食！鵝嘅肉質都幾滑 咬落去唔會好韌咬唔開而重點係個肉汁做得相當好 滷水汁完全鎖住喺肉入邊 非常入味👍🏻•特選滷味飯🦢•-呢款拼盤就有豬大腸 豬腩肉 紅腸 豆卜同滷水蛋 相當豐富！全部嘅味道都好濃 好入味！而大腸都幾乾淨 口感仲幾爽！跟餐唔要飯仲可以配粉麵添！而我地就揀左瀨粉 湯底雖然濃左少少 但個粉幾爽 配埋個拼盤一齊食好夾👍🏻-喺得中環開果然有返咁上下質素 推介要試個滷水鵝 幾惹味！😆

中環有一間非物質文化遺產的燒鵝店😃！鄰近位置竟然在香港另一間知名燒鵝餐廳🙀太有膽色了,絕對引起本小姐好奇心😝-客人在餐廳門外透過落地玻璃窗可以看到師傅磨刀霍霍向燒鵝。剛踏入餐廳內,我已經墮入燒鵝的懷抱中,香味逼人。明亮又整潔的環境,令我滿心期待。-HK$88招牌滷水鵝肉飯~滷鵝採用汕頭澄海的120天農場散養的體型大隻獅頭鵝。鵝皮薄自帶有光澤感,脂肪不算多,肉質緊實，吸收滿滿的鹵水精華。新調鹵水絕不會太咸,配上惹味酸菜、滷鵝蛋、清甜菜芯及紅腸,是非常絕配；-+HK$38花旗參竹絲雞燉湯~天寒地冬,飲一壺熱辣辣又足料的燉湯,真是暖入心💗💗💗-可以大膽在威靈頓街開一間燒鵝店果然是與眾不同！

潮式滷水食過返尋味 中環收工約朋友食個快飯，呢間野又方便又正。 潮式滷水平時比較少食，但都知道係凍嘅，未試過都會覺得特別。今日我試咗幾款野，分別係金牌鵝片米粉、豬手飯、墨魚 🦑、豆腐、雞蛋。 因為試飯係絕對唔夠滿足我，所以我都會想試埋其他野，一叫就叫多咗，不過好彩都食得哂。 最出色係豬手，好彈牙入味，另外豆腐都抵食（18$），我亦好欣賞飯會連埋醃菜，令味道昇華。總括來說，抵食，也有特色，在中環午/晚餐快飯之選。

上週五去中環吃晚餐，原來日日香也在這裡開分店了，之前在銅鑼灣foodcourt吃過，發現中環店面很大，坐得更舒適。晚市都有套餐，想要例湯，可惜一早賣完。每枱都有自助醋和滷水汁，很方便。特級滷水鵝皇飯 ($148)鵝片、鵝腎、鵝肝、鵝腸、鵝蛋，一次食晒鵝的不同部分，鵝片肉軟嫩，鵝腸入味又爽口，第一次吃鵝腎、鵝肝，口感跟雞腎、雞肝有點像，鵝蛋有1/4顆，真的比雞蛋大很多，很有趣的體驗。滷味整體來說，不會太咸，附咸酸菜，令人更開胃。配米粉，加左條菜，放了點葱和蒜，賣相都幾精美。熱柚子蜜招牌滷水鵝肉飯 ($72)想啖啖肉可以點鵝肉飯，口感更豐富，點點醋食，更美味。滷汁時蔬(+$24) 挑了菜心，新鮮，夠諗，好吃。熱茶走注意有加一服務費。

🎀🎀 喺中環放工食飯都真係唔知食咩好呀 鏞記隔離開咗一間專門食我嘅店就去試下啦中午都算係好多人 夜晚去會坐得舒服啲唔使 100蚊 可以食到一餐其實喺中環嚟講都算好經濟今日試咗個鹵水鵝片飯 鵝片 啖啖肉好厚另外仲有啲酸菜 油菜 咁樣好健康 出名係呢度嘅鵝片 唔太鹹好入味好鮮嫩 埋啲醋食真係好開胃 三蚊就可以飲到一個凍檸茶呀都算經濟再加多 九蚊 都可以有個餐湯㖭係我劏嚟嘅好用嘅 鵝肉嘅骨 加埋茶樹菇其實係一個 高質嘅例湯 好有 鵝味 有卡位坐得好舒服店員上菜都算好快 唔使再去食鏞記燒鵝啦呢度有 變奏版嘅鹵水鵝肉食 大家喺中環有多個選擇啦

去親鹵水店樣樣都想叫，但係個胃只得一個，又有選擇困難🙈🙈🙈 咁就可以好似我叫返個特選鹵味飯🤪🤪🤪 有鹵水大腸、豬腩肉、豆卜、鹵水蛋、紅腸，一個飯配咁多款餸真係very good呀!👏👏👏呢度鹵水嘢食唔會太咸，值得一讚!👍👍👍

日日香鵝肉飯店 (威靈頓街) 地址: 中環威靈頓街50號華威大廈地下B號舖電話: 66816287=====================平日都係男朋友遷就我飲食喜好，今日星期日大家都唔洗返工，中午就落樓隨便搵間餐飯佢係好喜歡食真材實料架碟頭飯同茶餐廳，因男人角度出發是要夠飽同經濟實惠，唔似女生買杯飲品都要靚同呃like 打卡$78 老水雙拼飯，要了豬手同墨魚，豬手夠腍，墨魚片厚肉有咬口。$85 滷水鵝片飯 都幾抵食架，因包埋飲品，中環來說好抵門口掛住曬滷味，望到流口水。

