新肥泉海鮮大排檔

營業中

休息中

由細到大我都好熱愛叫香港的大排檔！點解？因為除左炒餸有獲氣之外樣樣野都好入味同開胃！又樣樣野都好好食！所以今次我決定同朋友去食香港大排檔撐下台腳再傾下女人心事！環境都舒服乾淨，坐既枱面位置都相當闊落，現場員工仲比張櫈我地放自己隨身物品！估唔到大排檔服務都幾貼心！仲有就係室內冷氣！夏天係真係太需要了 ！我地首先叫左西蘭花炒象拔蚌片，好入味爽口！西蘭花充滿醬汁味，軟身易咀嚼！之後再叫咗個月煲魚頭豆腐湯！鮮味無比仲好抵食，兩三個人食絕對可以每人飲多兩碗！勁大煲！員工作正常幫我地整埋湯渣出嚟！之後再叫左個菜小炒王，入面醬汁非常飽滿，魷魚同埋乾蝦亦都好入味！最後我地再叫左個豉油皇鵝腸！食落爽口惹味！呢度距離九龍高鐵站好近，只需步行8-9分鐘就可以到了，大排檔餐廳還經常有出新既優惠！鐘意食大排檔既你一定唔可以錯過了！新肥泉大排檔（佐敦分店）佐敦寶靈街17號官涌市政大廈2樓熟食中心

好耐冇食過大排檔啦，今次真係好滿足💗💗💗✨ 菜心炒牛肉大大碟牛肉爽滑彈牙夠牛味呢味菜式一定要喺大排檔先至夠曬鑊氣味道,本來唔想叫啤酒,但係隊支啤加埋菜心炒牛肉真係好夾好爽😄✨魚肚蝦米蒸滑雞出面好少食到呢味餸,豐富滋味爽口魚肚加蝦米鹹鹹地再襯埋蒸滑嫩雞,份量重要非常多,好味道好想食曬但係又多到食唔曬🤣一啖白飯一啖啤酒感覺好麻甩,但好爽🎉✨紅燒乳鴿外皮脆卜卜肉質好嫩滑夠曬味道又不太鹹吮到骨都乾乾淨淨✨超有鑊氣豉椒炒大花甲超有鑊氣兼份量驚人!完全冇沙!好味又大大嚿先甜靚蜆,大排檔的極致風味!真係食到進入忘我境界😵一路食一路諗緊點解仲會有咁多😨但最後竟然都係覺得唔夠食🤣

雖然平時要照顧小朋友，但係爸爸媽媽都會抽時間出去食吓飯撐枱腳，唔一定要去高級餐廳，去吓大排檔其實都好開心😌.今次就去咗爸爸公司附近嘅新肥泉海鮮大排檔，大排檔位於宮涌市政大廈嘅熟食中心入面，好有風味。座位好寬敞，唔會好迫好侷促，喺度熟食中心入面，唔使坐街邊，環境比一般大排檔好。我哋叫咗三個小菜，三碟都好好食，好好餸飯。.椒鹽脆鮮魷🦑鮮魷表面炸到好香脆，粉漿唔會太多，厚薄適中，配埋椒鹽超惹味。令我最驚嘆嘅係鮮魷好厚肉肥美，但一啲都唔韌，口感好好，食到停唔到口🤤.招牌豉椒炒大蜆豉椒汁好香濃，每粒蜆肉多好肥美，配埋豉椒汁味道超夾，蜆肉處理得好好，唔會有沙，呢個餸真係超好送飯😍.腰果黑醋骨🐷豬扒好淋，質感好好，啖啖肉唔會有渣。黑醋同豬扒味道好夾，酸酸甜甜超開胃，加埋腰果配搭好特別。

