新肥泉海鮮大排檔

營業中

休息中

相信香港都好多人鐘意食大排檔，因為夠曬風味！咁可以嚟佐敦試下呢間新肥泉海鮮大排檔，地方好大2樓全層都係佢包辦，我由收工時間約朋友坐低食飯之後，陸續有好多人收工過嚟幫親，其中有唔少係白領上班族，大家飲住啤酒歎小菜🍻，好快就坐滿座，生意好好。✨豬潤啫啫鮮雞煲（$128）成個煲既食材都好入味，包括野菌以及豬潤都好惹味，鮮雞大大件好抵食😋食大排檔一定要叫返個啫啫雞煲啦！✨豉汁蒸白鱔（$168）我唔鐘意食魚，不過對白鱔都算係情有獨鐘，呢個豉汁蒸白鱔真係出色，白鱔肉好嫩滑而且份量比好多，送飯真係一流。✨肥泉小炒王（$118）網評推薦菜之一，我本身都好鐘意呢道菜，味道鹹香送酒一流既小菜，炒得唔油，韭菜好味。

📢太正啦🥁❗❗❗新肥泉海鮮大排檔宜家做緊$388任飲任食放題呀❤️‍🔥‼️‼️無論係食火鍋、小炒、沙鍋煲、小食、湯羹都係任食任飲呀🥢🍻啱哂大胃王朋友仔啦😂❤️‍🔥❤️‍🔥小編今次同友人叫咗幾款小炒同火鍋☺️💛新鮮魚湯鍋：呢道魚湯鍋絶對係夏日既最佳選擇！鍋裡既湯清甜鮮美，令人一試難忘。鮮嫩既魚肉和新鮮的蔬菜在湯中煮熟，口感豐富，帶來滿滿既滿足感👍❤️菠蘿拔絲咕嚕肉：結合咗菠蘿既甜味和咕嚕肉既咸香，相得益彰菠蘿的酸甜喺口中爆發，與嫩滑的咕嚕肉完美融合，口感豐富。呢味餸😻色香味俱佳，絕對係一道值得品嘗既經典💚🩷肥泉小炒皇小炒菜色彩繽紛好colorful💞，多種食材的組合令佢非常豐富多樣。入口後的脆嫩口感令人驚喜，好夠火氣，各種食材的味道融合在一起，食落唔錯👍🤍腰果黑醋骨結合腰果的香脆和黑醋骨的酸甜，非常match既搭配。腰果的香氣與骨頭的酸甜完美平衡，令人回味無窮。每一啖都帶嚟一種獨特既美味感受😌 青檸疏打水➡️消暑的好選擇豐盛既大餐之後，叫返支青檸疏打水絕對係一個清爽既結尾。青檸的清香與氣泡水的冰涼交織在一起，令人舒爽無比。

🫶🏻之前同一大班朋友去過呢間大排檔食過飯，知道佢地小炒做得唔錯，今次同老爸食飯，搵呢間大排檔同佢食岩哂。👅 椒鹽鮮魷大排檔風味菜之一，去親都會叫～炸得金黃澄黃，外皮香脆，而鮮魷質感鮮彈，配上椒鹽粉食咸香味足 👍🏻👅 菠蘿拔絲咕嚕肉醬汁黏稠，呢道菜最出色既地方係，外皮薄脆而咕嚕肉炒得柔軟，最驚呢道菜煮得唔好會皮厚肉"鞋" 😟👅 蜜椒薯仔牛柳粒超級好食既一道菜！！薯仔脆香，牛柳粒柔軟，而黑椒蜜糖醬汁調得好出色，掛汁後極具風味！送飯絕佳 ❤️‍🔥❤️‍🔥❤️‍🔥👅 蒜蓉白菜仔蒜香滿滿，白菜清甜，美中不足係油落多左d🥹▫️◾️▫️◾️▫️◾️▫️◾️▫️◾️▫️◾️▫️◾️▫️新肥泉海鮮大排檔 (佐敦)📍佐敦寶靈街17號官涌市政大廈2樓熟食中心

今日放工之後好想食大排檔，所以就入咗嚟大排檔90分鐘小炒+煲仔任食$288 首先就叫咗佢哋嘅當紅炸子雞半隻皮脆肉滑，食得出係新鮮嘅🤣🤣有雞味，份量就唔係太大份適合兩個人一齊食👌🏻👌🏻之後就叫咗佢哋嘅海鹽香煎雪花和牛粒味道偏重口味，適合夾埋啤酒三五知己坐低一齊食😌另外亦叫咗佢哋嘅生啫唐生菜煲上到枱仲熱辣辣，適合送飯除咗生菜之外，仲有啲肉粒碎🙌🏻我哋叫咗一個京蔥炒牛柏葉牛柏葉爽口嘅味道帶有一點京蔥嘅甜味

