新香城餐廳 (已結業)

今日天氣炎熱，唔想出街吃午餐，於是在新香城叫了一客又經濟又好味嘅芙蓉蛋飯。叫外賣其中一個好處就是不論餐廳有多少人或有幾乾淨，都可以外賣拿回家慢慢吃。這個芙蓉蛋飯其中一個特點是方便進食，因為是不需要用快子，只需要用一支匙便可順利吃完這個飯，很方便的👍

將軍澳人難得去荃灣覓食， 當然想搵啲抵食又有特色嘅餐廳， 嗰日同親戚行街就見到啲間， 佢話前排搬屋裝修嘅時候連續幾個月日日都食， 見佢高度推薦就一於試下。入到去叫咗個勝瓜牛肉湯飯， 份量同一般茶餐一樣大大分， 面頭鋪滿勝瓜片同牛肉片， 勝瓜節瓜籽唔苦👍， 浸喺鮮味嘅魚湯裏面， 好有住家飯嘅感覺， 一啲都唔覺有味精， 好啱我這些追求健康飲食嘅人， 不過牛肉就稍為醃得太耐， 唔太新鮮， 失去牛肉本身的質感和鮮肉味。至於餐飲值得一讚， 凍奶茶中奶和濃茶的比例剛好， 幸好叫了少甜，否則應該甜得不得了， 所以大家記住要叫少甜！整個餐一共$44， 考慮到分量和質素， 這間算是不錯的茶餐廳！😋😜

我地一行四人，一坐低就比阿姐追我地落單，係一坐低攞，連餐牌都未睇到。我地話等陣先，阿姐就鬧人：「快d啦！掛住睇手機！」 ，我地心諗，全世界個個都係咁架啦，有咩咁急呀？！然後，我地冇可能四個人睇一個餐牌架，問阿姐攞多個餐牌，2人share睇都易d吖，阿姐竟然完全唔理我地，然後轉頭又過黎追我地落單！ 後來，聽到阿姐鬧另外一個食客婆婆：「頂！無啦啦做咩調位呀！」 呢d咁既服務，無論d野食如何，都唔會再光顧，更何況食物質素只係一般行貨。

斑腩得DD魚肉落太多粉...炸到太硬...似食粉粟米汁太少得DD好薄係面,又涼涼地有奶荼跟(普通...不過太多奶LA果然食焗猪扒會好D因為焗猪扒D猪扒十分唔錯飯方面...又係好硬不過D汁OK嫁

我本來對呢間茶餐廳好好印象的, 但呢一日, 我去買下午茶吃, (外賣自取) 居然等左我大約 15 mins呢個係 -- 熱檸水 + 吉列魚柳薯條真係差到極點1. 薯條 - 比個盒焗到淋晒, 開左洞都無用, 因為佢地居然上左餐先, 等多成 5 mins 先出餐飲!!!!!!2. 魚柳 - 炸到乾晒3. 熱檸水 - 咁簡單仲死, 佢有好嚴重既檸皮苦澀味大家一定諗我會唔會等左好耐先食啦, 其實, 我行返公司, 都係 1-2 mins, 我就係怕等佢地等得耐, 先自取外賣加我 $ 4!!!! 居然係我等呢個下午茶餐既時候, 親眼見到, 堂食既人, 遲過我到, 食物上得仲快!!!! 咁點解我要加 $4, 我係堂食仲快, 仲好味啦

第一次幫襯,亦只係食早餐,份量還可以,食物味道只係一般,冇水準可言!但服務就奇差;當日食早餐一行幾個人因爭取時間叫個waiter攞多個餐牌幾個人分開睇咪快d落order啦,點知個waiter態度好差唔比,我地坐果張檯當時附近3,4張檯都冇人,遞都唔遞多個餐牌比我地,個位哥仔waiter話唔比就唔比,呢種服務態度一絕!

麗城附近食肆不多，競爭不算大。以茶餐廳而言，就只得兩間，一間是老街坊，另一間則是新香城。前者服務惡劣，食物也不突出，所以人客愈來愈少，益晒新香城。參考日曆，是日大事勿用，煮飯也不宜(講笑唧)，叫外賣搞掂。搵番張外賣紙，苛打幾個晚餐。選定了八珍豆腐、京都骨以及粟米斑塊，套餐有跟飯和例湯。例湯是豬骨湯，只得幾件骨，沒什麼料的。喝一口湯，淡茂茂的，似是加了水，犯了典型茶記的弊病。餸也幾大份，有好多件豆腐。豆腐吸收了醬汁的味道，幾入味，不會酸；還有些磨菇及肉絲等，送飯不錯。茶記做斑塊，用的一定是雪藏魚。惟這裡的魚炸得幾鬆化，魚肉不會死實實，同埋淋上大量的粟米汁和粟米粒，頗開胃的。個汁不太杰，亦不是稀稀的，調校不錯，送飯又係掂。京都骨肉質鬆化，邊位些少燶，口感甚佳。醬汁酸酸甜甜，還有脆口的洋蔥，都幾滿意。　食物確實比老街坊優勝，下次如果叫外賣，仍會選擇這裡。

十月八日, 今日特登攞咗假陪媽子去做磁力共震, 跟手去咗二家姐屋企探吓兩個姨甥仔, 因為好似好耐冇見過佢哋咁,同埋媽子話其實佢兩個好悶, 如果見到有人嚟探佢哋, 佢哋會勁開心。不過去到佢哋家附近, 先知原來兩兄弟都去咗上興趣班, 咁啱我又肚餓, 媽子就陪我去咗附近呢間《新香城餐廳》食嘢,仲介紹我試呢度既海南雞飯 ($40), 諗住好得啦, 因為媽子啲口味同我差唔多,點知......... 啲飯一嚟到媽子已經話差咗, 因為個飯唔係用雞油煮架! 白雞嚟既?!!同埋啲雞已經冇咁好食, 冇乜雞味, 嘩! 咁真係唔可以叫「海南雞飯」架喎! 唉... 勁失望... 更詳細資料及圖片請看 : http://hk.myblog.yahoo.com/joycewai616/article?mid=11412