新泰東南亞餐廳 (已搬遷) 新店位置

在灣仔搵食，選擇不及銅鑼灣多，但不乏高質素的餐廳，細心選擇就可以搵到，新泰最近好受歡迎，一於試下呢間，黎到發現侍應都係泰國人，簡直好似去左泰國渡假咁呀。鐵板蠔仔炒蛋$88: 呢個菜式絕對有驚喜，蠔仔非常多而且好有鮮味，一啲都唔腥，好濃蠔味，加埋蛋同芽菜，perfect的組合！泰式生蝦$98: 嘩，生蝦勁大隻，肉質爽脆新鮮，口感一流，特製醬汁好地道感覺，令我地回憶返泰國街頭風味。泰式炸魚餅$68: 雖說係炸，但唔覺太熱氣，亦都唔脆，質感係軟綿中帶彈性，保持內裡濕潤，香中帶有香茅味，so thai!

終於到星期五啦，約咗好姊妹食我最鍾意嘅泰國菜。依間喺灣仔嘅新泰格局好grand，仲要好地道添。呢度大部份嘅員工都係泰國人，好似去咗泰國咁呀。因為我哋兩個女仔所以唔食好多，所以今次就嗌左四樣嘢食。我最鍾意就係依度嘅牛油雞翼，牛油煎到雞翼超香口，再加埋啲蒜蓉簡直無得頂呀。依度個豬肉生菜包都好好味架，肉碎叫咗豬肉，豬肉用咗泰國香葉同埋小小辣椒去醃製，包住生菜黎食，感覺更fresh，豬肉嘅肉汁係好中徘徊，真係無得輸啊。之後就係咖哩啦，講到咖哩我就最鐘意食泰色咖哩架啦，夠辣之餘仲有小小既香葉味攞黎撈飯真係一流啊☺️食泰國藥又點小得烏頭呢，今次叫左鹽焗，魚質都幾解幾鮮幾滑，魚肉吸收晒外皮既精華，真係忍唔住食多幾啖

新泰東南亞餐廳午市時段人流甚多，需人齊始能入座，建議 12:15 前抵達比較理想。一般午市套餐由七八十元起，另有其他更豐富的二至四人餐供應。是午點選了一客二人套餐，內含四道菜及兩杯飲品。 越式蝦米紙卷是越式冷盤小吃，內含鮮蝦、菜絲、蘿蔔絲、米粉等等，食味清爽輕盈，用以配搭魚露酸辣汁最富風味。 炭燒豬頸肉是外加小吃，豬頸肉彈帶香，近頭尾位置微微焦脆份外可口。 泰式青咖哩雞一向是筆者喜愛的咖哩菜餚，尤其是青咖哩，香而不辣，又有合心的椰漿椰奶引味，配搭白嫩雞肉或烤餅效果俱佳。 馬拉盞炒通菜鹹香菜嫩，建議微微加辣增加惹味感。印度烤餅稍稍不夠酥香鬆軟。一如前述，咖哩是最好的配撘。 新泰的美食雖未算是特別優越，但也有合理的質素，因而成為筆者會間中到訪吃午飯的泰菜館之一。就這份二人餐而言，除了一小份烤餅外，整頓飯沒有其他飯麵主食，份量稍稍不足，筆者下午茶時段已有點飢餓感，哈哈 ！ ******************************

泰國菜係筆者最後之一。基本永無失手，係睇下十個好食定一百個好食。今次呢餐呢。。。。。南瓜海鮮侷飯：呢個係小見的選擇（菠蘿炒飯就常常見）。單睇面頭啲芝士已流曬口水。食落真係每粒飯都有清香淡淡的南瓜味，撈均啲芝士，好食！奶油大蝦：又一滿分推介。相比常食的蟹，食起來呢個方便好多，用刀叉都可以起到啲肉食。最好味係個橙橙的汁，夠傑身，我連個蝦身就啜得乾乾淨淨。加埋garlic bread ，十分！香港真係一個美食天堂，要食咩菜有咩，但同時因為選擇太多，反而要小心選擇！今晚係新泰一定係一個對的選擇！*新泰仲有兩間分店係尖沙咀同灣仔家:-)

聽日想食泰國野，見呢間openrice評價唔錯，就放工黎試下。入到餐廳d侍應好似都系泰國人，即刻有種好正宗既感覺（其實系自己無謂既心理作用😂😂）不過之後食野證明我既感覺系正確既！店內既燈光其實有d昏暗，幾有情調，岩曬偷情偷食（當然，同情侶去食就更好啦A_A)賣飛佛青檸梳打，夠酸，飲完好開胃。之後上左個牛油雞翼，好，好，食。d蒜炸得好脆好香，有陣香濃既牛油味。雞翼肉質滑嫩，唯一缺點係好熱氣，食完又要爆瘡啦，嗚嗚。之後上左燒春雞釀香茅黃飯，超級大隻，同個fd兩個人食岩岩好。隻雞即叫即焗，所以都等左一陣，但上黎就知值得等。隻雞要配酸甜醬，酸酸甜甜咁，香茅味好重，香茅愛好者必叫。雞腿位最嫩滑，如果一隻雞成身都係雞腿就好啦。（雖然好似異形咁）食食下發現成餐飯都係食雞，我係同雞有仇嫁！最後點少得個南瓜布甸，咁先圓滿嫁嘛。個布甸奶味好香濃，加埋下面既南瓜肉食一流。其實舊南瓜布甸食食下，覺得佢好似一舊皮蛋。

