新港去骨海南雞 (已結業)

平民價嘅海南雞飯,仲有標籤冇味精嘅中湯飲！感覺都幾健康因為唔太肚餓所以叫咗個中size嚟食,海南雞嘅肉質都幾鮮嫩,油飯味道好香，對比其他舖頭，算系無咁多油，仲加左蒜入去炒過，都幾入味上菜上得快，岩哂趕時間又想食得健康少少嘅人~

日前突然想食海南雞飯，之前有食柏檔 同 金雞，但同honey身在旺角，上openrice搵到呢間叫做新港既海南雞專門店，一於試試點左一個2人套餐$138 有1）半隻去骨海南雞 分數：（雞皮爽滑，雞肉嫩，去毛去得幾乾淨，好食！不過雞味唔算濃，同其他海南雞店差唔多）2）元蹄 分數：（一小碟，外皮甘香，入口即化，肉都好入味，讚）3）油菜 分數：（菜心，普通貨色）4）不含味精湯 分數：（ok，我見對面台客人飲完搵侍應refill）5）油飯兩碗 分數：（可選白飯/湯河，幾好，但有d柴魚碎太大粒）6）飲品兩杯 分數：（正常）醬汁方面，侍應遞來泰式辣醬（好味）同蔥油（ok），甜豉油(好味)在餐桌上要自己斟，要問先比多隻碟仔我裝，希望會改善係會再來食既！ps, 見到其他食客都帶左團購券，但我是食正價😧

這一天，沒吃午飯的我，工作過後，來到旺角有名的女人街，一心找個價錢便宜的地方吃個下午茶，好讓自己在晚上能以最佳的狀態迎接這夜豐富的晚餐。行了幾個街口，都找不到既廉價又吸引的地方，直到來到這間以去骨海南雞為名的小店的門前，竟見到下午茶餐牌中竟有招牌去骨海南雞飯在內，而且價錢相宜，只需$25便可吃到，還有無味精老火湯或熱飲奉送，雖然去骨海南雞只是迷你版，仍然吸引到我入內幫襯。店子小小的，陳設簡單，無甚特別。因為客人不多，所以只需稍待片刻，我的下午茶已經送到。湯是「紅蘿蔔粟米煲豬骨湯」，味道自然，猶如家常湯水一樣，並無添加。「去骨海南雞飯」是迷你版，雞骨早已除去，吃來啖啖是肉。因為是迷你版，所以雞肉只得五件左右，肉質及格，雞油飯也過得去。海南雞三寶的薑蓉和辣醬隨雞飯送上，甜醬油則早已放於桌上的醬油瓶中，想蘸多少，可隨自己喜歡想倒幾多就倒幾多。以區區二十五塊的價錢，可吃到特別而不是千篇一律的「去骨海南雞飯」下午茶餐，都不錯。

《旺角，全球人口密度最高地區。》這句話相信大家並不陌生。煩囂的女人街窄巷中發現了一間 新港去骨海南雞，暖暖的雞肉嫩滑鮮味，以小妹多年經驗已經肯定是新鮮雞，加上秘制雞醬和葱油，入口好像由隨意門走進海南島的陽光與海灘一樣。油飯加了乾蒜，飯質軟滑甘香，小妹情不自禁吸收了不小澱粉質。最後品嘗了一碗無味精的粟米豬骨老火湯，我感覺又由隨意門回到家中了。家庭式經營的老闆與老闆娘同屬年青人，非常好客友善，食品用心烹調，價值公道，一試難忘！

今日冬至好多地方都滿座，所以食返之前覺得吾錯的小店。今次都係食2人餐$138加飲品每杯$5的特飲。湯好似係南瓜湯，味精味吾多，飲落都清同有味。不錯佢的海南雞依舊都好滑同香，加上醬汁就更野味，份量都好多同肥膏吾多。而且可選油飯或白飯，今次我地選了油飯2個，蒜味好香的油飯，仲要係原來任裝，但佢一碗已經十分大碗，所以我地2個一人一碗已經十分飽。卥肉汁偏杰身，太碎。幸好味道吾太咸。菜好味道，汁吾太濃有味，但菜偏淋。飲品少冰，要再問先有冰，仲要冇味道，好淡。待應服務真係一般，一黎就問係米團購，我話吾係，佢一陣又再問，之後叫野叫個後生仔，後生指住老闆，老闆又叫後生搞，叫野又冇人應，反而有點失望。之前黎果陣入面個廚送野比我地食仲有禮貌過佢地，咁幾好食都假啦，仲要吾係我一個覺得，另外果桌團購情況一樣。

去旺角行街,想平平地食一餐,Yin推介呢間的海南雞幾平又ok,於是試下了。平日的夜晚,冇乜人呀。青紅蘿蔔湯,不俗呀。酸辣醬及薑蓉。去骨海南雞飯(大),$45,雞肉嫩滑,都不俗,油飯好香口,幾好味呀。去骨海南雞飯(中),$38,比較細碟,都係大比較抵呀。唔算太正宗,感覺比較港式,不過味道都幾好同幾抵食呀。

食了佢個元蹄飯估唔到同泰式豬腿飯差唔多我較喜歡泰式豬腿飯其實個飯味道上都算合格吧不過d肉唔太多,唔係好夠配飯佢個例湯係一個問題但同樣亦唔係一個問題如果你唔飲例湯,或飲開出面的例湯咁佢個例湯就唔係一個問題因為佢個例湯唔好飲簡簡單單的蘿白豬肉湯,結果係酸的假如你當佢係羅宋湯咁飲,而非中湯,咁可能會無咁大問題個例湯同出面的例湯一樣,都係唔好飲係這區我試了幾間店結果原來味道合格已經算好(因為普遍的店都是難食)我好質疑用40-50,可唔可以係這區食到一個叫做好食的飯

