新越越式料理 (已搬遷) 新店位置

自從舊機場搬了後都好少去九龍城，今天為了去買泰式香料，専程去了。既然來到，順道食過晚飯才回家吧！其實泰式越式對我而言都是差不多。點指乒乓，終於選擇了越南菜。越南菜式中我食得最多是生牛肉河。湯底有好濃郁的牛香，滋味。牛肉薄薄不韌。略兼河粉不夠滑溜。點了一碟蝦醬炒菜，鑊氣不夠，蝦醬調味太多太鹹了。最後的菠蘿雞絲炒飯尚可。飯粒分明。配料亦多，好有口感，如菠蘿粒多少少就好了。

越南菜甚少食，行經福佬村道被一間亮麗招牌的越南菜館吸引了。翻看餐牌，價錢上非常合理。於是乎入內試試。柚子蝦沙律非常大碟。柚子，蔬菜新鮮，蝦隻亦爽口。只可惜醬汁過多有點鹹。辣度是ok的。炭燒香芧豬排肉質比想像中軟熟，容易嘴饞。味道方面比較淡口，其實香芧香味可重多少少。蟹肉湯檬鮮紅的湯底好吸引。配料頗多，有蟹肉，蕃茄，芽菜之類，口感不錯。蕃茄湯底非常濃郁。整體食物水準中等，價錢平實，可不防一試。

呢排試左幾間越南牛河，和媽媽舅父來吃飯，他們對生牛河反而冇興趣，今晚的晚飯，佢地好不情願下被我拉到這裡。 為什麼會選這間，你說九龍城好吃多的是，為什麼要選這越南菜。 無辦法，對於胡志明市的麗錦Pho le，我鐘愛到傻，想念其味道，就如你喜歡心穎，見到女仔叫心穎都會鐘意。（利申，我一點也不喜歡那個什麼心穎BB) 這個叫錦麗新越的越南料理，我想起了那天的美麗回憶，二話不說，進去吃了，本身我們是想吃泰國菜的。 不過，佢地選擇了吃火車頭而非生牛肉湯河，老實說，火車頭當然是不過不失，又牛丸又牛肉又牛腩又牛栢葉，唯河粉冇乜特色，湯頭也算可以接受。 當然也是同樣不能和越南對比，近來吃的幾個，似乎都是湯頭安南最好。 通菜炒得還可以，不過有點乾身，當然不是有火喉的那種，我對炒菜要求較高，這只是合格而已。 蕃菇蟹肉沙律，我覺得份量太少了，佢個配搭係唔差，但我就是不太喜歡，始終個樣太唔令人feel pleasant，於是我一口也沒有吃到。 沙爹雞三串，那個沙爹的野性，令我想立刻叫碗飯來送。 於是我忍唔住叫多個炭燒香茅豬扒飯，那個豬扒當真燒得好吃，那些豬扒和飯配合香蔥和炸蒜，和剛剛的沙爹，點

係附近meeting前黎個快食呢間食過幾次撈檬不過不失檬既份量都幾多今次嗌左個咖哩羊腩檬本身都幾期待我自己就鍾意食有少少羶味既羊奈何今次羊有D"un"到o趙唔到可能係靠近筋位既關係啦個咖喱係唔辣只係個色好紅而且咖哩味唔係好入羊肉度餐飲我揀左奶茶唔知係咪越南風味有別於一般茶記奶茶我就麻麻地呢款

服務員態度不好，第二次落單時，大聲說你們這張枱的單不是她負責，又在電腦落單時，員工互相指責，混亂！生牛肉河，湯底ok. 是唯一ok 的食物，炭燒豬扒飯，豬扒無香芧味，牛肉炒河無味，多油。沒有午餐，要散叫，服務欠佳，無下次。

晚飯的時間，我和家人路過這間越南菜餐廳，從門面的餐牌看到食物的種類很多，而店內環境舒坦和寬敞，便決定入去試一試蝦餅 ($56)蝦餅厚身，爽彈鮮美，質素很高，配上甜酸醬，味道酸酸甜甜，十分開胃雞肉沙嗲串 ($36)格紋焦痕的雞肉挻韌口，配上自家製的沙嗲醬，感覺清新微甜，份量可以接受，價錢尚算合理炭燒香茅豬扒飯 ($60)香口細碎的香茅，吃豬扒時緩緩流出肉汁，豬扒煙靭，而且份量很多，整體質素很高，價錢十分合理鮮蝦炒西蘭花 ($72)西蘭花梃硬身，份量很多，迷你的蝦十分新鮮，但份量更多會更合理整體來說，食物的質素也可以，價錢合理，店員有良好的服務態度和有禮貌，上菜的速度挺有效率，所以我認為這間餐廳值得再專顧

