新泰東南亞餐廳

營業中

休息中

真心比錢買難受！見間餐廳裝修幾好就試下去食，點知野食味道一般，好快就凍左，咖喱飯d汁好稀，去食茶記都仲好過佢，唔會再有下次！服務態度勁差！冷氣凍到好似係雪櫃甘，職員話已經開到好細，跟住唔理我地。因為真係太凍，鼻水都流埋，再要求關細冷氣，職員叫我地下次帶羽絨衫過黎，完全接受唔到甘既服務！叫餐時，職員好強調得90分鐘食野，叫我地唔好分幾次叫餐，一次過叫晒，但成班人食野，通常都會加單啦。野食質素都其次，最重要服務態度差，無下次！

突然太掛住澳門既燒雞釀飯了，真係真係勁想食，看到門口的燒雞釀飯廣告被深深吸引，唔理三七廿一即刻樁左入去，第一次來食，兩個人點了泰式燒春雞釀香茅黃飯，避風塘炒蟹及椰青冰沙。泰式燒春雞釀香茅黃飯，原隻雞起骨，把黃飯釀入吸晒鮮甜的雞味，真心推薦給大家。餐廳裝潢很有泰國風， 座位寬敞舒適，岩晒拍拖食飯😊，當我地離開時，全埸已經爆滿，門口好多人在排隊等位，因我地六點好早已經進來，所以就咁walkin入，如果你地想食七八點既記得早點打去訂位啦！😉

今日喺尖沙咀發現一間泰國菜館，裝修得好靚，所以入去試吓。2個人order咗幾個菜式：有鹽燒烏頭、泰式烤豬手、馬拉盞炒通菜、泰式炒牛河、馬拉肉骨茶、菠蘿沙冰及凍龍眼茶。鹽燒烏頭好嫩滑、好新鮮、好大條烏頭，份量十足，只係$128，抵食。泰式烤豬手，落單時伙計講明要等一個鐘，儘管試吓。豬手配上個泰式醬汁，好有泰國風味。馬拉盞炒通菜有好多喊嘅蝦乾仔，小小辣、好足料，推介重口味嘅朋友必定要試。馬拉肉骨茶有好香、好濃嘅藥材味，係足料靚湯，飲完都唔覺口喝，估計無乜味精。馬拉嘅肉骨茶同新加坡嘅肉骨茶係有唔同嘅，呢個馬拉味道好正宗。菠蘿沙冰酸酸甜甜、龍眼冰味道清新，小小甜、好好味。大部份食物嘅份量都好大，好抵食，所以食到好飽。期望下次再來試埋其他菜式。

今日happy friday放工約埋同事落尖沙咀食泰國菜，話說呢間新泰呢排都有好多朋友去食，一去到已經超級多人等緊位等位期間沒事做，同架篤篤影下相先😆😆打卡不錯餐廳裏面好大，坐滿曬人，相當熱鬧，唔怪之得咁多人在等位啦雖然人好多，但係食物好快已經可以上枱。生菜包豬肉食過好多次，但這裡見到餐牌上可以選擇鴨肉，好特別喎，雖然有辣椒調味，但食落去味道原來味覺上分別好大，騷騷地，好明顯的鴨肉味椒鹽軟殼蟹，比喺出面其他泰國餐廳份量大碟很多，脆卜卜，外脆肉嫩，餸酒一流☺️鹽焗烏頭係我最鍾意食嘅其中一道泰國菜，肉質嫩滑，唔會好咸好飽，最後飲咗杯菠蘿沙冰酸酸甜甜，消消滯😆😆真係必需要

