新派韓食館 (已結業)

店舖位於大圍新翠屋邨商場內，估唔到都有正宗韓料理🇰🇷男女侍應大部分都係韓國人，仲會幫忙把豬仔骨跟芝士拉絲捲起來吃✨但想介紹這個比較好吃的魚先<江南風辣湯水煮魚豆腐> 🍲$158當日這個係店家介紹必吃👍果然無介紹錯，因為比較少食到咁有風味嘅韓式辣魚🐠魚夠新鮮且嫩，食落無泥味😌而辣湯更加不得了，微辣惹味外仲帶點淡淡酒香🍚有白飯跟配菜伴吃

同男友去探完亞婆去左樓下屋邨商場食野估唔到宜家商場再唔係連所快餐店會有韓式野食，我地比個餐牌吸引左入去食見到依個「韓國菠蘿冰」 $58真係好大個，用原個菠蘿裝住原汁原味「水蜜桃水果冰茶 」$29甜甜的水果冰茶入面仲有蘋果同菠蘿既果肉食食物我地點左「漢拿山芝士蛋溶岩豚肉炒飯 」$128依一類炒飯今次第一次食店員準備晒材料、爐係身邊現場煮埋比我地食煮既時候仲將飯堆成心型，有心思「火山脆皮豆腐」 $48 （小小辛）外層既汁有少少似咕嚕肉汁既味道好好味，入面豆腐好滑，好開胃「韓式原味炸雞 X 5」 $42炸雞炸得好香脆，如果伴埋醬汁一齊食效果應該更好整體黎講，估唔到屋村都有咁大間既韓式餐廳如果想食唔駛特登出旺角尖沙咀都食到嚕😆

Sister Korea cafe 原來大圍都有好正嘅韓國餐廳！裝修環境都唔錯！仲有靚靚韓妹服侍！湯同前菜首先坐底就有碗海帶湯潤下喉先，仲有開胃前菜，泡菜辣度適中又唔會有酸味，唔錯！火焰芝士拉豬仔骨依個豬仔骨好邪惡呀😈😈 最啱鐘意嘅芝士嘅朋友！現場仲有靚女韓妹專人服侍！😎😎 首先將滿滿嘅芝士炒溶，然後再將厚厚嘅芝士拉絲捲起條豬仔骨😋😋😋 豬仔骨經過特別醃製有小小辣好野味！芝士味又濃郁，咬落成口芝士好正呀！👍🏻👍🏻👍🏻 除左豬仔骨之外，鍋邊仲有芝士粟米，半熟蛋，好豐富！火山脆皮豆腐依碟豆腐好有驚喜！😋😋😋豆腐本身好易爛，仲要上粉再炸完之後都完整無缺其實難度好高！豆腐入口個皮脆得黎好薄，唔會成口粉！咬落入面嘅豆腐好滑，入口即溶！再加上個醬汁酸酸甜甜又辣辣地，令本身清淡嘅豆腐變得野味！上面潵左d白芝麻令到碟豆腐更香口！👍🏻👍🏻👍🏻海鮮韮菜煎餅依個韓式煎餅唔會太厚！入面有好多尤魚，再加上有韮菜，食落好香口，點埋個醬汁甜甜地都幾好味！不過如果外皮再煎脆小小就perfect啦！韓國菠蘿冰成個菠蘿上嘅菠蘿冰好吸晴呀！大大個菠蘿挖左中間嘅肉，入面裝滿用菠蘿肉打嘅菠蘿冰，好足料又好消暑解渴！仲有大大舊菠

