新泰東南亞餐廳 (太子集團中心) (已結業)

约了朋友在這間泰菜店共聚，環境怡人，裝修充滿了泰式風情，静静地，很舒適。友人說，這間中價泰菜質素幾好，先來是蝦喇沙，配以米線，我好鐘意食喇沙，－來先嚐湯頭，一股充滿蔥頭香茅的香味伴以椰奶，蝦的鲜味又微甜辣的喇沙湯頭，真的講好鮮味惹味，配以滑滑的米線比油麵更好吃，加埋鮮蝦和索湯的豆腐卜，令喇沙更囗感豐富，湯做得相當好，乃靈魂所在。再吃蒜蓉炒貴妃苗，其實真並不知道是什麽來頭的菜，但食落好嫩，無草味，很淡雅清新的菜味，很喜歡。再奉上的是碳燒豬頸肉，不會很乾，仍保留肉汁，吃時很香囗，肉有用香料醃製過的，泰式酸辣汁非常好吃，它令豬頸肉更提鮮，更惹味。冬陰功是吃泰菜例牌菜，當然正，這店很正宗。加上新鮮的椰青和不錯的服務，評價很好耶！

同朋友去尖沙咀食飯，想搵下啲泰國餐廳見到呢間都算多人收藏評分唔錯！就試下佢啦打去訂台已經聽到一口流利既泰文，心諗都應該正宗泰菜😎😎👍🏻可惜人數少 佢係無得book, 要walk in(得大台先可以book)7點上到去，可能係平日，所以都唔洗等位環境幾好！唔算太靜或太嘈我地落order見到係泰國人，點知佢又識聽廣東話😂😂兩個女仔食，唔算叫好多野生蝦必食個汁係幾好味、但得6隻就唔夠我食😂馬拉盞椰菜仔 味道都好正常泰餐味道！之後有叫個紅咖哩鴨再點印度薄餅但汁好好味😋不得不提個薄餅幾出色👅👅夠鬆軟生菜包都正佢生菜都算多，份量岩岩好同埋啲肉碎比起平時其他餐廳，啲青檸同辣味重啲岩哂我地啲重口味人士野飲我就叫左薄荷特飲，少少失望薄荷味又唔重，似水🤦🏻‍♀️之後甜品太心急食哂，無影到個芒果糯米飯但佢都熱辣辣 好好味！推介

今日同女友人行海港城， 行到攰想揾野食但就發現海港城好多餐廳都試過同都無乜特別.. 我地越黎越嘴刁. 後黎佢無啦啦話想食泰國野, 我一間諗唔到尖沙咀邊度有就問朋友啦. 朋友就介紹左我去北京道太子中心既呢間新泰. 佢介紹話價廉物美喎. 咁我地就叫左香芒軟殼蟹米紙卷，椰汁青檬雞湯，蒜蓉炒貴妃苗，巴東牛展，越式肥牛湯河同埋串燒羊肉.. 我想講椰汁青檬雞湯真係好正..佢有d冬蔭功既感覺但又唔辣得黎又清清地咁女友人超鍾意.個蒜蓉炒貴妃苗都唔錯D苗好嫩囗好好食..個巴東牛展有d咖哩牛腩feel都唔錯..個串燒羊肉就無咩酥味幾彈牙,最後加埋碗越式肥牛湯河就真係岩岩好飽晒啦.. 佢成間餐廳都充斥著泰國味道連d服務員都係泰國人黎.. 好有地道feel啊..

收工又唔知食乜好，咁於是就返尖沙咀睇吓有冇咩好食，其實一路都有留意一間東南亞嘢食㗎啦，不過就從來都未有試過食，於是就諗住今晚過去試吓啦咁，一開頭已經見到佢哋啲裝修就好特別啦，好有東南亞嘅感覺啊咁，入到去搵位坐低啲位置都好舒服。我哋要嗰幾個餸生蝦刺身真係每次食東南亞菜必愛嘅餸，水準當然一樣啦個辣汁都係辣到人飛起！椰菜仔炒得勁好食，好少有蔬菜我係食到停唔到口㗎！Pad Thai又靚又好有質素馬沙文牛腩，唔係好辣但又好香口，加埋蒜茸包一齊食係勁正！再講就係嗰個椰青沙冰啊真係好特別張夜青加埋沙冰你整成件事好好飲啊！會再返來食多幾次!

