新泰東南亞餐廳

營業中

休息中

泰國菜一直係生活不可缺少既菜系，今日去左K-11對面既《新泰》試一試，係門口已經裝修得好泰國風，有架迷你嘟嘟車可以打卡，落到樓下原來別有洞天，座位幾多，裝修走泰國宮殿風，大概12:20去到都已經8成滿座。．燒豬頸肉份量好大，每片都大大片而且肥瘦剛好仲燒得有少少燶邊，配上泰式酸辣醬，唔會太辣，開胃小菜．鴨肉生菜包一般生菜包都係雞肉/豬肉，好少會見到炒鴨肉，生菜好新鮮大大片，鴨肉炒得好香而且好乾好惹味，唯一係偏辣少少，但食食下又會想繼續食．冬蔭功 (小)上榙時已經好香，有原隻大隻同草菇非常足料，一個細既份量都可以分到大概4碗，酸辣好平均，唔會偏酸或者偏辣．泰式蝦炒金邊粉賣相好吸睛，用蛋漿整左個大罩罩住啲金邊粉，金邊粉方面都好足料，芽菜每條都好飽滿，金邊粉都炒得好入味，大蝦亦都好彈牙，可以再encore．芒果沙冰食辣野必點，成杯都好杰身，啖啖都芒果味，而且好夠凍

今日婆婆同奶奶生日，我地計劃黎到灣仔新泰東南亞餐廳，今次係我第二次食，果然冇令我失望，阿媽同奶奶仲食得好開心，我地一早訂咗位，環境好寬敞，果日人流唔多，我地叫嘅嘢食好快上菜!

好耐冇食泰國嘢啦，真係好懷念去泰國好平咁食泰菜嘅日子，喺香港好似真係好難搵到一間正宗嘅泰國餐廳，朋友今日就推薦咗呢間新泰，佢話佢嘅泰國菜正宗，可以媲美真係泰國餐廳☺️🫶🏻 咁我都決定聽佢推薦試一試😊首先我哋試咗個午餐，真係非常之抵，70幾蚊就有個好大嘅pad Thai 🤍☺️ pad thai炒得好好食！味道剛剛好又唔油 🫶🏻講緊仲要係包野飲！我就加錢要左個龍眼冰🤍 另外加$28都可以再要其他小食，我就加咗飛天通菜～～ 估唔到$28都幾大碟 同朋友share🖤軟殼蟹米紙卷🤍 佢塊皮薄身而彈牙 軟殼蟹都炸得好香脆 唔會話擺得太耐太淋🫶🏻值得一試呀！鹽焗爐魚☺️ 呢個都係朋友最愛同埋大力推薦嘅一道泰菜 🤍 佢話咁樣食魚會好入味 食到魚嘅香甜 仲要好滑身 佢又真係幾識食冇介紹錯～🤍 魚都算好大條 兩個人share好飽！泰式生蝦 呢個真係要係有質素嘅餐廳先敢食☺️🤍 見呢間環境衛生唔錯，所以就決定試吓 ～ 生蝦鮮甜新鮮又大隻！正🫶🏻最後叫埋個芒果糯米飯，做甜品🖤 呢度既就係普通糯米同埋黑糯米！重點係上菜既時候仲係暖暖地🫶🏻

呢間尖沙咀人氣嘅泰國餐廳都唔係第一次食，今次再encore試吓其他新野，果然一樣有水準，環境依然舒適闊落，又有泰國feel,長期多人排隊唔係冇原因泰國街邊豬肉串$68豬肉串又香口又軟稔，配埋酸辣汁一齊食，果然風味十足蜜糖燒肋骨$88聞到好香嘅焦香蜜糖味，燒肋骨皮脆肉嫩，好香口馬拉盞通菜$75有鑊氣，連埋蝦乾炒香噴噴，調味料辣辣地好惹味椰青沙冰$58上面係creamy 混有椰奶嘅冰沙，下面係新鮮鮮甜嘅椰青水，冰涼加creamy清甜嘅層次，係夏天消暑完美嘅搭配