在中環返工，久不久就會黎呢度食lunch，貪佢快、靚、正。呢度啲鹵水鵝的確做得幾出色，雙拼飯仲有埋半隻鹵水蛋、魚片、豆卜同埋咸酸菜。整體來說，賣相吸引，味道亦很不錯，值得推介

發現新開咗呢間專食滷水我嘅潮州菜，作為一個正宗潮州妹當然要過嚟試吓啦。喺正公司附近我哋過咗嚟食晏，第一次乜都想試吓所以我自己就叫咗佢個鵝皇飯，乜都有啲一次過滿足晒乜都嘗試嘅願望。其實講真鵝蛋我都係第一次食，一上嚟見佢咁大粒都嚇親。不過佢啲鵝片真係好林，唔錯，都唔會好鹹，所以佢有支滷水汁係枱比你自己加。另外佢嘅餓腎都好爽口，同樣都唔會好鹹就算就咁食都OK。另外無論你叫咩餐都好都會有一舊扎肉，佢個札肉都幾香，幾彈牙。我另外仲加咗$9試佢哋個湯，初初以為普通嗰啲例湯，但係佢呢度係用一啲鵝骨去煲湯，所以簡直係完完全全嘅全鵝宴。以朋友就叫咗佢個鵝片河粉，不過佢呢一份鵝片就好似係脾位，朋友嘅評語話係比較韌。整體來講，午市嘅價錢都唔算平，但係都知道鵝我係會貴啲，一次過可以試晒唔同位置，未試過都可以試吓。

今日去中環做嘢，一路都想試吓尼間燒鵝店，我着中午時間冇咁多人，於是同同事一齊去試吓金牌滷水鵝片飯，鵝片切得一片片整齊的鋪在飯面上，一入口已感覺鵝片肉質柔軟，鵝皮下有一層小脂肪，鵝肉粉嫩光澤，入口鵝油的香味充滿口腔， 點埋白醋，味道更上一層樓，還有咸酸菜很好味，咸酸度非常適中特選滷味飯，內有紅腸，豬大腸，豬腩肉，滷水蛋，豆卜，紅腸一食就知不是廉價貨，豬大腸雖然有點肥，但滷得入味，處理乾淨沒有腥味，薄薄的豬腩肉，肥瘦適中，食落口一點也不油腠膩，滷水蛋彈牙不會過熟，豆卜點上滷水汁更美味這裏的滷水汁不太咸加入飯，令飯更美味，白醋更加不可缺少，製作出色不會太酸，滷味遇上白醋更能引出味道

餐廳環境都幾光猛乾淨，menu 上有得散叫都有套餐，套餐唔同時段有唔同價錢。特級滷水鵝皇飯特級滷水鵝皇飯係有鵝片、鵝肝、鵝腎、鵝腸同埋鵝蛋。一次過試晒唔同嘅部位。鵝片嘅肉味比較濃，個人覺得個鵝肝都幾好，幾滑身。另外個飯都有啲水準，夠乾身，另外枱面仲有滷水汁，唔夠嘅可以自行加。招牌滷水鵝肉 配瀨粉配瀨粉嘅話佢嘅滷水鵝肉就另外上，同份量都唔少，鵝肉比鵝片多咗油香味，另外值得一提既係個酸菜幾好食，唔係好酸但但辣辣地甜甜地幾好下飯。熱檸水/茶走飲品方面就正正常常。

日日香鵝肉飯店的滷水鵝向來質素不錯，中環區經濟實惠之選👍👍👍店內座位寬敞舒適，環境乾淨。餐牌款式選擇繁多，價錢合理，晚市亦有提供套餐！金牌滷水拼盤 $128👍👍👍👍拼盤是例牌份量，肉有豬大腸、腩肉、豬耳、紅腸、豆卜及滷水蛋，全部都滷得好入味尤其係豬腩肉，肥膏同埋瘦肉分布均勻，肉質軟嫩肥美。豬大腸洗得乾淨，完全冇騷味。幼切豬耳，口感爽脆彈牙！招牌滷水鵝肉飯 $72👍👍👍👍鵝肉色澤光亮，香滑入味富油脂，份量很足。甘香滷水汁滲到白飯內，滷水香，鵝肉嫩，配以滷水蛋、豆卜及酸菜，令我秒殺了整碗飯。😌😌😌套餐除咗包了餐飲，仲可以加配滷汁時蔬！

突然好想食滷味, 中環真係唔易搵, 點知朋友介紹呢間, 乾淨又唔貴特選滷味飯, 有豬腸, 豬腩肉, 紅腸, 滷雞蛋, 豆卜, 最岩有選擇困難症既朋友, 咩都有D咁~滷味好入味，而且肉質好腍，十分香口~滷水雙併飯 只係叫左腩肉,因為朋友淨係鐘意食滷腩肉, 所以一大盤都係肉，勁正，超豐富肉汁流番落去個飯度, 勁入味, 簡直香到食完又食~小食: 墨魚片唸住只係小食, 點知份量超多, 墨魚片好爽口, 加少少醋好好味飲品叫左青檸梳打, 成罐俾你, 幾好~