施心畢老撾餐廳

營業中

休息中

從來無諗過去食老撾菜，亦對老菜的菜式無咩認識，但估唔到餐生日飯就走左去試🙈餐廳是位於威靈頓街的樓上鋪，沒有刻意的裝修。食物的選擇太多，有分素食及非素食，眼闊肚窄的我們兩個人點了四碟菜  ✦ 海鮮薄餅🍕賣相意想不到的特別材料絕不吝嗇，蜆肉及大蝦鋪滿整個表面薄餅是前所未有的口感非常的脆，而且金黃像蛋餅一樣，推介！  ✦ 香芒鮮蝦米紙卷🌯很清新的選擇，厚厚的一大卷味道清淡感覺健康  ✦ 扎肉撈粉想不到老撾的撈粉不會配搭一瓶的越南式甜酸醬但味道依然足夠粉是類似米粉的那種  ✦ 烤雞肉沙律🥗烤雞的數量比想像中多整體份量也偏多酸酸的很開胃  這餐生日飯雖然不是很豪華，但都非常豐富，能品嘗特色的食物，是一個不錯的晚上！

// ☺️本人現階段為「鍋邊海鮮素食者」，學習living & eating consciously 知道自己在吃什麼，盡量選對自己好的，請多多指教//一直想來試，因為很喜歡吃泰國、越南菜，我以為老撾菜也是差不多的味道，第一次來到試吃，是感到頗驚喜的。本來糾結一番要叫海鮮湯粉，還是炒飯，但原來有一整頁素食menu，太高興了！兩個人點了三個食物，店員不少溫馨提示，態度友善：兩個人點三個最多了，主菜份量大🔵鹽酥魷魚味道不過不失吧，😍但炸九層塔我是喜歡的🟢老撾特色素炒飯沒有想過是這個樣子的，非常豐富！一吃下去非常驚喜，首先，炒飯又脆又煙韌，應該是炸飯，椰味濃郁。配菜有些炒東西，素肉絲呀、茄子、炸油炸鬼等等，可想而知口感豐富。然而，隨著吃得越飽，越吃，越膩，口味太豐富，又偏油。不想浪費食物，但最後也吃不下全部了。建議要平衡一下油膩感，例如生蕃茄、焗蕃薯(可凍起來也很好起)、粟米、蘿蔔絲等等，一條生菜、兩小條青瓜不夠。🟢青椰綠茶店員也有友善提醒，椰奶先下一點，看自己喜歡多甜喝下去，原來是有泰國奶茶味的耶～有點解膩，是有趣的，不過甜飲我還是少喝。🔴雞肉全米椰子湯粉我試了一下湯底，椰味香又酸酸的，好像

之前曾看電視介紹餐廳，老闆對食物有要求，感覺很吸引。所以今次見到openrice有訂座優惠，就決定試試。我們剛到店時還沒有其他客人，相對上比較靜。燈光比較昏暗，地板有點油油的。明顯見到的枱上餐具有明顯污跡，沾滿油。菜式款式多，也有素食餐單。對食素之人也很友善。點餐時店員態度差，予人不耐煩的感覺，即使有問題問，也是敷衍帶過。是冧彈雞 $58熱食的時候雞是脆身，偏鹹，也有甜味。鋪上脆蒜等香草及香料，但雞肉本身過於濃味或脆蒜本身味道不重，所以沒有香草及蒜香味。吃一塊不會覺得太濃味，但第二塊開始已經覺得鹹，太濃味。配菜有茄子，但像油浸般非常多油，所以沒有吃太多。店家冷氣偏涼，食物上枱後大概15分鐘已經變涼，雞雖然仍然脆，但變得比較硬身。白咖喱豬頸肉見球 $76咖哩味不太突出，比較像是帶辣味的白汁。趁熱食的時候糯米飯軟熟，煙煙韌韌，有少許椰香，出奇地跟咖喱撘配。豬頸肉雖然沒有烤過的焦香味，但爽滑肉嫩，也不錯。薯角香脆好吃，有點油膩，吃幾塊已經不想再吃。可惜放涼後糯米飯會變得比較偏硬身，難以消化，配菜也比較油膩，容易食滯。老撾蕉葉烤魚 $20原以為以蕉葉烤會有一種獨特的香味，整道菜不像烤，應該是炸

第一次試老撾菜，遇上貼心老闆娘，好有耐性咁解釋俾我哋聽啲菜嘅材料同煮法👫🏻▫️Salt-Brined Seasonal Fish - 因為疫情關係，由凍魚變咗做煎魚，魚煎得好香無腥味。另上嘅汁有少少酸，可自行調味。▫️Seafood Crepe - 海鮮用料主要係魚、蝦、蜆、墨魚丸同埋魚腐。薄餅應該係用雞蛋同麵粉去煎，不過略嫌麵粉唔夠同埋過分油膩。▫️Seafood Rice Platter - 用料同海鮮薄餅差唔多，由薄餅轉左做飯。用料算幾多，有魚、蝦、蜆、墨魚丸、魚腐、茄子、生菜、青豆、煎蛋。飯係類似糯米飯痴痴地，再加埋香料，有少少辣，夠晒香又惹味。

