新泰東南亞餐廳 (馬鞍山廣場)

營業中

休息中

今日同兩個朋友黎到馬鞍山既新泰東南亞餐廳食泰國野之前都食過尖沙咀分店 食過個個都話好好食! 今日難得去馬鞍山見到有呢間泰國野就諗都唔諗決定食佢!!餐廳位置好方便, 馬鞍山站A1出口行去5分鐘唔洗就已經到左 真係好方便!店入面裝修好有泰國FEEL 坐位之間都好寬敞 我地3個人職員就安排左我地坐4人位既卡位, 成餐飯都坐得好舒服完全唔迫.我地叫左6樣野食同3杯野飲, 分別係 泰式炸蝦餅, 串燒(雞同牛各三串), 巴東牛展, 蒜蓉包, 印度薄餅同泰式蝦炒金邊粉.野飲方面就叫左2杯椰青沙冰同1杯泰式凍奶茶.首先上既係泰式炸蝦餅 炸蝦餅炸到好脆 又唔會炸到好油 點埋泰式辣醬好好食叫得巴東牛展一定要叫埋蒜蓉包同印度薄餅點埋一齊食嫁啦😍個咖哩好好食 可惜個牛就有少少un 不過個咖哩點蒜蓉包同印度薄餅真係一流👍🏼蒜蓉包好脆 好有蒜蓉味👍🏼金邊粉酸酸甜甜好開胃 炒得夠鑊氣 又唔會好油 👍🏼👍🏼另外野飲品我地見到餐牌上面既椰青沙冰好吸引就叫左兩杯 一黎到驚訝左 好大杯😂 好解渴 本身以為沙冰會冇乜椰青味 點知唔係 愈飲愈有椰青味👍🏼👍🏼

今日入左馬鞍山搵朋友食飯, 黎到呢個美食荒漠都唔知食咩好之後見到好耐之前係灣仔食過嘅個間泰菜, 我記得都好似OK既所以就入左去啦剛好今日天氣涼返, 一坐低店員就斟左2杯暖水比我地, 值得一讚! 餐廳環境寬敞, 疫情期間有足夠空間夠真係好緊要, 感覺上都安全D食物同飲品選擇都有好多, 好少泰菜餐廳仲會COCKTAILS個D揀等左約10分鐘到就有野食喇越式蟹肉炒粉絲有札肉條, 蟹肉, 三色椒等等, 口感豐富, 粉絲吸收左蟹肉既鮮味同札肉既鹹味, 粉絲炒得剛好入味, 我好怕個隻濕濕笠笠個隻泰式炒椰菜仔平時都好鍾意食椰菜仔, 大大碟份量好多, 一D都唔吝嗇, 椰菜仔好新鮮, 清甜爽脆蒜茸越南牛油雞翼有好多炸蒜茸, 仲有成6隻雞翼, 外皮酥脆可口, 不過略嫌牛油味唔夠重下次黎馬鞍山都可以再黎試埋其他菜式

今次食呢間泰國菜其實係馬鞍山開咗一段時間突然間幾個朋友都想食泰菜又唔想特登出到九龍城咁遠所以近近地就試咗呢間 門面裝修都企理唔似九龍城d泰菜衛生都比較差係疫情下都食得安心好多 泰式柚子蝦沙律首先嚟個頭盤食到一粒粒柚子配落個沙律酸酸甜甜幾清新 燒豬頸肉 唔會燒到好柴皮少少脆邊同留有肉汁配埋個醬汁非常夾 蒜蓉越南牛油雞翼未上檯已經聞到香味 泰式炸蝦餅蝦餅係泰國菜賣飛佛炸得非常鬆脆 又唔會太乾 冬陰公非常足料 足足有成三隻蝦係裡面我地三個人都分到每人有三碗最緊要係有個爐座熱唔會飲到尾凍哂鴨肉生菜包碎肉連埋香料炒到粒粒分明最特別佢係用鴨肉去炒比豬肉更加香口 蝦醬炒飯 泰式干炒牛河本身驚唔夠飽叫咗一碟飯一碟炒河每樣食咗一碗已經飽到投降蝦醬炒飯配埋肉鬆同腰果令佢食落更香口牛河用粗身河粉炒 加埋蒜片更加惹味 馬拉盞通菜食太多煎炸嘢叫返碟菜令成件事無咁邪惡炒得非常入味

