新泰東南亞餐廳

營業中

休息中

自從去完泰國之後，一路都好想都食番餐泰菜。今次朋友介紹左黎食新泰。餐廳裝潢設計十分別緻，座位亦寬敞舒適。我地叫左兩份主菜，分別係麵包焗咖哩軟殼蟹 同埋泰式蝦炒金邊粉 。麵包焗咖哩軟殼蟹咖哩十分惹味，麵包香脆鬆軟，點埋咖哩汁簡直一流，食到唔停口。軟殻蟹份量十足，配埋個汁好yummy.另外叫左份印度薄餅，唔好晒左個咖哩汁。泰式蝦炒金邊粉面頭有網狀ge蛋，賣相即時加分。金邊粉十分有鑊氣，上碟後一段時間都仲出緊煙，好味道。叫左份串燒share食，牛豬雞各兩串，食落覺得雞比較出色，豬牛就不過不失。由於朋友好鍾意冬蔭功，所以叫左份細ge試下。份量雖然不多，但係味道十分濃郁。食完大量濃味食物，好想飲番杯凍飲，揀左杯芒果沙冰。沙冰芒果十分足料，甜甜地，一d都唔酸，鍾意芒果ge朋友仔一定要試下。

跟朋友取禮物, 當然要回禮, 就地取材就在相約的k11對面見到這間不太起眼的泰國菜請她吃個午飯假日的中午人流還不算多, 地方很大, 坐得舒適兩口子不想吃太飽, 就叫了幾味輕盈的菜先是咸魚炒介爤 ($72), 咸魚味幾香, 菜也脆嫩每次吃泰菜也必叫的青咖哩雞($78), 不算辣但夠香, 雞是雞柳不是雞件, 每啖也是肉印度薄餅($30) - 最平凡卻非常出色, 不是扁扁的薄餅, 中間有非常足的空氣感, 咬下去香軟熱辣, 餅味濃, 再配上青咖哩, 即時胃口大開, 原先覺得薄餅份量太多, 吃了第一口即覺得不夠了. 另一個出色的明爐烏頭 ($188) - 烏頭鮮, 半點不帶泥味, 魚身非常飽滿, 配搭上青檸辣椒蒜蓉的畫龍點睛, 惹味出色, 令人喜出望外有點不夠喉, 再多叫一個椒鹽軟殼蟹 ($78), 即時飽足最後來杯泰式凍咖啡 ($38)

周六晚接完老媽子放工👩‍👧就係尖沙咀附近諗住食埋飯先返屋企啦，阿媽突然話想食pad thai😂咁就唯有去搵泰國野食。原來係K11對面開左新泰東南亞! 之前去過另一間分店都唔錯架😋餐廳係地庫，一落到去發現原來餐廳都幾大下，由於我地早到所以我地兩個都可以被安排坐卡位，所以坐得更加闊落。先叫左個啤酒🍺同菠蘿沙冰🍍阿媽話menu好多野食好難揀🤔最後揀左個小食炸蝦餅🍤估唔到有8大舊😮佢係一個大圓再開半咁，排左8舊即有4大個圈圈😂🤣個蝦餅既肉好有蝦味好足料，係有少少實，但都炸得好香口😋我就一定會叫冬蔭功，係我既最愛😍😍呢個冬蔭功🥘好好飲，比九龍城好多間都更好!!! 海鮮料夠多，酸辣度剛好，椰奶唔會太多或太少，滑得黎都仲係以個酸辣同海鮮味為主。另一樣我好鍾意係佢有好多草菇，係我既最愛!! 不過我食既時候唔小心咬到尖青色既指天椒🌶🌶🌶辣到我呢😡即刻飲哂成支啤酒🤯🤣個炒金邊粉最後上桌，嘩，賣相真係幾好!! 而且D金邊粉好幼但又唔會好油，加左青檸🍋汁即刻感覺好清新，佢入面都好足料，好多隻蝦，而且D蝦肉🦐好彈牙。另外D魚蛋絲、肉絲、芽菜呢D交足功課。份量都幾大，4個人分都得，所以我地兩個卒之都要打包D粉同兩

環境舒適、性價比又高嘅東南亞菜，可以喺新泰到搵到。位於K11對面，位置好方便又易搵。入到黎裝修都好舒服，對住幅壁畫，心情都幾放鬆，嘻嘻 🤭小食，我地點左芒果軟殻蟹卷，估唔到咁大碟，每一舊都要分兩啖咬，但係味道十分好，芒果香甜味配蟹是十分夾！第二碟燒海鮮拼盤，呢個都是一流！兩個人食最好，因為所有海鮮都係 x2 唔洗爭！呢度嘅燒蠔、燒帶子、燒大蝦都係用大量蒜粒加芝士焗出來，味道十分入味可口！呢隻蝦都是十分令人期待，長度是長過我手掌！而佢預先切開的做法，食落好方便！完全唔需要用手！仲有串燒豬都菠蘿，呢個拼盤好滿足！！！甜品有呢款椰汁木薯，口感似廷身的蕃薯，配埋甜甜的椰槳，確是係幾夾，不過份量有點多，建議 3-4 個人食！飲品叫了香茅茶，雖然是冰凍，但都蠻香喔！