同朋友久違嘅一聚，決定去尖沙咀睇下有咩好野食～結果經過新泰餐廳，就被佢門口嘅tuktuk吸引左😆📸入到去發現地方幾大，裝修幾靚，好有泰國特色，而最重要係，座位十分舒適，卡位仲有放置cushion👍🏻我地嗌左好多野食～✨香芒軟殼蟹米紙卷米紙好煙韌，芒果酸酸甜甜，中和咗軟殼蟹嘅油膩，食落幾開胃😋✨泰式生蝦蝦肉爽口鮮甜，每一隻都好大隻，配埋酸辣汁好惹味！✨鴨肉生菜包第一次用鴨肉肉碎做餡，感覺幾特別，但略為辣左啲，加埋新鮮生菜食就岩岩好。✨馬拉盞通菜一上枱已經香噴噴，調味得宜，有陣陣鹹香味！✨麵包焗咖哩軟殼蟹軟殼蟹炸得好香脆，外層麵包亦都外脆內軟，點咗香濃嘅咖喱汁，非常入味😋✨蜜糖燒肋骨肋骨燒到脆邊，但又唔會好乾身，表面嘅蜜糖甜甜地，肉質好嫩滑，有豐富油脂同肉香味！✨冬蔭功湯（小）湯底非常濃郁，材料十足，有兩隻半邊蝦、新鮮草菇、唔同香料，酸酸辣辣，正！✨芒果糯米飯有黑糯米同白糯米，上枱時仍然保持微暖，椰漿非常香甜，芒果亦清甜爽口，三種口味一齊食，真係超級夾！整體黎講，十分滿意哩餐晚餐！值得推介！

好耐冇食泰國菜 朋友推介左呢一間試試店員好多都係東南亞人 店舖環境幾好Menu都好多選擇 但兩個人食唔到好多叫咗泰式炒河 鴨肉紅咖喱 馬拉盞通菜 加個印度薄餅 全部菜份量夠 唔會細細碟泰式炒河乾濕度適中 幾有鑊氣 不過同泰國口味有少少分別紅咖喱鴨肉份量亦都好足 另外個紅咖喱汁幾好味 唔辣 應該再叫多份薄餅點晒啲汁 馬拉盞通菜係食泰菜必點 都冇失望 唔會過鹹整體來講成餐都好滿意 最後買單岩岩好300 下次黎應該叫多幾個人 咁就可以試多d

與友人聚餐 想到泰國菜 便想起了這餐廳 友人說這餐廳晚餐時段要等位子 所以先打電話訂位了到了當天 星期日的晚上 居然不滿座 限制用餐時間本為90分鐘 但因為不滿 所以沒有要我們還枱 很好《燒豬頸肉》分切得挺厚的十片豬頸肉 每一片也十分爽口 十分入味 調味剛好 不會太鹹 正《泰式菠蘿炒飯》不是原菠蘿上 總覺得不夠味道😅但炒飯也十分香菠蘿味 亦有椰汁香 當中有幾隻大大的蝦球 十分新鮮 超級爽口 《咸魚炒芥蘭》吃芥蘭已有濃濃的咸魚味 菜亦十分新鮮爽脆 吃得十分滋味《香芒軟殼蟹米紙卷》每次吃米紙卷亦覺得其質感十分有趣 煙煙韌韌的 包裏著鬆化口感的軟殼蟹 一點也不油膩 更有牛油果 令其味道更清新3人只吃4道菜已滿足 每碟挺的 吃完十分滿足 人均$150 挺不錯