九龍城出名食泰國嘢。今日特別d食餐越南菜。生牛肉河～牛肉香滑。份量有8-9 塊。河粉味道怪怪地。係變壞咗定係食材原有嘅味道？真係摸唔通豬扒撈檬～青瓜同檬粉乾爭爭。似擺咗好長時間豬扒小小鞋口。蝦餅肉質徧淋。唔彈肉馬拉盞炒菜～味道略嫌淡。大量油同汁醬喺㡳。肥死。睇見食慾急急下降。餐廳姐姐三個人執同一張枱。有必要嘛？嗌結賬都嗌咗3次🙈比較激氣

以後都唔嚟呢間度食嘢，剛剛在這裡食晚餐， 叫咗兩碗粉及兩杯飲品， 其中一杯是熱檸樂，不久，有個女士送上一杯熱檸水，女友以平常音調話我地叫的是熱檸樂，真係好突然，個女士手指指，指著女友個頭話"你叫熱檸水㗎， 我有單㗎" ，跟住佢跑咗去水吧攞張飛畀我哋睇，同一時間同我地落單個同事行埋嚟，佢證實我哋係落熱檸樂的，那女士才心有不甘地行開。

之前曾在九龍城工作了一年，令我對該區食店的認識不止局限於泰國菜，其中一間我喜歡的食店是新越，它是一間越南菜館，味道不錯而且食物份量大，同區計都算抵食，所以是日剛巧要回舊公司，就與舊同事吃個午飯聚聚舊。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊新越全店以白色為主調，配上特高的樓底，給人一種素雅舒服的感覺。午餐選擇繁多，價錢由$39至$51，套餐已包一杯熱飲，也可加錢轉其他飲料。我們一行三人，就每人叫了一個午餐，再另加一客炸蝦餅開心些牙。越南菜少不少香葉和青檸，所以食物未上枱，侍應就放來香葉，食客可依個人喜好加在粉麵內。炭燒香茅豬扒撈檬($48)撈檬上面鋪上豬扒、生菜、蘿蔔絲和炸蒜片，檬粉份量也多，頗為足料。吃檬粉時我習慣加入大量酸汁，配上微彈的檬粉，非常美味。豬扒醃得入味也不會過乾過鞋，整體令人滿意。越式扎肉炒金邊粉($51)金邊粉堆得如小山高，中間夾雜扎肉、耶菜絲、芽菜和蘿蔔絲，金邊粉炒得乾爽，入口微彈，但整體味道略為單薄，只屬中規中舉。柚子大蝦沙律($51)沙律內大蝦份量都頗多，還有柚子、生菜和蘿蔔絲，味道酸中帶辣，非常開胃惹味。大蝦蝦肉結實，柚子清甜多汁，非常適合炎夏的天氣

Kowloon City is a place known for their Thai food, more than any other cuisine. Therefore, I was abit concerned when my wife told me to go to Kowloon city for Vietnamese food. She personally endorsed it as she was working in Kowloon City previously and has dined there for few times.Pho Le restaurant has a couple of branches, originally from Ho Chi Minh Vietnam. When we arrived shortly after 2pm, the place was still almost full, even after lunch crowd. I guess what attracts most people is their a

經過新越好幾次都被佢地濃濃既味道吸引今日午餐 終於一試為避左午膳時間 我都2:45 先到但去到都好爆場等左一陣位而場內裝潢簡潔 讓人感覺好舒服場最深處有個開放式水吧係最高處仲有一D越式調味料供客人選購而假日 仲有d套裝可惜我一個人 食唔到咁多點完野食後 侍應好快上左d 香草同青檸比客人可惜我今次唔係食粉用唔著等左陣我order 既野食到喇越式海南雞飯呢個又同平時食開好唔同油飯既雞油味唔係好重反而食到蒜味雞肉肉質都嫩滑佢地既醬汁一流同平時泰式既有點唔同辣汁偏酸帶辣好惹味甜汁個味好出👍🏻西蘭花炒大蝦味道不過不失