經常到旺角行街，行到肚餓常會苦惱食什麼，通常會想找一些便宜好吃又飽肚的東西，最近發現通菜街有間抵食又好味的無骨海南雞飯。海南雞飯套餐(大的)全日都只售45元，可揀配餐飲或例湯。海南雞去骨淡淡肉，份量很夠，肉很嬾滑，連雞胸都很滑不會鞋口，而飯香口又不油膩，抵食又好食。

要去旺角買野，又search 下有咩隱世小店。呢間又係藏係女人街入面既，門面唔算起眼，鋪面細細都有幾枱人。必食既海南雞飯，油飯好香，同埋撈左乾蒜片入去，更加有味，雞都算滑同埋份量都唔少。另外叫左個豬脾飯，有d 失色。豬脾確係炆得好冧，不過個醬汁唔得，好咸同埋杰撻撻。跟餐老火湯，今日係冬瓜湯。不過不失啦。可再試但剩係會叫海南雞飯

呢間位於旺角既'新港去骨海南雞飯'，係今個星期筆者最欣賞既一間餐廳。去骨海南雞飯十分受到趕時間既香港人歡迎，因為唔駛啃骨，一啖就係。然而唔係間間好食，上次筆者去個間就食到我成口油，食不知味，又貴又唔好食。而今次呢間，位處女人街窄巷，位置偏僻但出奇既好食。據老闆話，佢地無用過任何味精，岩晒啲怕肥既港女。筆者同友人共享了一個二人餐當中有兩個飯，兩個湯，半隻雞，一道菜，一碟油菜，加兩野飲，都係131蚊，抵食。味道又比出面so call 專門店好，因為專門店既去骨雞，通常係凍既，咁就比人感覺上食緊啲隔夜雞。而呢間餐廳就做到啲暖既去骨雞，入口岩岩好，有如家一樣既感覺。就係咁，我同朋友就食左餐家庭飯。

昨天下著大雨，經過店舖門前看見寫著去骨海南雞，一想試吓並叫了海南雞兩人套歺，經店長介紹其海南雞怎樣烹調，食物品質口味，真正用心研制，鹵水元蹄醬汁濃郁，去骨海南雞嘅雞肉香滑，以上兩樣餸菜系我食咗咁耐，簡直要向大家推薦一試，食後我還要買多一隻海南雞回家再慢慢品賞。

好耐之前翻工叫過外賣食 個排日日翻工都食味道實在令人回味 但辭職後沒有再食今日一人係旺角晚飯突然想起新港的海南雞飯便一支箭衝去食我入門後已經是十點立即叫左個去骨海南雞飯（大）配搭無味精的南瓜老火湯昔日的時光又再重現極力推介大家食👍🏼👍🏼👍🏼

女人街真係唔淨止買A貨出名 轉角啲唔起眼嘅餐廳都分分中嚇你一跳!!!!呢間專食海南雞嘅餐廳緊係要試試佢嘅無骨海南雞第一 價錢十分合理 食個晚餐都唔洗50  第二 份量都幾夠 第三 啲醬幾有風味 酸酸地 甜甜地第四 啲雞好滑 好嫩 好有雞味不過油飯略嫌未夠香

之前男人因工作常在旺角工作，所以新港都係佢地的飯堂，勝在價錢同質素都吾錯。今次佢再推介黎新港，當然要食我最愛的雞。去左大約5﹣6桌，坐了一半人。睇左餐單，選擇不叫很多，但價錢真係好超值，百幾蚊2個人食。當然我地食返男人常叫的金牌2人套餐 （$128）。有湯再小食同小菜加飲品，其實都預一般，點知黎到食完係有驚喜。去骨海南雞半隻：雞肉嫩滑，皮的肥膏都有少少，但都香口，有2款醬汁選擇。卤水菜芯：普通菜芯，份量都多，吾太淋。燻蹄：可能比較凍，一些油係肉上方太多覺得滯。如果熱返少少，膏溶左會好味好多老火湯：飲落冇咩味精，好有紅蘿白味。油飯/白飯：今次我地食2個油飯，驚喜好味之作，油飯食落吾會成口油，仲有少少類似蒜頭，食左好香口。2杯飲品：選了檸檬茶，偏淡，但其實預左。但起碼吾會冇晒味。蒜泥蓮藉：比其他店厚身，難入味。蒜茸吾少但大粒，吾夠辣。一般而已待應應該係家庭生意，都好注意食客反應作改善，都好親切。衞生程度可以接受。這店還有其他小菜，應該有時間絕對會來的小店。

今日同老公仔擲完鏢，係附近搵野食，行下行下就去左通菜街度搵食，呢條街真係好多正野，睇下行下，就搵到呢一間叫做新港嘅餐廳，見入面人少少，又乾淨企理就入左去啦！好，因為我地兩個都好大食，今次都叫左幾多餸下，一個2人餐(本身諗住散叫，員工姐姐提我地叫餐抵好多) 再加左幾個小菜，埋單都係250蚊，算係咁~~我地今次叫左半隻海南雞，一碟生炒骨(因為冇哂豬肉，換左做班腩)，一碟腐乳通菜，一碟燻蹄，一個粉絲牛肉因為我地叫左個2人餐，所以仲有2杯野飲，2個湯，後尾加多個油飯，都係俾多10蚊仲送多杯野飲，不過剩係得我飲湯，老公飲左一杯可樂就夠。最尾，員工仲叫我地有就唔好嘥左兩杯野飲，叫我地拎埋走,超nice。好啦～好啦~去相 佢地嘅油飯都幾大碗同埋飯入面落左少少乾蒜，食落好香口!!