難得早放工入馬鞍山行吓街，嚟咗呢間喺商場尾尾嘅泰國餐廳。由於附近嘅舖都未租出，個位比較難發現，但一去到門口，就俾餐廳嘅環境吸引住！餐廳環境都幾靚，門口位置有睇落好舒服嘅卡位，行入啲，仲見到好有特色嘅金色花瓣燈，同埋牆上面仲有大象圖畫，餐廳環境完全呃到like🤣 我地兩個人叫咗一個飯一個菜🎃 日本南瓜焗海鮮飯 $118呢味菜都等咗一陣先到，但一上菜完全係吸引大家眼球🤩 佢係原個南瓜上同埋好香咖喱味😋 佢係好香椰奶同花生味嘅咖喱，所以唔會辣，上面嘅海鮮有青口，蝦，同魷魚，南瓜如果再焗耐少少軟返少少就perfect🤣 由於又飯又南瓜好多starch,我地都食唔哂😂怕食唔哂嘅人建議叫南瓜焗海鮮，唔好叫焗飯版😂😂🌱泰式炒什菜 $75什菜唔會太咸，濃度適中，唔會愈食愈口渴，唔錯😗仲有令人期待的特飲番石榴沙冰 龍眼冰 $38 番石榴沙冰好清新，食到番石榴肉少少粒粒幼粒。龍眼冰相對較甜，龍眼肉食落好濃味，都算幾多龍眼肉🤣全晚最吸引嘅當然係焗南瓜🤣喺泰國餐廳食到，都幾特別😋

好多人都話馬鞍山係美食沙漠之地，不過沙漠都有綠洲既，今日就去左馬鞍山廣場裡面既一間泰國餐廳，果然，搵到馬鞍山既美食綠洲～一行幾人，等左大約十五分鐘左右就入得。泰式名爐鱸魚名爐魚係泰國菜既名物，用名火熱住條魚食，食到尾都熱辣辣，唔會腥。鱸魚新鮮彈牙，肉質鮮甜，加上泰式醬料，超好味！香蒜焗扇貝焗扇貝大大隻，蒜蓉又多又香，扇貝焗到啱啱好，香軟彈牙，一流甘蓆炸蝦香脆熱辣辣既炸蝦，帶有少少甘蓆既甜味，加上泰式醬料，酸酸甜甜，正飛天通菜通菜又嫩又爽，炒得好香，好好味整體餐廳食物質素高，味道一流，而且食材新鮮，服務又非常好，值得去食！

今晚同同事撐枱腳，成日到馬鞍山廣場行街，經過轉彎位的這間新泰泰國餐廳，都覺得門面唔錯，今晚就來試試先🤩蒜蓉炒貴妃苗貴妃苗很爽脆鮮綠👍🏼配上蒜蓉炒，雖然簡單，但正正最能帶出貴妃苗的新鮮味道。當然，店家很大方，貴妃苗的量也很足夠👍🏼南瓜焗咖喱海鮮一上枱，海鮮都是滿瀉的😆滿滿都是不同的海鮮，有青口、蝦、魷魚和雜菜，吃得高興！而且海鮮沾上咖喱後，更加惹味😋👍🏼泰式甜品大拼盤在網上見到這甜品盤的相片已經令我垂涎欲滴，今天難得我的好飯腳是個甜品控，決定點這個盤。椰汁斑蘭糕軟綿綿的，椰汁和斑蘭味都頗為香濃。椰汁西米糕裏面有粒粒西米和粟米粒，有咬口。而芒果糯米飯的紫糯米比想像中更軟糯🤤倒上椰汁🥥後，超正！非常有椰香味。