本來見呢間有咁多唔差嘅評價，我同朋友都以為會有返一定水準，但結果都頗失望。前菜，海帶湯+泡菜+芽菜：正正常常，幾開胃漢拿山芝士蛋溶岩豚肉炒飯（辣）：聽同睇吸引，但食落去無咩味，辣味都唔覺香。鍾意清淡嘅朋友可以一試。火山脆皮豆腐：我幾鍾意佢個醬同外皮，酸酸甜甜又夠脆。個人認為呢碟絕對值得encore。柚子忌廉沙冰：可能本身忌廉味道都唔重，所以呢杯味道淡。柚子味幾出，亦食到好多柚子。不過我都係寧願買忌廉飲算，呢個味道未值呢個價。對面個樽,芬達草莓沙冰：我試飲左朋友枝野幾啖，發覺都係有相同問題，就係味道太淡。有芬達酸味唔太出，朋友都認同唔夠味。奉勸特登入大圍想試試呢間嘅朋友，要諗清楚啲。除非你真係好得閒+好想用錢，否則食返自己附近食肆可能會好啲😂只係單睇佢係屋邨食肆的話，佢已經算過關，始終韓國菜係屋邨唔算常見，算特別。但宏觀咁評論，佢唔會係我想再幫襯嘅餐廳。食物水準未夠，服務唔係差，但無其他評論講到咁好笑容同好客。（可能佢地做得耐，當然唔會強求佢地好客氣，只係加印象分）只係貪平同賣相的話，去之前不妨再三思😌。

朋友話佢屋邨有間韓食餐廳幾得意，入面既都係韓妹，其實我都幾崇韓，鬼叫韓妹韓仔咁靚？就叫朋友搵日去刺探下軍情，就睇下入面D韓妹韓食正唔正！雖則崇韓，但韓文字都唔係太曉睇！呢間叫Sister Korea Café 新派韓食館，已睇外牆已Feel到濃厚既塗鴉風，仿磚牆兼有噴畫圖案，明顯走年青一代路線外面有大大Menu，一般韓食：泡飯、韓國粥、芝士蛋鍋、年糕，乜都有，但始終香港人口味沒有韓國人吃得辣，唔知味道如何呢？一入到去，Cashier位置好可愛，好似小屋Feel的感覺，就連櫈都非常有趣味，幸好櫃檯的有能說廣東話的員工，不然都不知該用英文還是韓文溝通！一坐低，見到檯面既餐具係韓國常用的銀匙銀筷子，Menu封面充滿普普風味道，隔離仲有兩支調味，一支韓式辣醬同韓式燒汁，什麼都是註明係韓式的，所以更加期待菜式是否更重韓味韓國前菜同湯是餐廳送的，芽菜爽口，泡菜果然夠辣，喜歡吃辣的朋友應該挺喜歡這個泡菜前菜！湯是昆布和小肉粒，鹹鹹地的清淡，也算不錯。我地總共點了4樣菜春川炒辛辣雞鍋係由多種唔同既材料放在鍋裡，然後在Gas爐上開火後混合一起即可。雞鍋入面有娃娃菜、洋蔥絲、椰菜絲、紅蘿蔔絲、年糕、芽菜、

估唔大圍都有咁正宗既韓國料理：）驚喜🎉門面都幾搶眼，後黎先知原來餐廳老闆真係韓國人，唔怪得啲野食比較特別一入去就見倒宋仲基，心情即刻😍前菜+湯野食未到先黎杯解暑既野飲不得了 原隻菠蘿裝住成杯野飲 個人幾鐘意呢度既飲料，味道比較淡，飲得出係用新鮮菠蘿肉黎整，飲完會想再飲呢杯綠茶沙冰好正，必點！甜度適中唔會遮左綠茶既香味等左陣就上菜，火焰芝士粒豬仔骨$178呢個好特別 岩哂鐘意食芝士既朋友仔靚女oni會喺我面前炒芝士 再捲埋啲肉度如果鐘意多啲芝士或少啲，可以同她講肉同芝士既比例如何，同埋捲完即食係最perfect炸豆腐外脆肉軟，驚喜在啲汁好好食酸甜得黎幾開胃海鮮香䓤煎餅煎得幾香脆，幾好食！其實仲有好多都幾想試，下次可以叫多啲人黎一次過叫多幾款就perfect啦>_<