今日專登帶阿仔嚟試下啲 有風味嘅大排檔， 阿仔都係第一次嚟 熟食街市 食嘢 ，身為香港人點可以唔試下， 呢度環境乾淨， 我覺得仲乾淨過好多茶餐廳同酒樓， 周圍風扇， 唔會好熱， 另一番風味， 遠處已經見到幾位廚師好落力係咁炒好有鑊氣， 我哋一坐低即刻叫咗兩樽可樂， 好耐都未飲過 玻璃 樽裝， 阿仔都話特別有氣， 呢度話明海鮮大排檔所以今次專登叫啲海鮮食呀， 我哋叫咗 椒鹽 軟殼蟹， 一嚟到我哋都嘩啦聲， 好大碟， 而且軟殼蟹 大大隻， 又香又脆， 跟住我哋再叫咗薑蔥屈蠔， 啲蠔又係鮮甜又大隻， 再來一個 鮮魷通菜， 通菜永遠都係出街食先好食 ， 自己屋企隻鑊係炒唔到呢個效果 ， 呢度 都絕對唔 孤寒 ， 放咗好多 鮮魷魚， 原來兩個人真係食唔曬 阿仔都話 好正下次可以再來。呢度其實都好方便， 好近 佐敦港鐵站， 又近 西鐵 ，柯士甸站， 又近高鐵站， 唔怪得 咁多人

最近多數同朋友出街食下日本嘢、西餐比較多，諗起好耐都無食過大排檔！一於同屋企人試吓呢一間新肥泉大排檔！位置10分方便，為於柯士甸西鐵站附近 ，大約 5分鐘路程！估唔到質素都好好！！每樣嘢都好有鑊氣！正宗大件夾抵食，推介！🌸🌸🌸🌸🌸🌸🌸🌸🌸🌸🌸🌸🌿豉汁蒸白饍 $168素聞新肥泉嘅蒸白饍色香味俱佳今日一試果然令人喜出望外！😸當天侍應姐姐更說白饍超新鮮即日送到蒸煮得岩岩好 白饍質地爽滑又彈牙豉汁嘅味道濃郁但唔會太鹹白饍件鋪滿碟子 份量超足！🌿星洲炒米$98好少於大排檔食星洲炒米 今次試一試！稍帶咖哩香氣 米粉炒得熟透但不爛乾爽至極 亦貫徹大排檔的風格—鑊氣十足配料亦都好豐富包括蝦仁🍤、叉燒絲同蔥等等份量好足適合2-3人分享！🌿時菜炒珍肝$118珍肝是雞的內臟！珍的正寫應該是我們俗稱為腎其實是砂囊 雞肝炒時菜味道和洽而且炒得啱啱好 唔會太油膩！🌿鹹魚雞粒豆腐煲$118熱辣辣原煲上 香氣撲鼻 👃充滿咗鹹魚嘅香味 雞肉粒唔乾稍稍嫩滑，豆腐則好入味滑溜份量都好夠多！

一直都好想食下啲特色小菜，咁啱嚟到佐敦聽講有間大排檔啲嘢幾好食，就同左屋企人嚟試下。沙嗲金菇肥牛煲 大排檔必食砂鍋煲的菜式，肥牛亦是我的最愛，這裡的肥牛片數份量很多，底部就都有好多粉絲，金菇都口感不錯，濃濃的沙嗲醬汁精華。不過沙嗲味可以再濃郁一點就好了。海皇福建炒飯食中菜當然要配飯一起吃，點了海皇福建炒飯。福建炒飯賣相很不錯，鮮蝦份量都蛋，炒飯乾身粒粒分明有咬口，濕潤的醬汁帶甜而材料豐富，有蝦、芥蘭莖片、冬菇、和雞肉粒。炒飯上加上美味的芡汁，就是精粹很惹味。椒鹽炸軟殼蟹
本身好喜歡吃炸物，所以點了椒鹽炸軟殼蟹。軟殼蟹斬件以油炸後，灑以椒鹽，特別甘香惹味，最方便的吃蟹方法是連殼都吃掉。連殼帶肉一起酥炸，香甜酥脆的軟殼蟹，停不下來的滋味！一口咬下去軟脆美味爆棚，螃蟹炸的香香脆脆！蟹肉鲜嫩可口，椒鹽的味道很好味！咸蛋黃蒸肉餅平日我是個走肥肉主義者，但對住這個鹹蛋蒸肉餅，這道走肥肉防衛網就徹底被打破了。肉餅比例肥瘦肉堆砌而成，吃下一口後就顧不得那麼多了，肉質鬆軟，其軟腍程度未至於無須咀嚼入口即化，但肥瘦肉融合在一起不易被我的舌頭發現，最喜歡還是加了甜豉油調味後加上鹹蛋黃流出來的汁，甜甜的味道令

