新興麵家

營業中

休息中

見到呢間好多人寫牛腩牛雜好好食，去開藍地果邊攞野，近近地過嚟食一次。我去到既時候係12點45分左右，因為未嚟過，行左個圈先搵到，我眼見附近既食店真係算唔洗等位，但係呢度就滿晒要等位（15分鐘）真係好多人，又多人嗌外賣。牛雜牛膀，好淋身入味，又唔係散晒果種牛肺，夠淋身，冇怪味（以前食過一d整得唔好既，真仲係有陣內臟味）牛肚，鹵得好淋，入口都唔洗咬牛腸，又係唔錯牛腩都係入口既化，唔洗點咬魚皮餃，皮薄味道亦都幾好，唔會太咸雲吞就中規中矩，有豬肉味，蝦亦爽身我叫牛腩牛雜撈麵，跟撈麵既湯應該落左腩汁，明顯比較濃味，而淨食既魚餃雲吞有紫菜底，個湯比較清一d都唔錯。點解話全力識呢，以上寫既都係一個人食，都真係幾多，但又未必有機會再嚟，所以一次過試d自己鐘意食既。以小區小店嚟講，牛雜真係整得唔錯，未去到一試難忘，但係算近年食過好食既牛雜。希望有機會再去食（但一定要避開d多人既時間）。順帶一提，忙到咁樣，樓面阿姐同事頭婆都好好聲氣，真係抵你咁好生意既

呢道坑腩食得多！聽講呢間嘢有種牛腩，叫邊腩，係最正，想食就要一早嚟好，決心一試，開鋪就嚟，點知冷氣未開恆，強味有點重，結果冇試到，接受到嘅，可以挑戰吓牛腩個個話正，試過帶長輩品嚐，唔知係上一代比較會煮，要求高！定係味覺退化，佢話冇牛味……唉，味道嘅嚟見仁見智，難為門口流晒口水等外賣班後生！仲有樣特色係佢細炸魚皮，真係好細，仲要連隻碟都細埋，夾嘅時候或多或少要扣一件半件喺枱面！所以唔會洗驚熱氣，又或者叫支藍妹大啤嘆吓，佢雪櫃唔會擺酒出嚟，喺鋪後面攞俾你，點解嘅？……夠凍囉辣椒油夠香，但好多一粒粒硬核，有咬口有嚼勁！另外值得一讚嘅係門口煮麵嘅師傅，早期第一及二波開頭疫情爆到七彩時，見佢哋唔戴口罩淥麵，都有d擔心但現在佢哋已經做返足保護，真係抵讚

好多屯門人都識得新興，因為已在屯門虹橋好多好多年！古老嘅裝修，細小狹窄嘅店舖，圓櫈折枱，但卻日日都爆曬場⋯⋯原因好簡單，好食😋牛雜走膀河冷冷嘅冬天食碗熱辣辣嘅牛雜婆真係一流！非常入味，吾會過淋，湯底牛味濃郁，很有牛香👍👍牛腩麵應該係最多人點嘅一款！牛有口感，肥嘅！不過唔肥唔好食，自己選擇🤣🤣

今日去到屯門井財街搵食，行左一圈，發覺有間舊式麵店勁多人排隊，而且行過門口，牛清湯味極濃，忍唔住就想食😋😋本人今日著到文青咁，唸住去cafe食個all day,點知最後去食牛肚，但真心好食，支持小店店內都係舊式麵店裝修，圓枱居多，餐牌都係寫上白板，別有風味，親民感十足牛🐂🐃🐄肚河～點完餐都要等差不多15－20分鐘，唔係煮得慢關係，而係太多單，又勁多人叫外賣，熟客十分多，所以真係值得試😋😋。清湯不會太咸，味道適中，唔太似多味精，牛肚堅要讚，因係毛肚已經好少有，而且好林，唔會痴牙，牛肚份量不少，配上惹味辣椒油，真係明日點解咁多人排隊👍🏿👍🏿👍🏿堅會再食支裝汽水～見到即刻要叫，減肥都無情講🤗🤗