九龍城這個地方，除左食泰菜，西式小館外，仲有越南菜式，今晚我地選擇了好久都未食過的越南菜，以前，總會在佐敦食越南菜，而家，轉移到九龍城。餐廳佈置清雅，高樓底，在天花上還掛上兩個籠作裝飾，好別緻！餐具都好有特色！炭燒香矛雞翼： 外皮燒得好脆，香矛的香氣滲入了雞翼內，雞肉嫩滑多汁，香氣味濃。 雞絲撈檬：味清，加上花生碎粒，香蒜粒，雞絲嫩滑，撈混一齊，香口清脆，檬粉幼滑，加上醬汁，酸酸甜甜，增添胃口。蝦餅：外脆鮮味，蝦肉彈牙爽口，有質感。牛肉炒河：香噴噴，未食已嗅到牛肉及配料的香氣，已流口水，牛肉鮮嫩，調味適中，河炒幼滑，夠鑊氣，唔油膩，只是份量小左些。

九龍城哩個地方，對好多人黎講就好唔就腳，偏偏係一個咁唔就腳既地方，就最多好野食，今次就同朋友去左間越南餐廳食飯，d野食又幾有驚喜餐廳樓底高，上面掛有大鳥籠十分捨意，餐廳以白色為主調，比人一種好舒服既感覺餐廳有適合不同類型既套餐，價錢都係公價雞絲撈檬份量非常充足，外觀都好colourful，有雞絲，碎花生，生菜絲等等老闆炒飯飯粒炒到粒粒分明，材料主要以牛肉，蛋，菜芯粒等等，食落幾好口感，但份量略唔夠喉蒜容包哩個真係要激讚，咪睇個份量好似好細咁，牛油及蒜容味充滿住個包，而包本身好脆身，正呀！西蘭花炒蝦球炒得好夠火喉，熱辣辣擺入口，感受到個火喉，好入味，蝦都好大隻

九龍城往往俾人感覺食飯大多都係食泰國菜，而今次同朋友就唔去食泰國菜，就試下去食新野新越越式料理。餐牌內都有多款越式料理選擇。芝士蝦丸以小食嚟講真係好抵食，蝦丸大大粒之外亦好爽口，內裡就有流心芝士相當驚喜。酸辣無骨鳳爪沙律凍凍既鳳爪已經去埋骨可以好方便咁食，當中亦加左丁點酸辣汁非常開胃好食，唔錯。雞絲撈檬撈檬有大粒雞絲好似唔駛錢咁，而食果陣就要自己加個酸辣汁，食起上嚟好似酸啲非常醒胃。馬拉盞炒通菜食左咁多野，當然唔小得叫個菜食啦，馬拉盞炒通菜個馬拉盞好惹味但唔會過咸。

我一直都最喜歡到九龍城區尋找美食，因為貪佢無咩連鎖店，都是以小店形式經營，信奉小店應該會keep到品質。所以今次會選擇去吃很久未吃的pho~ 即是越南粉！我當年在美國的roommate 正正就是越南人，她教我吃越南粉一定要有青檸，沒有青檸的越南粉就是沒有了靈魂，回到香港之後吃了很多家越南粉都沒有青檸，有香菜已經是非常幸運了。講番新越，他們有提供了半大顆的青檸檬！還有兩束香菜，也有滿滿的芽菜～所以吃起上嚟有酸酸甜甜的感覺，另外每一口咀嚼都會有芽菜的爽口感，老實說我真的會為這種口感而再來這家店光顧。（不過晚上在寫這篇食評的時候已經肚子餓了）至於香茅豬扒飯，我會形容咬下來的口感是酥酥的，香料腌制得味道很香，伴碟的白醋醃蘿蔔絲也相當酸甜可口，非常開胃！我還有叫了一碟越南炸春卷，老實說我在外面吃過越南炸春卷居然沒有生菜還好這裏有生菜提供，而且非常爽口，真的喜歡這種涼涼的生菜包著熱到有點兒燙囗的新鮮炸春卷吃下去的感覺～我會說這家店的越南菜做得非常有心，把應該提供的配料都有提供，要知道，想要吃好東西真的差一點也會影響食慾