日常素食 (已結業)

日常素食日常搵素食不容易，就近隨腳便到更難，又要經濟可口，服務環境都合心水，就更難找到了，黃大仙區，能有一間素食，就備有以上方面條件，人均清費人人付得起，一位客飯50元，在現今很難找到了，還有湯有飲品，另小菜價格更合心意，二人三菜，還可二百餘便可落樓，更重要素菜清淡，更對身心健康有很大幫助。今次吃的是客飯套餐45一位免加一，可點兩餸， 配白飯或者炒麵，仲有例湯或者五補羹，飲品等，加蘿蔔糕就多八蚊，我叫咗一個 羅漢上素什菌鍋筍鮮淮山套餐，朋友就叫咗一個香魚茄子炆豆腐四川回鍋肉套餐， 另外我地兩個人係咁依加個小菜，鳳梨咕嚕肉88，後加甜品南瓜西米露，呢個素食餐已經捧住個肚落樓，真係唔貴呀，都係二百蚊有找。今日飲食大方向，素菜對身體真有益，下次我都會再嚟過。

話說今日放工經過呢一間，望到有$45兩個餸，送湯飲品，一個飯外賣八五折，但係外賣就唔包飲品，後尾問職員原來連湯都係計落飲品度⋯⋯算咁都還可以接受嘅咁就揀咗兩個餸加個飯做外賣，點知就賴嘢啦！首先職員係冇主動同我講計埋外賣盒係要加1蚊即係$46剩返八五折，睇到張單諗住買咗都算啦。。點知返到屋企一打開個盒！！嘩菠蘿咕嚕肉啲菠蘿都好多喎得嗰兩粒？！雖然咕嚕肉有五舊，但係肉眼望見兩邊餸嘅份量都好明顯好大差別下姐，得個博博嗰一層我真係O晒嘴囉！

今天去了日常素食， 它位於商場中間，比較開揚。 疫情時期，小心最緊要， 店員會提醒沒有戴口罩的顧客，先帶罩才拿食物，幾好。但食物相比其他buffet沒有很多類，熱食只有十款以内，有炸物數款，糖水+糕點兩款，湯，沙津。

嚟到黃大仙當然要拜下大仙廟開多大仙廟拜完大仙就食餐素食積下福呢度晚上通常都係做到食buffet今日我哋就嗌咗素食小菜黃大仙中心3樓餐廳乾淨企理食小菜有好多好多選擇先來個例湯非常足料咕嚕肉 菠蘿 新鮮好味 帳汁都好好味咬落感覺好似真正咕嚕肉咁樣 有一種 肉非的感覺金菇雲耳蒸雞 雲耳眉好鬆脆港鐵會快少少杞子闢味 雞肉的肉質好好咬口寫真正的雲耳蒸雞仲好味青菜鮑片 小棠菜可好味 樂樂仲有田園的菜味鮑片大大塊好鬼好咬口常餐素食非常健康值得推介

今日跟媽媽去食素buffet~之前來過一次，感覺餐廳環境很寬闊，依舊分成了用餐很取餐區。取餐區也分為冷盤，熱湯，熱葷，炸物，飲料部分等等。雖然是下午茶時段，但食物種類也相當足夠。冷盤方面，個人最喜歡是涼拌蒟蒻麵跟木耳，清爽開胃。而熱湯分別有碗仔翅跟粉葛湯，兩樣味道也很不錯。至於熱葷方面，除了粉麵之外，有比較傳統的枇杷豆腐，炒菜，椰汁芋頭南瓜，羅漢齋等等。另外還有用油炸鬼做成的咕嚕肉等比較新式的素食。整體味道很夠，也不會很油膩。喜歡香口食物的我，當然不會錯過炸物，芋頭魚，春卷，炸豆腐等等應有盡有，全都炸得金黃香脆。個人很欣賞這裡的腐皮捲，外層很酥脆，內餡有滿滿的蔬菜~其實自助餐已經吃到很飽。不過想要試一下自助餐以外的菜式，我們就額外點了一個客飯套餐，來個大胃王挑戰(很狂吧🤪)，結果有意想不到的驚喜！回鍋肉有點辣辣很惹味，素肉真的有分成脂肪跟肉的層次，很有趣。另外是蕃茄蝦仁炒蛋，蕃茄味很濃郁很下飯，蝦仁切成一顆一顆，有點爽口~最後來吃甜點，完美！整體來說，是CP值很高的素食餐廳，說好的健康寶寶變成大胃王挑戰，哈哈~

