新泰東南亞餐廳 (馬鞍山廣場)

營業中

休息中

•燒西冷牛扒🥩每次黎都係必點必食既一款燒得恰度好處 肉質仲保持好嫩滑配埋甜酸醬 好味•泰國街邊豬肉串🍖肥厚肉滑既雞肉串 燒得好香加埋個沙嗲醬一齊食 鍾意食沙嗲串一定要試下•泰國濕炒海鮮河🍲呢個又係每次黎都必定點濕炒河粉整到個汁好入味 完全唔會好膩加埋爆料既海鮮 自己可以成碟食哂•泰式奶茶🥤食泰國野 當然要整返杯泰式奶茶甜度恰度好處 茶底同奶比例完全滿足🤎而且環境坐得好舒適啱晒三五知己可以一齊坐低食飯滿意

前一晚煲劇煲到凌晨4點睡醒已經2點多下樓去吃個「早餐」先在商場逛了一圈發現在這個寧靜的一角原來有間泰菜一直都沒有逛到這一塊泰菜也很久沒吃 就進去試試2點後堂食有8折扣掉加一服務費也有9折午市套餐可以叫到6點跟餐可以加28換指定小食我選了蝦餅有兩個蝦餅 2開4口感彈牙 吃到粒粒蝦肉配上泰式酸甜醬好惹味辣炒豬頸肉河粉味道比較淡 吃完整碟都沒有辣的感覺問店員要了泰式辣椒粉才有點泰國的味道餐飲加8元要了龍眼冰清甜潤喉

馬鞍山美食沙漠， 想搵好食又美味好難， 唯獨是sun Thai restaurant 是本人吃了4次仍未厭的泰國菜， 比起新港城泰國菜好食好多。午餐搵食必然想起此馬鞍山廣場泰國菜， 午餐抵食唔搵笨， 價錢公道， 大大碟。2人食2個午餐， 加一小食， 飽滿意足。 好飽1） 南瓜咖哩帶子飯南瓜汁香夠特色， 不同一般普通咖哩汁，焗飯好熱好香好惹味， 帶子少d. 2） 金邊粉必定要食， 不過不夠惹味及辣（本人愛辣）粉幼， 炒得夠熱， 天氣冷食熱野才夠暖。3） 另配2條串燒最欣賞是不是配一般沙茶醬， 而是配酸辣汁夠特別。有風味4）配2杯餐茶， 咖啡及熱檸水。咖啡不行，是蒸餾咖啡， 不是3合一。熱檸水之檸檬有3片， 夠晒檸檬提神， 好酸， 正。

今日約左好耐冇見既朋友喺馬鞍山食飯，朋友想食泰國菜🇹🇭，喺附近幾間泰國餐廳入邊，我揀左大家都未試過既新泰，因為睇相覺得環境舒適d～就咁睇地址可能有少少難搵，新泰既位置係喺馬鞍山廣場嘅一個角落頭，背對住譚仔既話，向右邊直行到尾就會見到架啦～入到去發現環境幾大，掛住幾靚既籐燈，裝修有格調，感覺好似入左去spa鋪咁舒服😌我地兩個都係試左3個有「👍🏽」既菜式，咁岩都係辣🌶既！➿鴨肉生菜包 ($78)好少見生菜包係用鴨肉，所以我地試左～我地覺得個口感同豬肉都幾似🤔 香料味幾重，同埋越食越辣，好惹味！➿馬拉盞通菜 ($75)通菜炒得入味，唔會老👍🏽 對比下，呢碟炒菜算係冇咁辣～ ➿喇沙蝦米線 ($78)喇沙偏重椰香味，相對黎講係完全唔辣😛入面除有新鮮蝦🦐，仲有原粒豆卜、豆芽、魚片，咁岩仲有粒係魚片頭，配料同米線份量都好多，好抵食👍🏽➿番石榴沙冰 ($38)朋友覺得第一啖飲落有微微既青味，我就覺得飲到番石榴好天然既味道，好清新🌿沙冰打得幼滑，解渴解膩一流！我地兩個都食到好飽，加上環境舒服，所以不自覺吹水吹到餐廳差不多閂鋪🤭 對於呢餐泰菜，我地表示滿意啊！

