日山 (海運大廈)

營業中

休息中

Our experience was exceptional from start to finish. The staff were highly professional and even surprised us with a complimentary room upgrade. The food was delightful, especially the beef, which was tender and flavorful. Each course complemented the others beautifully. Above all, the welcoming nature of the staff made us feel right at home.

維港海景，秋色瑟瑟。食物水準高，服務人員稱心解釋每度菜，前菜生𧐢有驚喜。和牛壽喜燒如果熱D更隹。套餐份量足夠。甜品都不錯。不過海景位置有限。整體嚟講都值呢個價錢。

環境ok, book 左6:30 店員主動帶位到近海景位的位置，上菜時主動介紹每款食物名稱每道菜式的溫度上菜時適中，味道都唔會過鹹，整體用餐體驗唔錯。唯一美中不足的是，食和牛碎脆脆的時候比較狼狽，手殘既我跌到成身都係

❝東京一星米芝連過江龍Sukiyaki名店🔥🐮一試究竟～😳⁉️❞繼中環Wine and Dine之後 @diningcity_hong_kong 呢個月可以book到2024香港美酒佳餚巡禮旗下活動「品味香港Chill E.A.T.」超過300間餐廳低至6折既精選套餐優惠😍即日起做到30/11✨趁今次機會去左想試好耐既東京一星米芝連過江龍Sukiyaki名店 @hiyamahk 疫情前一席難求(宜家易book好多啦🫢)Dinner Set $1,198 pp.包7道菜 有2片大大塊A5和牛肉眼Sukiyaki🐮🔥廚師會幫你烹煮 但唔係席前而係喺餐廳大廳旁邊既煮食區🫢睇唔到烹煮過程 以Sukiyaki體驗嚟講有點失色🤔壽喜燒和牛片厚身大塊 好嫩滑軟腍入口即化 沾生雞蛋同配飯食一流🥰用上秘製壽喜燒醬汁 保留東京本店傳統正宗味道😚整體性價比未算高 lunch可能更抵食😳個人覺得比預期中普通 沖住「東京米芝蓮一星過江龍」嘅銜頭去可能會有點失望🥹但環境的確幾唔錯 望住維港靚景 haha Sukiyaki我還是想去轉日本食😆🇯🇵꧁꧁ ——𝓂𝑜𝓇𝑒 𝒾𝓃𝒻𝑜𝓇𝓂𝒶𝓉𝒾𝑜𝓃—— ꧂꧂📍日山 尖沙咀廣東道

休閒地坐在飽覽維港夜色的窗邊，品嚐著日本頂級和牛，讓人非常享受。餐廳的侍應和經理服務周到，每道菜上桌時都會細心地講解內容，讓我們更深入了解每一種食材的來源和烹飪方式。和牛的質地非常嫩滑，入口即化，煮得恰到好處，讓人忍不住想要再來一片。廚師在我們面前現煮Sukiyaki，精心掌握火候，並在客人吃完第一片和牛後，才開始煮第二片，這樣的安排讓每一口都能充分品味，時間配合得恰到好處。我們已經多次光顧這家餐廳，每一次都能享受到高品質的美食和服務。每次來到這𥚃，恍似是全新的體驗，令人期待。我們肯定會再回來的！

壽喜燒其實係色香味俱全嘅菜式，但係佢哋嘅做法雖然喺食用區即煮，但係上枱已經凍晒！！！而客人亦都睇唔到製作過程及聞唔到壽喜燒應有嘅香味，比起一啲中價餐廳，佢哋做法真係唔合格，雖然門口打卡位一流，但係用餐區，就好似food court😑還有，用餐的時候，有成四五個侍應企喺你身邊傾偈，亦都好有壓迫感，整體成個用餐感覺真係唔合格！請留意，假日去食壽喜燒，每人會貴$100 ，而下晝去食，唔會好似日本咁平過夜晚㗎🥲請留意呢一點😉

今日同我舊同事嚟咗呢一間餐廳食個lunch，順便最下舊，因為呢一間餐廳嘅環境非常舒服 ，之前都有其他同事推介，落地玻璃海景，真係令人可以有放鬆嘅感覺🙈🙈 餐廳嘅食物質素亦都非常高，我就叫咗壽喜燒A5和牛嚴選部位 ，價錢係$498🙈餐廳會首先呈上牛肉，我見到牛肉嘅油花比例分布非常靚仔，亦都覺得匹配上呢一個價錢，牛肉壽喜燒係我覺得最有驚喜嘅食物，佢加埋日本嘅雞蛋，同埋大蔥，入口嘅口感非常滑，而且可以食到牛肉本身嘅香味，牛肉嘅油脂分布非常靚，所以食落口嘅口感亦都非常好🙈 下次會嚟食埋佢其他唔同嘅套餐，唯一美中不足係價錢有少少貴🙈

