方叔叔重慶老火鍋 (創紀之城五期(apm))

營業中

休息中

🌶 麻辣鮮香重慶火鍋🌶 前身是渝味曉宇的火鍋店改名方叔叔，同樣主打重慶老火鍋，名字變了，但味道依然不變。🍬 進店後店員會提點客人在醬料中加入香油及蒜蓉可減低吃辣對胃部的刺激。再遞上微甜滋潤的紅棗雪耳糖水，讓客人先養養胃。🌶🐔 湯底 ($38/位）揀選了一個雙拼鴛鴦鍋 - 普通辣大紅鍋配養甜花膠雞鍋。✨ 有辣有不辣，愛吃辣的朋友可選擇把肉類、丸類在辣湯裡燙，乾辣椒、花椒加上牛油的香氣撲鼻，麻辣鮮香，非常惹味，實在愈吃愈過癮。女生愛滋補，花膠雞湯底適合燙蔬菜，有效中和辣度。雞湯內已配雞件和花膠仔，滋補美味。🐮 美國Prime牛小排（半份）$138牛小排雪花紋清晰，牛肉新鮮牛味濃，誠意推介。🪸 桂花蚌（半份）$88桂花蚌入口不像珊瑚蚌般單一只有爽脆感，還加多一份幼滑感，新鮮味美。🦐 手打四寶丸（一份）$108有牛丸、蝦丸、鰻魚丸和墨魚丸，墨魚丸入口彈牙，帶帶墨魚粒粒，是幾款內筆者最喜歡的款式。🦐 手打魚籽蝦滑(半份）$58手打魚籽蝦滑，爽滑彈牙，同樣可點半粉。🐷 重慶炸酥肉（半份）$38酥肉本身已熟，可以即食，也可以在湯底稍燙幾秒，香酥美味。🌱 現炸豆皮(一份）$68即點即炸，大大片的豆皮就

晏晝想打邊爐🥘但又唔想食咁貴 見到有一人火鍋 價錢合適 所以我哋就去咗依間餐廳試吓🤓🤓✿ 午市一人火鍋 ✿ [$98]鍋底：重慶麻辣湯🌶️加番茄湯🍅主料：曉宇嫩牛肉🐮主食：曉宇苕粉（即寬薯粉）配菜：脆皮腸 凍豆腐 金針菇 蝦🦐兩隻 娃娃菜 炸芋頭 牛丸 萵荀片 蟹柳 午餐肉 芝士丸依個一人火鍋🥘可以一個價錢享受不同嘅食物 👦🏻食量都比較大 我哋兩個都覺得幾飽肚🫃🏻 食材都係比較新鮮 蝦肉🦐彈牙 略嫌牛肉份量較少得三塊左右 不過真係幾嫩滑😋 湯底可以選擇鴛鴦­­鍋或者單一湯底 而且台上有供應醬料🧂 唔使離開自己嘅位🪑★好食指數★：7.5/10★服務態度★：6.5/10★CP值★：7/10★加一★⚠️供應時間：星期一至日中午12:00至下午17:00⚠️

今次我嚟咗方叔叔打邊爐， 其實中午有午市套餐， 不過我哋驚唔夠飽，所以就散叫😂 不過我哋後尾發現， 散叫價錢貴，而且更加唔夠飽😑😑😑如果要一人套餐嘅話基本上百幾蚊一位，仲有個麵俾你，應該塞得飽😂我哋腦入水就散叫咗8樣野， 每樣都係半份半份，我哋兩個女仔食落去都唔夠飽，食完仲好肚餓， 埋單已經五百幾😂所以散叫唔抵...講下佢個湯底先， 我覺得佢個湯底都ok，菇湯真係有菇味，清清淡淡，感覺唔錯✔️另外叫咗個重慶辣， 我哋初初仲驚會唔會好辣，不過發現都係就返香港人口味，唔會好辣😑同正宗嘅重慶麻辣火鍋仲差一大截！比較失望~火鍋配料一般都比較細份， 可能我哋係叫半碟嘅關係😂食材嚟講都算比較新鮮，亦都唔算太差！我哋自拍嘅時候，店員仲會主動過嚟幫我哋拎相機影相，而且我哋食曬啲嘢都收碟收得好快， 服務態度幾好~ 唔知係咪因為我哋比正價食嘅關係， 不過無論如何，都加分嘅😂😂如果下次再去， 可能我會試下一人火鍋，至少應該會飽啲！今次我哋食唔飽，另外出去再食其他嘢算😂😂#火鍋 #打邊爐 #打卡餐廳 #方叔叔重慶老火鍋 #肥牛 #牛肉 #豬肉 #丸 #麻辣 #菌湯 #黃怪獸 #黃怪獸覓食 #yum #yummy

名字雖變 味道依然 仲有燕餃番左唻 又多左新嘢食 觀塘店依度既員工仲每位都好nice好好人 服務態度超級好 午巿晚巿都一樣好食 大家都唔知改左名 我哋依然每星期唻食1至2次 每次都食得好開心 🥳

食物質素高👍🏻環境舒適、員工態度有善，味道一流一坐低侍應就會比碗紅棗糖水暖下胃～之後開動麻辣火鍋，麻辣越滾越麻…非常過癮！ 二人餐每款分量唔算少，兩個人食到捧住個肚走