約了很久的三人女子聚會終於成事了！就選一個中間點，馬鞍山吧！大家經過都覺得新泰這間泰式餐廳的裝修很華麗、有泰國特色，於是就來吃了。越式蝦米紙卷每件米紙卷都有熟蝦，米紙卷內的香草配上米粉，很清新！而且點上醋汁，更加惹味😋醃無骨鳳爪沙律這沙律是一貫的水準，無骨鳳爪酸酸甜甜的，配上洋蔥、西芹、蕃茄等等，很清新！作為開胃的餐前小吃，確實不錯。南瓜焗咖喱海鮮女同事提議點這道菜，想不到帶來驚喜！軟綿綿的南瓜，配上豐富的海鮮，好味！有青口、蝦、魷魚和雜菜，配了印度酥餅，簡直是一大享受🤩🤩最後還將南瓜內的肉也一併吃了，充滿咖喱和海鮮的香味，一點也沒浪費👍🏼😍我們最欣賞的是，餐廳的侍應態度良好，持續幫我們加水，重點是：水是暖水，非常貼心。讚讚❤️

馬鞍山一向都被稱為美食沙漠，有時真係想搵間好食既餐廳都好難~而泰國菜通常都要去到西沙果邊先有一間餐廳，所以當馬鞍山新開呢間泰國餐廳既時候，我就已經好想去啦~入到去好開心咁坐到卡位，環境都好舒服而卡位既隔離都有啲小裝飾咁我地今日因為好肚餓的關係，所以叫得比較多野食三色冰三色冰主要由三色馬啼同埋椰漿組成聞到好香既椰汁味，又唔會太甜燒豬頸肉燒豬頸肉既肉質好彈牙，味道唔會太濃，配上個泰式的青檸汁簡直一流，無得輸!!!鴨肉生菜包一開始係餐牌見到呢個菜既時候對佢好奇大增，生菜包就食得多，但就未見過有鴨肉生菜包。所以最期待都係呢個菜。生菜好新鮮，好爽口，但鴨肉就其實唔係好食得出有鴨味，同普通既豬肉就無咩分別!而味道就因為廚司落左好多辣的調味料，所以覺得好辣!雖然係咁辣, 我都係一路辣住一路忍唔住咁食!!麵包焗咖哩軟殼蟹呢個菜配上4塊焗好的蒜蓉包係神來之筆!咖哩本身好滑好濃椰漿味，我個人認為如果有少少辣味會更勝一籌!泰式炒椰菜仔呢個菜我覺得我會再次光顧，本身炒椰菜仔都唔多地方見到但佢又真係好好食喎~泰式菠蘿炒飯新鮮大蝦配上炒飯放落原隻菠蘿, 個菜一到已經遠遠聞到香味，令人食慾大增!!食落口菠蘿好香甜好

小弟都有段時間無喺馬鞍山搵食，原因都係朋友唔係住係呢區，難得今次聚餐係中學同學，所以大家就近搵嘢食啦，之前一路都無試過位於馬鞍山廣場新泰東南亞餐廳，今次就決定去試下門面，室內裝修都充滿泰式風味，而且座位環境都非常舒適，有別於九龍城泰國菜嘅地鋪，呢一樣值得一讚，就算餸菜未食落肚都已經有好好嘅印象分泰式柚子蝦沙律沙律甜甜地醬汁跟酸酸地柚子配搭一流，沙律配上大蝦食落滋食，加上花生碎堅果碎口感豐富，作為開胃菜的確係不二之選冬蔭功（大）飲湯最緊要夠熱，冬蔭功原煲上枱，煲下有火種keep住溫度，飲落真正熱辣辣。湯味飲落酸辣道適中，湯料蝦，菇份量又十足，百幾蚊黎講物超所值燒豬頸肉豬頸肉肥瘦均衡，咬落唔會韌而且有焦香味，配上醬汁食一流，如果份量多啲就無得彈馬拉盞通菜通菜新鮮望落唔黃，食埋落口無渣，馬拉盞醬汁調較適宜，蝦醬味特出但又唔會太鹹，唔錯炸蝦餅炸蝦餅係每一次食泰國菜必點菜式，呢到嘅炸蝦餅食落都爽口彈口，上枱溫度都夠熱，絕對可以encore完全唔失禮鴨肉生菜包生菜包豬肉就食得多，鴨肉都係第一次，鴨肉食落較豬肉煙韌，菜式唔算好辣，肉嘅份量都算多，而且生菜都好爽脆，唔會黃黃爛爛咁，抵讚蒜蓉越南牛油雞翼

