新肥泉海鮮大排檔

營業中

休息中

第一次去到位於佐敦嘅官涌市政大廈熟食中心，見新肥泉咁有名氣就決定同朋友試試！果然超有驚喜，好多菜式選擇，夠地道又夠鑊氣🔥Open kitchen睇到我嘩嘩聲，班師傅真係好犀利好型👨🏻‍🍳另外超驚訝嘅係，首見大排檔會做放題！最平每位$288，120分鐘任點小炒同煲仔，飲品啤酒任點，啱晒食量大酒量勁嘅人！我就同朋友兩人食量唔算大，所以決定散叫小菜。辣子雞(半隻) $168————————————爆香又勁入味嘅辣子雞🌶️餐廳選擇用雞件而唔係用雞粒，真係足料半隻雞，炒到外焦內嫩真係好正，麻麻辣辣食到流口水🤤豆豉鯪魚炒油麥菜 $108————————————非常新鮮嘅油麥菜，色澤翠綠口感爽脆🥬份量好多！炒豆豉鯪魚夠晒鹹香，看似簡單嘅炒菜都可以炒到都有鑊氣又惹味，其實都好考功夫㗎！椒鹽雞軟骨 $98————————————超香口，大大粒超有咬口，令人食唔停，做佐酒小食真係一流！位於熟食中心但好坐，食物質素好，又非常抵食，下次要約三五知己嚟聚聚！

新肥泉海鮮大排檔地址：佐敦寶靈街17號官涌市政大廈2樓熟食中心 佐敦高質有鑊氣既海鮮大排檔🤭勁啱一大班朋友或者一班同事黎食飯👍👍地方環境寬敞，坐得舒服😊👍主打港式大排檔食物，每樣食物都係即炒，夠新鮮！而且款式好多，基本上你想得到既港式小菜全部都有！超級正😋我就係一家人黎食，叫咗幾樣小菜👍全部人都食得好滿足呀！😋如果係高鐵過黎，可以先行去柯士甸站，再係E出口過行人隧道，一上地面就見到官涌市政大廈 黑椒薯仔牛柳粒 - 薯仔煮得微脆少甜，食落勁好味，好鍾意食，薯仔比牛柳更好味😋當然牛柳絕對唔差，一口牛，啖啖肉古法蒸游水大桂花魚 - 超大條桂花魚，食落無咩魚骨，所以可以放心大大啖咁食😊魚肉好味又多營養，必叫！豆腐肉片魚雲湯 - 大大碗魚湯，鮮甜可口，加埋豆腐滑捋捋，好飲！西蘭花炒象拔蚌片 - 份量足料，西蘭花大大粒，象拔蚌片口感好好！好正呀蔥油霸王雞 - 叫咗半隻霸王雞，肉質好滑，好味！

新肥泉海鮮大排檔佐敦寶靈街17號官涌市政大廈2樓熟食中心依間位於佐敦市區既港式大排檔餐廳，可以話係黎香港必食之店！超高性價比，平民價錢，但食物質素非常高，可以媲美酒店級別既大廚！超級抵食！非常適合一大班朋友或者家人黎食～份量又多，餸菜高質好味，款式都超級多，所以香港款式的小菜，海鮮都有。而且店員很好服務，有禮貌，不會催你走，可以慢活人生，品嚐美食😊 餐廳亦好近高鐵站，基本上到柯士甸站E出口，然後過一條行人隧道上地面便能看到官涌市政大廈，相信易找！內地的朋友來香港不要錯過喔！古法蒸游水大桂花魚 - 大大一條桂花魚，色香味都有，份量很足，一家人食都食不完，而且沒什麼魚骨，很易入口蔥油霸王雞 - 雞的肉質煮到很滑嫩，好好食！黑椒薯仔牛柳粒 - 一口食掉一粒牛柳，好好味，易咬，薯仔亦煮得脆脆的，口感很棒豆腐肉片魚雲湯 - 鮮甜可口的魚湯，營養價值高，好飲西蘭花炒象拔蚌片 - 西蘭花很多，很大粒，象拔蚌片也是好吃到停不下來

最近，又掛住香港地道嘅美食，去佐頓嘅《新肥泉海鮮大排檔》食下港式菜色。今次嗌左以下：✨️冰鎮大鮑魚 $96鮑魚兩隻、大大隻，肉質Q彈夾嫩，含有燒酒味。係凍食嚟，配合豉油 和 Wasabi 食用，比較特別。✨️黃金海大诲蝦 $168咸香十足，隻隻手指公咁大隻，肉質結實鮮美，目測约有十隻。✨️可愛 BB 鴿 $52BB鴿個皮炸到香脆，入面肉質鮮嫩，超級好味。✨️招牌豉椒炒大蜆$128火喉十足，青椒翠綠，蜆的份量都幾多，味道濃郁。✨️飲品玻璃樽玉泉特別好飲，仲有免費茶無盡提供，食多野都一定能夠解到喝。📍佐頓 寶靈街17号官涌市政大樓2樓熟食中心#新肥泉#港式美食#地道美食#大排檔