同朋友上完堂，經過依間餐廳覺得幾靚，所以就入去試下☺️入面既環境都好大好靚，啲價錢都唔算貴，仲要好多選擇。冬蔭功🌶️佢係有少少辣，不過辣得好過癮，入邊仲要有好多材料，蝦、菇、菜同埋啲香料，我哋因為得兩個人，份量可以啱啱好分咗兩碗飲，所以都好足夠👍🏻泰式青咖喱雞🐤（額外再叫左印度酥餅一齊食）呢個咖喱再配埋印度酥餅一齊食真係絕配👍🏻😆加埋一齊食，真係可以食唔停。青咖喱係唔算好辣，雞係雞柳，啖啖肉好滋味！燒豬頸肉🐖呢個燒豬頸肉好嫩口，唔會硬掘掘，燒得好香口，配埋佢個酸酸辣辣嘅汁，好開胃👍🏻而且份量比想像中多，好正🤤鐵板蠔仔炒蛋🦪呢個係見好多人都有推介，所以我地就嗌咗。原來佢就好似食炸蠔餅咁，炸得好香，而且啲蠔仔係能夠見到佢一粒粒，幾有口感，佢另外配埋一個辣醬一齊食，真係好夾。比平時配魚露更好味😋椰青沙冰🥥呢個係比我想像中好飲，佢入邊除咗有沙冰之外，仲會有埋啲椰肉，又有沙冰嘅口感，又有肉嘅口感，好有層次，同埋佢都幾大杯，所以都好值得飲👍🏻👍🏻芒果糯米飯🥭經常出現喺泰國甜品嘅芒果糯米飯，佢都好出色，有黑糯米同埋普通糯米飯，佢個椰汁偏甜，但整得好好食，芒果亦都好甜，所以成件事都好滿意😍

今日經過K11 發現對面有間泰國菜館好多人等位，於是上前睇吓餐牌，見到唔錯就攞位試試。我一行二人，見餐牌價錢好抵，所以叫多幾款菜式試試。Menu入面真係好多正嘢，好多選擇，樣樣都想試。我哋揀咗馬拉盞炒通菜、鹽燒烏頭、馬拉肉骨茶、泰式烤豬手、泰式炒牛河、菠蘿沙冰和凍龍眼茶。馬拉盞炒通菜好有鑊氣，迷道小小辣，非常濃的馬拉戔味，仲有大量蝦乾仔，認真落足料，又唔會太油，通菜好嫩好新鮮，呢味菜式我俾100分。鹽燒烏頭原條的，好大條，長度等於我2隻手掌咁長，打開個皮，入面嘅魚肉好嫩滑，淡淡鹽焗嘅香味，吊起烏頭嘅鮮味。烏頭魚好新鮮。想食得更泰式風味，可以點個泰式酸汁，又係另一個特色，刺激味蕾。馬拉肉骨茶一上枱已經聞到好濃嘅藥材味，好足料，大大塊淮山、幾條排骨，排骨嫩滑多肉，湯底好正宗，同我喺馬來西亞食過嘅好相似。泰式烤豬手，本來以為好似德國豬手咁煙過的，原來唔係，豬手係原味的，呢味菜即叫即做，需時約一個鐘，真係慢工出細貨，焗到外脆內軟，肉質鮮嫩，好似煲完湯嘅豬𦟌有小小根，好滑好好味。豬手調味較淡，配左個泰式醬汁，想食濃味的可以自己點汁。泰式炒牛河，呢個炒得好有鑊氣，而且唔係好油膩，唔錯。菠蘿沙冰小小

新泰東南亞餐廳 (尖沙咀) 高質正宗泰國菜🇹🇭放工都要出去食吓飯系列🤭😋今日同朋友仔去咗尖沙咀一間泰國餐廳🇹🇭環境裝修好精緻，滿有泰國風情🌿🌿🇹🇭性價比都很高！CP值 推推推🥰▪ 冬陰功$78叫一個細碗嘅冬陰功，已經足夠二人份量🫶🏻酸酸辣辣嘅味道好開胃😚▪ 燒豬頸肉Grill Pork Neck Serve $78豬頸肉嘅份量都適中，脂肪比例適合🈴▪ 泰式青咖哩 Chicken Green Curry $88 少少微辣嘅青咖喱，不食辣的朋友仔都會喜愛🫶🏻雞肉質地都好滑🐣欣賞嘅地方係醬汁味道出色😋▪ 印度薄餅🍕 Roti Indonesian Style$32 薄餅夠熱及脆身🤭必定要配合青咖喱一同享用，成個口味好夾😚▪ 鐵板蠔仔炒蛋 Pan-fried Dyster Serve On Hot Plat$98 炒蛋好鬆脆，蠔仔亦都好新鮮，份量都好足夠😋▪ 椰青沙冰 Young Coconut Smoothies$58 椰青沙冰，不會太甜，份量亦都好足夠，可以兩個人一齊享用🥥🌴▪芒果糯米飯$68 芒果好香甜，椰漿嘅味道亦好濃郁，糯米飯軟硬度好適中！好好味😋🥭食物：🌕🌕🌕🌗🌑價錢： 🌕🌕🌕🌕🌑