✨尖沙咀海景🌊 關西風和牛壽喜燒🐮 東京米芝蓮日山🎋想食精緻嘅壽喜燒，總係喜歡返嚟日山🎋餐廳安排空間感同私隱度高嘅獨立廂房，屋企人可以舒適地享受靚景同美食😊對住咁靚嘅海景飲返杯飲品消消暑先☺️店員放低每一道菜後會介紹菜式，由右邊起開動：🔸前菜：梅子啫喱、冷盤菇類、茶碗蒸梅子啫喱微微酸甜好開胃，茶碗蒸好滑面頭係蟹肉絲羹。🔸是日刺身：不時轉款嘅新鮮刺身，用冰鎮住賣相精緻☺️🔸薄燒 A5 和牛海膽丼飯燒過嘅和牛片更能帶出油脂嘅香氣，和牛油脂配熱飯，入口即化🥹 🔸壽喜燒 A5 和牛片主角A5 和牛壽喜燒😍 店員會先拎和牛片俾你影相，和牛片嘅大理石花紋好靚，油花均勻而且紋路清晰，影完更期待快啲食😍影完相店員會拎返出大廳即席烹調，亦會留意你進食嘅速度，食完第一塊先煮第二塊❤️第一塊和牛片下面係配豆腐🤍和牛壽喜燒必定要沾蛋液，肉質超軟嫩🤤 輕輕嘴嚼和牛要溶響口了🥹 但唔會覺得肥膩🥹第二塊配吸滿咸咸甜甜壽喜燒汁嘅菇同芋絲❤️ 貓奴最喜歡係呢個汁配白飯😆🔸燒 A5 和牛西冷扒厚切嘅和牛扒柔軟得嚟較juicy，肉味更濃❤️🔸佃煮山椒鰻魚飯唔食牛嘅家人點咗鰻魚飯賣相唔錯，鰻魚好厚而且燒汁好似好濃郁。餐廳環境係日式庭園

🇭🇰東京米芝蓮一星 壽喜燒日式料理邊吃壽喜燒邊欣賞維景 美到不像話入口的竹林通道是必拍打卡位這次吃的是 日山•竹 套餐$988料理超合我口味 脆脆配牛肉碎很不錯前菜最喜歡海膽和牛他他 鵝肝和牛壽司鮑魚跟蝦很爽口主菜是壽喜燒A5黑毛和牛西冷和牛質素超高 而且很大塊原本以為只有2片很少怕不夠可是吃完發現已經很飽壽喜燒是師傅現場即時料理入口即溶 口感嫩滑還配上麵豉湯 和白米飯甜品裡粉紅鳳梨超級甜 好好味店員服務非常貼心 有質素

—🧊 冷豆腐 | 漬香菇 | 蟹肉茶碗蒸🐟 幽庵燒 鮭魚🐮 A5和牛肩胛2片 配野菜 | 蒟蒻麵🍚 日本米飯🍲 味噌汁🍨 柚子雪糕—最近心心想念 想吃壽喜燒🤤難得見到Restaurant week日山有Set Lunch 即book!🥳原來香港日山是日本本店進駐開的 配以由東京店空運到港的秘製壽喜燒湯汁烹調食材🇯🇵幽庵燒鮭魚很好吃 好香的 外皮脆卜卜 魚肉生熟度是剛好😇A5和牛肩胛2片以為好少? 但食多其實都好膩 2片剛好👍配蛋汁同蒟蒻麵兩款都好味道😋

今日試吓海景壽喜燒。餐廳嘅環境10分雅緻，有單邊海景，維港景色一覽無遺。餐廳裝修都10分簡單，但係點和風日式風格。午餐有九款價錢有238至498。壽喜燒A五嚴選部位$498 和牛約100克先送上前菜，茶碗蒸十分香滑，海帶清新，柚子汁配上金菇，味道鮮味又清爽。壽喜燒和牛入口香滑，和牛充滿油脂，牛脂甘香，口感柔軟又肥美，但又唔會油膩，加上生雞蛋嘅蛋汁，口感非常滑溜，味道濃厚，再配上壽喜燒嘅甜味送飯一流。第二件和牛用上洋蔥風味，這和牛同樣的美味，肥美軟滑的和牛，肉纖維很幼細，加上甜美嘅洋蔥和壽喜燒汁，再配上芋絲味道更加清爽，好吃。在吃一口香軟嘅白飯10分滿足。麵豉湯清清地，味道唔會好濃，入口暖和，感覺舒適。柚子雪葩柚子雪葩味道清新，入口冰涼，味道甜甜酸酸，十分醒胃清爽，而且有解膩嘅作用。正！吃個滋味午餐，看看海，享受慢活時光，再努力上班去。

