日日香鵝肉飯店 (威靈頓街)

營業中

休息中

強烈建議大家唔好去，附近好多好嘢食無謂受氣！食飯食到一半，我食得快啲食完，老婆都未食完（女仔食飯慢啲好正常），個侍應過嚟一嘢收咗個飯，跟住話你哋未齊人已經畀你地入嚟坐，你哋仲食得咁慢。1. 你如果expect啲客係20分鐘食完交枱，咁唔該你寫出嚟喺門口，等我睇下以後仲有幾多人會堂食。正常大家食完飯，你個地方坐得咁唔舒服，都唔會想坐得耐自己會走。咁樣嘅服務仲話收10%服務費？2. 我哋未食完你收左個飯點計？你又想收錢又唔想畀啲客坐嘅，咁你咪做外賣囉。 或者直接去搶算啦，其實會容易啲。3. 講到好似你畀位我坐，係施舍俾我咁。如果唔係攞位嗰陣你冇客，你有可能會畀我坐？ 仲有你唔想畀我坐嘅我，我可以去第二間，冇問題。呢個價位我唔要求有啲咩服務。但係再平民啲嘅譚仔，麥當勞，肯德基，粉麵店都唔會有咁嘅遭遇，呢個係我食過最受氣嘅飯。希望大家避開呢間舖，唔好中招。食飯開開心好重要， 食個鹵水鵝飯要受氣？不了！

又係食晏既時間鋪頭o係正 威靈頓街舊翠華對面， 呢條街逢親食晏一定必爆場， 我選擇過了三點後的時間來到, 冇乜人係舒服d既, 有名你叫呢間 ，特色做鹵水鵝, 今日叫咗個鹵水鵝飯， 佢係好特色嗰種一碗上哂咁多菜連飯,唔係一碟碟上鹅肉食落去 啖啖肉 鹵水味重 入味夠,真係幾好食仲有其他配料既 佢有三件扎肉 係嗰種潮州扎肉,,食落都幾 濃味既, 仲有半隻雞蛋同埋有啲菜浦 ，豆卜，都幾豐富 未食過十分推介來試下, 最有驚喜係碗例湯, 湯係用鹅骨去煲嘅， 其實食飲落去淡淡藥材味, 呢個味都幾特別 下次會再嚟

全鵝拼盤($3xx)，內容包括1. 鵝肉2.鵝掌3. 鵝翼4. 鵝肝5. 鵝頸6. 鵝頭7. 鵝腎8. 鵝腸9. 鵝心10. 鵝蛋聽落內容非常豐富和吸引，落單嘅時候都有d期待，好似好多野食咁，到手上覺得比想像細，外賣盒大細就係平時叫小菜外賣嗰d微波爐盒嘅大細，要放10款食材，其實每款份量都真係唔多，不過就勝在每款可以試小小😄😄。味道方面，滷水偏向甜口少少，係大多數人都喜歡嘅口味，鵝肉嘅味亦都幾香，鵝腸亦去左大多數肥膏，感覺冇咁罪惡感，食落爽口彈牙。

平時一直都有叫日日香滷水鵝,想推介一下,叫左個雙併飯,鵝肉併豬大腸,鵝肉會起骨配菜好豐富,有魚片,酸菜,旦, 菜芯,全部都好好食外賣用OPENRICE外賣自取抵過自己去買推介指數:

疫情之下响中環搵食一啲都唔易，唔單止價格貴，而且周圍仲好多人，買外賣又唔想去咁遠，所以就近近地响公司附近搵咗呢間試吓喇，見佢哋啲滷水雙併飯好似好出名。試咗兩日，非常失望尋日啲飯就好硬，今日啲飯就唔熱，都係想搵餐好嘅食吓啫⋯⋯佢哋真係要好好改善一下⋯⋯

第一次食係中環唔知食咩好，剛好經過呢間店，就入去食！入去時唔記得淘大都有一間，但淘大嗰間好多人都話唔好食，所以一直冇去食！但今日去食又唔覺得好差，不過真係好貴，食咗$229！鵝掌係一隻$3x，個飯就有折扣就80幾蚊！鵝肉好lum，豆卜都入味！鵝掌又唔會太鹹！個湯就正常發揮，都好足料嘅！

