影片
由於唔想食連所店關係，冇選擇之下簡在D間新香城，叫左個班腩炒河，買相尬PK啦，班腩得4塊，唔夠食😂😂😂個河粉底有炒過，D汁都夠多，不過味道略為清淡左D，唔係太夠味，檸茶就正正常常
繼續閱讀
好耐未試過一間咁差服務態度嘅餐廳侍應三番四次見到嗌落單扮睇唔到行緊過嚟落單轉頭又走去第二度明明間餐廳得幾枱客送嘢食過嚟將碟野一野飛落枱嗌個煲 啲油仲多過餸攞完個煲過嚟 飯又唔俾叫佢幫手攞 聽完之後又扮聽唔到自己攞又俾人喝另外一碟炒嘢啲餸又燶哂貼錢買難受一樣價錢我去隔離太興燉奶佬都無咁激氣
繼續閱讀
麗城茶餐廳新香成坐落位置非常顯眼處於麗城人來人往正中位置吸引區內客經常幫襯每刻都一定見有客人在內進食鋪內坐位亦算寬躺環境尚算乾淨企理經常有呀姐清潔食物方面：下午茶叉燒粒炒飯叉燒粒份量不算孤寒飯身炒到粒粒金黃分明蛋炒飯有蛋香味道不算太咸 有鍋氣下午茶粒粒西多士份量偏小 較孤寒並非傳統兩片多士炸完夾埋就咁上而係似新派切到一件件咁疊上有小小整色整水之言實情減料 如件數多返啲 冇咁孤寒會更好落單等了很久才送到問落伙記話係即叫即整食落都似嘅
繼續閱讀
呢間舖係麗城花園開咗二三十年，係街坊都應該冇人未食過！不過佢哋嘅環境衛生就每放況越下。佢哋啲嘢食普普通通，熱奶茶嚟到係暖嘅，叫佢換過杯都係唔熱嘅，仲要有啲濕濕地飯係隻碟上面。。。環境污污糟糟，地方濕濕笠笠，叫杯熱水都叫客人自己過去熱水爐度斟水，知唔乜嘢叫做危險？間舖仲有勁多烏蠅🪰，點搞呀！食物質素，衛生環境唔理想，仲要價錢貴過隔離太興同左左右右，仲有全香港嘅茶餐廳有邊間叫餐食出前一丁要加6蚊？乜嘢茶餐廳？
繼續閱讀
叫咗一個快餐京都金沙骨飯加凍奶茶，一個散叫黑椒牛柳粒紅飯。原來星期日散叫冇得加錢要嘢飲，叫嘢飲要正價。京都金沙骨一般，好多飯，對於大食嘅人嚟講係抵食嘅。凍奶茶一般，偏淡。到個黑椒牛柳粒紅飯嚟到，變左牛柳絲炒飯...即刻問個阿姐係咪比錯左？佢拎返入廚房問，問完答我：廚房話係咁。下...真係呆左...牛柳粒變牛柳”絲”...紅飯又變左炒飯，冇紅飯既味道...真係好失望！建議佢改返餐牌叫”黑椒牛柳絲炒飯”...
繼續閱讀