📍 新肥泉海鮮大排檔 (佐敦)佐敦寶靈街17號官涌市政大廈2樓熟食中心街市入面嘅寶藏大排檔餐廳，係坐得舒服既大排檔。地下唔會笠，有大風扇吹住唔會熱！好先進，可以用QR code落單！👉 蔥油霸王雞半隻💰168😋😋😋😋.5/5賣相相當吸引，薑蔥滿布在鮮嫩的雞件上 ，咬落口啖啖蔥油的香口， 雞肉嫩滑💓💓👉 椒鹽雞軟骨💰98😋😋😋😋.5/5呢碟份量超多，食極都仲有咁。雞軟骨每粒size都均勻，有少少雞肉，骨炸到岩岩好，唔會好硬🤤🤤👉 黄金鮮魷💰148😋😋😋😋.5/5黃金鮮魷沾上了邪惡的咸蛋黄，金黄色脆配上蛋黃真係無抗拒的理由。🤤🤤回頭: Yes !!! 勁有大排檔風味，但係又有舒適嘅環境，食物有鑊氣唔錯唔錯！#kermit食在佐敦

佐敦大排檔大排檔都幾乾淨，地下不會濕笠笠。雖然沒有冷氣，但不會太熱，有十幾部大型吹風機。凍飲品飲任，即刻解熱。大排檔已經可以用QRcode落單。大排檔免茶介，但要加一服務費。每人每次只可叫兩款。食完後，不限次數。✨️人齊先開始落單，落單果刻先開始計時✨️接近食完，就要再落單。因為每款師傅都是即場煮，最慢都要10分鐘。✨️份量都幾大🤭，如果可以細份d就好。90分鐘內，我們兩位叫了：🔸️豬潤啫啫鮮雞煲👍🏻👍🏻全餐最好食的菜色。鮮雞件被炸過。食到雞皮香脆，內裡肉質滑嫩。豬潤厚身份量多。最正是醬汁夠結身，令雞件和豬潤好入味。🔸️xo醬爆牛柏葉牛柏葉好爽脆，有好多配菜。可能配菜的水沖淡了xo醬的濃味，xo醬的味可以更出。🔸️黃金炸魚皮炸魚皮好脆，有些咸蛋黃，適合送酒。🔸️黑椒牛仔骨有5，6件牛仔骨，都幾入味。

最近喺官涌發現咗間好有feel嘅大排檔❣️新肥泉海鮮大排檔❣️，位於熟食市場嘅傳統大排檔，海鮮、肉類小菜款款都夠哂穫氣😋 啱哂同朋友嗌幾個小菜飲啤酒傾下計☺️☺️ʙᴜʙᴜ推介🔥👍 薑蔥生蠔煲生蠔煲非常新鮮，薑蔥味道濃郁，味道夠哂穫氣。生蠔肉質飽滿彈牙，同香滑嘅薑蔥汁完美結合，每一啖都有滿口嘅蠔香味 🦪 👍 椒鹽脆鮮魷椒鹽魷魚香口又唔會過分鹹，外皮炸得恰到好處，魷魚肉質鮮嫩並保持彈性，同啤酒搭配絕對係最佳選擇。👍 招牌海明蝦球咕嚕明蝦球做得非常出色，每隻蝦球都包裹住甜酸滋味嘅咕嚕醬汁。蝦球新鮮彈牙，醬汁甜酸適中，令人回味無窮。📍新肥泉海鮮大排檔佐敦寶靈街17號官涌市政大廈2樓熟食中心

好耐冇食過大排檔，第一次來官涌街市的新肥泉，因為早排有一位朋友說這裏的小炒不錯，抵食又大碟，今日收工勁肚餓，就來試試。首先叫咗個蝦仁炒蛋，蝦仁好大隻，而且份量都唔少，肉質彈牙，炒蛋就唔係我心目中嘅質地，比較削，值得讚嘅係一啲都唔會油淋淋，如果再來會試第二款蝦仁菜式。蝦醬通菜炒鮮魷，又係勁多鮮魷，食極都仲有，送啤酒一流。這個推介！鮮菌炒牛柳粒，見到好多人介紹薯仔牛柳粒，不過我自己唔鍾意食薯仔，就揀咗這一個鮮菌炒牛柳粒，好有鑊氣好惹味，呢碟餸絕對超值！BB乳鴿，調味啱啱好，都唔需要額外調味，仲有幾塊蝦片伴碟。雖然佢嘅位置在街市入邊嘅熟食中心，沒有冷氣，地方亦都比較地踎，不過尚算衛生，有很多風機和風扇，一點也不會覺得熱。而且價格十分親民，$110-130一碟的小菜，份量就等於出面茶餐廳兩碟咁多。一個人食一碟，如果有食飯，好難食得晒。好適合一大班朋友一齊食，每人揀一樣小菜就已經很足夠。啤酒汽水價錢亦都唔貴，偶然食吓大排檔都幾有風味。玻璃樽梳打水比較少見 總結：港式大排檔風味，有鑊氣，抵食又大碟，菜式選擇勁多，其實仲有海鮮。

