新潮樓

夜晚係star hall 睇show 之前嚟Emax 早少少食晚飯先，Emax 原來都有唔少餐廳，二樓仲有food court 添，可能今有show 睇所以人流都唔少，想坐得舒服少少可以好似我地試三樓嘅「新潮樓」😌「新潮樓」雖然位於Emax 係地理位置上無咩優勢，但週末晚市人流都算唔錯，仲係張張都係大枱，一家大細嘅家庭聚會最好就係揀酒樓啦！另一想讚嘅地方係員工們嘅服務態度非常好，亦會留意到客人嘅需要主動加茶等。睇番餐牌先，有兩頁紙都有齊豬牛雞海鮮等等，自助QR code 落單，除咗個別菜式外，午市仲可以嘆到一盅兩件，話明係潮菜館又點少得潮洲名菜呢，我地都嗌咗幾款嚟試😆😆客家黃酒雞 （半隻） $138女士必點，補身之選，份量有半隻/全隻可以揀，半隻份量都夠哂，雞件份量足料，仲有紅棗、黑木耳等健康食材一齊燉煮而成，酒味唔會太濃烈但食完後個人都熱辣辣咁😆菠蘿🍍咕嚕肉 $108小妹最愛嘅咕嚕肉，份量足，加上菠蘿粒、紫洋蔥、青椒等快炒，咕嚕肉仲保拎到炸完之反嘅脆度，屬正常發揮🤗香煎蠔仔酪🦪 $108必食之選，潮州名菜之一，一上枱就知師傅功架十足，成隻碟咁大塊蠔餅淨係睇都流哂口水🤤🤤蠔餅以半煎炸形式烹調，所以可以做到外面酥脆非常，以每粒蠔仔都仲可以保持水份爆汁咁，一路食就知真材實料，食整都仲有蠔仔，而且粒粒飽滿新鮮唔會腥星洲炒米 $98中菜館都炒到咗有鑊氣嘅星洲炒米，仲有大量嘅蝦仁、叉燒絲、蛋花、洋蔥🧅等等，米粉炒得都算乾身同口感夠彈牙，而且調味均勻，加埋辣醬一流😋反沙芋頭 $68即叫即製嘅功夫菜，差唔多見每枱都有人食緊，一客8件，芋頭炸完再裹上白砂糖水，冷卻後就成為脆脆嘅糖衣，超級好味😋，作為甜品就💯💯…查看更多

因為演唱會，九展人頭湧湧好熱鬧呀！就喺food court上面有間潮式酒樓，座位多，而且環境闊落坐得舒服，好多一家大細都嚟食飯。✨椒鹽鮮魷 $108呢味椒鹽鮮魷清清地，唔會好鹹，鮮魷嘅炸漿薄薄一層包住，香脆唔油膩，鮮魷鮮味彈牙，點埋附上嘅酸醋汁，更開胃！✨黑椒牛仔骨 $128黑椒香氣十足，唔太辣，非常惹味！牛仔骨肉質軟腍，好入味，連配菜洋蔥都夠哂軟身。✨潮州炒粗麵 $108上枱先知原來係濕炒麵，粗麵有口感，入面有芽菜，蝦仁，肉絲，芡汁多，唔乾身。✨竹笙北菇燉菜膽(位) $48燉湯熱辣辣上枱，入面有竹笙、瘦肉、原隻冬菇、菜，湯底清透不渾濁，不油膩，味道香濃鮮美。…查看更多

黃金大蝦🦐依碟有6隻大蝦，鹹蛋黃嘅調味做得相當適中，唔會太鹹但係又有鹹蛋黃嘅油香，而且啲鹹蛋黃真係包住每一隻蝦，唔會話鹹蛋黃還鹹蛋黃、蝦還蝦咁！蠔仔肉碎粥🍲大大鍋嘅蠔仔肉碎粥份量應該夠2-4人，見到肉碎都好足，粥底嘅味道都ok，無需要自己再落胡椒粉，不過可能師傅驚有啲人唔鍾意食芫茜所以冇落好多，我地就覺得有多啲芫茜會更香🌱反沙芋頭🥢即使係潮洲菜館都唔係度度有有得食反沙芋，始終係一啲功夫菜需要師傅有耐性咁不斷炒，所以依度都要晚市先至供應，芋頭有8件，因為係即叫即整所以好夠熱，雖然整反沙芋要用好多糖，但係依個食落都唔會過甜～…查看更多