呢排鐘意喺尖沙咀到搵食，事關近放工之餘，通常都高質（運氣唔錯）。今次呢間泰國餐廳睇門口好pro，有半層area等我地坐底等位，之後先落一層到樓面，環境咁大100分呀！1. 泰式生蝦（$98): total 有六隻，都偏大而且爽口，不過上面嘅辣椒粒幾多，所以幾辣下，好似我咁食唔到就記得先拎開少少佢啊～2. 小食併盤（$98):分別有魚餅四塊，蝦餅四塊。大大件之餘，魚肉同蝦肉都好多，唔會全部都食到麵粉，有誠意！3. 馬拉盞通菜（$72) 雖然細細碟，但微辣嘅通菜唔會太老，食落爽脆又夠鹹，所以送飯滿分！4. 青咖哩雞肉飯（$78) 睇相都見到啲雞肉好大塊，而且青咖哩入面除咗唔同嘅香料、辣椒、仲有豆角。食落甜甜地，而且好香椰汁味啊～5. 加$30要薄餅，剪咗大概五六塊比我地，聞落已經好香，再點埋青咖哩一啲都唔會浪費！

呢間泰國餐廳環境好好，reception位置好大，用餐地點就係下一層，一落去睇，真係好似去左泰國🇹🇭旅行吃飯咁😂餐廳裝修風格好有泰國風味，而且位置好闊落，令人感覺好舒服，而且所有waitress都係泰國人（當然佢地都識講廣東話哈哈）唔講真係以為去左泰國咁～小拼盤-蝦餅&魚餅各有4舊，件件份量都一樣大大舊👍🏻一上菜就聞到好香，影完相就即刻忍唔住開動了！青咖喱（雞肉）+印度薄餅薄餅沾咖喱汁食幾時都係perfect match！庵列海鮮炒飯庵列同平時茶餐廳食既唔一樣，佢呢個係薄薄的一層，入面有好多海鮮！生蝦-每隻都prepare左足夠既蒜片同辣椒for你夾住食，不過食唔到辣既人唔好加辣椒，因為指天椒真係好辣😂就咁加蒜片再沾sauce已經好好食了！辣炒花甲-雖然佢話辣炒但佢唔係好辣，啱d唔係好食得辣既人都可以食。花甲份量都幾多下，食落又唔會有沙，味道都唔錯～

Last week, my friend brought us to a Thai Restaurant in Tsim Sha TsuiWithout doing any research beforehand, I had no idea how the restuarant looks like, its famous dishes…When I arrived at the restaurant, I was totally astonished of its grandiosity. On the ground floor, there’s just a counter and some seats for guests, nothing else. It is rare to see such a design in HK as rent is just too costly, isn’t it?Greeted by friendly staffs, I went down to the basement floor with curiosity, wondering ho

餐廳門面擺住一對大象擺設，充滿泰國風情，沿住樓梯落去正式進入餐廳，卡座全是梳化，甚有氣派。長長嘅menu 令人花多眼亂，款式多而且價格公道，幾經掙扎我哋終於點好菜。最吸睛嘅莫過於麵包焗咖喱軟殼蟹。幾隻脆卜卜嘅軟殼蟹腳浸喺咖喱入面，賣相極佳。咖喱混入蟹肉同蛋白，更加鮮甜。麵包點咖喱汁食又好玩又好食，不過因為裝住咖喱，麵包好快就變軟，要快手食呀！！我哋特意點咗客印度薄餅，唔浪費每一滴咖喱汁。呢度嘅印度薄餅係酥餅而唔係naan，比較有油香，即使吸咗汁都仲好脆。參荅炒通菜好香蝦米味，鹹香得嚟唔會太重味，不過可能人客多，溫度略嫌凍咗啲，但味道真係冇得彈。我哋亦叫咗唔少甜品試，小拼盤份量已經夠2-4人share。不過糕點類好似凝固唔夠，但味道就OK嘅。比較特別嘅係南瓜布丁，布丁蛋、奶味較重，偏甜，連埋軟糯南瓜一齊食軟笠笠咁，味道幾夾，不過布丁就唔太夠滑。呢個價位有咁好嘅service同環境，無論係人少少定成group人食飯都好適合。