今次二訪新肥泉同朋友尖沙咀行完街佢話好想食椒鹽類既野即刻諗起呢度如果街邊食又太熱如果去熟食市場大排檔就唔驚了-椒鹽雞軟骨新肥泉既椒鹽實在唔錯香口味道調得岩岩好用黎做下酒菜都唔錯-黃金四季豆金沙香濃 好香咸蛋味既四季豆份量好多 唔洗驚唔夠食-麻辣水煮肥腸鵝腸超多肥腸同鵝腸！現料都非常充足有豆卜炸腐皮芽菜菇雲耳豆卜吸晒啲汁超好味肥腸大大舊 鵝腸都好新鮮 唔錯唔錯原來而家佢仲有個任食套餐分別有三種A $288 - 小炒+煲仔B $388 - A+火鍋+麻辣水煮C $488 - A+B+生猛海鮮野飲都係任飲！！下次餓住黎試埋佢先！今次好彩早左黎如果唔係愈夜愈多人 打去book定就穩陣啦

今日覓食嚟到官涌巿政大廈 “新肥泉海鮮大排檔”，香港本土地道風味，款款小菜都好有鑊氣，真係聞到都流晒口水，啱晒一家大細，又或者一大班朋友飲住啤酒餐敍。鮑魚，雞煲 $188新鮮鮑魚熟度剛剛好，配上啫啫雞，雞肉嫩滑多汁，又香又惹味，送飯一流。肥泉小炒王 $118鹹香大蝦乾炒韭菜，最特別嘅係呢度嘅小炒王有菜莆同白飯魚仔，仲有肉絲，好濃味，送飯送酒一流。招牌海明蝦球 $138彈牙大蝦炸至酥脆，加入洋蔥三色椒和酸甜開胃汁爆炸。

💰第一次食大排檔嘅放題，$288/ 90分鐘任飲任食，但因為唔想浪費食物做大嘥鬼😈每次每人只可以叫兩款，食晒先再加單，但加單次蚊就無限🥬椒絲腐乳通菜好大份，椒絲腐乳醬好多好入味，每一條都掛滿醬汁，又唔會太辣太鹹，我哋冇叫到白飯都一樣食得晒🥩腰果黑醋骨黑醋骨肉質軟腍，酸酸甜甜好啱小朋友食，外層脆脆地，炒埋一齊嘅腰果都好好食好香脆🤤🐦BB 鴿呢隻bb鴿都幾大隻多肉，乳鴿個皮好脆好薄，咬落去肉香唔酥😋唔使點任何調味都好夠味🐧椒鹽鴨舌你啲鴨舌超抵食，一碟勁多，每一隻鴨舌👅都有脆漿同埋痴住啲椒鹽🌶炸起熱辣辣好岩餸酒傾計食，非常香口會損唔停口🤭🐂京蔥炒牛柏葉牛柏葉爽脆彈牙好口感唔會韌，配料好豐富，京蔥味道濃郁👍🏻🥦啫啫芥蘭煲有蝦米有豬肉碎炒出嚟，仲帶陣蝦醬嘅咸香🦐 芥蘭莖部爽脆但葉部分有啲老🫣

✨招牌豉椒炒大蜆大大碟 大蜆都幾大隻 鮮甜冇沙炒得比較濕 如果再乾身啲會更正 幾惹味✨椒鹽脆鮮魷脆漿夠薄 炸得酥脆 鮮魷幾厚肉 口感彈牙整體幾香口 但椒鹽可以再重手啲 送酒一流✨當紅炸子雞炸子雞半隻 份量都唔少雞皮香脆 肉質軟腍 仲有幾塊脆卜卜蝦片拌碟 ✨樽裝汽水樽裝特別夠氣好飲總結：菜式選擇好多 食物可以 份量足地點方便 喺高鐵站行過嚟只需五分鐘環境夠地道 喺街市樓上熟食中心入面有冷氣開放 比一般大排檔坐得舒服服務唔錯 價錢可以 風味十足