平時一向食牛腩米都係會揀屯門呢間，因為由細食到大，有質素保證👍🏻👍🏻 恕我孤陋寡聞，我都係最近先知，原來牛腩都有分好多種，而我今次食緊呢隻，就係叫做蝴蝶腩。 到底蝴蝶腩同平時食開的牛腩有什麼分別呢？就係牛腩上面會有一層薄薄嘅皮，好嫩滑，再夾埋鬆軟嘅牛腩，真係冇得頂呀👍🏻👍🏻👍🏻

專登同兩個朋友去紅橋試吓~ 網上好評嘅老店新興麵家，12点左右，人流幾旺，好多人外賣，廚師👨‍🍳熟手好專業，試左佢高質素嘅牛雜麵份量都幾多，好食，湯底樸實無重味精，食咗冇口渴🎉牛筋腩米~牛筋腩軟稔滑，米粉滿滿吸收左牛腩汁 🎊炸魚皮香脆新鮮~我地食唔停👏價錢好公道，大碗有質素夾，侍應姐姐好好人，親切禮貌，服務咁好好少見啦， 一定會搵機會再食

呢間細細個就開始食最出名就梗係佢個牛雜啦雲吞都唔錯係自己親手包今次就食咗佢個牛雜河食左咁耐牛雜都唔識邊忽打邊忽但呢間牛雜牛味重 而且大分夾抵食湯底濃新鮮牛什淆出嚟嘅湯底就係唔同啲唔似出面啲味增湯如果熟屯門又鍾意食牛雜嘅一定唔會唔食呢間其他區嘅朋友仔都可以黎試吓

放假嘅我今日瞓晏咗😂，一起身已經十一點幾🤷‍♂️， 諗左陣食咩好，就決定喺屋企附近嘅紅橋搵下嘢食，結果我入到嚟呢間舖頭，其實呢間舖頭我成日都嚟😅，但真係冇寫過食評🤦‍♂️，所以今日特登寫一寫，呢間鋪頭雖然係小店🏠，但係呢間舖頭燜嘅嘢🥘，比起其他鋪頭都優勝， 所有嘢都好入味，絕對唔會出現死鹹嘅情況🤤🤤，加上呢度嘅粉麵嘅分量都好十足，呢類型嘅小店係香港已經好少🤔，希望識食嘅你多啲嚟幫襯呢啲舖頭，如果唔係呢啲舖頭就會逐漸逐漸消失😭，到時大家都唔會食到好嘅嘢😉

屯門人應該對紅橋呢間麵店既牛腩麵唔陌生，但估唔到佢既牛雜麵都唔錯材料方面都係大路果幾種，有牛肚，牛肝，牛腸等值得一贊既係佢每個部位都清洗得好乾淨，唔會有膻味👍🏻而咁多樣入面，我最鍾意牛腸口感比豬腸仲要lum但就相對上比較多肥膏，怕肥既朋友記得唔好懶夾走D肥另外，牛肚口感都好彈牙成舊都入曬牛腩汁既味🤤以晚餐三十五蚊黎講，真係非常抵食😋但牛雜呢d高脂肪食物大家記得小食多滋味呀

周街都係雲吞麵店，個個都標榜乒乓波雲吞，但間間味道都一樣，味道又唔係話好特別。難得屯門仲有間老麵店，咁多年嚟不靠宣傳，只靠實力贏得回頭客——新興。今日收早，2點令番到屯門未食lunch，想食下粉麵唔使咁飽。去到新興一坐低就叫咗碗牛雜雲吞河。牛肚，牛肝，牛腸，雲吞。好耐無嚟食喇，水準都Keep到以前嘅味道，牛肝係我嘅最愛，果種口感真係沒齒難忘所以我牛叫牛腩就係咁解。雲吞爽口彈牙，河粉滑口，唔會散收收。