中菜入面特別鍾意潮州菜可能係因為媽媽係潮州人 由細到大都會食到潮州菜九展EMAX有一間環境闊落又好坐嘅酒樓主打潮州菜 亦都有點心食好適合與屋企人/一班人慢慢傾計食飯🥢香煎蠔仔酪👉🏻食潮州菜必點蠔仔酪 佢亦都係新潮樓嘅主打之一👉🏻蠔仔酪即點即炸 一咬落去脆到「咯咯」聲 包含住豐富飽滿嘅蠔仔 超好送飯🥢潮汕梅膏骨👉🏻酸酸甜甜嘅梅膏 與半肥瘦嘅排骨 又係好好送飯 👉🏻本身見到咁大碟肉以為會好漏 但配上九層塔即刻加分🥢欖菜肉碎炒飯👉🏻炒飯粒粒分明但唔會好油或過於濃味 食偏重口味嘅餸菜啱哂了👉🏻份量亦都好多 可以分到成5-6碗🥢反沙芋頭👉🏻呢到有反沙芋頭食真係好開心 見到每檯都會點嘅甜品👉🏻芋頭炸衣透薄味 鹹香嘅炸 表面覆蓋了乾脆砂糖層 食落脆口又充滿鹹甜香 開始食就停唔到了新潮樓有2款4-8人精選套餐連糖水有八款菜色人多食飯都唔使諗 又食得豐富…查看更多

九展除了傢俬室內設計店、其實也蠻多食肆。趁週末跟家人到E Max的新潮樓飲茶。水晶蝦餃皇 $48 鮮蝦餡料滿滿的、蝦肉爽滑👍🏻蟹籽鮮蝦燒賣 $48 亦結實足料。小時候每次到婆婆家、總會買樓下車仔檔的韮菜粿、皮薄餡多超好吃！現在好少茶樓有這個、 見到餐牌有潮式煎韮菜粿 $38 立刻點了！ 同樣是軟軟的裹著韮菜、外皮微微煎脆、重拾童年的味道。薑蔥牛栢葉 $32 這個必點、加入薑絲超好吃！帶子腸粉 $58 不過不失來到潮洲酒樓當然要試下潮式菜餚、椒鹽白飯魚 $108 細細條夠香脆。竹笙花菇燉菜膽 $96湯底好清但味道非常鮮美、大概是吸收了燉肉排的味道、喝下去感覺好舒服～地方倘大、比較容易搵位、泊車位多、帶一家大少喝茶都不失為一個好選擇。…查看更多

看到反沙芋真的是豁出去了褔果芋泥與反沙芋二擇其一似乎是反沙芋較難自家製味道一如預期中好芋頭粉糯，一咬便在口中半溶化與外層脆甜的白砂糖融成一體回歸主菜，想不到Emax都能吃到潮洲菜客家黃酒雞份量十足，酒香濃酒勁不算厲害就是有點偏甜，不過真心很滋補另外蠔仔肉碎粥與蝦蟹棗也是我的必點菜蝦蟹棗味道好像拌入了豬肉入口有種說不出的騷香蠔仔粥則是高CP之選超爆多蠔仔還有大粒厚肉的蝦米乾提鮮黃金大蝦🍤鹹蛋黃滿碟新鮮熱辣上枱，香氣超邪惡蝦炸得醉脆，與鹹蛋黃完全融合‑ ‒ – · 客家黃酒雞¹ ³ ⁸· 黃金大蝦¹ ⁶ ⁸ · 蠔仔肉碎粥¹ ⁰ ⁸· 自家製蝦蟹棗¹ ⁴ ⁸· 反沙芋頭⁶ ⁸ ‑ ‒ – …查看更多

今日黎九展睇戲比起以前呢度多咗好多嘢食屋企人想食中菜見到新開嘅潮州酒樓晏晝有點心小菜叫俾佢出邊嗰個二人套餐吸引咗158就有點心小菜粉麵同埋甜品點心方面有燒賣菜苗餃同瞓過各兩粒淨係呢個拼盤出邊食都唔止呢個價點心新鮮出爐，絕不會凍冰冰我哋個套餐叫咗伊麵伊麵嘅份量非常多我諗兩個人都未必會食得晒金銀菜浸時蔬如果唔想食菜，可以叫椒鹽豬扒另外，仲有甜品紅豆沙心思思想試埋佢個鮑汁鳳爪鮑汁鳳爪用瓷碗上，上枱時，仲係渣渣聲，而且份量都多有大量花生墊底仲叫咗兩碗竹笙北菇燉菜膽清清地潤一潤…查看更多