東南亞菜係馬鞍山黎講真係少之又少，新泰東南亞可謂沙漠之中嘅清泉，所以身為沙漠居民就過黎試下。.泰式柚子蝦沙律 $98柚子肉好清甜，蝦新鮮彈牙，再連埋秘製醬汁，酸酸甜甜，十分開胃。.燒豬頸肉 $78豬頸肉在肉身上搽上沙嗲醬再燒，食落十分香口，肉質彈牙，再配上泰式青檸汁，食到停唔到。.冬陰功(L) $138新泰亞冬陰功椰奶味比較突出，所以食落會無咁辣，草菇、蝦、青蔥等材料充足。.泰式炸蝦餅 $88蝦餃外皮炸得好鬆脆，蝦滑彈牙，再配上泰式辣醬更加惹味。.蒜蓉越南牛油雞翼 $78用蒜蓉同牛油爆香雞翼，令到食落陣陣蒜香同牛油味，雞翼外皮煎得好鬆脆，而肉質嫩滑。.鴨肉生菜包 $78平時常見雞、豬、牛生菜包，見到有鴨肉當然要試一試，鴨肉連埋洋蔥、蒜頭、鹽一齊炒香，夾落生菜到好惹味，越食越想食。.馬拉盞通菜 $75馬拉盞連炒蒜茸同紅椒一齊炒，好惹味、通菜好嫩，唔會老。.蝦醬炒飯 $88炒飯好香蝦醬味，仲加上蠟腸一齊炒，再係面頭舖上大量肉鬆，令到味道更有層次。.泰式干炒河 $78泰式河粉同我地一般河粉一仲條條唔同，泰式河粉一塊塊，似麵皮，但搓到好薄，食落好幼滑。.新泰東南亞餐廳味道好好味，每道菜都各有特

最近跟家人到馬鞍山吃泰菜，到步後覺得環境很不錯，地方很闊落，而且也有裝修，坐得很舒服。😌冬蔭功湯（大）這個冬蔭公湯真的很足料，有四隻蝦，又有很多菇，辣度又恰到好處，不過湯羹太大，很難盛湯。😅鹽焗爐魚有少許失望，事關魚有點腥，絕對需要那個醬汁辟走腥味。🥲越式蟹肉炒粉絲粉絲很幼很分別，很有咬口，配合蟹肉和越式扎肉、雜菜去炒，確是很惹味。😋海南雞（半隻）海南雞很嫩滑，配上兩個醬汁，令味道更添層次，具中上質素。☺️蔗蝦全晚最佳菜色就是這個蔗蝦，用蔗串着蝦來炸，配合甜辣醬，熱辣辣，很香口。而蔗咬下去，有種清甜的感覺。底部還有一些米粉，配合它提供的醬汁很不錯！值得推薦！👍🏻

又到星期一，返工真係好攰，所以放工就約咗成班同事一齊去到馬鞍山打算食餐好。同事一向都好鍾意食泰國菜，喺OpenRice度一搜尋底下就見到呢間新泰東南亞餐廳，睇到個Menu，你講得出嘅泰國美食都齊曬，真係好吸引！😍朋友話最愛就係食泰式金邊粉，一食泰式金邊粉就知道呢間餐廳嘅廚師廚藝好唔好。第一啖覺得酸酸甜甜好正，再一啖，嘩！鑊氣十足，麵質剛剛好，唔會話太油膩，差啲就想叫多個黎食！朋友好鍾意食curry, 我就提議不如試下咖喱麵包軟殼蟹啦～～ 果然冇叫錯，個咖喱汁好濃香，加埋包食非常惹味。而軟殼蟹份量都算幾多，好足料，4個人分都好夠！覺得呢個價錢食到咁大份量嘅軟殼蟹真係好抵呀🖤🖤🖤😁😁至於甜品，朋友就話一定要食芒果糯米飯～～佢啲芒果好清甜，糯米口感岩岩好，唔會太硬得黎又有口感！😍😍😍最後我哋滿載而歸食到捧住個肚返屋企，好開心呀！總括來講，呢間餐廳我會比五星評價，性價比屬於幾高，喺馬鞍山區來講算係數一數二嘅泰國菜餐廳！😙我地會再食嫁🤍🤍