個個都標榜日山壽喜燒好食，終於有機會訂到枱一試，但lunch食落呢個價錢感覺係應該有嘅水準，不過不失！前菜A5和牛壽喜燒這道A5和牛壽喜燒真是讓人驚艷！煮之前，他們會拿出和牛讓你過目打咭，讓你感受到頂級食材的尊貴。一入口，在嘴裡融化，加上蛋汁的淋餡，有點太流了，所以一份二人分享已經剛剛好。再加上一些魔芋絲、洋蔥和冬菇等配料，體現壽喜燒的表現。但以$498的價錢，只屬應有的正常水準！A5和牛扒反之，這道A5和牛扒有驚喜！油脂均勻地分佈，讓每一口都能嚐到和牛的濃郁風味。可惜的是，上桌後沒有多久很快就凍嚕，有點失望。訂枱是揀咗生日聚會，上甜品時貼心地寫咗Happy birthday，是豆腐雪葩簡單好味道！持平啲講句環境確實舒適，服務確實有質素，這方面加分加分！

我去之前係睇左好多好評才決定去. 不過, 這在東京有米之蓮一星的餐廳真係令人好失望, 中價餐廳表現得比佢好好多.是日和家人同去慶祝家父生日. 本來滿心期待食物豐富, 然而卻是一次又一次的失望. 全晚共付了$1,782叫了一個dinner set 和4個散叫的食物.本來門口的裝修是很不錯, 但坐下來就發現其抽風系統很差, 3塊用來煎壽喜燒的鐵板就放了在我們隔離, 侍應一煎那個牛肉, 煙就直沖到我們枱上來, 搞到我地一身油煙味, 影響食物觀感, 全晚濃煙不散傳來陣陣惡臭.先來個前菜, 正正常常, 但佢地都好唔大方, 比得幾條海草同牛肉碎再來一個sashimi, 嘩....一共3樣, 每樣得4塊, 仲要薄到得3mm /塊, 個盤就大, 啲魚生就少. 講真, 收個客$498加一比得8塊sashimi, 4塊海膽, 佢地都真係好離譜, 直頭係搶錢.  蟹肉豆腐, 西京燒同海膽魚生飯都只係正常味道, 但份量一樣都係少得可憐, 我怕我爸吃不飽, 自己只吃了一口飯, 其他留比佢老人家食. 西京燒我吃了一片, 冇錯, 真係得一片雪魚肉都覺得道唔錯, 係成晚唯一食得過既野.最得人驚係呢個豚肉溫野菜, 嘩!

Dinner 有3-4個sets 可以揀，仲有a la carte～由於我地差吾多830pm 先去到餐廳，費事食得太飽，就揀左個5品嘅<日山 梅> set。套餐包兩塊A5和牛肩胛位，你可以加錢升級到肉眼或西冷部位。開頭以為吾夠飽，但最後我係食吾曬個烏冬，可能我太夜食飯無meh胃口。整體我覺得係中規中矩，牛肉肉質係靚嘅，不過前菜三品好咸。

今次又係因為海港城coupon而食既餐廳。其實早兩年已經間唔時黎食，但當時一位難求。開關之後book位易左好多，今次揀左平日午市。日山午市有12:30及1:30兩個時段，1:30比較少人入座，餐廳安排了海景位，十分貼心。前菜分別有三款。櫻花蝦茶碗蒸好足料，唔會食完兩啖就冇哂櫻花蝦，蛋味都好香。中間既柚子味菇味道特別，但醬料未必貼菇好夾。煙肉薯蓉creamy香滑，唔錯。其中一個主菜係seabass。肉質嫩滑，味道不錯。但麵豉湯同飯既份量明顯比以前少左，但都夠飽。身2款主菜係最出名既和牛壽喜燒。燒之前職員會介紹肉同埋煮法。今次職員會煮到7成熟。佢地都好貼心主動分兩份比我地share。入口好滑又香，keep到水準，必食。甜品係柚子味雪糕，一如既往有柚子肉，雪糕糕身唔會過硬。1000蚊左右二人lunch係偏貴，但食物質素高，服務好，有coupon值得再次光顧。