琴晚呀媽話唔想煮飯，落樓下新港城商場食飯算，於是，鍾意食泰國菜嘅媽媽當然又會叫我搵泰菜餐廳喇🙈🙈係OpenRice見到呢間新泰東南亞餐廳有好多好評，所以就決定今晚食佢🤪🤪新泰既裝修幾有特色，門口既佈置好特別，配合埋啲燈光，真係幾有東南亞既氣氛架😍職員今次安排咗我哋坐梳化位，坐得超級舒服同闊落👍🏻一齊睇下佢既餐牌～～所有泰國菜應有盡有最估唔到竟然係有cocktails飲😱😱好犀利呀👏🏻👏🏻👏🏻今次叫左3樣野食，3樣野都高質素架！1. 泰式炒金邊粉 淨係個外觀已經勁吸睛😍面頭個塊係用蛋整成既絲網裝飾，好靚呀！而且佢唔係得個樣，一整開係勁大碟，勁有鑊氣同勁香既茄汁味，配料方面都好足料，有豆乾、蝦、芽菜、雞蛋等等，睇下啲圖就知！2. 沙嗲串燒（豬牛雞） 呢個真係不得了！串燒雞同豬係好好食，啲肉燒得岩岩好，係可以keep到勁嫩滑又香口，咬落去仲有肉汁，真係冇誇張（睇圖你就知！），但啲牛就略嫌佢有少少硬，相比下冇咁出色😂3. 椒鹽軟殼蟹原本見佢啲蟹細細隻以為得曾炸粉，但原來又唔係，係有肉架！而且炸得好香口，食下食下就食哂，都覺得5係好夠喉😋總括嚟講覺得呢間餐廳啲食物都唔錯，職員服務態度都好好☺️☺️下

朋友新居入伙，參觀完佢新居，佢話樓下呢間泰國餐廳好值得推介， 就一齊去食dinner，一入到去，就比佢既裝修同餐具吸引，真係好「泰」呀！泰式米紙卷～酸酸地非常之開胃，係前菜嘅好選擇，加上有啲菜，感覺非常健康，米紙質地較為煙韌，非常有口感！！泰式乾炒雞河～ 泰式河粉係一片一片，不規則形狀，由於面積較大，味道較為重一點，配上雞肉同菜類，非常豐富，而且炒得非常乾身。雞牛豬串燒～ 串燒當然係熱辣辣地食啦！！有齊三樣肉類，非常之滿足！！而且汁醬夠曬惹味， 唔太辣，啱曬香港人口味！！

最近, 應該好多人都會特別鍾意食泰國野。 我都唔例外, 特別係有朋友介紹好食既都想一試。 而且又冇得飛, 食一次當去一次啦。新泰之前聽朋友講值得一試, 今次終於有機會。 黎到馬鞍山廣場。 真係第一次黎, 原來好靚, 中庭仲有巨型旋轉木馬。 Anyway, 去到新泰門口已好有泰國feel, 入到去所有員工都係泰國口音。 坐位好舒服, 店員仲好欣勤比暖水我地。 真貼心。因唔太餓，點左燒黃鱔, 青咖哩羊架, 芒果糯米飯。唔好以為好少, 其實都好足料。燒黃鱔真係好少食, 燒完肉質仲好爽脆, 雖然佢本身有甜燒汁係面, 但配佢既泰式醬汁又另一番風味，打破鱔魚一定好甜既定律。 青咖啡羊架, 有3件，但配菜竟然有差唔多成個西蘭花咁多, 好犀利。 羊架燒得好入味，熟成剛好, 唔會太老, 而且佢配個青咖哩真係好得。最後到期待既甜品, 好在冇叫飯麵, 因為個芒果糯米飯真係好好食, 好足料。 白色糯米配紫色紫糯米, 2個層次都試晒。 芒果多到好似用左1隻芒果咁多, 而且好甜, 真好奇老闆係邊入貨😄這一餐好豐富, 泰國野真係好正。 泰國加油!

Our friends had recommended this place to us for a decent chain restaurant of thai food, so we decided to try it out for dinner since we were nearby. We ordered 2 main dishes and a snack to share between 2 people, and the portions were very filling! 1. Pineapple fried rice $118 This rice portion was around 1.5-2 portions, and had a plethora of ingredients to complement the rice. There was a sweetness brought by the pineapple and the raisins, and the mixture of peas and pork floss gave a good sav