想試呢間泰國菜好耐，今次終於有機會同朋友收工嚟食。雖然係平日，但依然好多人等位，令我更加期待。最後等咗大半個鐘，終於到我哋。打開個餐牌，完全唔似係尖沙咀餐廳嘅價錢，當然要等上菜先知抵唔抵食。最後我哋兩個人，叫咗五個餸，同兩個椰青，完全食唔晒，印象最深刻係青咖喱羊架，生熟程度啱啱好，好腍又香，有三大件厚肉羊架，竟然只係百幾蚊。冬陰功都好好飲，係偏甜嘅，啱晒我口味。兩個人埋單大概$600 ，係尖沙咀以呢個價錢食到咁豐富又好食嘅泰國菜，超值

之前次次經過都有好多人排隊竟然行過見到冇咩人 即刻落咗去食(⁎⁍̴̛ᴗ⁍̴̛⁎)舖頭門口擺設有個篤篤車 可以坐上去影相成個環境都幾舒服 好似真係去咗外國旅行咁而且好多外國人 堅似去左外國(*≧ω≦)價錢唔算話好平 但係呢個地段嚟講又覺得唔差喎唔太貴而且嘢食都好食-小食拼盤 $218有3樣炸物 分別係蝦餅 魚餅 春卷 每樣4粒再加肉碎生菜包 蝦餅炸得好脆 蝦膠好彈牙忍唔住食左兩舊(*≧ω≦)魚餅都炸得岩岩好 有小小冬陰功湯嘅味道 好開胃春卷就有小小油 不過都唔差(⁎⁍̴̛ᴗ⁍̴̛⁎)生菜包嘅肉碎辣辣地 唔會太辣 大概有10塊左右嘅生菜-日本南瓜焗海鮮飯 $118成舊野又幾得意(⁎⁍̴̛ᴗ⁍̴̛⁎)海鮮唔多唔少 有蝦 青口 魷魚 仲有南瓜粒但係冬陰功味嘅飯 飯唔算太硬所有嘢撈埋一齊食 正！-飛天通菜 $75因為個名好似幾特別幾型就(識飛嘅通菜哈哈哈哈) 叫咗嚟食唔會太油 菜夠爽 用咗豆辦醬黎炒有小小辣椒絲 整體嚟講都OK(⁎⁍̴̛ᴗ⁍̴̛⁎)-越式蟹肉炒粉絲$98粉絲有鑊氣 唔油唔乾 蟹肉份量算多配埋小小辣嘅札肉豆芽 同酸甜嘅東南亞汁全部食落又幾好食(⁎⁍̴̛ᴗ⁍̴̛⁎)

今日黎到尖沙咀心血來潮食下泰國野😍見到門口幾大間又有做lunch set就入去睇下啦同朋友兩個人叫左一個set lunch 既泰式金邊粉配飛天通菜share～個phat thai調味本地化左 無咁辣同比較甜味突出D🥰係面頭加埋青檸汁就更加清爽～當然一個set唔會夠分啦～我地又試左佢地兩款小食: 泰式生蝦咁經典既菜式看似簡單，但都反映到餐廳對食材既敏感度既掌握～呢個生蝦當然係好好食🤣配搭泰式辣汁同蒜片辣椒一齊食好過癮！芒果軟殼蟹米紙卷比較少見，味道又出奇地幾融洽🤭我地又叫左個馬來西亞肉骨茶share～個湯雖然叫左small size但都幾足料👍🏻👍🏻排骨有5-6件。味道上藥材味適中易入口，唔會有飲緊中藥既感覺🤣鹽焗魚可以揀烏頭/鱸魚，我地就揀左鱸魚試試～賣相相當靚仔😍外層嘅魚肉吸收左魚皮表面嘅鹽，唔使點醬已經好夠味、內層嘅魚肉就吸收左香茅嘅香味，兩者相輔相成非常出色😍😍甜品我哋就試咗芒果糯米飯，呢間舖頭嘅芒果比較清甜清新，而糯米飯係熱辣辣咁上嘅，口感真係無得彈🥰

中午永遠都是都市麗人頭痛唔知食乜好K11對面的泰國菜望落都唔錯，系地庫，人流都幾多🛋環境：燈光幽暗，服務員身穿東南亞style衣服，令人感覺真系身處泰國甘，沙發位比較矮，主打放鬆享用但上菜速度都幾快。🍽食物：lunch有幾款唔同的單人餐，也有二人餐同四人餐。我們叫了4个單人餐追加小食。上菜速度都算幾快，食材都新鮮。小吃份量都ok，炸串比較辣。焗飯一般，粉絲好味，金邊粉都一般，咖喱鷄正常。總體都正常唔難吃😂