是日近近地去大圍新翠村食韓國菜，估唔到一個屋村裡面都有間裝修咁有特色同咁大既韓國餐廳本menu上面既圖畫同菜式既真身畫得好似，風格好得別前菜係紫菜湯，芽菜同泡菜，泡菜幾好食，如果有得再添就好漢娜山豚肉炒飯-最期待就係呢道菜，店員係我地面前炒，芝士同蛋混合埋一齊再加少少辣令到d飯真係超香濃，如果再多d芝士就好韓式大葱蜜糖炸雞-蜜糖炸雞外層好脆，雞肉尚算嫩滑，不過就唔多夠味，如果再咸少少就very good海軍隊長鮮貝鍋烏冬-海鮮好足料，有蜆青口蠔同鮑魚，雖然得一隻鮑魚，但係真係好驚喜食晒d海鮮，最後個湯底好鮮甜，用來煮烏冬一流韓國菠蘿冰-菠蘿冰唔會太甜，剛剛好，應該唔係用罐頭菠蘿整，天氣咁熱消暑一流

韓國野自從韓潮興起之後，好多不同的韓國食物店就係香港起左好多，質素和價位都好不同。今次來到這間食韓國食物，不過就唔係韓燒，係店員整埋比我地食既。前菜芽菜+泡菜唔係太大不過幾好味，泡菜酸酸甜甜好開胃，芽菜就夠晒爽口。海鮮韓式烤餅冇咩特別味道，我哋冇叫到辣味所以好清淡，食起嚟好軟熟。上面有少少香蔥可以令到烤餅更香，食完好又飽足嘅感覺！海鮮包括魷魚，好彈牙。口感不錯但又唔會太多海鮮。Drinks 原隻菠蘿冰係唔係講笑，成個菠蘿就係面前，不過個菠蘿就唔算太大。入面起左肉之後整咗菠蘿冰，好甜係夏天非常清新！辣汁生菜包大醬腩肉沙律好意外驚喜嘅係啲豬肉非常瘦，生菜亦都唔算太大所以每一件也不大，有一些韓國特製的大醬。帶有少少香辣，唔係太食得辣嘅都可以食到架。豬肉口感都唔錯，雖然瘦但係唔會好鞋。醬油蟹都算係食韓國嘢必食嘅選擇，醬油蟹嗰個蟹真係冇煮過，不過就用咗豉油之類嘅調味料醃制過，香十足而且啲肉好又彈性，嗰啲手手腳腳都可以食架，唔可以浪費，因為之前第一次食將由蟹嘅時候淨係食咗中間嘅蟹膏同埋少少大蟹肉，忽視左隔離係腳蟹手入面嘅肉，其實都好入味。-0-v好彩佢整得唔係特別咸，就咁食或者撈飯都冇問題。

同細妹想係屋企附近食下韓國野又揀左再食sister Korea !韓國服務員同裝飾 令人覺得好似去左韓國叫左個漢拿山芝士蛋熔岩炒飯由服務員現場炒睇佢炒既過程都幾得意佢炒好左個飯之後會係周圍加入蛋醬周芝士再等幾分鐘炒飯好香口！少辣令人好上癮，最重要係牽絲既芝士真係好好食！ 炒飯入面既豚肉都係辣辣地！好正！飲品叫左個菠蘿冰share 分量好多，菠蘿香甜，冰打得好細易入口！好飲

有特別鍾意食韓國嘢，總之係韓國嘅嘢佢都啱食。佢食晚餐多數都要選擇韓國野，他就選擇了這間位於大圍的韓國有特別鍾意食韓國嘢，總之係韓國嘅嘢佢都啱食。伴侶食晚餐多數都要選擇韓國菜，他就選擇了這間位於大圍的韓國菜。食小食一定唔夠飽所以我哋叫咗一個飯先，心形豚肉韓式炒飯有<雞蛋>，豚肉都整得比較細粒另外炒飯整到好似心形咁好靚，年年都有一啲雞蛋係增加豐富感。食落去有少少油膩不過啲飯粒依然好圓形，炒得粒粒都分得開，咸香十足配搭不錯。通常食韓國嘢都會特別覺得口渴，特色飲品 芬達+草莓沙冰！一支芬達橙住喺草莓沙冰上面，草莓沙冰冇咩特別甜甜地有少少草莓味但係唔似有好多真實的草莓。兩者配搭不錯，好清新。火山脆皮豆腐睇落勁似臭豆腐，不過佢雖然脆但係唔臭，裏面依然鬆軟口感，炸得有點油香。另一款選擇的炸物是蜜糖炸雞粒，啲雞粒整得好脆蜜糖甜甜的，其實味道不錯不過本人還是比較喜歡咸的炸雞粒。其實食韓國嘢可以不選擇韓國燒烤，吃一些韓國風味的炸物或者炒飯其實都已經是很不錯的一餐。

