新蒸武門 (已結業)

今晚我和友人到了觀塘工廠區的「新精武門」晚飯，之前在這裏食過感覺良好，所以決定再來。這裡與其他地方不同的是餐廳提供了八寶茶， 茶味不算濃卻有微微帶酸，口感生津解渴倒是不錯。🐄🐖蒜香薰蹄拼五香牛外表「乾爭爭」及色澤並不吸引，咬落去卻不錯，肉香不膩，點醬汁更好。🌸冰鎮鮮鮑魚鮑魚爽柔有致，鮑魚本身味道不強，全靠伴碟的酸菜很醒神，提升了整體味覺。🐟籠仔蒸龍躉腩用籠仔加上荷葉蒸的方法令倒汗水不會積聚，而且有淡淡荷香，主角龍躉腩夠肥美，肉嫩不嚡，食得過。🐷黑椒豬柳 相對普通的菜式，味道不錯，微微黑椒加上紅椒同青椒一起炒，夠惹味。🥦蒜蓉炒時菜原條菜心炒得不錯，最重要是夠鑊氣，蒜蓉香飄飄，咬落去夠嫩，不錯。餐廳裝修過比之前更加舒服，而服務及食物仍然保持不錯。

好耐冇黎到觀塘工廈區食飯，同朋友黎到新蒸武門食中菜，呢到既小菜品質的確唔錯，十分有住家味道。我地叫左黑椒牛柳粒$98份量都好多，黑椒牛柳粒十分彈牙，牛肉好鮮嫩，仲有唔少蔬菜好似翠肉瓜，紅黃椒等等。香菇蒸肉餅$68肉餅口感唔錯，加左肥豬肉令肉餅亦好彈牙，份量都好足夠。蟹肉扒西蘭花$88蛋白加蟹肉既配搭都唔錯，加埋西蘭花好健康。蟲草花豬展湯$42有豬展，蟲草花，菇，味道幾濃郁，岩晒鐘意中國草藥湯既我地。

今日收工，諗住食中菜就揀咗呢間新蒸武門。簡單乾淨嘅室內環境見到呢個二人餐都好吸引，但係因為我見好多都推介豬手，自己又好想食所以就分開叫餸好有誠意既茶呀，一坐低就奉上呢杯菊花紅棗茶。仲要咁足料，即時加分我叫左呢個話梅豬手，比我想像中大碟。豬手吸曬微甜酸既汁，加上凍食，感覺開胃清新。之後我叫左個是日燉湯，材料又係好粥，充滿着好香嘅茶樹菇同埋燉肉嘅味道好有老火湯嘅感覺。之後叫左蓮藕煎肉餅好厚肉而且蓮藕味濃，呢個我私心推介，因為我本身好鍾意蓮藕餅。黎到食蒸野嘅地方，梗係要叫翻個蒸雞試吓佢啦。又係份量10分大，雞肉好嫩滑，一咬就感覺到淋淋的。而且因為用錫紙包住，全部雞肉都充滿住香菇味！粉絲吸收曬雞油同菇香，十分出色食咗咁多重口味嘅嘢，梗係要整翻個菜清清佢。餐廳啲香菇真係好出色，全部都好有菇味。仲要配合杞子真係好補，又健康！健康得來又好味。泰式蝦頭油炒飯我覺得都屬於必點菜因爲大大粒新鮮蝦加上飯香。我食完一啖又一啖。總括來講，高質好快會再見

我很少寫食評的，但這次真想評價一下。我早前見到openrice 寫這間店的評價很好，所以帶屋企人一試，但一試就中招。首先，工業大廈食店我們也去過不少，但這個環境真係很一般。那個茶是與普通茶樓不一樣，所以還是有贊的。4個人點了5個菜，裡面當然包括各位光顧過的人的推薦：豬手，籠仔蒸龍躉，煎肉餅，焗雞和蟹肉炒西藍花。豬手完全沒味；龍躉蒸到老到傻；那個肉餅是惠康那種攪拌好調好味的肉餅，已出現變味；焗雞就係普通酒樓味，不讚不彈；最好就係炒西藍花……（每一碟的分量是少的 。龍躉5塊，雞8塊小的，大家大概衡量）可能我自己是在家煮飯的人，所以反應較大。如果收酒樓價但給我比茶餐廳差的東西，我覺得性價比真係不高。當然，買單五個菜，600多些是正常，但食物的出品不值此價，是失望的。環境跟各位食家影得差不多，但場其實好細，大概10張中細型臺。左右隔得好近。服務態度是沒問題，沒贊也沒彈。香港地生活壓力大，原本想開車出街輕鬆食個飯，但失落而歸。

