新美都茶餐廳 (已結業)

新美都絕對不是一間很特別的茶餐廳。食物普普通通，餐牌平平無奇，最值評價的就是它並非倒模連鎖。他們的午市、下午茶餐等都選擇頗多，不過扒類的醃料味道頗重，而晚市則有供應小菜，菜式及味道都是中規中矩街坊款式。數年前家住將軍澳，在將軍澳站附近也有一間，都已不知在何時結業了。 現在這間位於新蒲崗的居屋屋苑中，在個只有很少舖位的地舖商場裡。內裡以小店食肆居多，當中不乏有水準的食店。位於屋苑中，營業時間至午夜，所以茶餐廳人流亦多，可惜最後難逃結束命運。未知結業後，迎來的是另一特色小店，還是又一倒模連鎖，很希望是前者。

今午在采頤花園找到間茶記吃晏，他們提供有一款午餐，其內容就是平時常在早餐吃到的那幾味！預咗不會有驚喜。牛肉湯意粉火腿奄列多士餐茶老實講真係麻麻個麻麻，牛肉用鬆肉粉乸到冇哂味，奄列和多士就普普通通啦！鬼叫我今早在家吃了勁多蘿白糕，中午仍飽飽滯滯，所以叫些軽食就吃了這些，但真係...

喺新蒲崗睇drama前食個晚餐，適逢禮拜日，工厦嗰邊啲餐廳都閂咗，行到呢邊求其搵間茶餐廳食。最愛晚餐set，唔洗左揀右揀，$42晚餐連餐湯餐飲，宜家嚟講相當抵食。茶餐廳最正就係選擇夠多，唔想食set仲有大把選擇：咖哩、扒餐、炒粉面、常餐特餐......菠蘿雞粒炒飯雞粒大大嚿，份量足，相反菠蘿略少。炒飯唔算多油，味道稍為清淡，落辣椒醬撈飯食反而唔錯。羅宋湯好大碗，不過比較稀，落咗大量胡椒粉日式炒烏冬配料有魷魚、蟹柳、班球等，味道中規中矩，份量同樣十足。一幹二淨生意唔錯，未夠8點已經八成full，好多一家大細落嚟食飯，睇嚟頗受街坊歡迎。

經濟 差是清泉，因為獨屎生意。一早聽朋友講 唔好試，最後都試左。。正所謂生命無take two... 呢間野一樣 ！兜：唔該，我要一個常餐呀太：常餐﹖常餐有咩食架﹖伙：同特餐一樣囉太：咁特餐系咩黎架﹖伙：同快餐咁上嚇囉太：咁快餐又系咩黎架﹖伙：車，快餐咪0者系午餐太：午餐食咩架﹖伙：午餐同晚餐一樣架太：咁晚餐又食0的咩呀﹖伙：晚餐咪即系常餐囉太：咁呀，我要兩個常餐呀伙：好0野呀，我0地今日0的常餐

朝早冇食早餐，未夠十二點已打鼓，整個快餐醫醫肚先~黑椒豬柳漢堡豬柳漢堡腸仔腸仔飯，講兩次係因為有兩塊豬柳漢堡同腸仔黑椒汁夠惹味，腸仔有煎過好香口。凍飲加埋例湯，再嘆埋冷氣睇埋午間新聞~滿足也!

由西貢出發上班，如要避一避鐵路，新蒲崗的四美街會是我一個轉車的熱點，而位於四美街巴士總站旁的采頤花園，就成為了我其中一個試食早餐的熱點。這一次來到，發現在屋苑內原來只有一間茶餐廳會供應早餐，在除了快餐店之外的唯一可以坐下食的選擇，我第一次來，當然來食茶記早餐，《新美都茶餐廳》的好餐。沒有什麼合我心意的公仔麵餐啊，那我只好點下一個西式的扒類早餐，然而，在茶餐廳食扒，雞扒好多時都是我的首選。可是，是日的雞扒不太合我心意，原因就是這雞扒炸的太乾，而且無味，單是靠那個不知什麼汁來點雞，我覺得這不是我的口味。然而，炒蛋同多士反而是可以的。奶茶，算是好，夠滑，夠奶味，啱我既口味。早餐，整體來說不太合我心意，但杯奶茶，總算幫此餐廳挽回少少分數的。

環境：都係普通茶餐廳既佈置，不過都坐得幾舒服，唔會撞到其他人。食物：好多選擇，有炒粉麵飯，有咖喱飯又有鐵板餐。價錢：大約60蚊一個餐包野飲，晚餐黎講唔叫貴又唔叫平，算係咁。鋸排餐：牛排＋龍利柳配意粉：牛排煎得幾好，唔會太老，又夠大塊。龍利柳都係有水準。唯一少少瑕庛就係意粉太細碟，不過除左呢2碟野，個餐仲包左餐湯同埋牛油多士，係抵食既。

冇下次！唔會再幚親！難食指數五粒星👎👎👎👎👎我食野要求唔高，但今天是但叫咗個雞亦脹仔飯！食咗雨淡冇食了！因為D飯凍既！汁唔知係咩嚟！自問唔會浪費食物的人，但係⋯⋯唉👎👎

同朋友係新蒲崗打完波，周圍行下，又諗唔到食乜。經過采頤花園，見到呢間茶餐廳嘅裝潢唔錯，就入去食飯。Menu有好多選擇又諗唔到食乜，於是隨便叫左個平價嘅扒餐，$55有好多選擇，我就簡左牛柳同豬扒配飯。個餐等左唔太耐就到，令人驚喜嘅係個飯係蛋炒飯，有炒飯香令到個扒餐冇咁乏味。仲有塊牛油多士，烘得好香脆。扒餐嘅份量都算多，經濟又實惠。2塊牛柳厚而多汁，剪得好香，豬扒頗大塊，外層有小小脆，內裏肉質幾有嚼勁。個汁選左黑椒汁，唔算太辣且好惹味，同塊扒真係絕配，以為呢個價格好少份量，點知唔係，超值呀心心眼。