我食的是家鄉魚肉椰子湯米粉，偏鹹難食。朋友話佢點的肉碎飯也不好吃，唔怪得全場只有我們一枱。下5茶時段並沒有下5茶價，一個餐牌午餐晚餐下5茶一樣。每人加一後85蚊，下5茶來說很貴了。其實，如果好食的話貴啲唔緊要，問題係，真係難食！真係唔明點解咁多個like?去隔離小雨天冇咁嬲！埋單後見到有一隻小小强在地上慢行🙄🙄……其實已冇嘢好講但要夠二百字先可以俾個喊，我又好想投一票喊，所以打多幾個字…………

同2位朋友到餐廳晚餐，雖然係星期日晚，但可能大家哈囉喂後都要休息下，所以好多空位。餐廳都因抗疫，而每枱都隔好遠，好適合吹水!老闆娘都好好吹水，好友善，整晚感覺都不錯。晚餐方面，叫左是拉差雞翼，係單骨嘅，好易食，味道夠入味!然後又有是冧彈雞見求，睇佢個樣仲諗住un un地，點知醃得唔錯，比想像中滑又淋!再嚟有推介嘅海鮮薄餅，可能第一次食，有啲開眼界，第一下唔知點落手，唯有同認知嘅薄餅一樣咁食吧又真係幾好食喎，估佢唔到有魚片，味道又真係夾!之後仲有個扎肉撈粉，呢個就一般啦。3人叫左3杯飲品，我就只可以評論自己嗰杯啦! 我嗰杯係青椰奶茶，想叫少甜，但老闆娘話叫我自己落嘅，點知嚟到係一杯奶茶同一樽仔白色奶，先飲一啖茶底，咦，竟然係泰國奶茶無糖版，又幻想唔到加椰奶係點，加少少，好香椰味!! 但唔夠甜，再加下加下，最後加晒先夠，又香又好飲，幾有驚喜!總結呢間餐廳係吹水不錯嘅地方，食物又比想像中好，有驚喜(睇完食評可能就無左呢個驚喜)以中環嚟講價格又真係好平!! 每人埋單$153。食完呢餐，又要做多啲運動先得!

今日係我地蔬菜花果四人組出動揾食嘅日子。重陽登高消耗不少體力，係時候補充一下。今次加埋兩位食得嘅老人家，應該可試多幾款菜式。今次係食老撾菜，香港比較少。地方唔大，環境算唔錯。看菜單好似越南或泰國的菜式。先嚟燒魚。Openrice有優惠。味道不錯，魚亦大條，配帶少少酸味嘅汁帶出魚鮮味。併盤有春卷，紙米卷，蝦餅等。炸嘢有水準，香口亦脆。招牌是拉差雞翼，帶少辣，甜味，適合送酒。可惜這裡唔賣酒。酸肉腸好有特色。海鮮簿餅餅底似可麗餅。有蝦，蜆肉，墨魚丸等。椰汁雞肉湯米，椰汁味香濃，雞肉夠滑。豬肉炒飯飯似飯焦豬肉燒得香口，仲有隻煎蛋。炸嘢算係呢間餐廳出色嘅，另外每樣嘢份量亦大，適合一班人分享。因為嚟之前係另一處飲咗嘢，所以只有老人家飲咗杯咖啡，不過不失。大家都覺得食得滿足，雖然炸嘢多可能會上火！

之前喺openrice見到有外賣自取優惠，係中環lunch hour 只要$19.9就有個lunch，所以我就經openrice個app到order。我大概提早半個鐘落order，咁lunch time就自己出去拎。餐廳位於翡翠中心4樓，搭lift上。之後，一開lift門就見到餐廳。由於我一早已order, 我講出外賣編號，職員就對單俾外賣我。外賣包裝用上openrice黃色不織布袋，好sharp又特別😂😍。唔會好似一般嘅膠袋咁易拎到手痛。是冧彈攬炒撈米粉($19.9)撈米粉配上雞扒，有香芧味，外觀一般。另外，米粉有乾蒜、蘿蔔、蔥頭咁。食落口唔會無味、乾爭爭，米粉本身已經有汁。 坦白講，米粉分量唔算多，女仔細胃口就Ok。

多得同事精打細算，喺中環番工都可以食到平得黎味道又唔錯嘅lunch。呢間就係其一。盛惠港幣38蚊嘅Openrice外賣自取抗疫優惠餐！手打牛丸全米湯粉！份量可能比起堂食少，但味道絕對對得上呢個價錢有餘。牛丸有咬口，夠彈牙，米粉唔會因為外賣由餐廳自取番到公司嘅十分鐘路程變得淋哂，湯底清得黎又唔會太咸！想減肥既女仔呢個餐就岩岩好！大食既男仔叫兩個餐都唔會肉痛！呢個抗疫餐抵到爛！值得一眾中環番工嘅打工仔一試！