同事想食泰國野 今日又係星期五 咁就搭車過尖沙咀～呢棟大廈都好似幾多選擇 但我地已有目標 直上八樓Lunch set價錢都係100樓下叫左3樣野Share 加8蚊有特飲 我叫左椰汁冰😋😋😋不過就偏甜～野食黎得好快蟹肉炒粉絲 普普通通啦 蟹肉都係普通貨仔 唔新鮮冇咩味跟住有冬蔭公湯粉 個粉都幾好食 唔辣仲有肉碎炒飯 同事最愛～三樣入面呢個最好味 但就油膩少少喇最後仲有甜品仔送 八十幾蚊tst食個Lunch又有甜品 happy fridayyyy

我都幾喜樂食泰國🇹🇭菜咁岩朋友係沖繩working holiday完返黎咁就帶佢黎食下其他菜式啦！呢間之前媽媽生日都黎過‼️見我再黎就知呢間食得過啦‼️😌😙😋✨✨✨✨✨✨✨✨✨✨👇🏻椒鹽軟殼蟹 $78👇🏻串燒（雞、牛、豬）6串 $88👇🏻馬拉盞通菜🌶 $72😋😋😋😋😋

上到黎好有泰式風味，連侍應都係泰國人～一黎就叫左個香芒軟殼蟹米紙卷($88), 總共有8件咁多，夠哂食，個米紙好柔軟，入面有牛油果，如果軟殼蟹再脆啲會更好，點埋酸汁食好開胃。呢個係蒜蓉炒貴妃苗($75), 貴妃苗好翠綠新鮮，炒出黎唔油，而且唔咸，有清香嘅蒜味，大大碟好抵食。我地揀左個椰汁青檸雞湯 ($138), 鍾意酸味又唔食得辣嘅一定唔可以錯過，個味似走辣嘅冬蔭公湯，酸味十足，有少量椰汁味，青檸同雞湯味濃，最重要係入面啲雞肉好滑又入味～超好飲。巴東牛展 ($88), 個咖哩好香，牛展嘅口感似牛腩，整體都好味！串燒羊肉 ($88), 燒得唔錯，不過醬料味蓋過左羊肉味。肥牛湯河 ($68), 一黎已經聞到個湯底好香，一試不得了，超香超好味！個河粉係好幼帶透明嗰種，索滿啲湯一齊食好滿足～但肥牛就偏熟，份量亦好多，抵食！

呢間泰菜定位係中檔次的，但價錢同食物質素都幾抵食，我都好推薦比大家。.叻沙蝦米線 (推薦指數︰) $75我係其他分店都食過呢個米線，呢度的質素都可以keep到。呢個米線最出色我地方就係個湯底，個湯係香(又椰香、又有少少curry味)，仲可以飲tim，一D都唔咸，但係又好好味！將個湯同埋米線一齊食，好出色！.紅咖哩鴨  (推薦指數︰) $88紅咖哩個汁其實做得好好，唯一美中不足係選擇得鴨同菜，咁我就叫左個鴨來try try，點知又幾好食喎！加埋蒜蓉包真係一流。不過要注意，一定要快D食，因為凍左差左DD。.泰式明爐盲曹 (推薦指數︰) $188呢度有兩個選擇︰烏頭同盲曹。咁當然係盲曹好食好多啦，而最重要的係兩個都係一樣價錢，即係話就算揀盲曹，都唔洗加錢。盲曹真係滑好多！好正！.芒果沙冰 (推薦指數︰) $38飲得出係有用新鮮的芒果肉，同埋唔係死甜，都係我飲過的芒果沙冰的頭十位！同埋佢地都打得好綿！.

每次朋友話想食泰國菜🇹🇭我都會推薦呢間，口味貼近泰國當地，而且又好食，之前食過都會想再食🤤門口已經好有泰式風味，而且員工有唔少泰國人🇹🇭小食叫咗串燒，有雞、牛、豬選擇，而我雞、牛各3串，配上醬汁十分惹味🤤肉質十分鬆軟，牛肉都唔會太硬，岩曬朋友share👍🏼值得一試再試之一係呢個叻沙蝦米線🤤湯底十分濃郁，米線🍜索盡湯底精華🙌令人食唔停泰式明爐魚🐟我地揀咗盲曹，肉質軟嫩同滑，下面真係有火🔥避免燒乾，已經一早準備好一碗湯可以倒進去魚味十分鮮甜，酸甜味道挺開胃，有唔同嘅香菜配搭🤩店鋪另一搶眼地方係有半隻象，唔少人會打卡店鋪都幾多人，建議可預約或者早d上去最後甜品仲叫咗芒果糯米飯🥭椰汁暖暖地🥥襯落去好好食😻有兩隻唔同色嘅飯，個人較鍾意黑糯米多d😻十分滿意