又到了每星期一次既飯堂時間，每次必到方叔叔食，今日試左2人餐，叫左個花膠雞拼麻辣湯底，推介必試花膠雞湯，好足料（有花膠，雞同火腿，無味精），麻辣湯係本人覺得食左咁多間火鍋，係最好食。點左嫰牛肉（家人好鍾意食佢）,魚籽蝦滑（有鮮味）,鴨血（必放麻辣湯），黑豚腩肉（食落去又唔會肥）,五餐肉，珊瑚蚌，毛肚，仲有紅糖冰粉。鱔片都係每次必叫。至於服務真係唔洗講，講真呢到既待應真係好好，好有禮貌，而且每次一坐底就會先奉上糖水（等我地暖下個胃先食野,好體貼）環境，需然地方唔算好大，但係坐得好舒服，而且張枱都夠大，可以放到好多食物。總括黎講，方叔叔真係我食火鍋既首選。

👍👍👍非常高水準嘅重慶火鍋店。今日到此一試，大讚👍食物及服務一流。食物方面，非常新鮮、豐富及美味。最高興係見到我喜歡的「腦花」，之後叫咗一連串我至鍾意的食物，例如嫩牛肉、桂花蚌鮮黃喉、鮮魚膘、稻田毛肚、手打蝦滑等等。服務方面，服務態度一流。店內一位男店長（記得搵佢佢太好）與他們的同事們都非常親切及體貼，對每一枱的客人服務態度一流（讚👍）。最後我一定會介紹給我的親戚及朋友到來一試，而我都必定會再來幫襯。APM分店亦都係我推介之一😊交通非常方便，搭交通工具或揸車都方便，必選APM 此間分店👍👍👍

這是一間非常高水準的重慶老火鍋店鋪。今日與太太到來一試，食物非常新鮮及豐富。最高興係見到我喜歡的「腦花」。於是就叫了一連串我喜歡的食物，例如鮮黃喉、鮮魚膘、嫩牛肉、稻田毛肚、桂花蚌、手打蝦滑及牛蛙等等。而今日店內坐滿人客。而店內一位相信係店長的男士與他們的同事們，都非常親切地招呼每一枱的人客。食物方面 ，非常美味。這一間火鍋店，我會介紹俾我的親戚及朋友到來一試。而我同太太都大讚食肆的食物同服務，必定會再來幫襯。而APM分店，交通非常方便，就算乘車或揸車到來都一樣，所以APM分店亦都係我推介之一。

由渝味曉宇到而家轉名改做方叔叔，已經係第N次黎食㗎喇，但係耐吾耐就會心思思要再來食㗎啦😙D食物好新鮮，D服務又好親切😘D湯底既辣度又好啱自己食🥰最好就係半份都有得食，食多幾種款式都唔怕飽得滯👍🏻而且耐唔耐仲有時令食材俾我揀吓😍我自己超喜歡食呢間火鍋爭啲漏咗啲甜品，係我每次都好期待既完美句號

前身渝味曉宇，而家改名方叔叔易記好多🤣自問係香港食過唔少麻辣火鍋店，但令我一去再去只有呢間！坐得舒服、湯底唔係得一片辣油、食材飲品多選擇、份量有半份揀、員工都有禮，暫時諗唔到有第二間贏到🤡已經介紹過好多身邊人食，feedback都係正面👍🏻👍🏻另外佢近期有做生酮湯底，好驚喜keto人都可以出去打邊爐！而且仲會提供keto豉油，絕對可一試👍🏻🌟個人推薦🌟☑️貴妃蚌☑️滑牛☑️黑糖糍粑！！！☑️功夫萵筍片☑️苕粉！！！P.S. 標題好似誇張左但無吹水😂

服務態度良心！食物比以前更好選擇！環境舒適寬敞！同朋友都食得好開心～ 😌😌😌😌👏🏼👏🏼👏🏼👏🏼👏🏼👏🏼👏🏼👏🏼👏🏼😊

我經常一個人來這裡打邊爐，食物款式多，而且可以叫半份，啱啱好 。坐位舒適，好大，有sofa 坐！而且乾淨，岩唒最鍾意打邊爐既我！湯底一流，大家一定要試！另外，佢哋有特色甜品，普打邊爐係食唔到！

方叔叔(之前叫渝味曉宇)係我香港最鍾意食嘅火鍋餐廳！火鍋底夠辣亦夠香又唔會淨係得牛油味，如果你食得好新嘅話一定要試九宮格，我食過一次半路就收咗手😂😂之後都係乖乖嗌返普通辣。大部分食物都可以叫半份，啱哂啲眼闊肚窄嘅人例如我🤣🤣我推薦佢哋個炸酥肉，係即炸嘅每次都好酥脆，浸落個麻辣煱三秒再食或者就咁食都好好食^-^～食物新鮮選擇夠多，環境非常潔淨同坐得舒適，員工又nice從來唔會扮睇你唔到，非常推介大家嚟食！中午都有一人火鍋，自己食又得～

已經食過好多次。食物keep到質素👍👍👍觀塘店服務仲好好，收碟加湯都超級快。推薦佢哋嘅豬骨湯湯低濃厚👍有大大舊豬骨一齊焗，可以愈煲愈濃。麻辣湯更加係必食😋所有食材都吸到湯底嘅味道！