滷水鵝肉飯，我要既份量算適中。飯熱，只屬正常，如果有鵝油冧上去啲飯，就會更香，更好味，但當時未見。地方闊落，枱與枱之間有多空間空位，同一班同事去食飯地方環境都舒適。

日日香鵝肉專門店係全港都有好多間分店，而係番工附近有呢間日日香中環店，之前一開張已經去過食。佢哋嘅滷味真係好出色！今次同同事就一齊再去食啦。招牌滷水鵝肉飯 - 肉質嫩滑，而且非常入味可選飯/河粉/米線 等。一碗内會有其他配菜，其中酸菜的味道十分出色。除了必點的滷水鵝肉，其他自選的雙拼也是不錯的選擇！今次同行朋友吃了墨魚，口感彈牙而滷水味也很入味。而且每個午市套餐都有飲品，價格在中環而言也算相宜。推薦大家也可以去一試。

🦋🦋最近愛上咗呢一間專門食鵝肉嘅飯店 佢係連鎖店嚟嘅 夠薑起喺容記隔離都知佢咩料啦 價錢三糧食材質素高 真係我嘅至愛仲加上佢喺各區都有分店 所以我都成日幫襯 🍚🍴今晚就食咗佢個雙拼飯 鵝肉拼鵝腸 鵝肉好多嚿 好話好有鵝味好好味 鵝腸都有好多條分量豐富都好爽好餸飯跟餐叫咗個原盅燉湯係人蔘雞拼同草加38蚊就有 另外加三蚊仲有凍檸茶 埋單一七百幾蚊嘅鹵水鵝我覺得好抵 配搭仲有好多唔同嘅材料下次可以試下其他 晚上人流唔算好多服務員好快就 其實個原盅燉湯有驚喜囉好 養生 又唔貴 其實質素好好呀分量又多 極力推介大家點個燉湯

呢到裝修幾新幾光猛～👍🏻鵝三拼 $168（鵝肉、鵝翼、鵝掌）佢地既鵝肉質素幾好🥰 好香鵝味😬 佢除左鵝仲有啲豆卜 份量都幾多 所以我覺得呢個都幾抵食～😚😌雙拼飯 $82（鵝腸、墨魚）呢個可以轉粉麵 但我叫個時唔記得左 🤦🏻‍♀️🤣所以變左食飯 同埋另外一提 佢地上菜速度都幾快！🤣🤣 墨魚厚切 食落都實在啲😜 鵝腸就一般🤔雖然都係好脆 但鵝腸好似連左啲鵝肝/潤？ 飯裏面既甜酸菜幾好食！😋熱柚子蜜正常～

今日午餐同朋友去食飯突然間想食滷水飯，咁啱見到唔使點排隊我哋就決定入去食，去餐廳原來都幾大有好多座位所以唔使點等位就入到去，而且佢哋點完餐之後啲嘢食都好快就上枱。今次叫咗一個滷水豬手瀨粉，因為真係好耐冇食過瀨粉👀佢嘅瀨粉都非常之好食，彈牙之餘又唔會覺得係好粉，再加埋啲豬手滷水汁，撈埋一齊食非常惹味，但係又唔會講得好鹹好濃味！朋友就叫咗一個滷水鵝肉瀨粉，我哋兩個都好認同佢嘅瀨粉都好好食，彈牙得來又爽口，佢嘅滷水鵝肉都非常入味，好香滷水味又夠曬入味，佢除咗我入之外都仲有其他餸菜例如滷水扎肉和滷水雞蛋等等，午餐來講都幾豐富！