雖然平時是食肉獸，但有時卻又貪新鮮，想食新穎多花款的素菜。今次就試了這間素食放題，前菜、熱葷、甜點樣樣齊。首先第一轉，前菜試了泰式酸辣蒟蒻麵，爽口彈牙，開胃清新。小食有腐皮卷、春卷、咖喱角、炸一口豆腐粒、芋頭魚、炒蘿蔔糕、炸蕃薯，每款都香脆可口，不會油膩。其中最愛惹味咖喱角和外脆內軟的香芋魚。熱食方面，試了鹵水豆腐、獅子頭小棠菜、炆五花腩、西蘭花肉扒、咖喱薯仔、苦瓜炆排骨。素肉都幾可亂真，味道好。其中五花腩做得精細，由豬皮、肥膏到瘦肉都有齊，用蒟蒻和豆製品造成，新奇又好吃。另外，排骨亦很有心思，用蓮藕條做作骨頭，吃的時候真的有扯下肉啃咬骨的感覺。之後吃了薑醋蛋和五寶素羹濕濕口。薑醋蛋入味，不會死實，好味。素羹的木耳絲和荀絲亦爽口。第二轉吃了腐乳炒通菜、咕嚕肉和冬菇雪耳炆麵筋。本來很期待咕嚕肉，以為是猴頭菇造成的肉粒，原來是油炸鬼粒，雖然都很酥脆，醬汁酸甜，但還是覺得猴頭菇做的肉粒口感會較好。第三轉吃了少量炒飯、炒麵、豆角炒紅腸、雞絲炒大豆芽菜、茄子豆腐、娃娃菜。其中炒麵有鑊氣，麵爽又不會太油，但實在太飽了，只是淺嘗。最後甜點吃了豆沙雜豆糕、椰汁紅豆糕、桂花糕、薑汁千層糕、番薯糖水和豆腐

在心水餐廳之列，可惜疫情原故，關門避險，直至5月重來，趕來試吓。食素最怕係肥淋淋，本身毫無油脂的食材，煮到十分油。由零卡變高卡，所以係門口已經問可唔可以入去睇睇先，可惜唔可以參觀。唯有膽粗粗一試。入去坐低，出去行咗轉，心想選對了，除了熱盤，另外有一台係沙律菜及涼拌，生果，豆類, 而熱盤亦不是十分油光。每樣夾了一點試試，味道適中，不會太多味精，食物種類不算好有創意，但總算有想食及可以再食的選項。我認為佢嘅叉燒及肉類唔錯。甜品有楊枝甘露。算是實而不華的素餐。

茄子豆腐茄子顏色保留得很好, 是鮮紫色, 吸了醬汁, 不會很咸, 加上豆腐增加了不同的口感, 愈食愈好食。炒四季豆四季豆品質不錯, 沒有渣滓, 爽口清甜, 配飯吃一流。豆腐雪糕豆腐味很濃郁, 雪糕的質地較為煙韌, 有點像土耳其雪糕, 我們都很喜歡這種口感, 感覺很綿很滑。咕嚕肉剛好新鮮出爐, 搶著去試, 外層炸得很脆, 醬汁酸甜比例剛好, 肉的部份應該是用菇做的, 與真肉的口感相似度90%。粉葛甘荀湯原本以為素湯是比教沒有味, 這湯一喝非常香甜, 粉葛味很濃郁, 還有很香的陳皮味，非常出色。

