新記芝士麵 (已結業)

每次自己去開尖沙咀美麗華都心思思嚟新記食翻碗邪惡芝士麵。每次都係會揀炭燒豬頸肉做配料，成個配搭真係百食不厭！芝士汁唔會太稠太濃搞到好漏，但又好有芝士味。麵就係普通茶記用既麵，碌得啱啱好唔會太淋太硬，撈埋d芝士汁真係好正。而豬頸肉燒到好香脆，切得好厚身，啖啖肉，但唔會好乾好鞋，d汁甜甜地mix埋d芝士汁簡直畫龍點睛。但價錢有少少貴，而且份量真係偏細，做下午茶就啱啱好，如果做晚餐或者午餐就略嫌唔夠飽。