朋友聚餐要諗食咩，我第一時間又諗起「新泰」🇹🇭🇹🇭已經係第N次回訪，水準依舊高質😎而且性價比高，又大大份，岩晒一大班人黎食！今次約左朋友平日晚上黎食～果然人氣高企，一去到門口已經有好多人等緊位🫣好彩唔洗等好耐就可以入座了❤️❤️❥ 醃無骨鳳爪沙律 $68完全無骨，酸甜中帶少少辣，配埋蕃茄沙律菜，好清新醒胃💫❥ 馬沙拉咖哩 $88❥ 印度酥餅 $32第一次試馬沙拉咖喱！咖喱汁大大碗🤩味道甜甜地唔會太辣😆另外叫埋印度酥餅點黎食😋酥餅好夠熱度，外脆內軟，沾滿馬沙拉咖喱食落口，超滿足❤️❥ 鐵板蠔仔炒蛋 $98熱辣辣既煎pan上放上蠔仔煎蛋🔥超足料大份！！蛋煎得好有穫氣，而每粒蠔仔夠肥美，好重蠔味！好有風味既一道菜😋❥ 泰式蝦炒金邊粉 $108金邊粉份量好充足😆炒得好香，蛋網都整得好靚💕酸酸甜甜夠開胃，仲有唔少大蝦，爽口彈牙，好好食🦐❥ 芒果糯米飯 $68糯米飯暖笠笠，口感軟糯，配埋椰漿一齊食，好香口🍚芒果肉厚多汁🥭食落夠清甜！❥ 青檸梳打 $38大大杯，好清爽！解膩一流🍹❥ 龍眼冰 $38清新又唔會太甜，仲有果肉食，正👍

朋友剛剛去完旅行返黎 見佢平時都好鐘意食泰菜 今日就決定食返間泰國野滿足味蕾 平日七點幾基本上都高朋滿座 都要等一陣先有位 好在尖沙咀店的位置都多 🤪前菜：醃無骨鳳爪沙律🥗鳳爪酸酸甜甜 配上洋蔥和蕃茄等清新蔬果 甚為開胃的小菜馬沙拉咖哩 （雞）配印度🇮🇳薄餅雞肉嫩滑配上馬沙拉咖喱 係一度有印度Fusion的菜式 有別於傳統咖喱多左一種香料香味 所以我地配搭返傳統酥脆的印度薄餅 好滿足✨鐵板蠔仔炒蛋蠔仔蛋都係受歡迎的菜式 有唔少食客都有點 上菜時熱辣辣 蛋餅煎得薄脆 配上芽菜蠔仔口感豐富主食：泰式蝦炒金邊粉經典的菜式 賣相吸引 味道帶點酸甜 又可撈拌花生粒 再帶點脆口飲品：青檸梳打龍眼冰兩杯都係清熱解暑 消濟的好選擇 甜品：芒果糯米飯有齊黑白糯米滿足兩個選擇💕 椰汁清香配上煙韌的糯米飯 芒果清甜軟滑 為今次晚餐畫上好句號

The location is very good in the bustling downtown area, but the service attitude is particularly poor, and the taste of the food is not good. Such as, The Hainanese chicken rice the chicken is tasteless and the rice is very hard and the soup is not very authentic. The vermicelli is not flavorful, the vermicelli is not strong, it is not chewy, the garnishes in the vermicelli are relatively small, the lemon juice is not very strong, and the coconut water is kind of like boiled water．And the att

之前，都有嚟過新泰食飯。因為今次喺K11,附近工作，見完客，開完會，有點肚餓，就同同事介紹呢間泰國菜，價錢實惠，又高品質。值得再嚟幫襯。👍👍👍未夠7點，門口已經有很多人等位了。我們沒有打電話訂位，算是walk in,等左15分鐘左右，就有座位了。叫了個炒青雜菜，簡簡單單，清一下腸胃。跟著叫個焗羊架，侍應說這個菜要等15分鐘，但是，都算值得的。羊肉唔騷，超淋滑，食完唔覺好油膩。仲有叫左個蟹肉炒素翅，嚟呢間泰國店，炒野真係無得輸。最後，仲叫埋個甜品，椰絲芋頭糯米糍🌟🌟🌟🌟🌟，椰絲是新鮮一絲絲刨下來的，並不是一般市面上一包已做好的椰絲，而且芋頭味好香好濃，好有驚喜。呢個一定要試吓呀！。下次，又會再嚟。因為性價比真係好高。