兩個人好少食到住家飯， 平時工作已經忙， 返到屋企都唔想煮啦! 呢度好適合一啲無飯夫婦。個茶杯好傳統，好似人地一盅兩件， 杯入面放咗好多八寶茶嘅材料，茶係鐵觀音。 足料燉湯燉湯好足料呀! 飲得出佢真係煲左好多個鐘，冇落味精嘅。 宮廷香辣雞 D雞望落好似好辣，但係食落去又唔覺辣，啲雞有炸過， 雞肉都幾滑，花生好香口。 時菜炒斑球西蘭花唔會覺得好生，好有味道， 斑塊有醃製過，而且好鮮味，尤其塊皮個骨膠原真係好豐富。 金銀蛋肉碎浸時蔬金銀蛋菜嗰啲湯鹹鹹地，啲菜索曬啲汁就更加好味啦! 蒜蓉粉絲蒸蝦 呢一個重點係下面啲粉絲同埋金菇，索曬啲蝦同蒜蓉嘅鮮味。覺得佢份量少，可以俾多D我嗎？ 仿鮑魚絲蝦仁炒飯 炒飯用上鮮蝦嚟炒，仲加咗啲仿鮑魚片。

八寶茶不愧係必點之選👍🏻用杞子、紅棗、菊花、桂圓等來沖泡，係養生之選。中式茶杯十分美麗，味道清新而微甜、香氣飄逸、令人感到滋潤解暑冰鎮鮑魚富層次，再配合伴碟一齊吃，醒胃醒神，係夏日最佳前菜蓮藕煎肉餅煎炸可口，不太油膩，肉餅爽口最鍾意的是這間食肆的食物食得出少味精、少糖、少油，有家的味道、就算貴一點都值得

見食評食店標榜少鹽及沒有味精，所以一行五人相約選擇到此飯店晚飯。當晚叫了8道菜，普遍餸菜不夠熱，其中一味帶子炒西蘭花，我們各人從未在其他食店食過那麼難吃的帶子; 猜子呈透明狀，本以為不熟，但試嘗一少口發現原來帶子應用崩砂粉之類醃到一陣怪味，我等即是反映及要求取消單，其他菜式：雲吞鷄雲吞可能雪得太久，雲吞接口還是硬硬一大塊; 餡料肉霉霉的; 時菜炒龍躉腩由於不夠熱; 龍躉腩很腥；連最簡單菜色翠玉瓜雲耳炒白合茨汁太結，入口口中槳著茨粉。總括而言；此間食店永不會再來光顧；(更可惜當晚沒有把餸菜拍照作參考，以免日後更多食客中伏)

呢日得到老細確認要去新辦公室，都幾開心架~因為搭地鐵過海返工真係好貴，仲要成日加價，真係會覺得頂唔住~所以先到新環境附近食吓飯，不過行行吓又諗起呢度，所以都係食咗先講~其實呢度坐得幾舒服架，又有大枱，又有細張少少的方枱，仲有電視睇，無論係一大班同事，或者三幾個都啱來。老公得知我返工近咗，佢好開心咁拎住個餐牌點菜。而我就嘆著呢度我好鍾意的養生花茶，味道清清地好放鬆的。是日燉湯佢呢日就要做暖男，先點咗個 雪耳海底椰燉雞湯 俾我飲。燉湯相當足料，味道清得來帶著海底椰的香甜，不過壺湯真係超熱，要放一陣飲才不會燙親個咀。花雕醉雞其實我麻麻地白切的，不過聞到花雕的香味又忍唔住食咗一舊。雞肉很嫩滑，而且索了陣陣酒香，十分美味。乾燒明蝦 (6 隻)中蝦的煮汁酸味味，非常惹味。而且蝦殼好容易脫開，啱哂我呢類唔鍾意用手脫殼的人食用。豉汁豆卜蒸倉魚倉魚的肉質鮮嫩，加埋十足的薑、葱同埋豆豉，再將蒸魚豉油淋响魚面，用來餸飯特別美味。咁多款美味的餸菜，白飯當然少不了吧~