老公生日，今年唔想再食西餐，佢平日都幾鍾意食泰國嘢，所以我揀咗好耐，見零負評，咁就試吓呢間。真係希望越大，失望越大，但都未絕望嘅，起碼服務、環境係幾ok嘅。我哋點咗鮮蝦米紙卷、椒鹽軟殼蟹、鹽燒盲鰽、青咖喱羊架、芒果糯米飯、啤酒、椰青沙冰。我覺得只有盲鰽、芒果糯米飯同啲飲品ok, 其他三樣可以話係差。要讚的只有環境同啲waitress個個都笑容滿面又attentive。因生日點甜品會插蠟燭，泰國餐廳較少有。食物都係去返啲泰國小店冇咁嬲。

中秋節前夕同幾個朋友揀左呢間泰式餐廳食飯，位置係K11附近好易搵！入口係地面，玄關有個小瀑門既裝飾，好似入去做泰式spa咁。沿住樓梯落去，餐廳俾我想像中闊落得多😮樓底夠高唔會有壓迫感。我地被安排左坐卡位梳化座，有埋cushion成個環境幾relax 樹葉餐墊好得意好有泰色風情！大家未黎之前已經嗌肚餓，所以一坐底見野食吸引就叫，叫左好多😂😂泰式生蝦大大隻蝦肉透明肥美，都幾新鮮！食既時候夾埋蒜片同泰式醬汁，酸酸甜甜好開胃，不過我唔小心夾埋舊辣椒入口，好辣！辣得好過癮，但食第二隻蝦都淨係食到辣味，好彩無點咬啲籽，唔係我成餐飯都得一種味😂蒜蓉牛油雞翼，黎到同我想像中有啲唔同，佢係炸得好香口同脆，不過如果再juicy啲更好！鐵板蠔仔炒蛋呢個係我成晚既至愛啊上到黎個鐵板仲熱到啪啪聲。我本身無論生定熟既蠔都好鐘意食，蠔仔係好飽滿，份量都無偷工減料架！滑蛋都炒得岩岩好唔會太熟，加埋魚露調味，配埋蠔仔，真係忍唔到手不停夾明爐烏頭魚肉固然係重點，其實夠新鮮就點都好食，但反而個湯係令我地比較有印象既。湯底偏酸同香茅味好重，伴碟既菜吸收到湯汁好好食南瓜海鮮焗飯食完前三道都飽飽地，以為係南瓜汁食落好甜所以都無e

香港商場大部分都是一式一樣，所以我比較愛到K11，因為是難得較有特色的商場！今次又約了男友到K11拍拖，再在附近解決晚飯，因此發現了加拿分道的新泰，外觀美美的，價錢又合理，所以愛門面的男友就決定選這間！沙爹串燒-雞,牛,豬 ($88) _ 推薦指數: (5星為最高)  其實雞牛豬可以任意配搭，而貪心的我們當然選了每款兩串啦每串都很給力，大大串的！當中最推薦串燒豬，又爽又不會乾，燒得剛好，不錯麵包焗咖哩軟殼蟹 ($208) _ 推薦指數: 因為第一次來，所以侍應推薦我們試試他們的麵包焗咖哩軟殼蟹！軟殻蟹分量超多不知道是一隻大型軟殻蟹還是兩隻正常軟殻蟹呢？咖哩香而且配料夠多，旁邊的麵包都焗得香脆，整體完全對得住這價錢呢！蒜蓉炒貴妃苗 ($82)  _ 推薦指數: 份量又是十足的！ 而且炒得不錯～味道方面就沒有什麼特別，但愛食貴紀苗的大家就可以一試啦新泰有好幾間分店，但應該是加拿分道這間最新最美，而且地點方面。如果大家想食充滿泰國feel的泰國菜，盛邀大家來試試啦