想試好耐既尖沙咀泰國菜😋每次都見到大排長龍，今日終於有機會放工收早，可以入去一試究竟😎,雖然都只係坐大枱無卡位😔不過都已經好滿足，入面非常闊落，整個氛圍都有泰國既特式🇹🇭餐單一如所料有好多選擇，揀左我成15分鐘先捨得落單🐟青檸鱸魚 $168鱸魚新鮮，帶有清新既青檸風味🍋質感細嫩，多有細骨要小心咀嚼，加上有少少香矛蒜蓉辣椒🌶️感覺有少少似酸菜魚🤣同時熱騰騰既魚加上滾燙燙既爐又帶有滿滿既泰式風味，越食越開胃🤪另外仲有湯比我地隨時添加，幾貼心🐙南瓜焗咖哩海鮮 $148上碟好震撼，大大個南瓜🤩濃郁既咖哩汁入面混合左蛋香味，完全唔辣，岩哂我！材料有青口、蝦、魷魚、魚柳、椰菜，醬汁完全融入左海鮮入面🤤(尤其係隻蝦🦐)口感豐富，最後加上甜香南瓜蓉，互相配合，香味撲鼻，另加蒜蓉包蘸醬食，風味十足😋🍞蒜蓉包 $32脆口惹味，用黎蘸咖哩汁食一流，即使過左半粒鐘都仲條脆，有4瑰👍🏻🥬肉碎生菜包 $72肉碎有少量檸檬酸味，加上辣辣地勁開胃，好味！而生菜係我食過咁多間泰國餐廳最靚既生菜，全鮮綠無黑點而且脆口挺身，可惜既係數量唔夠😭要每一份都加大量肉碎，最後變左食淨肉碎，如果多幾塊生菜我可以食哂🤪🥥椰青沙冰 $58

同同事聚餐。餐廳闊落，坐得舒服，泰國菜質素唔錯，整體樣樣都好食，服務幾好。炒金邊粉好香，造型幾靚，青咖哩雞同黃咖哩軟殼蟹好惹味，串燒同豬頸肉好香脆，泰式甜品拼盤，款式幾多，好味。

新泰東南亞餐廳係一間以泰國菜為主打的餐廳，我最近親自去咗佢哋嘅幾款招牌菜，包括麵包焗咖喱軟殼蟹、鳳爪沙律、泰式炒什菜、泰式乾炒牛河同埋泰式炒花蛤。首先，麵包焗咖喱軟殼蟹，真係令人驚喜。蟹肉鮮嫩多汁，配上香脆嘅麵包屑同辣味嘅咖喱醬，味道真係好正。咖喱嘅香氣同辣度啱啱好，好好咁融入埋一齊。呢道菜嘅味道好豐富，平衡得恰到好處，真係令人好享受。鳳爪沙律係一道涼拌菜，鳳爪脆口有彈性，同埋清爽嘅蔬菜一齊食，口感好豐富。調味醬有微微嘅酸甜同辣味，增加咗呢道菜嘅層次感。呢道鳳爪沙律唔止味道鮮美，仲帶嚟一種涼爽嘅口感，好適合夏天食。泰式炒什菜係一道綜合蔬菜嘅炒菜，蔬菜保持住佢哋嘅新鮮度同脆度，炒得剛剛好，仲保留住佢哋嘅自然風味。調味醬有泰式嘅酸辣味，令整道菜更加開胃。呢道泰式炒什菜係一道營養豐富同美味嘅菜式，啱晒素食者同埋鍾意蔬菜嘅人。而泰式乾炒牛河係一道肉食愛好者嘅至愛。牛肉切得好薄，炒得好滑嫩，同埋寬薄嘅河粉完美結合。加埋青豆同蔥花，增加咗顏色同口感。呢道菜嘅香氣好濃郁，味道鮮美，真係令人口水直流嘅主菜。最後，泰式炒花蛤係一道以新鮮嘅花蛤為主角嘅菜式。花蛤肉質鮮嫩彈牙，帶有海鮮的甜味，與泰式調味料的