因朋友講左幾次要食附近既韓國餐，其實自己已食過幾次，琴晚終於同佢一齊食左呢間有韓妹的韓國餐廳。其實大圍有咁靚裝飾既韓國餐廳真係超正。諗唔到聚會地點就會諗到呢度。叫左個韓式煎餅。見佢普普通通，其實幾鍾意佢個份量。煎餅質感岩岩好。之前食過其它韓式煎餅，一係太脆，一係太厚身。但呢個厚度適中，整到外脆內軟，我鍾意呢個口感。唔點汁食都唔會太乾。個醬汁又幾特別，好似加左少少辣味粉，甜甜地又有少辣。點汁食個味道仲正！之後叫左個火山脆皮豆腐。呢個不能不提，真係超級驚喜！個豆腐係白豆腐，其實呢d豆腐好難整，因為好難上粉之餘，仲會好易散。豆腐入口，首先外皮鬆脆，加埋佢幾有個人特色既醬汁，少少辣。食到出邊好脆，入邊好滑，呢個口感真係好幸福！真係太鍾意呢個菜色。食曬豆腐仲係咁食佢d汁。之後叫左個水蜜桃果茶。原來果茶入邊有菠蘿，都幾得意。果茶味道清香，唔會太苦，調得岩岩好，好飲既！係呢個好靚既環境食野，又食到好味既野食，冇加一服務費，其實真係幾抵，下次再黎食其它野食！

大圍屋邨入面都有好野食，餐廳由韓國人開, 每枱都有韓國妹招呼, 呢個芝士蛋溶岩豚肉炒飯係泥度既招牌, 店員會o係你面前即炒, 好有gimmick, 有大量紫菜同豚肉, 加左燒汁好香口，仲整到成個心型咁，不過芝士蛋同飯就有d分離, 芝士唔夠多, 就咁食個飯已經好夠另外要左個部隊芝士拉麵蛋邊鍋, 平時食既部隊鍋大部分都係劣食多, 不過呢度既用料比較好, 有拉麵, 燒雞肉, 魚蛋片, 爐邊蛋, 椰菜, 腸仔, 年糕, 粟米同芝士，唔會好似出面既部隊鍋只有午餐肉腸仔，價錢亦比其他平, 有得揀辣唔辣, 大大鍋都夠2個人食呢度既原個菠蘿冰都好吸晴, 菠蘿好大個, 味道就偏甜, $58咁大隻菠蘿都幾抵飲~整體呢間韓國菜比市區既抵食, 服務亦唔錯, 可以encore