呢間大排檔係熟食市場入面！豬潤啫啫鮮雞煲 - $128這道雞煲的味道濃郁，豬潤與雞肉呢個組合少見！雞肉保持了多汁的口感，同有炸香過！有洋蔥菇類等等一齊炒肥泉小炒王 - $118小炒王味道偏重口味～有超多配料 腰果、大蝦乾、炸銀魚仔等 使得每一口都充滿層次感 非常適合搭配白飯椒鹽九肚魚拼鮮魷魚 - $168拼盤好一次過食哂兩款！椒鹽的香脆外皮！個人推九肚魚 連骨都可以食！新肥泉海鮮大排檔 (佐敦)佐敦寶靈街17號官涌市政大廈2樓熟食中心

自費凍凍地最啱嗌返個煲我哋食咗香芋煲我最鍾意食芋頭㗎啦，個芋頭真係超級好食個質感超級好我哋仲嗌咗炸魷魚個魷魚脆卜卜即叫即整真係好有口感嗌碗白飯配落去真係好好食，又唔會太過鹹口味真係十足一流㗎我哋亦都嗌咗肉類就係腰果甜酸骨去個甜酸骨唔會太過鹹佢哋嘅黑醋亦都係自己條配嘅勁有質素同埋好有特色嘅菜式，其他舖頭都未必有呢一種價錢適中份量好大碟兩個人食已經食到好飽啦我覺得凍冰冰食吓大排檔幾有質素㗎如果有興趣都可以去食

呢間大排檔好好食，但夏天食真係有啲熱🙈而家凍啲就可以黎番食飯！除左小炒仲有打邊爐！豉汁蒸白鱔白鱔有十幾舊，份量好足👍🏻入口爽脆，好厚肉，豉汁調教得岩岩好唔會太鹹😋黑椒野菌牛柳粒平時成日都食薯仔牛柳粒，今次試下襯野菌。牛柳粒肉質軟腍，仲好juicy!!菇類有好多款，炒得小小乾身好香口🤤黑椒汁都好濃郁！上湯浸豆苗冬天一定要食豆苗，個豆苗好嫩，面層仲加左啲雜菇更有鮮味！原來而家仲有八周年優惠，八點後入座全單8折，10點後係6折！好抵啊！！！要再黎食😂😂

菜做的就算还好， 反正都是旅游的地方，价格都大差不差，但是从进去到结账，并未标记需要加收10%服务费吧。。。。 也没有提前告知。结账的时候看单子才发现。况且，一个大排档，这样的环境，满屋跑老鼠，何谈服务费呢。 你又不是米其林，又不是多精致的餐厅。不知道是不是只对旅游消费者收服务费。你收也可以啊，起码明确告知吧。点了一个避风塘炒蟹，一盘炒青菜，一个粉。光“服务费”算下来就70。前一晚去了炮台山的一家大排档，也没有服务费啊。。 接受不了，想不明白。 不知道服务我啥了。。。有点当大冤种的感觉。

好耐無食大排檔啦! 放工就去左佐敦官涌熟食中心呢間新肥泉食晚飯，一坐低就見到師傅在廚房炒菜夠火喉!! 我地既晚餐就叫左：.🦪醬皇燒生蠔 幾鍾意食呢個，夠香夠鑊氣!! 有4-5件蠔，大大件，加埋醬汁、彩椒同蔥炒香，惹味!!.🍲粟米魚肚雞粒羹呢個湯羹幾足料，每一口都係滿滿的配料：粟米、雞肉、魚肚、蛋花，湯汁香甜，簡單又美味! 4-5人share都得! 我地兩個人每人都起碼飲左3碗.🐟香辣魚皮開胃既前菜，魚皮爽，加埋辣油幾香.🥬雞油炒豆苗估唔到用雞油炒豆苗係咁香! 其他咩都唔駛落已經入味

聽朋友講哩度幾好食, 所以今次專程過去試吓味。按照平日習慣我中意飯點前去book定。但係估唔到遲咗少少幾乎坐滿，隔離台仲話嗰日幾乎未停過遲少少仲要等添。🥘【啫啫雞煲】/ $128雞煲雞肉好嫩滑啲味道完全入晒😋😋每一啖都食得出香。雞肉吸滿汁水，咬落去嗰啲味道好濃。煲汁味道層次分明唔滯🥰🥰淋飯度都已經好絕。🍽️【蒸鮮魷】/ $138勁爽脆，彈中又帶點嚥韌，魷魚甜味與鮮味十足🥰夾上金菇更加清爽。🍳【小炒王】/ $118小炒王就係魷魚蝦米韭黃，味道好香超有鑊氣。蝦乾又夠大隻😮😮甜鹹皆有夠鮮。🥢【炸酥蠔】/ $168新鮮炸起又係好香脆，不過熱氣嘢唔敢食太多🤣