馬鞍山一向係美食沙漠，近年開左唔少有質素餐廳，新泰就係其中一間！因為疫情都好少出街食飯，今晚終於可以堂食！餐廳裝修幾令，野食選擇都好多。點左串燒沙爹半打，平時好多泰國餐廳叫沙爹都只可以揀一款，呢度可以豬牛雞每樣2串，值得一讚!沙爹每串都好厚肉，最正係沙爹豬，燒得好香，配埋沙爹汁好味！蠔仔炒蛋都十分推介，鐵板上熱辣辣，有好多蠔仔，炒蛋都好滑好有鑊氣。食泰國嘢當然要點個咖喱，唔食得太辣所以要左馬沙文咖喱牛腩，有好多牛腩肉！而個汁好香濃，要黎送飯同薄餅正。

心血來潮想食泰國野 見到馬鞍山有一間就即刻去左 七點零去到 都差唔多full晒 好彩都唔洗等位 入到去感覺個設計好泰式 有啲去左泰國旅行feel我地嗌左5樣野香芒軟殼蟹米紙卷份量唔少 每舊都有軟殼蟹係入面 外皮好煙韌 入面啲配料好fresh 點埋泰式辣醬更加好味豬肉肉碎生菜包份量算幾多 之後食唔晒加左落炒飯一齊食🤣 啲肉碎食落好香口又辣辣地 同埋用左好多香料去炒 用生菜包住食就減低啲油膩感 馬拉盞炒通菜正常發揮 冇乜特別 唔會過鹹冬蔭功海鮮炒飯份量好足夠 兩個人食好夠飽 同埋入面啲海鮮配料好多 有青口 蝦 魷魚等等 炒飯嘅冬蔭功味唔算太濃 但都幾特別 之後加左啲肉碎去食 仲惹味啲椰青沙冰一上枱有驚喜 因為好大杯啲沙冰堆到好高 飲落唔會好甜 有淡淡嘅椰味 好fresh 又解到油膩今次冇供應芒果糯米飯 睇下下次食唔食到先🤪

今天終於放工了，好期待可以同同事一齊食飯，喺公司附近揾到呢間泰國野，決定試一試。係門口等位個陣，已經覺得好有泰國風味，門口岀面有一張木凳，後面有個泰國佛像，都算係一個值得打卡位嚟㗎。餐廳環境闊落，座位都幾多，好有呢個熱帶地區裝修嘅特色，坐落唔會太迫幾舒服。餐牌上面可以選擇嘅泰菜都好多架，而且佢都有一啲時令海鮮，見到呢隻蟹即刻想食呀！我就嗌左一碟飛天通菜，佢吵得真係好嘢未，唔會話太過辣，又唔會過鹹，調味做得啱啱好，通菜又嫩，唔會有渣。而我朋友最欣賞就係呢一碟沙嗲串燒啦！佢嘅雞、牛、豬三樣串燒全部都唔會過熟，肉質相對上淋，唔會太韌，而且本身都醃得好夠味，配埋一樓一沙嗲汁，真係好好味呀！而煮食呢我就叫咗菠蘿炒飯。炒飯入邊有好多臘腸，而且啲菠蘿都好新鮮，每一啖都充滿着菠蘿嘅甜味，肉嘅香，又唔會太鹹喎，真係一啖接住一啖，食到停唔到啊！最後當然要叫甜品啦！叫咗一個甜品拼盤（小），入邊啲甜品的的式式好得意呀！一邊咁多個我最鍾意嘅係紫色白色嘅椰汁糕，相當煙韌，而且好夠甜，椰汁味都好出！當然最傳統嘅椰汁西米糕係冇得輸啦！食到好飽好滿足啊！我作為沙田友，誠意推介係馬鞍山嘅呢間泰國餐廳。