呢到虹橋如果想食麵，一定要呢呢間新興麵家！碗麵非常足料，雖然個麵底唔係話好多，驟眼睇可能會以為唔夠飽，但食落就會發現啲牛筋同牛腩好多，唔知點解食極都仲有😂最後仲滯到食唔落tim😂😂牛筋炆得好淋好入味，牛腩唔係平時出邊食開果啲牛坑腩，個樣係好似燒腩仔咁既樣，但食落一樣好好食🤤成碗麵加埋啲腩汁、辣椒油，夠哂重口味！如果經過開新墟呢頭，想快食個午餐/晚餐，絕對可以黎呢到食碗麵！ 一定要叫內臟！牛筋牛腩牛雜！❤️❤️

吾知大家中吾中意食牛腩、牛筋、牛雜嫁呢? 我本身三樣都好中意食的，但因為食過有D店舖的牛腩好參差，多次都係食牛雜(咩都有，差極都有個譜)。今次，尼一間店舖係好朋友極力推介的。店面睇落平平無奇，但店內已經好多食客光顧，十分多捧場的街坊。我地叫左一碗牛雜河、一碗牛腩米、一碟通菜。湯底清清地，加上牛本身的鮮甜味，絕配呀! 牛雜每一個部位都洗得好乾淨，吾會有好大陣的「SO 味」。到招牌的牛腩，牛腩肥瘦適中，肉同肥造成了一層一層的花紋，食落每一口都有牛的肉香同牛的油脂香，而且D肉一D都吾乾身。總結: 價錢親民，CP值100分的小店

今晚一個人揾食，好耐都無食過牛腩河，專登過黎虹橋食新興麵家，呢間出名抵食份量多。叫了牛筋坑腩河，牛坑腩半肥瘦牛味重食落夠冧，牛筋煙煙韌韌唔會太冧又唔會太硬，正!!

總括黎講, 新興麵家係一間相當唔錯既小店. 大家都應該支持下呢啲舖, 唔係好快就會比啲大集團取替晒. 而最大既問題係大集團永遠都唔會整到呢啲要用心煮既麵. 可能大家覺得麵舖週圍都有, 亦都唔係間間小店都好味! 我當然亦都明白. 所以大家更家要支持一啲好食既本地食店. 令到佢地可以响本地巿場發光發亮..

『去屯門的井財街食牛腩麵』，這一句老說話，早已經不合時宜。今時今日專程來井財街一帶，可以有好多不同的飲食目的。不過，我這一次來到，為的，的確是我之前常說不合時宜的牛腩麵。原因，這兒的牛腩麵店，的確是高水準。而這一次，我就選擇了自已認為比那間街知巷聞好店更好的牛腩麵店來點評，這就是一間裝修不華的街坊麵店，《新興麵家》。這，就是一間平平無奇的麵檔，而就是這樣的平平無奇店，往往就是隱藏著大美味的飲食驚喜。多年前，吃過此店之後就沒有再向後街的那一間馳名港九的店再望一眼。之後，屯門地膽朋友紛紛都說這《新興麵家》比較好，再一次證明，這是一間好野。牛腩雲吞粗，是我最慣常的飲食選擇。這一家牛腩的特色，也是吸引我喜歡來之處，就是夠肥美。幾乎每一件牛腩都帶著厚厚的一層肥油，入口是百分百的香口。肉味，當然會因為那層厚厚的牛脂肪而變得份外美味。而雲吞，是加入了大地魚，混合了豬肉同鮮蝦的雲吞，也是十分香口的。湯不濃，麵條也是一般沒驚喜的出品，但牛肉味同雲吞味，就是頂呱呱的啊。味道濃郁香口，而那味不是來自湯底而是牛腩同雲吞，這一種麵食，絕對要大大力去給一個讚。