這間位於九龍灣展貿的新潮樓，晚市主打多款地道的潮州菜，食物款式甚多選擇，而且地方寬敞，座位舒適。自家製蝦蟹棗蝦蟹棗炸至金黃香脆，配上柑桔汁，酸甜去油膩，中間是一些豬肉，還有些馬蹄，十分爽口。香煎蠔仔酪蠔餅炸至金黃香脆，蠔肉新鮮無腥味，加上秘製的辣椒油，十分惹味。雲耳勝瓜鮮魷魷魚新鮮彈牙，加上爽口勝瓜及雲耳，比較清新健康。潮汕梅膏骨酸甜開胃的梅膏骨，入口啖啖肉，肉排嫩腍醃得入味。整體份量十足，而且味道不俗，調味剛好，不會過咸或太淡。…查看更多

又要到九龍灣做野，搞掂後想搵個地方hea下，便揀左Emax裏的新潮樓，貪呢個場平日較靜，容易搵位之餘價錢又貼地啲。兩點黎到，侍應極速開茶仲上埋辣椒油👍太好了，食點心辣椒油真係好重要，呢度個潮式辣油又香又辣，正喎😚店內用qr code落單，介面簡單易用。點心種類唔算多，但晏晝已經有好多小炒可以點，揀來揀去決定點份二人餐再加點其他吧😋🥟點心拼盤（午市二人套餐）拼盤有三款點心，包括蟹籽燒賣、鮮蝦粉棵同雜菌上素餃，蟹賣肉鮮甜，粉棵包著爽口蝦肉，素餃鮮味多汁，個皮煙煙韌韌有咬口，三樣都好食喎😛🥩椒鹽豬扒（午市二人套餐）豬扒上面灑了蒜蓉醬汁，鹹鹹鮮鮮帶辣味，豬扒有咬口，唔錯喎😋🍛鮑汁雞粒燴飯（午市二人套餐）個餐仲包一碟主食，揀左要飯。冬菇粒同雞粒都下得多，飯炒底多香口，仲有個鮮味嘅鮑汁真係好正，好鍾意食多汁飯🥰🐂山竹牛肉球另外仲加了一籠牛肉球點心，爽口彈牙，最正係多芫茜‼️🐟金沙炸魚皮估唔到呢度都有鹹蛋黃魚皮食，價錢仲好抵添，即係叫左一碟，一上枱已經好香啦🤤魚皮好脆，鹹魚蛋下得勁多，厚厚的封住魚皮，好正勁好味呀😍🫖鐵觀音茶位$12/人，開了一壺鐵觀音，水滾茶靚，落左好多茶葉好濃，好香好好飲，唔覺唔覺一個人都飲左三壺😂原來茶市兩點半截單，三點鐘落場，過左午市繁忙時段就靜晒…哈哈，下次早啲黎先😝…查看更多

#九龍灣 @crown_sky_hk💁‍♀️乖囡如我, 發現好耐無食潮州菜, 我和媽咪到位於九龍灣展貿中心的新潮樓晚飯。點了幾道潮州菜中的招牌菜，包括排骨春菜煲、XO醬翡翠炒帶子、黃金大蝦、蠔仔肉碎粥和反沙芋頭。🌱排骨春菜煲 ~ 係我哋最鍾意嘅菜式之一，排骨好嫩，同春菜嘅鮮味好啱口，湯汁鮮甜，非常開胃。🌶XO醬翡翠炒帶子 ~ 帶子肉質鮮甜彈牙，加上XO醬的香辣和西蘭花的清新爽口，口感豐富。🦐黃金大蝦 ~ 蝦肉鮮甜，表皮炸至金黃酥脆，配搭咸蛋黃口感十分惹味。🦪蠔仔肉碎粥 ~ 粥底濃郁香滑，加入了肉碎和新鮮的蠔仔, 滿滿蠔仔的鮮味, 配上芹菜更香口! 反沙芋頭 ~ 芋頭口感細膩，味道香甜又軟糯，配上甜甜的反沙，超豐富的口感和層次。總括而言，新潮樓嘅菜色做得好精心，座位寬闊舒適，價格十分相宜，絶對物有所值，值得一試！…查看更多

