新澳咖啡餐室 (民泰街) (已結業)

工作所需，一朝早來到黃埔。時間尚早，便到茶記點個外賣。看見新澳門面設外賣套餐，點了個餐蛋治烘底、熱檸水「行街」（$29）。不消5分鐘，外賣便到手了。打開一看，「嘩！」像小孩拆玩具一樣愛不惜手、笑不攏嘴，麵包和餐蛋都很厚，這個size 是我屋企樓下茶記雙倍有多。也顧不了論盡和儀態，邊走邊咬一口，炒蛋多到唧出來，炒蛋炒得滑身，不會有油浸蛋那種油膩感，有蛋汁，但未致弄得麵包濕笠笠的感覺，配上煎香午餐肉的肉香，和薄薄塗在麵包的牛油香，讓這個餐蛋治成為最完美的外賣早餐！

住附近 間唔中都幫襯 因為味道唔錯 加上款式多 不過今日食到一肚氣 事原今日lunch time同同事總共3人去食野 其中一個未到 門口負責派位既年輕便服員工比左4人坐位我地搭枱先 張枱有位食客差唔多走 我地兩個坐低已經即刻叫一人一個午餐 點知野食都未到 門口負責派位既便服年輕員工 派兩個食客搭枱 我地即刻提醒佢話我地總共3位 點知果位男士大聲話「你朋友又未到 我地要做生意架」話口未完 我同事5分鐘後已經到達 當時我地d午餐都未黎齊 於是佢又要安排我地3個轉枱 明白lunch time做生意係緊要 不過態度都唔應該咁 何況我地一坐低即刻叫野食 餐都未到 更加唔係賴死唔走1星服務 係比果位便服員工

身為澳牛fans，凡係有d澳牛背景的茶餐廳都會試(相信新澳亦屬此類別, 因為係網上睇到呢間茶記同九龍城聯發的來龍去脈)  所以經過開又試下先, 地點來講都算好易搵,  係民泰街尾,  港鐵站的A出口附近佢地其實食物種類唔算好多, 係午餐多D飯類, 而早餐都係果D煎蛋, 炒蛋, 多士, 三文治, 火腿通粉, 麥皮之類的配搭, 今次只想食炒蛋, 所以試左佢地雞蛋三文治套餐($27, 烘底加左一蚊)多士用的麵包用上厚身的, 尚算軟身, 而多士亦烘得剛剛好, 而已調味的雞蛋的份量算多, 炒得亦算滑溜, 唔會太稀, 因為其實太稀的炒蛋雖好味, 但會好濕, 唔適宜做三文治, 麵包吸左D蛋汁之餘亦為一路食一路漏, 所以蛋治D炒蛋要炒得軟硬適中係好重要...呢度的就合格有餘!!而熱奶茶的水準就一般, 勉強來講都算茶香奶滑, 睇來要加把勁...純以我試過的蛋治奶茶來評論, 整體水準算唔錯的, 而且附近有新港鐵站, 大學同住宅,  睇來早餐時段係不愁生意的

黃埔有地鐵之後，成日過去覓食，A出口上地面個條街，好似都幾多野食，有日本菜，韓菜，生蠔，仲有港式茶餐廳紅磡為人所知既係紅磡冰室，行到過嚟見到呢間新澳，裝修都幾靚，門口有兩張户外餐桌，方便有狗或者吸煙食嚟食佢餐牌上既選擇都比較多，港式好似焗意粉，炒河，茶餐都有今次叫豬扒包跟薯條 好似around 40蚊個包都有烘過，熱得嚟唔會太硬，夠脆豬扒同包既大小差唔多，帶少少油香，唔乾加蕃茄，酸瓜同生菜，健康之餘，酸甜增加整個包既層次呢度奶茶都okay好奇一點，佢地伙記係好心急將食完既碗碟收走，唔係趕你架喎😂

今日即興約左朋友去紅磡食飯，簡黎簡黎，決定左食新澳。吾使排隊，入到去坐無耐，有個侍應好好招待，問我地使吾使介紹。服務吾錯。so far 新澳都吾差既，4個女仔share 黎食，個個都食到好飽。

本人每星期六都會去食早餐（因太太鐘意），員工送茶水及食品到枱上，未有說是什麼便放底。叫杯奶茶送到枱面經常唔見¼，叫他們落單叫極都無人來，部份員工（特別短頭髮的女侍應）態度十分差。總括食物方面都有水準，如果唔改善員工的問題，幾好食都係假。