喜歡吃泰菜💓💓💓今次就黎到馬鞍山食新泰🇹🇭平日夜晚食 不用等位 好快就可以入去食野🤩 唔洗餓住個肚入面環境都幾舒服😌枱與枱之間有段距離 朋友聚會傾計都唔驚隔離會聽到🤣另外d燈都幾有特色 令環境更有氣氛💜餐牌上選擇都頗多 本人有選擇困難症🤢我地又得兩個人 叫太多驚食唔晒花左d時間終於有決定😎✨✨✨1.燒豬頸肉✨有炭燒既感覺 非常好味😋重點❗️佢唔會太膩 ❗️（曾經食過一d豬頸肉好膩 有陰影😂）配上個酸酸甜甜既汁 唔錯既配搭2. 芒果軟殼蟹米紙卷✨推介😍三樣食物（芒果/軟殼蟹/米紙卷）其實我平時都好喜歡吃軟殼蟹肉比想像中多😛加埋鮮甜既芒果感覺好豐富啊～～而米紙卷令到成件事冇咁漏 三樣食物100% match🤩3. 泰式蝦炒金邊粉✨一黎到見到佢既設計 已經好欣賞🤣好喜歡個金邊粉連埋蛋一齊炒🤩好豐富🤣🤣成碟金邊粉味道好香口 唔辣 岩晒我口味🥰4. 芒果糯米飯✨雖然已經有d飽但都好想試下呢度既芒果糯米飯真心要推介❗️一黎到 個糯米飯係熱辣辣🥰d汁配埋個糯米飯味道好match🤩糯米飯有兩款添 我個人比較偏愛紅米款 感覺厚身d 當然另一款都好味🤣芒果都好鮮甜～如果最後都食到飽飽地 2-3個人share呢個

泰國野次次都係咖喱同埋串燒，今次試下其他野先😗.麵包焗咖喱軟殼蟹$208（推薦指數：😋😋😋😋😋)農夫包嘅外皮同埋麵包件都覺得好香脆，咖喱方面，椰汁味好多、椰香好重，應該幾啱香港人口味，唔太辣。咖喱見到呢係混濁嘅，應該落咗不少嘅雞蛋落去煮，呢個咖喱味用嚟點麵包真係一流。咖喱入邊有八件軟殼蟹件，趁熱食嘅時候非常香脆，炸得啱啱好。👍🏼👍🏼👍🏼👍🏼.泰式燒春雞釀香茅黃飯 🇹🇭🐔🍚🟡$188（推薦指數：😋😋😋😋😋)從外觀睇落已經好吸引，一隻春雞脹卜卜🐔，雞殼入邊嘅份量應該都會好充足。雞皮燒到金黃色，賣相吸引。旁邊仲配左一個泰式嘅沙律，可以將油膩感減低。 入面有香茅、黃咖喱粉、紅咖喱粉，d飯索曬d雞的雞油。因為春假嘅關係，層皮唔會太多脂肪，隻雞亦都燒得好嫩好juicy，而雞肉都入曬d香茅味。佢仲有個落左麥芽糖嘅燒雞醬，同燒春雞好配合，不過本身隻雞既味其實都足夠。

琴日同女朋友去開馬鞍山行街，女朋友知我鐘意食泰國野，話聽講附近好似有間好食既泰國餐廳，見佢晚市時間都多人食，就入去試下啦。入到去，裝修唔錯，餐具餐疊都放得整齊，入到黎會俾定暖水，唔係太熱既水。打開餐牌，食物唔係平都唔會太貴，中間位啦。我地叫左三樣野食，馬拉盞炒通菜，冬陰公海鮮炒飯，青咖喱雞配薄餅。先黎係冬陰公海鮮炒飯，平時冬陰公湯就食得多，用佢黎炒飯都唔錯，有冬陰公味又唔會太辣，易入口，不錯，份量都夠大份，最sweet係佢會主動俾埋公spoon,抵讚。之後再黎係馬拉盞炒通菜，佢落香料好足，一食就會知佢落足料，份量都大份，都唔會太辣，鐘意泰國野既會鐘意呢個菜。最後係青咖喱雞配薄餅，青咖哩唔會太稀唔會太濃，個薄餅唔係出面軟曬個d，係脆既，用黎浸青咖喱黎食一流，我仲用黎撈埋個冬陰公飯黎食。總的來說，食物質素幾好，價錢適中，都算值回票價。