「新肥泉」位於佐敦官涌街市，地鐵站行五分鐘左右就到，幾方便～！ 炸乳鴿佢哋有散叫，亦有唔同價錢嘅任食套餐～ 小炒任食 (HK$288@)～ 9️⃣0️⃣分鐘， 首次落單開始計時間～ 玩法係每次每人最多叫2️⃣款食物，要完全食哂先再可以叫下一輪㗎‼️ 啤酒同selected soft drinks都included 㗎！真係要號召大胃王‼️ 我哋top up 另外叫咗份辣酒煮花螺，好惹味！喜歡食大量海鮮嘅可以試下佢哋嘅海鮮放題 (HK$488)，所有餸都order得～～

講起食大排檔，呢間位於佐敦熟食中心嘅新肥泉已經encore咗無數次👅$288兩個鐘任食小炒真係抵到爛，平時大排檔一個餸都起碼三位數，每人嗌兩個餸已經回本，連飲品啤酒都係任飲🫡全部小炒都係即叫即炒，上枱仲冒緊煙，絕對誠意十足！1. 菠蘿咕嚕肉甜酸汁份量適中，恰好可以包裹住每一舊肉，店家用咗里脊肉，肥瘦適中，炸粉好薄，酸酸甜甜非常惹味🤤2. 薯仔牛柳粒呢個應該係大排檔嘅經典菜式吧😙薯仔先炸後炒，仲裹咗糖衣，外皮焦脆、內裡軟糯～牛柳大大粒，火候恰到好處，炒出黎仲係好嫩滑多汁，牛香味濃郁😆3. 豬潤啫啫煲有起碼七八塊超大超厚切嘅豬潤😍食豬潤最驚就係太韌同有腥味，呢個完全冇！同行朋友唔食豬潤，小編一個人食曬咁多塊超滿足😆雞件都好大舊，雞肉嫩滑👍🏻多到食極仲有😂另外仲有冬菇等配菜，索曬煲入面嘅汁之後好惹味🥰4. 炸雞軟骨呢個次次黎都係必嗌，送酒一流（雖然小編係送可樂🥤但都好正），大大粒軟骨好有咬口，忍唔住一粒接一粒😋5. 手拍青瓜第一次試佢地嘅涼拌菜，估唔到又幾有驚喜！青瓜新鮮爽脆，調味酸辣可口，當餐後小食幾唔錯🤭

今天同閨蜜一齊食飯，真係好開心。餐廳有大大張枱，坐得舒服，非常適合兩個人聚埋一齊。最先嚟係金沙雞翼（$83），外層嘅脆皮帶有鹹蛋黃嘅香味，好惹味，咬落去又香又脆，唔膩口，真係幾好食。再來係現芥鯪魚球（$118），鯪魚球外脆內彈，咬下去有彈牙嘅感覺，醬料配得啱，味道好正。最後係豬潤啫啫雞煲（$128），豬潤大大塊，煮得好滑，雞煲趁熱食，湯底鮮美，雞肉嫩滑，配搭得宜，食完令人滿足。我哋兩個叫咗兩杯無糖可樂，配埋呢啲美食，真係好開心。年初一啟市，呢度好方便，有高鐵過嚟，地理位置優越，值得一試！

🍊 餐廳名稱：新肥泉海鮮大排檔 (佐敦)🐝 味道：8/10環境：7.5/10整體分數：7.5/10💰人均：$200+———————————————————小炒放題💰288@1位全日都無食過野，就係為左食呢個小炒放題！做呢類型嘅放題真係少之又少，如果係一大班朋友一齊歡聚就最好不過。唔好以為選擇好少，有多達117達小菜飲品可以揀，連啤酒都係任叫！海鹽香煎雪花和牛粒叫啲小食類過下口癮先！雪花和牛名不虛傳，牛味經牛油散發出黎，一粒一粒好快清左碟。豉蒜虎皮椒炒爽肉爽肉就係豬頸肉，用虎皮尖椒去炒特別香，帶點辣，好過癮。當紅炸子雞半隻水準同茶樓差不多，皮真係好脆，而且好入味又唔會嚡！濃湯海味雜菜煲非常多料，份量就算係放題都唔講得笑！

人均$150起｜佐敦｜大排檔｜新肥泉香港冬天就是要來吃大排檔啦大力推薦佐敦的新肥泉人均都只是港幣150好吃又划算！我就說這鮑魚雞煲也太讚了吧一鍋四隻鮑魚也太佛心了吧最讚的是雞煲巨上癮雞件好香好滑推薦海明蝦球也很好吃的說蘸上小許的芥末裹在現炸的蝦球上巨上頭的也推薦潮州式做法的蜆芥鯪魚球傳統工藝買少見少原個手打的鯪魚球是真的彈牙點上蜆芥醬好特別的最後別忘了炫上福建炒飯大口吃上足料的炒飯就是讚感謝在地人帶路這下子你們知道本地人才來的小店了吧。——————為食分界線——————📍 新肥泉海鮮大排檔佐敦寶靈街17號官涌市政大廈2樓熟食中心人均消費： $150#mariofatfat #foodie #hkfoodie #hkrestaurant #topcitybiteshk #topcitybites #hongkongfood #hk #hongkong #hkfood #hkfoodie #hkblogger #hkfoodblogger #hongkonger #香港 #香港美食 #週末好去處 #香港好去處 #食好西 #美食 #探店 #香港探店 #新肥泉大排檔