係尖沙咀K11附近有間泰國餐廳長期都好多人等位，我成日經過都好想去食🤣但見咁多人都係覺得Book 左位先去穩陣D,就係今日我成功book到位去食🤓menu 款式好多，多到影唔哂比大家睇😂基本上泰國主食飯麵類、串燒、各款小食、咖哩、沙侓等都有提供✨肉碎生菜包豬肉碎生菜包必定係泰國菜熱門菜式之一🤤肉碎香辣惹味配埋檸檬葉炒，味道酸辣非常開胃清新，生菜翠綠非常新鮮口感爽脆✨南瓜焗咖喱海鮮賣相非常吸引🤩大大個南瓜盅😍海鮮配料多到滿瀉，有生菜，青口，南瓜，蝦，魷魚，魚柳再配埋香甜帶點微辣既黃咖哩，正呀🤓值得一題係呢款咖哩混合左蛋液，令到口感味道更加香甜滑溜配埋蒜蓉多士食，真的食唔停口😋✨ 椰青沙冰出面少見既椰青沙冰🤤🤤原隻椰子上超有誠意👍🏻本身會覺得少貴，但相比椰汁冰飲兩啖就飲完，椰青冰冰真係抵飲好多，而且又唔甜又解渴😋整體而言，餐廳食物質素環境都屬於中上級，所以每次經過咁多人等位真係唔係無原因🤣我覺得好啱一大班人一齊食

weekend同老公仔去尖沙咀拍拖，想食泰國菜，經過見到間門面都幾靚下嘅泰菜餐廳。店鋪要落一層，占嘅面積都幾大下。我地5點半到，冇咩人，唔洗等位，但到左六點幾就慢慢開始多人，7點就開始要等位。餐廳菜式都好豐富，我地點左個無骨鳳爪，份量啱啱好，酸酸味味，作為開胃前菜一流。主食叫左個泰式牛肉炒河粉，份量十足，牛肉有牛肉味，夠滑，河粉同平時食嘅牛腩河唔一樣，佢大塊好多，成碟河粉熱辣辣，鑊氣十足，而且超級好味，唔似乾炒牛河咁重色。叫左個麵包焗假日軟殼蟹，想食軟殼蟹超耐，而且第一次食用麵包焗嘅，賣相好吸引，咖喱味啱啱好，而且加左雞蛋係咖喱汁度，有些小蛋香。軟殼蟹炸到好脆，有肉，加埋咖喱一齊食好正。另外仲叫左個炒蜆，食落冇沙，每粒蜆肉都好飽滿，加埋d泰式汁簡直係絕配，第一次試。蔬菜叫左個炒什菜，一樣份量足，一樣好有鑊氣，有椰菜，有菇，有玉米筍，有芥蘭。

見尖沙咀呢間泰國菜好似好高人氣就去試下雖然裝修好靚，不過野食其實普普通通，無話特別好食🤣📍泰式海南雞飯正常泰式海南雞飯，份量都Okay，油飯都算多，但雞就冇咩特別，反而個湯幾好飲📍馬沙拉咖喱雞飯可以揀豬／雞／牛，都算有唔少雞，成碟飯份量都多，可惜係咖哩唔特別，同平時食快餐啲咖哩差唔多味道📍跟餐飲品跟餐會送咖啡或茶，加錢就有特飲，今次試椰汁冰，都幾有香濃椰子味，但叫左少冰都係有好多冰，唔太抵

食過非常多次嘅泰菜咁耐以黎都係咁full一定要book位先黎食‼️.🌟馬拉盞通菜 $75炒得好有鑊氣👏調味辣辣地幾惹味.🌟泰式海鮮濕炒河 $88海鮮有魷魚🦑芥蘭 紅蘿蔔🥕粟米 菇類河粉似腸粉 好有口感炒到有幾舊燶左🙈.🌟泰國街邊豬肉串 $68豬肉串好軟腍👍👍調味好香.📍 新泰東南亞餐廳 (尖沙咀)尖沙咀加拿分道25-31號國際商業信貸銀行大廈地下1A號舖及地庫