專程走黎比多一次機會您，等了數分鐘有位喇。得半個籮友卡位？您地真風趣喎，唯有自己拉張檯過一點吧。內籠裝修及風格十足澳門茶餐廳，茶記味濃厚，沒什麼特別。一向睇 menu 都係我等食時候最大既娛樂，竟然依家香港 menu 既 funny 程度開始追得上大陸英文 menu 喇，想笑鬼死我咩，嘩哈哈 ﹗全日飽餐？係咪真架？食完真係可以飽足全日？波蘿飽？菠蘿包？秘制？秘製？炸雞髀、炸雞皮、炸雞籮友就食得多，但雞既「脾」臟係咩味架？炸好食咩？牛膀即牛既胰臟就非常美味喇，我的最愛。但雞既脾臟好唔好食架？我從未見過呢。醒晨？醒神？係咪專登用依個晨字架？菜色選擇眾多，左諗右諗，求期試樣野啦 ﹗咖哩牛腩飯炒底，阿姐兩粒字回應：無喎 ﹗我臉色即時一沉，心諗唔做炒底搞錯呀！答：到底無咖哩還是無牛腩呢？阿姐呆若木雞定晒格，完全唔答唔理我。同事表示梗係無炒底啦，我唯有照食。客飯連凍飲 $58 蚊有點貴喎，因為舖頭近黃埔？咖哩牛腩飯，快餐堅快，不到三分鐘速遞送到 ﹗半點煙也沒有，咖哩汁及白飯均微暖可以接受，但牛筋牛腩外暖內凍，非常失望。大羮大羮地將咖哩汁及牛筋腩淋上飯面，積極地使到他們融為一體。得左 ﹗大大舊牛腩掛

因地鐵伸廷到紅磡區，便去那區周圍行行發堀些新食店試試，當一出站便見到這食店，門口已有張枱给吃煙的人客，從外面看，其實無特別，但入内便覺別有洞天，這便是在餐廳的一傍有一排舊城市微影街景，足令我發狂，因本人是這玩意的狂迷，坐下時便不停拍照，還發現當中的紅綠燈是真的會閃，但如果將牆邊的磚仔變作藍色的牆纸作做藍天就更正了。看餐牌後叫了一份蛋牛治，厚的包加上超滑的蛋和牛，果真是招牌食品，還order了傳统快餐店的雞脾薯條，好有feel,雞和薯條炸得鬆脆而香口, 再配上傳統的絲襪奶茶雖是凍但仍有那份甜味的温卿，真的令人回憶起昔日段段的美好時光。

放假諗住攰攰地唔自己煮早餐又唔想成日食大集團，見到呢間門面幾靚就去試下。叫左個全日早餐$58，嗌左要全熟煎蛋，已經等得耐，點知黎到係有汁既炒蛋，好聲好氣同侍應講，點知個侍應死話你係叫炒蛋全熟喎！ok 張單的確落左係炒蛋我地冇望多次都可以話係有責任，但我地只係問你可唔可以轉返全熟煎蛋比我地，個侍應就好似落晒閘咁覺得我地話佢落錯單，唔肯換，個餐仲要漏左塊多士又漏埋茄汁豆，補返塊睇起上黎好靚食落又凍又唔脆既多士和一小pat凍到好似岩岩係雪櫃拎出黎既茄汁豆。最後$58只有塊扒、一條香腸和薯餅食得入口！

餐具充滿漂白水味道, 本人兩次光顧兩次中招, 上吐下瀉, 店內充斥著二手煙味, 因為經常有客人在出面枱抽煙經抽氣系統抽入店內, 另外年輕便服侍應態度極之惡劣, 經常喝罵客人, 還趕客人走, 如此質素配如此價錢, 平均比一般附近茶餐廳貴50%, 本人對此店極之不滿!

暑假除了去沙灘玩, 當然少不了四圍去 ’搵食’, 去山頂去荃灣、去西貢去灣仔...但最就近/有地利之便去得最多最密的是我們的新寵兒 – 黃埔!   阿叔住黃埔, 近年來多了’搵食’, 但都只限某幾間食肆; 本身龍城都算多選擇; 但食咗大大話話一千幾百次/大大、小小的鋪頭…新的、番頭食的...食得多…點好食都假; 有時真係寧願坐車去他區食吓~ 否則真係人都癲!     加上小寶近來學懂要求去這兒/去哪兒, 一時要求去Long Ping, 一時又要去Tin Shui Wai Wai….近來最喜歡去Whampoa Garden….要去’睇巴士No 72’…OK！ 又不是什麼辦不到的事, 得閒就四處去吓玩吓啦~ Happy Summer Holidays, Let’s Go, Go go Go!淨係一條民泰街, 圍繞著它的小店, 無論食正餐/抑或街頭小食… 百花齊放、　 咩都有得你食~   眼濶肚窄的我就唯有腳步密啲來吧! 最主要是店子小小的有好幾間都睇得出用心做之餘價錢亦很相宜, 值得寫出來推薦一吓, 純粹替那些做得好的店打打氣加油!   時間寶貴, 用了在這...自不然少了其他