想同朋友吹下水又坐得耐的話，大排檔都係唔錯的選擇，今次日本朋友仔話想食地道野，即刻諗起肥泉哥，估唔到今次上去有新野，玩任食，分左2個餐，如果想剩食小菜就$288一位，包埋野飲，有90分鐘可以食，如果想打埋邊爐或者食麻辣水煮的話都係$388一個人，咁計法應該打邊爐真係好抵，平時打個邊爐湯底都200幾啦，不過今次都係2個女仔，都係食小菜算今次嗌左啫啫芥蘭煲椒鹽鴨舌菠蘿拔絲咕嚕肉雖然係任食，不過份量一啲都無小到，好鍾意個啫啫芥蘭，好有鑊氣個鴨舌要我自己食哂，日本妹覺得好奇怪，不過好食到清左碟咕嚕肉個皮好脆 酸酸甜甜飽哂 滿足

細細個覺得大排檔炒餸好好味，長大覺得都好夠鑊氣，炒餸夠鑊氣真係好重要，佐敦官涌市政大厦呢間新肥泉海鮮大排檔真係做到，啲餸好好味呀，味道又岩食，連接西九龍高鐵站腳程近，距離地鐵站都好近，位置一流！蒜蓉炒西蘭花上碟蒜蓉超香，食落更香口，西蘭花仲好鮮嫩，口感亦好好豉汁蒸白鱔$148大排檔必點，味道恰到好處，鱔口感滑，不生不老菠蘿拔絲咕嚕肉 $86賣相口感一樣出色，醬汁香濃，推薦菜式之一，瞬間清碟，配菜都一樣出色入味加埋白飯兩碗，飲啤酒汽水又得，咁就夠哂大排檔風味，大排檔侍應做事同上菜都好快手又有禮貌，落單掃個QR Code，吾洗5分鐘上到菜，好先進又有條理既大排檔，見到廚師好落力炒餸，食野期間仲不斷聞到廚師炒緊好香好香既餸菜，真係食緊都仲想加餸，不過每一個餸既份量都吾少，我地都好飽足

【氣氛一流｜新肥泉海鮮大排檔】今晚與老闆食飯啦！豪邁啲，我哋去咗官涌街市政大樓內食大排檔！比想像中爆場，好彩有提早訂位。🍺手機落單點菜很方便🍺椒鹽九肚魚炸得金黃脆口，但又唔會好多油，好好食呀！🍺菠蘿咕嚕肉咕嚕肉大大舊，汁偏甜，適合怕酸嘅朋友。如果菠蘿再多少少就好啦！🍺味菜炒牛百葉味睇佢其貌不揚，其實好好食😋味菜係咸酸菜，酸酸甜甜好開胃，牛百葉用豉汁醬爆過，索晒啲汁好惹味，而且好爽口，一啲都唔會靭，洋蔥又甜，我鍾意呢味菜！呢間大排檔好近高鐵站，啱晒成日坐高鐵嘅朋友💪🏻🚄新肥泉海鮮大排檔📍九龍佐敦寶靈街17號官涌市政大樓2樓

今次係佐敦個頭食飯，去左大排檔～其實真係好有風味，叫幾個小菜飲下汽水~兩個人叫左3樣菜，豉椒炒大硯、蝦酱鮮魷炒通菜、海鹽雪花牛柳粒～•好有穫氣既小菜，大硯係第一度上嘅餸，份量比我想像中多好多，仲要粒粒好有肉，呢個真係要讚👍🏻👍🏻👍🏻•牛柳粒都唔錯，冇諗過大排檔嘅牛柳粒都有返咁上下質素，海鹽既菜式好似都唔錯😆不過我最鐘意既係炒通菜~蝦酱好入味，通菜都爽口好味 ~唔錯 ~下次大班人去可以食多啲唔同款式～

👧🏻 賣少見少既大排檔😋-位置方便 係佐敦的官涌市政大廈 由佐敦站/柯士甸站行去都好方便💁🏻 係室內地方 有好多大型既風扇 唔驚食到出曬汗啦🍴沙爹肥牛煲 $128去大排檔食野最中意叫唔同既煲 呢度既沙爹肥牛煲 粉絲幾入味🤤 仲有金針菇同芽菜 另外肥牛唔會好韌好難咬👍🏻抵讚 🍴 椒鹽軟殼蟹 $148😍好大隻軟殼蟹 炸到啱啱好 好脆口但又唔會油 仲有d好好味既炸蒜🍴 蒜蓉炒通菜 $98通菜青青綠綠又脆口❤唔會太咸 🍴 咸魚雞粒炒飯 $98去大排檔都會想叫碗白飯送餸 但今天唔想咁單調叫白飯😏🤭咸魚雞粒炒飯既份量十足 另外仲食到粒粒有蛋包住既炒飯👍🏻👍🏻🥤 無糖可樂+芳達橙汁 $10@1😍❤好中意玻璃樽版既汽水📍新肥泉海鮮大排檔 @佐敦官涌市政大廈2樓熟食中心

