方榮記沙嗲牛肉專家

營業中

休息中

方榮記個大名我相信大家都一定聽過，就算未食過都可能係大大細細的電影或訪問裏過見識過。沙嗲鍋，牛肉，公仔麵，鐵三角！方榮記之前有來過，今次主要係想重溫一下個沙嗲麵。由於阿辣妹唔係一個牛魔王，所以我和她打邊爐基本上都會豬肉為主。 如果沙嗲湯基本上都唔需要多講，以食材來說基本上全部都係中上等次，唔好睇個韭菜餃係急凍貨色，入口其實都係冇得頂。水魷貢丸豬肉脆肉鯇全部都10分新鮮，今次主要真的是想重溫沙嗲面，但是有點兒失望因為忘記了點炸魚皮，下次一定要encore。🥢 這一餐是瘦身拍照前的魔鬼火鍋，希望過了那天之後可以再來填補空虛。📷

今日嚟到九龍城搵嘢食，揀咗呢一間方榮記沙嗲牛肉專家，之前都聽聞過佢用沙嗲湯底打邊爐好正，今日嚟食午餐就試吓個沙嗲牛肉麵啦。湯底方面，係好濃郁嘅沙嗲湯底，將啲面沾滿沙嗲汁，食落有啲花生碎，超級惹味！！牛肉係本地手切肥牛，好高質，幾有牛味，份量都幾多，仲送多兩條生菜😂加咗一個天地1號，爽呀！個沙嗲牛肉麵真係好好食，唔怪得要買成70幾蚊一碗，真係一分錢一分貨，我覺得都值得一試嘅😝如果黎開九龍城就真係要食返一碗喇

好多年無食過，而Honey話未試過，咁就同佢嚟試吓呢到馳名嘅沙嗲湯底火鍋。晚上正值7點晚飯繁忙時間，可能因為疫情有關，所以連位都唔使等，坐低二話不說就先叫咗個沙嗲沙底先。而呢到一向嘅壞習慣就係點都會拎盤菜問你要唔要，雖然點都會叫菜食，但呢一個動作其實都幾令人反感。叫咗個大嘅手切牛、桶蠔、水魷、（冰）鮮帶子、鵝腸、百葉心、蘿白。手切牛無牛味，係一丁點都無；桶蠔唔知咩牌子，隻隻都超多沙（冰）鮮帶子，點解括住個冰字，因為張點菜紙寫住鮮帶子，我以為係一碟兩隻嘅鮮帶子，點知上到嚟一睇就見到係冰鮮！蘿蔔就苦到食都食唔到鵝腸、百葉心同水魷算係比較正常以上嘅都算數，說好的馳名沙嗲湯底，老實講，如果我從來都未食過嘅話，我會覺得過湯底好一般，但我幾年前食嘅沙嗲湯底係超濃超香沙嗲味，但今次食係毫無沙嗲味，仲要加錢要多份沙嗲汁，加哂落去都唔及我當年食嘅味道。講真，雖然兩個人食八百幾蚊唔係貴，但我早排都係比呢個價錢喺大角咀食文xx火鍋係好食好多！

天氣開始轉涼好想打邊爐依間都唔係第一次食次次黎都係為左個沙爹湯底~依個湯無論係加粉絲定係公仔麵都喺勁好食！！同埋價錢好實惠我地四個人食到好飽，有d都食唔曬都只喺1000蚊主要推薦沙爹湯底！叫左手切牛肉

方榮記這個名稱相信對大家都不陌生，在大大小小的訪問、電影、電視劇、都一直是常客。他的招牌沙嗲鍋加肥牛加麵，相信在出面的火鍋店和茶記應該找不到這種質素。平時多數嚟都係食午市佬飯， $30大大碟，邊度搵？ 尤其是任何有牛肉嘅麵飯，都是他們的牛肉頭尾切出嚟的散肉，正。今次約好咗阿辣妹食個豐富午餐火鍋，一係唔食一係就去盡啲，決定來過邪惡的方榮記。火鍋主要都係食材，湯底到咗即刻放低一個雜菜籃，夠誠意。叫咗貢丸，韭菜餃，金菇菜，黑毛豬肉片，水魷，脆鯇腩，雞肉片，大光面。可以先看圖識字，大致上冇一樣野需要投訴，唯一就係脆鯇腩可以再脆啲，韭菜餃係急凍嘅。基本上沙嗲湯底煮乜都好食，特別係佢個麵，其實你放乜嘢麵落去都贏。會選擇encore，希望有機會試吓$2500嘅牛肉王。