同朋友專登黎試呢泰國菜，位於尖沙咀，入到舖面裝修好泰國風味，裝修環境都好靚。 香蕉葉燒鱸魚 第一次見呢個菜，好奇之下點左。上菜個陣都見到好特別，有蕉葉包住，烤得好香，魚肉新鮮，多肉汁，魚入面有大量香料和香矛，特別有風味 ，味道特別。椒鹽軟殼蟹份量不少5至6件表面有好滿椒鹽同蒜粒加青紅椒，軟殼蟹炸得岩岩好 ，十分脆口，，蟹肉嫰滑香甜十分新鮮，不唔同既口感層次，成個菜好惹味，必點菜式 燒西冷牛份量唔細，牛肉外皮有燒烤味道，熟度適中，肉質軟冧 另外泰式酸辣汁 做得好好 配埋一齊食幾開胃。 青咖哩牛肉辣度適中，咖喱椰香味重，調味好好，牛肉唔韌，份量多，肉質軟冧， 配料多,送飯一流。 冬陰功海鮮炒飯份量好多，可以3至4個人食，好有冬陰功味道，大量海鮮，有青口 ，蝦，魷魚，味特別，配咖哩食都可以夾到。原個椰青大菜糕黎到十分大個，椰青似極多 ,啖啖椰肉，大菜糕爽口，椰味重有甜同鹹味 ,調味好，食完油膩野岩哂。整體各樣菜色好有特色，價錢不貴，十分推薦

女朋友話掛住泰國，想話返餐正嘅泰菜回味一下，聽friend介紹話呢間餐廳嘅泰菜做得唔錯又唔貴，於是就嚟試下入到去環境好闊落，好好坐，人流都好多，建議book 定位。價錢唔算貴，菜式嘅選擇都好多，剩係魚都幾種煮法。泰式青咖喱（牛肉）$88咖哩香而不辣，滲透著椰香味，送飯食一流。除左牛之外，仲有雞同豬可以選擇。牛肉大塊得嚟唔會韌，而且份量有好多。另外佢嘅泰國茄子都好好食，脆卜卜。燒西冷牛扒 $118牛扒本身調味唔會太濃，食得出嘅燒肉味，再配埋醬真係好惹味，同埋烤到大約7成熟，唔會太熟，保持到唔錯嘅口感。椒鹽軟殼蟹 $78軟殼蟹炒得好香口，口感外皮酥脆，裡面保持到彈牙軟身，配搭埋足料嘅香料，好有驚喜。冬陰公海鮮炒飯 $88海鮮炒飯非常足料，有青口、魷魚、蝦，啖啖都會有好多配料，絕對唔係得幾粒，而且食得出好新鮮，海鮮好爽口。大大梳魷魚，正啊。蕉葉烤盲曹 $128平時啲明爐烤魚食得多，今次試下蕉葉烤。魚被蕉葉包住烤，裡面釀左好多香料，魚汁保存曬係入面，魚肉keep到嫩滑。原個椰青大菜糕 $68嚟到尾聲梗係要食返個甜品啦，用椰青載住大菜糕，而糕身都有切好左嘅椰肉片，食起嚟啖啖肉好方便好滿足。總結：

同朋友出尖沙咀行街之後，想食東南亞菜式，就揀左新泰。餐廳環境舒服，座位寬敞。我地都睇左好耐餐牌，好多選擇，價錢5x -8x, 海鮮1xx-2xx，其實都好合理。 點左最鍾意既豬頸肉粉嫩粉嫩，好多片，肉質唔乾加上醬料，非常惹味鴨肉生菜包比普通肉碎包更鮮味粉量都好多，好抵食燒烏頭魚原條上一開已經香噴噴魚肉鮮甜帶小小咸味岩哂用來平衡剛食完豬頸肉（既罪惡感）飲埋菠蘿沙冰涼透心又醒胃其實越夜越多人，越熱鬧幸好我地早來，走個陣門口都多人等新泰真係幾抵食，下次屋企人飯局可以再來。

又黎到同同事happy lunch既時候 忽然間好想食泰國野之前成日都經過呢間餐廳 但一直都無入去食過(因為要行樓梯落去hahaha)同埋之前一直都覺得呢間餐廳望落去好似好貴去到原來唔貴 價錢係TST黎講非常reasonable 叫左個椰香海鮮粉絲 做到應該要做既野 粉絲唔會太淋 有椰香 但海鮮應該係用雪藏Staff服務非常好 眼睇亦有泰國人 唯一挑剔 餐具可以更乾淨