去馬鞍山做完野想搵野食，我同同事泰思鄉，所以又揀左間泰國餐廳餐廳非常闊落，我地2個人坐一張大卡位，應該坐4人都好鬆動聽到某d店員都係講泰文 加埋餐廳既裝修真係好有泰國氣氛軟殼蟹米紙卷份量同餡料都幾多，軟殼蟹食到大舊肉唔會得個殼 泰式蝦餅炸到熱辣辣上枱, 蝦肉結實彈牙，啖啖肉，好香蝦味，口味比較重，岩我~蜜糖燒肋骨雖然只得4件，但都幾厚肉，蜜味好香，肋肉易咬同好juicy，火喉岩岩好泰式燒春雞釀香茅黃飯薑黃飯塞滿春雞漲卜卜好吸引，一切開就聞到好香既香茅味薑黃粉，香茅，同燒雞既香味滲哂入d飯度，味道好濃郁重口味既雞飯旁邊 聰明地配上泰式沙律，酸酸地好開胃面頭仲有d花生碎，層次好豐富芒果糯米飯本身已經好飽，但都要食埋呢個甜品先算完滿佢有齊黑白糯米，黑糯米有口感，白糯米夠黏，芒果連埋椰漿一齊食，正！

今日約了好友相聚，想要間舒適餐廳，一想就想到這間。1. 服務態度幾好又有禮，服務員落單好快手。2. 環境舒適，座位寬躺，裝修唔錯，幾靚，有泰國氣氛，燈光柔和，適合好友吹水好地方。3. Order左三款食物，一杯飲品，一個白飯。馬拉盞通菜，好有鑊氣，又夠翠綠，味道唔錯，讚！👍印度薄餅，又熱都鬆化😂南瓜焗咖喱海鮮，賣相特別，南瓜🎃味香濃，愛食南瓜，一定要試，香又甜😊鹹檸檬梳打，喜歡檸檬味的我，覺得淡了一點，但也可接受😊整體來講，價錢與環境舒服，食物質素唔錯！最後，都值得推薦俾朋友試吓！👍

最近又心掛掛想食泰國野，黎到馬鞍山行街，就俾呢間新泰東南亞餐廳吸引住左餐廳裝修十分有特色，只係係門口都會忍吾住望多兩眼餐廳既面積都幾大，裝修新淨，好鐘意掛係到既燈，令到成間餐廳十分有風格。座位又闊又好坐，好適合慢慢食慢慢傾餐廳既食物種類選擇都算多，不過我同朋友吾算十分肚餓，所以就簡左3樣野食首先上枱既係越式蝦米紙卷，一咬落去好足料，鋪係上面既蝦米好香口，外皮煙煙韌韌，再點埋個甜酸汁，十分開胃我同朋友都十分期待呢個泰式蝦炒金邊粉，一上枱已經覺得好吸引，黃色既蛋皮包住金邊粉，未食已經流口水金邊粉再加上靑檸汁，仲有花生碎，食落十分有滿足感，金邊粉鑊氣十足，每一條粉都入味，而且軟硬適中呢個靑咖哩雞，用料十足，味道香濃又吾會太辣，岩晒我口味。雞肉嫩滑，索曬靑咖哩汁既味當然吾少得印度薄餅黎配上靑咖哩。薄餅熱辣酥脆，真係可以食吾停口今晚呢餐同朋友食得好開心，係呢個咁有情調既環境之下食野，又食到有質素既食物，真係人生一大樂事。仲有值得一讚係侍應服務態度好，十分細心有禮

前兩年夏天都有到泰國旅行，今年因為疫情未能岀行，只好吃泰國菜解解癮🥺馬鞍山經常被戲稱美食沙漠，作為馬友絕對不認同🙅🏻‍♀️，有很多臥虎藏龍小店等待發掘！馬鞍山廣場裝修過後開了幾間新餐廳，其中一間是泰國餐廳，今次就來嚐嚐🤤餐廳裝修十分精緻，環境闊落。留意到單上除了有中文菜單，亦有泰文，一問之下原來廚師是泰國人😳立即對菜式提高了期望！👉🏻食物: 4.5/5口味正宗、美味😋▪️青咖喱羊架羊架又大又厚、啖啖肉🤤十分滋味！骨上包有錫紙，方便用手進食👍🏻羊肉羶味適中，青咖喱不太辣帶少許甜味。▪️印度薄餅配咖喱必點之選，薄餅大小厚薄適中！上桌時熱辣辣又鬆化。▪️鹽焗鱸魚份量大，建議3-4人分享！魚肉超嫩滑🤤，魚皮有鹽調味外，另配上泰式酸醋汁。不過緊記要趁熱吃，否則魚皮會變軟及帶少許腥味。▪️豬肉碎生菜包比一般辣，但口味是更正宗、香料味突岀😋十分惹味！生菜份量剛好👍🏻