新釗記茶餐廳 (已結業)

20080126隔了幾個月才再來這裏吃早餐，發現餐牌完全沒變，簡直是有點感動，還是當初的麥皮蛋治絲襪奶茶，一切如舊，今時今日，何其難得。不過走的時候瞟了一眼，晚市小菜套餐還是加了兩元，也算正常。

今早要過香港開會, 小巴在附近落, 仲有三十分鐘, 可以食個早餐先!早餐有什麼歐陸式, 中式, 營養, 我選了麥皮餐, 有鮮奶麥皮(走煉奶, 好稀), 蛋治(走油, 炒蛋岩岩炒起, 配上軟熟薄麵包, 好好味), 熱華田! 地下有滑, 座位好像剛抹過, 有點濕, 服務唔錯!成個餐麥皮食唔哂, 好飽, 開會時仲"中"眼!

20070415與honey兩個人，坐了個窄的不能再窄的窗邊位，身邊就是來往的行人，隔壁枱有很大聲的司機大佬，環境，真是港式的不得了。牛腩撈面上來的時候已混了腩汁，浸著幾條菜遠，有腩有筋，上湯則分開。先說面底，吸透了精華，入味，又很彈牙。再試筋腩，是絕對稱職的主角，腍滑到不知怎麼形容。從沒聽說這裏出名這一味，所以點的時候也只是當普通一碗面來叫，誰知有如許驚喜。另一份窩蛋牛肉盅飯就不好，剛上來的時候還蠻吸引，大大碗，蛋明晃晃的，豉油則透著醬香的色澤。不過吃起來嘛……飯底太硬，硬到有些消化不了；牛肉則經脈盡斷，毫無口感，令人大搖其頭，真是不知道同一間廚房，怎麼差這麼遠……笑面，只給牛腩撈面，按理說，拉勻來計，應該是個OK。

京都排骨用猪扒切條炒，酸甜開胃，金銀蛋莧菜因無莧菜改了金銀蛋豆苗，清清地也不錯，已落了Order豉汁蒸鯧魚製作中，這時大厨剛買了些新鮮魚回來，還和收銀員工烏頭尕很大條，我聽到和家人說早知遲啲先叫蒸魚啦﹗個收銀剛好聽到我講話，就話幫我哋轉條蒸魚，我說不用了，不好意思嗎﹗這員工說無問題﹗還說：「我都未食晚飯，條鯧魚可以留給自己食﹗」就去厨房改單了。豉汁蒸烏頭味道麻麻，但我食出了人情味。食出人情味

20051002 3pm下午茶, 朝頭早11am 食左粥, 話餓唔餓. 同男朋友share.要o左個公司三文治下午茶tea set, $20 好抵, 飲熱朱古力, 男友要凍檸茶. 都係咁啦, 唔好食又唔難食lor.

20050419 7.30pm跟男友晚餐, 屋企呢頭食到無o野好食, 唯有食茶餐廳. (講開又講, 唔知做咩上西環呢頭有咁鬼多新釗記, 差唔多十步一間. 無誇張.)2個小菜套餐- ($38, 小菜+白飯+例湯/餐飲, 凍飲+$2)* 例湯- 粉葛赤小豆豬骨, OK la.* 沙嗲牛肉炒芥蘭- 故標題思意, 沙嗲牛肉係公仔麵o既沙嗲牛肉, 炒芥蘭還炒芥蘭. 芥蘭有苦味, 想是飛水飛得唔夠耐.* 韭王叉燒炒蛋- 男朋友叫的, 因為我提過我好鐘意食近Lee Garden 果間新釗記o既叉燒炒蛋, 不過此新釗不同彼新釗, 呢果間好食好多.* 凍奶茶Total $78.

下午同媽咪&一個姐姐食新釗記,叫左几多野食,有白粥一碗$7,淨水餃,唔記得睇價錢,星州炒米$30,肉絲燴伊麵$30,熱奶茶$11,凍檸茶$13.最難食係個肉絲燴麵,咩味都冇,真係好難食...入面咩料都冇,得伊麵芽菜同肉絲....我媽咪打包番屋企自己打料再炒0黎食....個星州炒米上得好快,但唔熱,而且極鹹!!!!反而d水餃几好食,入面d蝦好大隻.而碗白粥係咁多0野食入面最好食又最平!!!杯凍飲$13我始終覺得貴左d另外一樣值得提0既係,佢地服務几好,個侍應上杯奶茶時,倒到個杯碟都係奶茶,不過我並冇要求佢幫我換碟囉,是旦啦,唔係倒落我到就得. 點知隔一陣,有個老d0既伯伯侍應竟然拎隻乾淨碟同我換,好好人呢~

新釗記算貴, 咁翠華咪仲貴?<br />不過, 翠華有好多特別野食, 新釗記就冇乜新意。

食新釗記咪以為佢係茶餐廳就會抵,我覺得佢都几貴,好似一杯奶茶,冰極多,仲要十几蚊一杯,過唔過份d呀,佢又唔係仙跡岩0個d專質奶茶,人地十几蚊佢又十几蚊.... 佢d炒麵炒飯都貴啦,有d三十几蚊,有d四十几蚊一個飯或午餐,但唔知點解仲好多人食....%@*#^%@...

我去的是近上環文娛中心的那分店, 叫了兩個午餐, 食物如下:牛油麵包: 麵包像隔夜, 邊皮很硬火腿庵烈: 蛋煮得太老太厚, 厚得像紙皮沙爹牛肉公仔麵: 最離譜, 完全唔入味, 那些麵不知是否擺放得太久, 有點怪味.得勉強地才能吃下一半, 但價錢也不平呀!