心血來潮 同朋友即刻去睇睇九龍區有咩好嘢食🍽️結果比我搵到呢度 好耐都冇食大排檔😄就試一試官涌熟食中心好近柯士甸站 我地都係行幾分鐘就見到😋熟食中心環境都幾乾淨 同咪我第一次大排檔用QR CODE落單😂😂餐牌好多選擇😋😋★*"`'*-.,_,.-*'`"*-.,_☆,.-*`'`*-.,_,.-*`'`*★🔸椒鹽九肚魚 $128每次黎到大排檔的一定都會叫九肚魚，份量十足非常抵食！炸漿好薄身👍🏻魚肉幾嫩滑，點一點喼汁食，味道更惹味，非常開胃！同朋友勁快手食哂🔸椒鹽軟殼蟹 $148由於我同朋友都勁鐘意食椒鹽嘅菜式 我地叫多一樣椒鹽軟殼蟹，份量都係唔手軟，食軟殼蟹最方便就係可以成件食得唔洗拆殼，炸得唔乾又鬆脆，啖啖肉😋🔸黑椒薯仔牛柳粒 $138見到隔離枱有叫到呢個賣相仲好吸引，有驚喜黑椒味好濃郁，牛肉索曬D汁 肉質好軟好入味，薯仔有炸過，外脆內軟，比較估唔到係，薯仔外面係用蜜糖炒過，食得出有甜甜香味成碟餸好有鑊氣 好食！🔸腐乳炒通菜 $88平時係屋企整唔到呢個效果，係大排檔食係特別唔同，好夠鑊氣，通菜爽口，送飯一流🔸白飯 $10🔸可樂 $10

肥仔👦🏻🐖近排又覓食😳鐘意食大排檔熱辣辣既佢🐖就帶左我去E間大排檔食晚餐熱辣辣夠鑊氣真係大排檔先食到👍🏻款式仲有好多 個個都一定岩食😋✐豉汁蒸白鱔鱔超彈牙😳鐘意食彈牙鱔既必點豉汁蒸到超入味 份量夠多夠大👍🏻😋✐黑椒薯仔牛柳粒黑椒薯仔粒夠入味 伴有蜜糖焦香牛柳好淋 完全唔靭最重要係上果時好夠熱 夠曬鑊氣✐牛肝菌扒時蔬嗌個菜食🤣🤣👍🏻蔬菜🥬✐上湯米粉米粉煮得岩岩好 湯底清帶有鮮味

這間在街市樓上的大排檔，已經沒有空調，更沒有什麼服務，居然要收10%加－，離譜，更離譜的事食物又咸又味精，真是超難吃，肯定沒下次🥵。還說什麼海鮮大排擋，鮑魚鞋到咬不下去，劣評

星期日晚打3號風無損約知己飯聚心情. 好耐無食大排檔就老友腳試左呢間都多好評的餐廳. 太多年無食過大排檔，估唔到而家環境衞生好左咁多. 另外好驚喜店員叫我地自己QR code 落單！ 真係與時並進！ 坐低未睇menu 就叫左支酒啤啤佢先，冰涷透心涼，勁爽！冇叫餐，散叫左幾樣. 全部高質，價錢唔算平不過值回票價.#麻辣索螺上枱熱辣辣香噴噴，入口先麻後辣富有層次. 索螺雖然細細隻但有𡁻口而且好多粒好襟食，個辣汁再三令人回味可能配東風螺呢啲大隻少少嘅螺仲正？#椒鹽軟殼蟹印象中大排檔比較少見用軟殼蟹所以叫左嚟試. 避風塘式椒鹽風味夠惹味，入口酥脆啖啖肉，唔點個喼汁已經好正. #椒牌鼓椒炒大蜆蜆肉肥美新鮮夠大隻份量足料，配料青椒紅椒爽口鮮甜，啲蜆爆炒非常有鑊氣，再加鼓椒汁撈飯一流美味.#bb鴿伴碟蝦片即炸超香脆，鴿肉鮮嫰油香滿溢，如果皮煎得再脆啲更好. 整體來講可以encore ! 支持下本地飲食文化！下次約多啲人去試多幾個餸先！