今日去左酒吧街附近既呢間新泰餐廳食間飯比我既記憶係 餐廳環境好靚！水吧有好多酒 呢個有好多酒可以叫不過我就唔太好酒 所以剩係叫左一個椰子沙冰呢個55$既椰子沙冰 大大個 係有一個真既椰青 入面好多果肉 最奇怪既係 到我食哂食菜後 隻椰青都仲keep住好凍 又好有椰香味，唔錯！由於本人最近便秘既關係 所以就叫左一個飛天通菜 但究竟點解飛天通菜叫飛天通菜？因為會辣到飛天？但食落又唔太辣，反而係好香 而且d通菜都好靚 好爽口 呢個就係串燒啦 2串雞 2串豬 2串牛其實最好食既係個沙嗲汁！ 好香濃 少少甜泰國菜黎講 我最鐘意食串燒了！最近食量都唔太好 所以都無叫太多野食但其實食個串燒都好飽了

環境好優美的泰國餐廳就在corner位, 好易見到上一層先係座位, 好多卡位好少有又舒服又唔貴既泰菜！泰式青咖哩(配雞) $78 👍🏻青咖哩辣度適中, 配菜有南瓜、無花果、豆角等。好吃 不過雞肉份量很少 😩😩食咖哩點都要有碗飯既食哂成碗都仲想食, 咖哩汁實在太好味！冰鎮翡翠螺 $78好新鮮 螺肉又大舊又爽 😍👍🏻醬汁辣得好過癮醃無骨鳯瓜沙律 $68鳯瓜份量好多, 食極都仲有反而蔬菜說好少, 只得小量紅蘿白絲食到底既鳯瓜都幾辣, 但好好味 😁

今晚收工近近哋喺灣仔食晚飯，諗起想食泰菜，就近近哋食下。呢間泰菜餐廳裝修給人舒服的感覺，好似去返泰國旅行咁，座位寬敞舒適😍😍前菜叫咗泰式柚子蝦沙律，配上鮮魷，幾特別，蝦球大大隻😋👍由於我個人好鍾意食泰式炒金邊粉，一定要食下，有蛋網鋪面，蝦球亦都大大隻，金邊粉加上酸酸地的青檸不錯👍👍叫埋泰式去骨海南雞，好滑，份量足😋😋仲叫埋泰式炸蝦餅同椰菜仔，都好食😍😍而且飲品價錢都不貴且相宜，菠蘿沙冰好好味，椰青都夠新鮮😄😄👍👍呢間餐廳坐得幾舒服，成班朋友聚會都係一個不錯嘅聚腳點😍😍

老朋友反黎香港探我開心到我痴線，佢住係美國咁耐已經少食泰國菜所以今日帶佢黎新泰食一食由於老朋友唔太食得辣點菜我地都同侍應down聲唔辣得唔得先叫又冬蔭公魚煲冬蔭公魚煲好正又唔會辣但反而有d酸同甜個魚好鮮甜又夠滑又唔會太多骨兩個人食都有兩碗多d我最鍾意佢有火助熱佢呢個係是日精髓麵包夠林，索曬d咖哩好正咖哩雖然唔辣但好香軟殻蟹好脆成個夾埋極好味呢個番石榴沙冰好驚喜超級清甜，完全無加糖水沙冰夠凍飲到落尾溶咗都唔會淡！朋友對呢間泰國野好滿意話下次反黎香港可再食！

放工係灣仔見完客，太肚餓就決定同同事係附近既餐廳食埋個晚飯先番去.就揀左呢件泰國餐廳入到去眼見都好full,幸好唔洗等太耐.餐廳大部分員工都係泰國人，好似真係置身係泰國既餐廳咁一黎就叫左個生蝦，係我每到泰國必點小食.佢蝦肉爽口彈牙，食落好新鮮，特別喜歡佢既醬，好有特色同一般香港泰國餐廳食到既唔同，好香點左個椒絲通菜，好有鑊氣，啲通菜一啲都唔老，送飯一流兩個人仲食左條爐魚，魚肉鮮嫩，食得出新鮮.加佢提供用黎煮個魚既湯好鮮甜.兩個人都食晒一大條要一讚既就係個喇沙，佢啲蝦好太隻又彈牙，個湯底唔會太濃，又足料！啲麵條亦好有口感.好味飲品就叫左個芒果沙冰，果然不負泰國係水果王國既美譽，好甜，好有芒果味總括，會推薦朋友同學黎試下，每樣餸都不失所望

