新釗記 (已結業)

在友人家開檯，當然不會停下來吃飯，就貪方便叫了新釗記。好耐無食及第粥，就叫了。雖然叫外賣，吩咐要多蔥又真係做得到。粥底是味精化學式，不綿亦不太覺有米花在內。一路吃一路打牌一路同友人投訴，佢地反而問番我唔係一向都係呢種味精粥底咩？諗諗下又好似係，只不過而家要求高了，要綿又要料有水準，當然對這個粥底覺得不以為然，其實佢地在原地踏步而已。粥料又不太差，豬潤都可算是好味爽脆，不過豬肚同豬腰就明顯給疏打粉招呼過，變得全無味道。價錢好像是廿蚊，如有其他選擇下，是絕不會再試，寧願食碗鹼水水餃麵好過。

以茶餐廳的質素而論，新釗記的確不錯。星期六下午與友人同來，叫了一碟馬來炒貴刁和炸薯條。貴刁炒得很香口，夠辣、夠鑊氣，不過太多，而且河粉碎晒；炸薯條就中規中矩，波浪紋薯條係我至愛，勝在炸得唔，大條又脆口。美中不足是貴刁要$40元一碟，薯條也要$15，頗昂貴啊！