這天放工後，我約了舊同事在觀塘吃晚飯，經過網上的推薦，發現人們對這間餐廳的評價很不錯，我們便決定來到這間餐廳試一試，進入店鋪後，看到店內環境寬敞和清潔衛生，店內的人客比想象更多，始終餐廳的位置比較偏僻，客人應該比較少，因此証明食物的質素應該很不錯冰梅豬手($68)話梅味的豬手軟彈煙韌，非常特別，十分新鮮，份量非常多，非常抵食古法黃酒煮雞($138)爽口微彈的雲耳，嫩滑細密的雞肉份量非常多，軟彈煙韌的紅棗，食物除了有黃酒的味道外，還有濃郁中藥補身藥材的味道，十分緩胃土魷蓮藕煎肉餅($88)將土魷和蓮藕打碎再搓成的肉餅十分紥實，份量非常多，非常飽滯，非常非常抵食豉汁豆卜蒸倉魚($118)豆卜完全地吸收了倉魚的鮮味，十分惹味，倉魚非常大條，軟綿綿的魚肉非常新鮮，非常抵食乾燒明蝦($178)師傅十分細心，預先將蝦開邊，令客人剝蝦更容易，蝦非常大隻，非常新鮮，酸上甜酸汁，令人非常開胃，再用細碎的米通鋪低，這個價錢可以接受濃湯紅棗杞子浸菜($78)爽彈鮮美的菇，可以滋補氣血的紅棗，非常適合身體差的人士食用，爽口微彈的杞子，清鮮甜美的白菜，用濃湯浸的白菜，富有水份，非常消署，非常健康五寶菜五寶分別有

餐廳較簡潔，係家既感覺啊😁連食既野都係媽媽既味道。叫左蒸肉餅飯，連湯。味道就係煮家餸囉，但肉餅既份量嫌少左啲，唔夠我送飯🙈碗湯幾好飲既，飲得出冇味噌：）會再去！

一日三餐都係街外食, 味精肥膩不在話下, 好想"清新"一下味蕾, 又令我諗起呢度標榜無味精住家菜指定動作, 享受番杯養生茶, 入口順喉, 味道回甘轉左新餐牌, 增加左新菜式迎接炎夏來臨, 冷盤小食選擇多左款式, 之前食過好好味嘅酸甜凍蕃茄仔不見了, 見到有相類近話梅豬手 ($68), 就叫一客!  份量對眼, 大大舊豬手旁邊有粒話梅及香綠葉蔭!食落豬手口感清爽涼快, 皮脆肉嫩, 唯話梅味欠奉, 味道較為淡味!每次黎呢度食飯, 都好期待今晚飲到咩燉湯, 今晚有呢款菜膽花膠燉雞 ($42), 原盎送上!熱辣辣, 湯是要熱飲的!  材料足夠, 啖湯清中唔油膩, 忍唔住食埋D湯渣, 飲埋成盎其實都半飽, 個人覺得好滋補, 感覺舒服!夏天日子就係要多食瓜類, 呢客濃湯節瓜浸魚滑 ($78), 有節瓜, 木耳, 菇菌及魚滑, 濕濕地易入口!湯底淡味, 梗能食得出節瓜嘅甜, 而爽口嘅木耳遇上腍滑嘅魚滑, 一碟送有幾種口感!捨棄白飯, 愛上呢碟大肚婆炒飯 ($88), 簡單材料無花巧, 加入薑粒及肉碎, 飯粒炒至粒粒分明, 乾身中略帶少少油份, 食得出有少少鑊氣, 真係連大肚婆都要食多碗呀! 哈..哈

叫左2人餐，好出色，材料名貴。果然係超足料燉湯，花膠好多，甘甜好補。涼拌手撕雞，我同我朋友爭住食，有芝麻醬真係超配！ 肉質又嫩，咁多樣送最愛呢個！冰鎮鮑魚，夏天食好涼，又唔會無晒味，原汁原味鮑魚，咬落爽口又唔會太硬。蒜蓉粉絲蒸蝦，粉絲超索味，蝦啱啱好分到兩人份量，超級正。啲蒜蓉同蝦同粉絲好夾味。蛋肉碎浸時蔬，啲菜入晒味，超好味，仲有啲皮蛋仔。時菜炒班球，班球好有鑊氣，正。宮廷香辣雞，都係好有鑊氣，肉好多。仿鮑絲蝦仁炒飯口感好似鮑魚，有鑊氣，10分比10分！蝦仁好新鮮好肥美，超爽口。好滿意