今日放工同同事食中秋節飯老闆都想食泰國野同事之前食過新泰覺得唔錯就決定食佢我就第一次食位於尖沙咀k11附近都幾易搵泰式野黎講 意想不到裝潢都幾靚我地人多就入左大房食大房入面有三張大枱都適合人包場用我叫左個椰青椰肉好易畢又好食食物都叫左好多個生菜包都幾辣而且幾惹味但馬拉盞油左少少可惜嘅係我唔太食得蝦所以有d冇試但同事都話唔錯椰青水都夠清甜可惜嘅係我唔太食得蝦所以有d冇試但同事都話唔錯整體黎講呢間都ok唯獨廁所好細感覺唔算太乾淨不過出邊環境絕對係靚嘅

香港開嘅泰式餐廳普遍味道都不錯，唔想食得太清淡個陣都會食下泰式菜、越南菜。係尖沙咀放工後係網上搜尋咗一陣後，決定試下呢間泰國餐廳，見到評價都不錯咁。-越式蝦米紙卷蝦肉感覺唔係特別彈牙，米紙卷正常水準，都做到軟糯煙韌嘅口感。米紙卷通常都有一個細碟裝住酸辣汁比客人點嚟食，呢款都唔例外。蘸上酸辣汁後米紙卷更開胃，但食食下突然會覺得好苦，可能係食到入面啲香料葉，拎走後好食好多。-奄列海鮮炒飯印象中我第一次食呢種奄列，蛋皮好薄，薄到帶有透明感。質感仲有啲似腐皮，食落幾得意，但唔太食到有蛋香。炒飯幾香，米飯係入味，但略嫌炒得唔夠乾身。最欣賞有配肉鬆，拌飯一流。-椰青沙冰呢個沙冰都幾巨型，幾乎係每枱都會點，所以我地都唔執輸試下。沙冰堆得頗滿，入口冰涼帶清新椰子香甜。有耐性嘅朋友飲完可以自行挖下椰子肉嚟食。

新泰是我近來食過CP值最高的東南亞餐廳。餐廳開業至今已有5間分店，灣仔和尖沙咀各有兩間，最近還在馬鞍上開了新店，港九新界都插了旗，估計假以時日，一提起最好食最耳熟能詳的東南亞美食必定有它上榜。 這日下班與爲食男友來到尖沙咀北京道太子集團中心分店。八樓電梯開面迎面便是餐廳招牌。   晚上時間非常滿座，但翻檯時間算快，大概等待10分鐘便能入座。   點一碟新鮮爽口的生蝦作爲前菜，幾乎是我每次光顧東南亞餐廳的指定動作。生蝦肉質必須爽口，有霉味或者腍身的話，立刻出局，一碟定生死。除了蝦要夠新鮮，其醬料更加不能馬虎，酸甜適中，蝦肉加了點醬料味道會更升華。這一碟生蝦符合了我所有的要求。   通常都是點原個椰子，但餐廳居然有椰子沙冰，椰汁打成沙冰，應該也加了一點椰奶，顯得更香濃，口感更冰涼！  這個泰式炒椰菜仔 ($95)，夠火候，椰菜仔新鮮爽口。  馬沙文咖喱$98, 有牛腩和羊肉選擇。我倆都嗜牛，所以選了牛腩。牛腩腍身入味。   本來只點了一碗白飯來送咖喱。但咖喱汁實在太好食了，忍不住立刻加單點了一份薄餅。   這個Pad Thai做得精緻，把交叉蛋網鋪在面頭。   Pad