記得父母第一次帶我食潮州菜就是大排檔，主要食冷菜式，例如滷水類，醃漬類以及各類潮州粿品等。潮州菜，簡稱潮菜，粵菜的其中一個分支，起源於中國廣東省潮汕地區。低檔的潮州菜館大多樹立潮菜自己的名稱，高檔的潮菜酒樓則一般用潮粵菜。今次去到九龍灣國際展覽中心3樓的新潮樓食正宗潮州菜，和我小時候的印象非常不同，這是屬於高檔的潮菜，食物款式豐富，不單潮州人，香港人亦非常啱食。新潮樓裝潢高貴雅致，地方闊落，點菜用QR code落單，追上潮流。新潮樓有一個大舞台，知道間中有樂隊live band表演。芝士蝦球伊麵$128香港隆重場合經常會點選的菜式，伊麵寓意婚姻像伊麵的長度連綿不絕，永無休止，還有大隻肉厚又鮮味爽彈的原隻蝦肉，香濃芝士醬汁，份量驚人。香煎蠔仔酪$108基本上每一台食客都會點選的經典潮菜。蠔餅（蠔烙）是打冷必吃的小食，鮮美酥香，酥而不硬，脆而不軟，脆卜卜有蛋香，還吃到一粒粒蠔仔。蠔烙是廣東潮汕地區的漢族傳統小吃，屬於粵菜系。椒鹽鮮魷$108我至愛的其中一款小菜就是椒鹽鮮魷，外皮炸至鬆脆酥香，內裡的鮮魷肉質彈牙爽口不過韌，而且炸得夠乾身，不會過份油膩。菠蘿咕嚕肉$108咕嚕肉酸中帶甜的醬汁，令人胃口大開，肉質鬆化柔嫩。反沙芋頭$68用餐當晚另一款，每台食客都點選的潮州經典甜品，雖然材料很簡單，只需芋頭與白糖，但反沙過程中需要不停翻炒又翻炒，把沙糖均勻地包在芋頭外層，力度要準確，非常講究師傅的手藝和功力。糖漿結成粉狀，糖粒幼細均勻，變成一層白霜般包著芋頭，暖暖的放進口裡，外脆內軟，外皮酥脆鬆甜，芋頭質感粉糯，和反沙的技藝配合得如此天衣無縫。茶錢$12一位…查看更多

新潮樓 (九龍灣)📍九龍灣展貿徑1號國際展覽中心3樓319-329號舖-🎶因為演唱會而成個九展都迫滿晒人🤭中菜酒樓地方大又坐得舒服所以就去入咗去試試晚市小菜，聽講佢地有反沙芋食🤔-👩‍🍳呢間酒樓佔地超大！大量12 人枱，岩晒家庭聚會！菜式種類選擇繁多，而且價錢經濟，海鮮類小菜都係$168 左右，份量多賣相精美。最重要係部長同姐姐都好有禮貌，會笑咪咪架，今時今日飲食業咁缺人都面帶笑容真係好難得！👍🏻👍🏻-🍴我地order 咗4 個小菜，一碗湯同一份甜品-🥦XO醬翡翠炒帶子 $168帶子粒粒都大大隻又厚身，肉質一梳梳👍🏻調味方面用咗XO醬加醬油，味道唔會死咸，高湯精華浸入伴碟嘅西蘭花內，每棵都翠綠，幾入味！-🦐黃金大蝦 $168真材實料用咗大量鹹蛋黃，而且係唔咸架！超愛！有大概7-8 隻大蝦！炸得幾通透，可以直接連殼食！-🦑椒鹽鮮魷 $108鮮魷肉質爽彈，椒鹽味好香又惹味！-🌱啫啫蝦乾蝦醬通菜 $108落咗大量蝦乾，令到咸香味極豐富！而且都有好多甜甜嘅金蒜，好味道，如果淡味少少會更好！-🍄竹笙北菇燉菜膽(位) $48清甜例湯，有齊竹笙、原粒冬菇同菜，必飲例湯好暖胃！-🧁反沙芋頭 $68枱枱都有叫嘅反沙芋要預留大概15 分鐘製作時間，即叫即整！一碟有8 件，如果4-6 人分就會好啲，因為芋頭密度好高，而且好甜，食飽飽再食佢真係會幾飽！…查看更多