茶樹菇蟲草花燉豬展正，一嚟就有補身野，燉左好幾個鐘先有咁嘅火喉。蟲草花有滋肺補腎護肝、抗氧化、防衰老、降血壓。茶樹菇清甜，加上蟲草花甘香味美，岩夏天飲用。話梅豬手開胃菜「話梅豬手」，並不算酸，反而較甜，豬手肉不算厚，但勝在醒胃爽口，梅味好出，食落味道酸酸甜甜，好黎緊既大戰做好準備。冰鎮鮑魚冰鎮鮑魚是這裡的名物，鮑魚煙韌有咬口，原隻鮮鮑魚先起肉去內臟，煮熟後再冰鎮上桌。爽口鮮甜的鮑魚，一口一隻，原汁原味吃固然是好，你也可以點一些豉油wasabi，鮮味會更為突出。豉油王虎蝦🦐蝦肉爽實，直接用手拿著吃，既滋味也惹味，差點連手指也不放過。這一味是趁熱吃最好豉油皇乾煎海虎大蝦，令人食完仲想食，好大大大隻，虎蝦果然夠肉地，正！濃湯浸龍躉球🐟鮮甜嘅魚汁，用嚟配白飯就最啱🤤芥末牛肉牛柳粒頗鮮嫩，咬落冇咩渣，配合日式wasabi既味道，算係水準以上之作北菧紅棗杞子銀山焗雞藥膳養生、鮮甜肉汁豐富，絕對是用心之作。打開個錫紙香到爆，利用藥膳蒸雞，非常滋補。梅菜蒸菜心🍀😁食咗咁多heavy野，食返啲高纖維嘅食物黃金海鮮炒飯吸附飽滿蛋汁的黃金炒飯，再加上豐富的海鮮配料。這款黃金海鮮炒飯，色澤金黃，口感鬆軟微脆。

自從身邊好友開始帶小朋友來聚餐，又或帶著肚裡的小寶寶，大家都揀選一些健康的餐廳。看到新蒸武門簡介是無味精菜色，大人小朋友都適合。三式拼盤 $128三式拼盤份量大，包括有：鴨舌、薰蹄、牛展。鴨舌酒味比較濃，亦很入味，最愛薰蹄又爽又鹹香，是出色的前菜。土魷蓮藕煎肉餅 $88簡單的家常餸菜，入口略嫌油膩。土魷非常惹味配上蓮藕的爽口跟蒸肉餅十分配合。 肉質新鮮有肉香味， 肉餡不會太肥。蟲草花濃湯鮮雞鍋米 $138上枱有驚喜，賣相非常豐富，想不到有這樣多份量雞件。既然標榜冇味精，當然要試下湯底，入口濃郁雞湯味，都係略為偏油。 雞件嫩滑，跟蟲草花一起吃好配合，而且米粉煮得夠入味亦不會太硬。除了食物之外，餐廳職員也令我們有個不錯的用餐體驗，細的小朋友需要熱水坐奶，職員熱心幫忙，無嫌我們麻煩呢。飯聚名單又多一間食店~

新蒸武門 - 也許大家會想起周星馳的經典電影 - 新精武門。位於觀塘駱駝漆大廈三座，主打無味精中式私房菜，健康又美味。八寶茶: 一坐下便為每位免費奉上，以精緻的茶具盛載此養生茶品，內含枸杞、紅棗及黨蔘等料，味道柔和，比普通的中式茶有內涵得多，而且更香，味道更好。每個餐也可根據人數而相應地調整份量。是日燉湯，款式經常轉換，不能自選。來過數次，每次喝到的燉湯也是非常足料，而且味鮮，無味精。話梅豬手: 豬手夠爽身，不會過份軟腍，保持該有的口感。味道帶微微的甜酸，但偏淡。冰鎮鮮鮑魚: 鮑魚冰爽，調味不多，但已經夠鮮甜，原汁原味豉油皇虎蝦: 超級惹味之選，豉油完完全全的滲入虎蝦，連蝦殼也炒至香脆入味，連殼食也無問題，好好食!芥末牛柳粒: 牛柳粒爽嫩，芥末醬香甜，但不會太膩，兩者蠻搭配。北芪紅棗杞子銀山焗雞: 雞件相當入味，就如一般吃的蟲草花蒸雞一樣，雞件亦能保持滑身，沒有overcooked，底層的粉絲更是吸收了所有肉汁。黃金海鮮粒炒飯: 黃金也者即咸蛋黃，以大量咸蛋黃混入飯裡爆炒，色澤金黃，賣相吸引。海鮮以鮮蝦為主，飯粒夠香口惹味。濃湯浸龍躉球: 這道菜較清淡，而龍躉腩味鮮肉嫩。下圖為梅菜浸菜