第一次去食朋友介紹，原來唔係淨係諗住叫沙嗲湯底，因為我哋人多諗住叫多個湯底試吓。我選擇咗番茄湯底！👎🏻👎🏻🤬🤬🤬嚟到之後眼都凸埋，乜嘢事？你肯定係湯底？（呢個時候梗係去問下職員，點知仲串串共，我哋不嬲都係咁，😳清水+番茄=湯底）重點呢部咁嘅嘢$60（咁嘅湯底）你態度好啲都冇乜嘢，成煲嘢冇食到！因為同清水冇分別！

方榮記沙爹火鍋.知道九龍城出名沙爹鍋湯底最正,由於各種原因,BOOK MARK左好耐,在上星期六,終於試到, 一行3人, 晚上6點半已經到達,由於疫情及落雨天,不用等位直入, 職員做了相應防疫措施(登記會員, 探熱, 消毒雙手), 我地坐近廚房(對著門口右手邊), 一坐下冷氣風都幾強, 吹到好凍, 急忙落了單, 鴛鴦鍋(沙爹, 清湯) ,菜一碟(細) , 頂級手切牛肉 $298, 魚蛋,雜錦併盤, 墨魚滑, 胡椒豬肚丸, 想叫炸魚皮,點知無,唯改為響鈴, 一個伊麵, 一個公仔麵。最後7點23分火速食完, $7xx賣單走人,因為太凍了, 沒有火鍋既煙住真係頂唔順(備註:已經著左一人一年長袖外套),實在趕客.整體來說, 沙爹湯底好香花生味, 清湯亦不是清水, 是老火湯另加上大地魚干, 除了湯底值得一讚, 就是牛丸夠味, 其他都不如想像般好味及不敢推介, 建議大家叫沙爹湯底 (50)+麵+普通牛肉片,最多加條菜。古老的待客服務態度及方式,加上冷氣設備太舊,故未能調節適當溫度,讓食客能舒適地食一餐.試過便算.

方榮記最出名嘅就係沙嗲牛肉，其實平時嚟幫襯火鍋比較多，但係而家疫情,唯有忍下口啦,因為都唔想做邊爐家族。但係又真係好想食沙嗲牛肉嗰個汁喎咁點算呢，最後我決定有錯過無放過，一於沙嗲牛肉炒麵都照殺。可能平時大家食沙嗲牛肉湯河或者湯粉就食得多啦，炒麵你又試過未呢？可能你會奇怪點解我會係叫炒麵而唔係湯河，但係我咪講咗囉因為我真係好鍾意嗰汁啊，如果我叫湯河咪會削弱左個汁嘅味囉！！！我想講佢個沙嗲牛肉真係好好好好好好好好味呀，依個炒麵其實係非常之香脆而且係唔油㗎！！乾身嘅炒麵再配上極之香濃嘅沙嗲牛肉，一絕。唯然唔可以打邊爐但係都過足口癮😋 都算完成咗心願啦！

1/5方榮記真係差咗好多，湯底大不如前，材料又普通，有啲直頭唔得，魚皮都差咗但還可以。仲要好多隻大曱甴響樓上，嚇到我飯都食唔到。Fang Rongji is really bad, the soup base is not as good as before, the ingredients are ordinary, some are straightforward, and the fish skins are all bad but ok. There were so many big bells rang upstairs, so I couldn't eat my food.

鑱咀萬萬歲!🙌🏻🐭 “方榮記”萬歲！..🐭方榮記喺九龍城屹立多年，主打沙嗲湯底火鍋，亦有小菜，充滿港式大排檔風情！..🐭沙嗲湯底價錢大眾化，只係$60一煲。真材實料，超級濃郁！味道方面，食神鼠覺得其實比較似擔擔面湯底多於沙嗲，因為裏面有大量花生醬及麻醬味道，超級惹味。但亦有個壞處，由於真係好”杰”，所以好快會癡底，要不停搞住。..🐭火鍋食材方面，由於價錢真的很大眾化，所以並不能與高級火鍋店嘅食材相提並論。最優秀當然係大光面！即係即食麵，配上沙嗲湯絕對係港人最愛！另外，粉絲丶菜類，呢啲比較能索湯汁嘅食材都非常匹配。手切肥牛有啲失望，冇牛肉味，肉質較硬。海鮮類有少許沙，新鮮程度一般。..🐭食神鼠到方榮記滿足一遊，拜拜👋🏻