抗疫期間都少出門，只好在家附近找吃的，剛好和媽都未吃過北館的素食，今晚就決定來個素食星期一，不吃肉，吃得清淡點。我們都很餓，點了個小菜和兩個客飯套餐。小菜是椰香芋頭准山南瓜，很有椰香味，份量很足，材料都很健康，多吃准山能健脾，小菜跟飯和飲品。客飯套餐包括兩個餸、有飯、湯、飲品、還有甜品～都只是$45，外賣還有折～肉類很像真，入味、回鍋肉的肉有脂肪層呢，很似真的肉～菜色都炒得有獲氣，美味可口，自製金湯鴨是腐竹蔬菜卷，煎得香，調味適中，不會太咸，份量很足，還有清甜的甜品桂花糕，羅漢果茶也很甘甜～湯品五寶羹也要試試～

我平時去街真係好少食齋菜，多數都大魚大肉，因為我同我女朋友都係名副其實嘅食肉獸，但今日經過黃大仙呢個商場，見到有齋菜食，價錢又唔貴，於是入去試一試都算幾細心，為客人提供消毒紙巾及消毒洗手液佢啲湯水都幾足料，而且飲得出係冇味精齋菜款式都幾多，而且所有菜式唔會太多調味料，清新易入口就算食好多都唔會令人飽飽滯滯鬆脆、有蛋味，而且唔係太油膩同太甜糕點質素都好唔錯特別係中間嗰件薑汁糕，口感煙韌而且略帶薑汁味，必食豆腐雪糕，香濃嘅豆腐味，食落好似飲緊豆漿咁，又有奶味又有豆味，我食咗四五球 $30就可以有咁大盒，超級抵食，而且又環保整體質素唔錯,食物都唔會太重調味料,所以呢度嘅食物一定新鮮，價錢合理，九點後只需要$30就可以裝一大盒外賣返屋企食，抵食👍👍👍

天赦日，食素，放生！中午去咗五季禪食，下午嚟哩間日常素食幫襯.去到先知原來素食 buffet.上次食素食 buffet 係北角素食分子，大家都係素食 buffet ，好正常會比較一下.首講價錢，兩間收費都係一佰一十幾，不相伯仲.論環境，日常素食更闊落，攞野食唔怕撞到人，完勝！論飲品，日常素食選擇較多，北角素食分子飲杯甜飲都係得果個淡淡又唔凍嘅豆漿，日常素食有又濃又甜又凍嘅橙汁，飲品選擇亦比較多，完勝x2！論食品，先唔講味道如何，起碼選擇絕對比較豐富，攞完一轉，都重有慾望攞第二轉！北角素食分子，攞咗一轉已經無意慾攞第二轉，不單只選擇少，連盤入面嘅素菜份量都少，好似食廚餘.我又唔係好晚入場，北角入場晚上8點，黃大仙七點半入場，相差只半個鐘，卻相差極大，勝！論味道，日常素食雖未至於超級正，但味道唔會話太淡，咖哩薯仔辣得嚟惹味，勝！朋友住港島，話想去返港島食素，我話打死都唔去素食分子，好彩日常素食唔差，同朋友有交代！

同朋友行開黃大仙商場，見到有間新開嘅素食店，睇落價錢又唔貴，朋友又想食得清淡啲，就膽粗粗入去試一試。一坐低，帶位姐姐就話俾我哋聽，我地任食㗎，攞個碟，就可以拎出去拎嘢食啦。行到出去自助餐區，啲嘢食都好豐富，分別有沙律吧，熟食吧，甜點吧。分類仔細。有幾款新潮炸物特別好味，好似天婦羅番薯，天婦羅茄子，同天婦羅豆腐。又脆又鬆軟，點啊天婦羅醬汁，特別好味。熱食方面都有好多唔同嘅選擇，右手邊嘅金針云耳，炒得好入味。知識方面最好味就係茄子炆炸豆腐，配搭埋甜酸辣醬一流冇得頂食得素食，梗係要食埋佢嘅炒飯炒麵啦，炒飯夠乾身，啲飯一粒粒好好食。最令我欣賞嘅係甜品有錦滷雲吞，雜糧糕，紅棗糕，薑醋蛋，紫薯糕，同埋最好味嘅蛋散呀。仲有好好味嘅桂花糕，雖然冇影到。呢一餐素食真係幾好味，本身大家諗住輕食，但係食到勁飽捧住個肚走。