當你想食鵝尤其係燒鵝， 少不免都諗起威靈頓街既鏞記， 但喺佢隔離都有一間我嘅favourite 鹵水鵝店， 就係日日香鵝肉飯店， 呢間有別於傳統潮州打冷店， 我會覺得佢係一種新派嘅潮州菜館， 雖然冇蠔餅，冇蠔仔粥，專心做鹵水， 我反而覺得做得幾好。 金牌鹵水鵝片鵝片夠薄夠大片， 鵝香十足， 配埋豆卜同鵝骨位， 兩個人食非常夠。 特選滷味飯飯上面有好多嘅餸， 包括豬大腸、豬腩肉、紅腸、滷蛋同豆卜， 最正係佢有埋酸菜， 餐廳都提供鹵水汁畀你，正。 滷汁時蔬加24蚊仲可以有個菜㖭， 碟菜幾新鮮同幾大碟。 餐廳整體都坐得好舒服， 佢哋餐廳嘅特色都寫曬喺牆身上面， 味道係幾好，唔怪得知喺香港開咗兩，三年有成八間分店啦， 總之想食鵝就去威靈頓街，冇錯㗎喇。

成日唔係食西餐、茶餐廳、日本菜等，不如試吓”新嘢”，雖然好少一開始諗起滷味‼️滷味，可以話係經典粵式料理之一；精粹在於秘方嘅滷水膽，經典嘅潮州滷水鵝肉質細嫩、味道鮮香，令人齒頰留香😋😋◽️特級滷水鵝皇飯 $148◽️金牌滷水鵝片飯 $88貪特級滷水鵝皇飯樣樣都有，有鵝片、鵝腎、鵝肝、鵝腸，鵝蛋🥚 如果你同我一樣，會食鵝腎鵝肝鵝腸等就唔好錯過喇，滷水入味尤其鵝肝好甘香，質感細膩軟滑👏🏻鵝蛋size相對較大，蛋香味亦會較重🥚主角鵝片真係必點必食呀💁🏻‍♀️叫得日日香鵝肉飯店當然要食吓鵝啦😋😋仲要叫鵝片，啖啖肉無骨，鵝片帶油香兼且肉質有彈性，滷水無蓋過肉味，平衡做得好好✔️伴飯嘅仲有兩片札肉、豆卜同酸菜，札肉幾好食，酸菜酸辣爽脆中帶甜，連平時唔食酸菜嘅我，都食哂👍🏻

疫情之前會耐唔耐上深圳吃滷鵝，猶記得第一次吃日日香嘅時候真系驚為天人，點解可以啖啖肉之餘仲咁好味🤩。現在香港嘅分店越來越多，要食到唔再係難事，簡直系鵝肉愛好者嘅福音！去中環影開燈飾，發現威靈頓街都有分店，算系在物價高昂嘅中環多咗個貼地嘅選擇。兩個人叫咗1/4隻獅頭鵝(HKD218)，鵝腸(KD58)同菜遠湯河(HKD22)。獅頭鵝大大碟，每舊都整齊排放，視覺上已經好滿足。沾上秘制的滷水汁和醋，將鵝味帶出，每片鵝都肥美嫩滑，富有油脂，連同個湯河一齊，一下子就清咗盤。最後值得一讚系個鵝腸，爽口彈牙，又唔會有腥臭味，連我哩個平時唔會食鵝腸嘅人都食咗好幾條😂。用餐環境都算唔錯，乾淨光猛，下次我想試個鵝片飯，中意啖啖肉啊！

係中環做完gym就去左附近既「日日香鵝肉飯店」食晏，之前係觀塘見過已經想試下，今次係中環見到所以就入去食。雖然舖頭唔算大，但中間都有兩張大枱，其他位就坐得迫少少。叫得鵝肉飯店當然要叫鵝肉，另外其實仲有好多滷味可以叫。今次叫左個雙拼飯 - 鵝片加自己叫親就會叫既墨魚😂（有睇我食評既應該知道我真係好中意食墨魚）唔想食太多既關係，叫左少飯，但黎到既時候，大家見圖既份量一啲都唔細，所以好彩叫左少飯。至於餸既份量都岩岩好，除左鵝片同墨魚，配料都有扎肉同半隻滷水蛋加菜。鵝肉夠入味都好淋，反而自己覺得墨魚厚身少少就好，但整體黎講算唔錯，中意食滷水既朋友仔不妨去試試，滷水汁都係任大家自己加落去，所以可以按自己喜好加，因為自己會驚太多汁啲飯淋曬。