呢一間頂頂大名既九龍城邊爐相信好多人都識啦，聽講佢個沙嗲湯底好出色所以過嚟試試佢。·七點幾食飯，人流唔算多，唔知係咪如果質素又差咗呢🤨·是但啦，四個人食咗千幾蚊，但係性價比就一啲都唔正😰同大家分享一下自己個人嘅感受，令大家唔好盲目咁跟風。·首先當然係佢哋最出名嘅沙嗲湯底，聲稱非常之濃郁，配埋肥牛一齊食責任。但係，事實上，假㗎！我沙嗲湯底一啲都唔出色，而且味精味好出。濃得來非常之頸渴，根本就唔值得特登過嚟食😟覺得塘牛嗰個沙嗲牛肉仲好食啲🤔·配料方面，價錢唔平但係勝在單品入面都有幾多份量。最好就叫多啲人嚟食啦，如果唔係兩條友食就一定叫得好少野～呢個可能係營銷策略不過我就覺得有啲貴啦～·質素方面，肥牛、竹笙、生根、炸魚皮、餃子就中規中矩，唔會有一樣令我覺得嘩好味喎嘅感覺🙃應該係我期望太高搞到而家失望太大🥵·總結來講，只可以當佢係一般打邊爐嘅街坊質素，同酒樓打邊爐嗰啲有少少似。如果你係超級鍾意食沙嗲湯底嘅人，可以一試。但係對於我唔係沙嗲同埋來講，我只可以話唔使特登行去或者搭車去食，浪費時間。-沙嗲湯底美國肥牛竹笙炸魚皮豬紅餃子生根-方榮記香港九龍城侯王道85-87號地下-

這家位於九龍城的方榮記火鍋店已在區內有幾十年歷史，我們有空也會約朋友來這裏吃吃。今晚我們有約了四位朋友一起來這裏吃火鍋。我們點了不少美食。手切牛肉想來的時候感覺比以往份量少了，而且牛肉比起以前的顏色沒有那麼吸引。吃下去，牛肉不夠嫩滑，但配藥沙嗲汁湯底一起吃味道還是不錯的，之後我們還加了公仔麵，面很好吃。雞子和魚膘是我小時候最喜歡吃的東西，無論放在清湯還是放在沙嗲汁當中，都一樣令人回味。其餘我們還叫了雞肉、響鈴、餃子、蔬菜、魚片，整體他的食物都十分新鮮，味道不錯。

近來迷上沙嗲. 部電話又好似偷聽到我講野咁FEED咗方榮記既新聞出嚟. 去過九龍城咁多次都未食過. 因為次次行過我都覺得佢似粥店/茶記. 而每次行過都好多人等. 更加無興趣入去. 今次總於比篇報導吸引咗, 決定訂位嚟食準時到逹, 可惜前面既枱未走, 唯有再等下. 結果等多咗大約30分鐘先有枱比我地入今日嚟既目標明確, 就係沙嗲公仔麵同埋炸魚皮.  其他就等朋友發板.先嚟個鍋底,  好濃既沙嗲味, 一到已經勁想放個麵落去.  叫既野太多. 以下一次過講食後感. 第一個感覺係, 佢既價錢定位好得意, 有D野好扺食, 好大碟, 例如$48勁大碟鵝腸. $30蚊一大碟水餃, 連魚腩都只係$30蚊. 但珊瑚蚌就$78得4舊喎, 都唔知應該叫扺定唔抵炸魚皮, 可能我地嗰碟魚皮有硬骨, 好難咬, 好硬. 無人地形容得咁好食, 就算放咗落湯, 都係難咬.....個沙嗲麵就真係唔錯. 個麵吸哂個湯, 正呀. 

🥘沙嗲湯底 $60 🍜頂好大光麵$15 🍄金菇$30.終於試到傳說中嘅沙嗲湯底😆果然好足料，又濃郁又稠厚，鍾意沙嗲又鍾意濃味嘅真係冇得輸！重點一定要試大光麵，麵質彈牙又掛湯，索晒沙嗲湯嘅精華🤤另一個入味之選可以叫埋金菇，又係幾夾👌🏻🐮星級牛肉 $298 🐟炸魚皮$40.有朋友carry嘅關係今次食嘅牛肉又真係幾掂🤩😜睇落雪花幾靚仔，肥瘦適中👌🏻而且牛味都濃郁，配上咁重口味嘅沙嗲都冇話完全蓋過肉味，而家肉質嚼勁但唔會靱👍🏻.之前聽講過呢到嘅配料唔係樣樣掂，所以我地order得都selective嘅，但另一樣必點就係炸魚皮！雖然佢真係好香脆，但有魚骨嘅部分真係好硬，咬到牙都崩嘅感覺，可能再浸耐啲會好啲😂

我地呢兩個人 每次打邊爐都唔可以叫到一個準確嘅份量🤔。Haha 今次係Oppa最快最快叫投降嘅一次😆皆因全部野都大大碟。呢間野 久仰大名 不過又未至於出面吹棒嘅程度 個沙嗲湯底 配大光麵同午餐肉係一流 桶蠔好正 黑豬肉正 星級牛可以 。講到尾 火鍋我都係麻辣L 完。