星期日同屋企人飲茶🫖，又想食潮州小菜，九龍灣Emax既「新潮樓」係必然之選，餐廳主打潮州小茶，同樣有美味既酒樓點心，可以一次過滿足兩個願望✨。鮑魚燒賣$48口感十足既鮑魚燒賣，鮑魚爽口彈牙夠曬入味，大大粒燒賣肉質有層次，十分好味😋。水晶蝦餃皇🍤$48晶凝通透既外皮夠薄，原隻大蝦材料十足，熱辣辣剛剛蒸起，愛不釋手。沙茶牛肉芥蘭🥬$128潮州菜必食沙茶牛肉，沙茶醬充滿花生🥜香味，牛肉嫩滑，每塊大少適中👍🏻，而芥蘭菜清脆爽口，配搭沙茶牛肉一流。XO醬一口牛柳粒🐮$148一口牛柳粒夠冧充滿牛香味，配搭雞髀菇粒，口感各有千秋，非常好味。碧綠川椒🌶蝦球$148菜葉一片片炸得香脆，而蝦球爽口彈牙，非常有咬口，微辣十分開胃好味。…查看更多

位於九龍灣展貿3樓新潮流真心值得推介，服務態度好，職員有禮貌，雖然係星期六，但係全場大概只有12、3枱，大部分6-12人枱，我哋完全唔需要搵樓面幫手沖水，侍應一見到我哋茶壺開蓋秒速就有人即刻拎走加熱水，對答交流非常有禮，碟頭我哋六個大人一個小朋友叫咗一個六人餐再加一個煎蠔餅，原本想再加多一兩個小菜，侍應話佢哋嘅碟頭份量一啲都唔細應該夠食，果然所言非虛，燒雞及反沙芋值得一試以佢哋嘅服務態度，食品質素及賣相，真係輸喺地點唔方便，冇商場配套及吸引人流，但係如果突然之間想三五知己晚飯，泊車方便，去到又實有位嘅話，新潮樓真係值得考慮…查看更多

這天來到九龍灣國際展覽中心看電影，看電影後就到了這裏吃晚飯。餐廳菜式款式多，座位舒適，環境寬敞，上一次用餐整體感覺很好，所以這次再次來到呢！裝潢走傳統風格，山水畫設計的屏風，淡金色花紋枱布，充滿中式風味呢～茶我們點了鐵觀音，芳香撲鼻，茶味濃郁。♡魚肚豆腐羹$128魚肚軟滑，沒有一點腥味，蛋白湯羹口感軟綿，不喜歡太濃味食物的很適合，老少咸宜，而且富有營養，美味又健康。♡自家製蝦蟹棗$148蝦蟹棗就是混有蝦肉蟹肉的潮州菜式，外皮炸得金黃香脆，不會有油膩味，附上的柑桔油，一定要沾來吃啊！增加了整個菜式的風味呢！♡芝士蝦球伊麵$128蝦球彈牙，加上芝士和伊麵，平常都是吃米線和烏冬多，比較少吃到伊麵，來到中式餐廳就要點來吃吃啊～芝士偏向液體，如果可以濃稠一點會更加分。♡碧綠川椒雞$108 🥢必點🥢有驚喜的菜式啊！菜式帶點川味，但不辣的啊～碧綠原來是炸脆了的珍珠葉，珍珠葉輕型薄脆，有獨特的香味，而雞肉是一件件嫩滑的雞肉，沒有骨的啊～在此看來，珍珠葉好像是伴碟的角色，但放下口裏就會覺得雞肉和珍珠葉是缺一不可了！兩者相輔相成，放在一起吃更是惹味，配飯吃一流啊😋♡反沙芋頭$68 🥢必點🥢潮州菜必點的甜品啊！上菜時仍然熱辣辣飄着香氣。雪白色的砂糖外皮包着芋頭，炸得很香脆，甜味滿滿的，而熱度令芋頭香味更濃郁啊～配上點了的鐵觀音可以解滯感。✔️餐廳設加一服務費…查看更多