今次去既餐廳就係喺新蒲崗~就係新美都入面 同幾個fd入到去都諗左好耐食咩但突然見到左手邊有個大牌寫55蚊 有雙拼扒+多士+西湯+意粉見到好似好抵就幾個fd都試呢個哈我就叫左 雞扒+龍脷柳 +忌廉湯 +意粉同多士如圖~首先講下 湯先個湯有啲橙橙地色既 同啲朋友傾左陣應該係薯仔黎 不過呢個忌廉湯既質素都唔錯 幾好飲之後將個多士點落個湯到 再咬 林左少少再食特別好食 大家都可以試下哈跟住講扒~雞扒同埋龍脷柳 真係幾好食好味過快餐店果啲 仲要有兩塊 真係幾抵有唔同汁簡 我就簡左洋蔥汁肉質幾好 又唔會太韌 幾正之後 就係 意粉我都估唔到佢另外上一碟 意粉個份量仲有咁多但建議大家可以 叫飯一開頭我都以為係白飯但原來係炒底 仲有少少炒蛋早知叫飯不過鐵板要加5蚊 分別又唔大 大家可以再諗諗洗唔洗轉。。凍飲加3蚊於是今晚就食左58蚊~總結成晚都幾滿意 幾抵食 質素幾高~ 

星期日在家做大掃除，忙到 3點先去食飯，諗住近近地就入去食個快餐，快 D食完回家，我叫左個牛扒煎蛋飯，不到5分鐘牛扒煎蛋飯已在我面前，一看就唔想食，蛋是太陽蛋，真系只煎一邊另一邊無煎，可看到蛋黃上面有未熟的蛋白，我就不太喜歡這樣的蛋，怪就怪自己無講清楚要半生熟蛋，但牛扒就不能接受囉，我無見過牛扒上粉之後攞去炸，炸牛扒真系好難食，一咬成口油唔想食，佢小菜已經唔好食，現在連快餐都攪成咁…..。我以後都唔會再去，行多幾步去新浦崗工廠區食好過。.

難食到無辦法形容, 我唔會再去, 今天比多次機會佢, 希望有好轉, 怎知道在荃灣或是九龍亂找一家入去, 都比佢好食好多, 上次我去有個男人話你地D咖哩好難食, 個男員工話, 個個都係咁食架啦, 你唔LIKE咪唔好黎食囉, 我聽到都呆左佢D野食真係難食到無譜, 個紅湯, 淡到無味, 個囡要求唔高都話好難飲, 今天去比多次機會佢, 真的難食到阿囡話唔好再黎呢間野,我唔會再去了. 雖然佢獨市, 但係我會去彩虹村果間唔多起眼都比佢好食好多. 暈倒佢地唔會接受客既意見, 唔會改進難食程度, 話知你. 無心做既餐廳第一次見

新美都自從隔離間餐廳金銀島執左，生意唔憂做，可能又換左廚師，食物味道每況愈下，晚飯炒小菜淡茂茂冇味道冇鑊氣，食過兩次已決定以後唔幫襯其小菜，只食普通晩飯Set算數，但今日食午餐乾炒牛河時，發現竟然係甜嘅，連平時唔揀食的我食左一半都食唔晒，基於D侍應平時的態度，都省返啖氣唔投訴了...唯有同屋村最後一間餐廳說ByeBye！

這間餐廳經裝修後，本想會愈做愈好，裝修後加價都是一個平常的事。但最可捨是加價後，所提供的不單改善過，某些侍應的服務態度更為是不可以接受，落單的態度已經不是很好，拿食物或飲料來的時候，粗粗地放下便是了，真是十分不能接受這樣的服務態度，這間餐廳去過一次便很足夠了。再說，香港不是而服務質數為先? 雖然新蒲崗不是一個多旅遊人仕的地區，但都不是一個都沒有的。如果這小小都做得不好，怎樣維持香港一個良好的形像呢?

見裝修好後一直都未去過此茶餐廳食晚飯,今晚路過就同阿仔一試,點知極之失望!!首先講下d種類,都有好多唔同選擇,有茶餐,有晚餐又咖哩餐,有扖餐....,原本打算叫乳鴿餐,點知一問之下,此餐只係得一隻乳鴿同一碗白飯,連菜都冇一條,覺得好dry,之後就撰了晚餐咸魚排骨煲仔飯+窩蛋牛肉飯,點知我地的決定都係錯!個咸魚排骨煲仔飯除了d飯乾了點之外可算係不過不失!但係個窩蛋牛肉飯就超唔掂!個店員放底碟飯我仲以為他攪錯了,咩係一碟唔係一窩都唔更要,仲要係牛肉片+隻生雞蛋在飯的上面,撈好隻蛋之後仲見飯底係一碟水!!太多"顯"汁,都唔知點形容好! d牛肉入口真係超難食,可能用咗好多鬆肉粉或其他,d牛肉的顏色係白色(似豬肉的顏色) 食第一口已覺得有苦味完全沒了牛肉味最後此碟飯都只係食咗少少就比咗垃圾桶食!講到服務態度個位亞姐的服務態度就認真唔掂!原本想問清楚乳鴿餐係有幾多隻同有沒菜跟,即黑口黑臉講冇呀,得一隻一個餐,你要咩!我地已經講先寫咸魚排骨煲仔飯,唔知她是否聽唔清楚定係點?!講了總共3次,我地講完還即刻拿走了少菜個餐牌!嘩!你即係咩意思!此餐廳我地真係唔會再去!!