Open rice order 雖然有半折🤣🤣🤣🤣。 但是超級難食。食左小小 然後就食唔落唔記得影相 絕對唔會有下次 印象裡賣相都係麻麻地 一開來睇就覺得冇咩吸引力 唔知其他好食嗎

老撾盤菜A $298蝦米青木瓜沙律——醬汁酸酸的 很開胃1/2透心蛋 X2——這是皮蛋 顏色做到好漂亮外面像啫喱一層是透明的 是特別的小菜之一煎花蛋——好吃的全熟雙面蛋 好香 很能配飯吃烤雞——雞皮很香 肉沒有很嫩 但幸好沒有到太乾老撾凍魚——很貼心 已經拆好骨 魚煎得好香肉好嫩這個超級大推薦 冷吃都沒有腥味 反而魚的鮮味很突出老撾豬肉碎包萋葉——加入了香味重的香葉配著淡淡的豬肉香 很有家鄉菜的感覺米飯 X2——健康的紅米飯 飯偏硬但很香是日甜品——甜品為芒果三色椰子糕質感非常煙韌淡淡的椰子香作為晚餐的終結很適合 .龍眼冰 $24龍眼茶味很香 甜度適中底下龍眼都很甜 喜歡～每次去泰國都會點龍眼冰.南薑香茅梳打 $24味道很特別 很地道的感覺香茅味很特出 辣味不會很重

(環境 🍎🍎)Lunch time，人流不多。裝修有d舊及簡單，適合quick lunch那類。不過門口有搓手液及消毒紙，抬面也有紙巾供應。(食物🍅🍅🍅🍉)似越南菜。味道似家常料理。OK好味的，但不算有驚喜。呢碟是 白咖哩豬頸肉見求 $78。完全冇咖哩味，似d “獻”汁。不過個飯是我心水，似糯米飯的口感，好吃。非常豐富的一碟飯，實飽肚。椰子湯墨丸粉 $68朋友說都好味，椰奶味好重。Lunch 包熱飲。呢杯似越南咖啡。我在越南飲過，品質比這杯好好多。這杯也加了煉奶，可惜個咖啡粉麻麻，水又不夠熱。個杯就好靚，吸引好多人叫。(服務🍎🍎🍎)基本上，老闆娘一個人處理樓面+外賣。都有另一個員工在，不過佢應該唔係幾適合做呢份工。整體 係服務好的。(價錢 🍎🍎🍎🍉)中環區來說，算平。可能欠宣傳，所以眼見外賣單也不多。

好唔衛生，就咁一碗粉放在門口的一張枱，完全唔蓋，又唔放入袋，暴露空氣中，估計放了5至10分鐘。先用蓋蓋好，花你1秒都唔肯？宜家咩時勢？以前幫襯時，外賣和堂食的客人也不少。現在呢？堂食一枱客，外賣3袋，好忙咩！？落個蓋都冇時間咩？唔知當時做野既係唔係老板，但就算只係員工，唔該注意返衞生，比味道更重要。

泰國、越南菜就食得多，老撾菜都係第一次食，都幾特別，不過口味同平時東南亞餐廳差唔多。一睇菜單，見到有樣野叫見求，鍾意試新野既我當然唔會錯過，另外叫左椰子湯全米米粉同網紋春卷。白咖哩豬肉見求口味好特別，用左好多香料，不過未必人人鍾意。雖然叫白咖哩，但一d都冇咖哩味我最鍾意就係有好多配菜，豐富得黎又感覺好健康。全米米粉真係好香米味仲有淡淡椰子香。網紋春卷脆口得黎又唔會太油膩，值得推介。呢間餐廳另外一樣特別之處就係佢只收現金或者AE卡，唔收visa/master, 去幫襯既朋友要留意啦。

🙈偏咸老撾菜·🥢是冧彈雞全米湯粉（$78）完全係因為是冧彈而點😂😂米粉份量頗多，湯底淡淡椰香🥥味道較淡～食件雞扒就明點解個湯淡而無味⋯件雞咸到腎虧🤢唔浸下湯真係搞唔掂🤐·🍚老撾豬肉碎太陽見求（$78）朋友點的.睇落幾吸引（因為有🍳👻）肉碎送飯一流·🐥是拉差牛油雞翼（$48）開邊單骨雞翼方便進食～但醬汁太多了，咸到腎虧again....偏甜，唔推薦🤖·☕️老闆娘紅豆水（無糖）🥤紅奶茶·📍 施心畢老撾中環威靈頓街98號翡翠中心4樓