平曰都少去新界區，今日同媽咪去廟宇拜拜，去之前搵地方食午餐，見到依間韓國菜餐廳門面幾得意，所以入去試下入座已經兩三點，店內客人只有三四台，坐得闊落同幾舒服。落單後有位韓國靚女店員幫我地放爐同擺位，全程服務我地，笑容可加同幾細心<<韓國菠蘿冰>>菠蘿冰一整個上枱，單靠賣相已經好吸睛，飲落有香濃果香味同味道帶微酸，用新鮮菠蘿肉打成沙冰，消暑又醒胃<<水蜜桃水果冰茶>>水蜜桃味道幾香，入口茶味微濃同幾清甜，杯內都有粒粒菠蘿肉，飲一啖茶食一粒菠蘿，兩種味道都幾夾<<部隊辛辣拉麵蛋邊鍋-中辛>>部隊鍋我地揀左中辣，味道唔算太辣，一邊滾已聞到陣陣香辣味，鍋邊有芝士，可以沾腸仔或其他配料，芝士入口好濃，又唔會蓋過本身配料既味道，值得一讚係店員一直幫我地睇火，唔洗自己落手搞<<漢拿山芝士蛋溶岩豚肉炒飯>>以為現成炒好，原來店員會係我地面前即場煮炒，先落白飯，之後加入豚肉、紫菜、蘿蔔絲，炒到有微微既焦香，最後加醬汁調味，店員將飯堆成心形，旁邊加入蛋液同芝士，好有睇頭入口好香飯焦

好少可屋村商場會開一間韓國菜既食店, 而且入面既部份職員仲係韓國人, 而且最抵既係呢度係唔收加一ga!所以吸引左唔少附近既街坊黎食, 而且果度既環境裝修都好有韓國餐廳特色. 一坐低就每人有一碟前菜同海帶湯 ------------------------------【韓國菠蘿冰】HK$58 第一次飲菠蘿沙冰係用原個菠蘿裝住... 菠蘿沙冰味道唔會過淡過甜, 好重菠蘿味, 消暑解渴一流!! 仲有一片菠蘿肉邊飲邊食, 爽啊!!!【韓國綠茶牛奶沙冰】HK$29 綠茶牛奶沙冰奶味比較重, COVER左綠茶本身既甘味, 所以飲落少少甜同微微既綠茶香味 【漢拿山芝士蛋溶岩豚肉炒飯(辣)】HK$128 有韓妹係我地面前炒呢個飯, 炒完之後仲會併個心形, 再係周邊淋上蛋王漿同放上芝士絲. 直至芝士溶哂就熄火. 個飯炒完都仲好濕潤, 而且炒起即食仲係熱辣辣, 味道甜甜地辣辣地, 雖然做唔到拉絲效果, 但芝士溶左係蛋入面, 所以食到好香既蛋味之外,仲有淡淡既芝士香~【海軍隊長鮮貝鍋(配韓國手打烏冬)】HK$188 呢個火鍋接近係韓國地道既味道, 清清淡淡, 入面有幾隻蜆,3隻藍青口,幾隻細蠔仔,一隻鮑

有時也會當個體貼女友，遷就遲放工的男友在他家附近約會，這時候要是想吃點美食，新翠邨的Sister Korea絕對是我的首選！ 很久沒來了，一進門便有仲基Oppa迎接我，真想抱一下 XD 到店時已經9點了，店內人流減少，可以坐到可愛的家庭feel卡座。別看Sister Korea店面大，7、8時也常座無虛席！ 餐牌上是吸睛的卡通圖案，搞笑又可愛！ 甫坐下已有紫菜湯跟前菜送上，先墊墊胃也不錯！泡菜辣中帶酸很開胃，怕辣的話可以吃咸香的芽菜，一樣美味！ 韓國菠蘿冰 $58 夏天就是要喝冰！ 菠蘿冰盛載在原隻菠蘿裡夠吸睛，冰涼鮮甜非常解渴，看旁邊也有不少人點了這一款，不愧為皇牌推介。 韓式炸雞 $42 炸雞已成了韓國的招牌菜，外層炸皮塗上蜜糖甜甜的又香脆，內裡炸雞熱騰騰的仍有肉汁淌出，肉質也算軟滑，連皮帶肉一起吃非常香口。 泡菜煎餅 $72 薄薄的泡菜煎餅從外面已看出夾有不少泡菜餡，味道偏辣，可以沾點醬油提味，再配一口菠蘿冰解辣就剛剛好！ 漢拿山豚肉炒飯 $128 這裡的漢拿山豚肉炒飯會由服務生即席處理，也是這家店的一大賣點。配料有芝士、蛋、豚肉、紫菜、蔬菜絲等，