環境乾淨大排檔｜📍新肥泉海鮮大排檔早2日就嚟打8號風嘅時候條街勁大風，但係又好想食大排檔😂所以去咗一間就喺柯士甸站行完條天橋上嚟唔使2分鐘就到嘅大排檔🧏🏻‍♀️餐廳位於熟食中心入面，所以完全唔驚打風大雨🫶🏻而且環境乾淨💓♡黑椒薯仔牛柳粒♡｜💰$138💛牛柳粒份量超級多🥰真係多都食唔哂🤩cp值勁高每一粒牛柳粒都偏淋身🫶🏻好易咬，完全唔會韌💯薯仔好似炸過表皮好酥脆🤤薯仔同牛柳粒嘅調味都係甜甜哋好似落咗蜜糖+黑椒咁❤️‍🔥另外仲有唔少腰果喺牛柳粒表面增添口感💓呢個真係必食之選💓♡招牌海明蝦球♡｜💰$138呢個都係份量偏多😳老實講完全估唔到$138可以食到份量咁多嘅小菜😆蝦球每一粒都大大粒好彈牙☺️，另外仲有菠蘿同三色椒作為配料配埋咕嚕汁食酸酸甜甜好開胃🫶🏻♡避風塘軟殼蟹♡｜💰$168呢個係因為配搭好少見所以嗌嚟食下😂軟殼蟹嘅份量多，食落香辣惹味🫶🏻而且食到軟殼蟹有膏有肉，唔會好似淨食炸粉咁🫶🏻不過呢個記得趁熱食會更好食🧏🏻‍♀️♡白飯♡｜💰$10小菜係掃code落單，白飯要另外同店員落單🧏🏻‍♀️(˶￣᷄ ⁻̫ ￣᷅˵)食小菜配白飯真係基本嘢嚟😂如果唔想食白飯嘅話餐廳都有乾炒牛河呢啲主食俾客人選擇🫶🏻♡喜力

在香港找到一家如此煙火氣的大排檔真的是好幸運建議多點人去，因為好吃的太多，建議不要工作餐，太拘謹憋得慌牛仔骨、海鮮都非常值得點，人多建議可以多點一份，根本不夠吃

啱啱打完風涼涼哋，心血來潮咁拉咗朋友仔去大排檔食dinner～ 呢間小店位於佐敦管街市上面，提供多款港式小炒，唔想煩嘅可以叫套餐set，另外亦有得打邊爐，平日晚上好多客，記得要早啲去呀！每間大排檔嘅小炒王都略有不同，呢度配料包含韭菜、魷魚、蝦仁、腰果、蝦乾等，份量十足，炒得好有鑊氣，而且好入味，配飯一流😍 另外必點黑椒薯仔牛柳粒，薯仔炸至香脆，帶點甜甜嘅蜜糖香氣，牛柳夠細，一啖一粒，嫩滑唔嚡，大人小朋友都適合，搭配少量腰果領到整體口感更加豐富！私心推介菠蘿咕嚕肉，即叫即整，上枱時熱辣辣，炸皮唔算好厚，外脆內嫩，醬汁偏甜，微酸，夠掛，濃稠度適中，食落感覺都幾開胃，仲有洋蔥，三色椒等，無論係賣相定味道都好正！最後要埋個蒜蓉白菜仔中和返，唔會淨係食肉，整體性價比高，會回訪呀🙈