餐廳主打東南亞菜式, 想不到服務員也是東南亞人, 卻可操流利廣東話!這是印度酥餅 和 泰式青咖哩印度酥餅香氣撲鼻, 令人食欲大增, 必須襯熱吃泰式青咖哩選了雞肉, 用印度酥餅點青咖哩真的非常好味, 酥餅吸收了咖哩汁, 再與雞塊入口, 極佳的配搭賣相不錯的是椒鹽軟殼蟹軟殼蟹經油炸後非常香脆, 而且很大件, 配料椒鹽吃起來很香口, 值得一試豬牛雞串燒, 每款燒得剛好, 尤其牛肉最好, 完全不韌, 與醬汁一起吃十分滋味

餐廳在盧押道, 遠處可見2樓就是點了香芒軟殼蟹米紙卷, 米紙非常煙韌, 食落相當清新, 軟殼蟹十分脆, 而且份量很多串燒必點! 有牛,豬和雞, 最喜歡雞肉, 吃的時候必須點上沙嗲醫, 完美燒西冷扒, 左邊的醬汁偏酸, 味道很特別, 右邊的是泰式辣醬, 西冷肉質不韌, 跟平常西式味道截然不同, 伴碟酸瓜好開胃冬蔭功海鮮金邊粉, 冬蔭功湯好好飲, 青口十分大件, 還有大蝦, 魷魚等海鮮, 金邊粉一定要與冬蔭功湯一起吃,才品嚐到冬蔭功湯的精華

由於有打電話訂位，所以不需要等待。這間餐廳的環境舒服，地方也比較寬敞，服務員的態度也很好，例如我們不小心掉了叉，他們很快就幫我們撿起它，而且給我們是新的。 我們一共點了七個菜，還有個青木瓜沙律，這個有點辣，如果不能吃辣的人最好就不要點了。貴妃菜也比較可口，不錯！軟殼蟹紙捲味道也挺清新，去那個沙爹軟殼蟹的麵包，味道有點甜甜的、不辣，很香口，配合麵包一起吃能夠飽肚。我覺得那個炸魚是比較有特色的，因為當中需要很多的心思，那些魚都起了魚骨，不怕啃到。整體上這裡的食物水平是不錯的，值得一嚐！

在香港食嘢真是方便，唸得出的國家菜都可以揾到！不過，我喜歡的其實不多，泰國菜是其中之一。 呢間之前食過分店，覺得幾不錯，今年剛巧經過，試埋呢間先！ 朋友不太吃得辣， 不過這裏的特色泰國菜，款式以不辣的居多，所以每當想食泰food,都會來呢度㗎！ 泰式炒椰菜仔就是其中一款泰得來不辣的了。小顆小顆的椰菜，翠綠到不得了！咬落又甜又爽，蒜香味極濃，好吃得緊！ 大合照時間！兩個女生來說，其實我認我是幾大食下的~XD而且我們是可以全清，沒有食物餘下的，不是眼濶肚窄的喇>v< 小拼盤(蝦餅.魚餅)可說是泰food之經典，亦是我們好like的選項，因為我們都鍾意食炸物，哈，懶理面上的痘痘，照食可也！蝦餅炸得香脆，而且氣味誘人，加上夠大件，食起來亦彈牙得很！ 蒜蓉越南牛油雞翼牛油味可謂千里之外皆能察覺到呢！香氣撲鼻加上蒜蓉這無敵的配搭，一瞬間，得番啲雞骨！ 麵包焗咖哩軟殼蟹個人非常推介！完全是必食之選！首先，軟殼蟹夠大隻，有小小肉地，而且炸得香脆，手手腳腳都脆卜卜，沾上香爆咖哩，非常惹味！ 其次，咖哩汁有一定的辣度，不過香多過辣，帶小小椰香，而且煮得厚身，掛在外脆內軟的麵包上，無得彈！完

一排無食泰國菜, 便與友人去了位於灣仔的新泰東南亞餐廳食飯. 我地先點小食, 選了蒜蓉越南牛油雞翼. 上枱時香味撲鼻. 雞翼面放滿了好多的炸蒜, 幾香口, 但我覺得牛油味唔夠. 而雞翼外層帶點脆身, 唯一是略為乾身左少許. 主菜點了麵包焗咖喱軟殼蟹. 上枱時已被賣相所吸引. 份量也不少. 軟殼蟹算幾大隻, 帶點脆身, 加埋微辣的咖喱, 特別惹味. 麵包外層脆脆地, 點了咖喱後, 特別好味. 食完濃味菜式後, 點了泰式炒椰菜仔. 炒菜偏向清淡, 可以起中和作用. 最後點飲品, 對於我來講, 食泰國嘢, 我多數點三色冰. 味道調教不錯, 入口有濃濃的椰子香味, 加上有色彩繽紛的配料俾我食, 啱晒我的口味. 食完咁多菜式, 飲番一杯三色冰, 真是透心涼.