上次係k11出黎見到呢間泰國餐廳裝修靚靚已經bookmark咗落一層，别有洞天裝修得好靚，位置都好舒服餐墊用咗塊蕉葉咁，好特別menu選擇好多好肚餓嘅關係，4條女叫咗8樣嘢！先上生蝦刺身食泰菜必食呢度嘅蝦食落好厚身，新鮮爽口個汁偏辣，超合我辣妹嘅口味😋鐵板蠔仔蛋上菜嘅時候見唔到煙，有一刻失望點知一叉落去，勁多煙出，熱騰騰！蠔仔比一般食到嘅蠔仔蛋大粒好飽滿，連埋蛋食好味掂小小辣醬更惹味！炸蜜糖雞翼呢個就普普通通，可以唔叫仲叫咗個生菜鴨肉包其實個鴨肉個味幾好，而且唔會好稀，好多水但食落又係普通，可能其他菜實在太好味！連相都唔記得影😂之後就上咗我哋好期待嘅明爐燒烏頭滾住咁上黎，超吸引魚肉滑，精粹在於d汁泰式嘅酸，微辣，非常開胃！食到d汁都飲埋，正！同時間，另一主菜，日式南瓜海鮮飯都黎到呢個飯好驚喜佢個味道係有d冬蔭功味，好特別而且海鮮份量好多明明已經好飽，都令人忍唔住一口接一口貪心嘅我哋仲叫咗咖哩軟殼蟹包d包焗到脆，一舊舊切好放係邊用黎點咖哩真係一流咖哩甜甜地，略嫌有d咸其實撈飯食仲正！可惜係d汁整到下面嘅包一pat咁我鍾意食脆卜卜嘅多d當然不能不叫椰菜苗炒得相當之好食，又唔會過咸！最後再嗌

公司中秋節做節午餐，想搵間坐得舒服的餐廳慢慢食~ 揀左食呢間泰國菜~卡位有大cushion，坐得好舒服，環境亦都唔會太嘈吵~椒鹽軟殼蟹，聞落有辣味，但食落就無，因為同事唔食辣，以為要叫多另一個菜，好彩同事都食到~ 要喺椒鹽堆中搵軟殼蟹，所以並沒有想像中的脆卜卜，但軟綿綿的，口感不錯，亦都好夠味~泰式炒椰菜仔，細細粒一啖一粒，無苦味~泰式蝦炒金邊粉，味道香濃，唔會太乾~泰式炸春卷，炸得好金黃鬆脆，而唔會太油膩~燒西冷牛扒，落單時要求五成熟，上菜時發現應該係七成熟，但都肉汁豐富，唔會太"鞋"，兩款醬汁都係有少少辣，一款係酸酸甜甜，都好惹味~青檸梳打，好濃的青檸味，偏酸~ 飯前飲好開胃~ 食飽飲可以消滯~另外，服務生態度友善，樂於解答問題~

呢牌日日熱到心煩氣燥，食慾大減，真係想食D開胃野刺激食慾呀! 那晚約左人去尖咀開餐，朋友見我無咩胃口，提議食泰菜冬陰公，話呢個湯超開胃，重拉我嚟呢間，食過好正喎。高級泰菜嚟，高級裝修，個冬陰公夠濃，好鮮，D香茅青檸檸檬葉味好鬼香，個湯好酸好辣，我噴晒火，但越飲又越開胃，加了草菇，蝦同魷魚，個湯又特別鮮。飲完湯超有胃口食D點味菜，燒豬頸肉，㻎彈加泰式雞醬最好味，蝦餅㕿口，十分正。泰式蠔餅鐵板上，蛋嫩滑吸曬D蠔鮮味，好食過潮洲蠔餅，無咁肥。講到另一開胃野，非泰式柚子蝦沙律莫屬，沙律入面有花生，香蔥，金不換，食到入面加咗D魚露和青檸調配酸汁，加埋D又甜又酸的金柚肉，重有鮮味蝦肉，好開胃，真食上癮。最後甜品拼盤，有一款木薯糕，我第一次食，入面有椰汁味，個糕好鬆軟，甜甜地，幾好味，另外有大菜椰青糕， 清清甜甜，好正的飯後甜點，估唔到D甜品都咁得。

之前係灣仔食過出名又不錯既新泰東南亞餐廳，今日心血來潮又想食泰菜，同朋友途經尖沙咀，就試試加拿芬道新開既分店。這間餐廳好近地鐵站，門口裝飾很有泰國特色，落一層就係餐廳，環境超大，我們3人安排了我們坐4人卡位，座位非常舒適， 岩晒朋友聚舊聊天餐廳食物種類好多，好多都想食飲品方面，我們叫了椰青和芒果沙冰。椰青非常清甜， 相當解渴芒果沙冰有驚喜， 好足料，啖啖芒果肉，芒果味濃郁主食就叫左牛油蒜香雞翼， 馬拉盞通菜，雜錦串燒，炒金邊粉和燒黃鱔燒黃鱔好好味，皮脆肉嫩，配上美味的醬汁，正串燒有牛同雞都唔錯，沙嗲醬好惹味至於馬拉盞通菜亦好入味，食唔停口牛油蒜香雞翼味道特別，上面有脆脆蒜粒同洋聰，口感特別最後仲有我最愛既炒金邊粉，用雞蛋整成網狀，好睇又好食總括黎講，食物質素不錯，環境亦夠舒適，經理及其他店員服務不錯，會詢問我們對食物意見，值得一讚