新一年新氣象試新餐廳，自助餐食得多不過素食自助餐第一次吃，知道黃大仙有間食素的菜館一於來找素。餐廳用的餐具全部都是環保物料製造的。款式很多有不同蔬菜做的菜式、炸物、糕點、湯、羹、沙律、水果、甜品等等。製作很用心，每款菜式都一絲不苟味道恰到好處，用料新鮮又美味。雜菌炒翠玉瓜，雲耳勝瓜，上海粗炒，田園炒飯，炒椰菜花金菇西蘭花芹菜枝竹鹵水豆腐煎釀三寶咖喱薯仔、傳統羅漢齋、涼瓜枝竹薑醋蛋五寶素羹甜豆西芹鮮百合、酥炸豆腐粒、天婦羅茄子、蕃薯、腐皮羅漢齋、雲耳勝瓜素雞新鮮水果～西瓜、菠蘿、哈密瓜，青瓜沙津，紅豆椰汁糕甜品~芋香雪糕，吃完真的好滿足啊!

星期四晚上約左好朋友一齊食生日素食餐， 日常素食它喺黃大仙，搭mtr記得B3出口最近，日常素食它自助餐價錢分大人118蚊，小童98蚊，想外賣嘅話加60蚊， 如果到咗九點後咁外賣就加30蚊。🤗好啱我呢種單身又中意食素食朋友，而且食物多選擇。2020年嘅年初一呢， 去黃大仙拜拜後，食個新春自助餐，够唒健康又好意頭，新春食齋，它價錢有午餐148元， 晚餐價錢就係188元。餐廳環境的裝修就幾乾淨同埋明亮， 枱與枱之間唔逼囉，而且坐得多幾舒服。餐廳加返自助餐食物嘅速度都算好快啦，仲好整齊放好食物區，有分凍食丶熱食丶 炸天婦羅同埋甜品同飲品添。呢度係沙律區: 有蕃茄 、 有粟米 、 有紅豆 、有醃泡菜、同埋酸蘿蔔啦 、有黑木耳等等的食物，花多眼亂，數之不盡。 我小妹食自助餐時，一定會叫沙律啦，用呢個芝麻醬 。呢啲新鮮嘅蔬菜一齊食呢好好味。😊特別開胃。酸梅汁，雪梨汁咖喱薯仔好够味，未食已聞到咖喱香味。薑醋蛋味道啱晒我小妹口味，而且好稔好入味，必吃的薑醋蛋。yummy 😋 呢個雞翼呢都整得好食，食落去都好似真嘅雞翼。味道啱啱好，咬落去有雞翼質感。

今天決定要來一點健康，跟朋友去了素食餐廳，這裡的素食有兩種消費，一種是限時吃到飽，午餐/下午茶是75分鐘，晚餐是90分鐘，價格當然也隨時段變化；另一種是以hkd$60買一個盒子外帶，可以按個人口味裝到滿，晚上九時以後裝到滿還有半價呢！貪吃的我當然要吃到飽~在環境方面，餐廳也蠻寬闊舒服，空間很大，也清晰分成了用餐區，食物拿取區和餐具歸還區。食物選擇方面，沙拉，熱吃，炸物，米飯，甜點和飲料也有包含在裡面，很多元化。基本上我每一樣都有吃看看，味道也在水準以上。個人覺得涼拌類東西很開胃，涼拌青瓜和蒟蒻絲 有麻油香，不錯吃。而炸物也不會油膩，春卷和腐皮捲香脆可口。另外，咕嚕肉和烤叉燒，涼瓜豬肚也很推~這些都是素食喔，但口感跟肉食也蠻像的。甜點方面，杞子桂花糕和椰子紅豆糕也很讚，還有小時候味道的芒果布丁。整體來說，店家的甜點也不太甜，清新順口。而1當天的飲品有羅漢果茶和雪梨茶，味道天然也不會太甜，感覺很健康養生。這家店的食物會持續添新的，也不怕太晚過去而沒有東西吃。原來他們也有做新年圍餐，個人覺得也可以考慮一下喔。他們新年期間還是有做吃到飽，但年初一當天的價格會有調整喔！要留意一下。